كيفية تقفيل الانجليزى ( نحن حزب طلاب المنتدى )

[aya kamal]

المشاركة الأصلية كتبت بواسطة هاجر 2009

انت يا ايه حلك صح ماعدا اول واحده هتبقى isnot it وليس isnot is

سورى يا هاجر انا اتلغبط فى الكتابة بس انا عارفة انها isn't it

[aya kamal]

المشاركة الأصلية كتبت بواسطة usernamo

اهلاً بيكى يا ساسو ^^

يا جماعه و انا فى غاية الاسف اقول للاخوة الجزائريين هارد لك على ماتش مالاوى و كويس انها جت على تلاتة بس ( انا كنت بتفرج على الماتش ) بعيط ( من الضحك طبعاً ) و اقولها بكل اسف اكلتوا تلاتة و ان شاء الله من مالى هتاكلوا و من انجولا تاكلوا و ترجعوا بإذن الله الى بلادكم الشقيقة واكلين و احب اهنئ الاخوة المالاويين الاشقاء العرب على المباراة اللى لعبوها و هما نايمين و كسبوها 3 لعبكم كان هيل بصراحة بالذات الهدف الاول الاسطورى العيب شفطها مغنطيس خبطت فيه راحت للتانى ضرب شقلباظ و شاطها جون ^^

محدش يبقى عبقرى و يترجم اللى فات ده انا بس بعزى الاخوة الاشقاء الجزائريين

انا بصراحة ما اتفرجتش على الماتش بس عرفت ان الجزائر خسرت
ودى حاجة فرحتنى جدا
وان شاء الله ربنا يخسرهم على طووووووووووووووول

[aya kamal]

انا هنزل انهارده كلمات ترجمة يا رب تفيدكم
Progress التقدم
Prosperity الرخاء
Welfare الرفاهية
Flourishing انتعاش
Renaissance نهضة
illiteracy امية
Extremism تطرف
Unemployment بطالة
Starvation مجاعة
Famine مجاعة
Deviation انحراف
Terrorism ارهاب
Undergo يعانى من
Suffer from يعانى من
Addiction ادمان
بس كدة كفاية انهاردة.....

[doc_toto]

والله ياجماعة شغل جامد اخر حاجة انا متابعة على طول بس مش بلاقى جديد اقوله لانكم قايمين بالواجب وان شاء الله ربنا يوفقكم وشكرا كتير كتير على المجهود الرائع

[mera_mar21]

المشاركة الأصلية كتبت بواسطة aya kamal

انا بصراحة ما اتفرجتش على الماتش بس عرفت ان الجزائر خسرت
ودى حاجة فرحتنى جدا
وان شاء الله ربنا يخسرهم على طووووووووووووووول

لالالالالالالالالالالالالالا يا جماعه مش عايزين شماته مهما حصل احنا اخوة غصب عن اى حد
المهم انا عايزة اعرف ايه معنى المصطلح what is what who is who
ياااااااااريت حد يقولى

[usernamo]

المشاركة الأصلية كتبت بواسطة ميراسعد

لالالالالالالالالالالالالالا يا جماعه مش عايزين شماته مهما حصل احنا اخوة غصب عن اى حد
المهم انا عايزة اعرف ايه معنى المصطلح what is what who is who
ياااااااااريت حد يقولى

اخوة o.O راحت فين الاخوة لما ضربونا فى السودان انا مش معترف ان فيه اخوة انا لما كنت فى الكويت كنت بتشتم عشان انا مصرى و لما بابايا راح تونس برده كان عاوز يأجر عربية زى بقيت الخلق تعب جداً عشان حد يرضى يأجرلوا عربية عشان بس هو مصرى !!!! و النبى يا ميرا متفكرنيش بالمواضيع دى عشان انا طول عمرى مش معترف ان فيه اخوة عربية و مش هتبقى إلا لما ناخد على دماغنا كلنا كده نتجمع بقى ساعتها

و مش هقول غير : نعيب زماننا و العيب فينا ..... و مال لزماننا عيب سوانا

و اقرئى اخر بيت شعر فى قصيدة صدام :
عفواً إذا غدت العروبةَ نعجةً.....وحماةُ أهليها الكرام ذئابا

اما بخصوص المصطلح اللى انت كتباه مش عارفه بصراحة ولا اخدته قبل كده و لا فى اى كروس او دراسة سواء A level او O lever

[usernamo]

المشاركة الأصلية كتبت بواسطة aya kamal

انا هنزل انهارده كلمات ترجمة يا رب تفيدكم
progress التقدم
prosperity الرخاء
welfare الرفاهية
flourishing انتعاش
renaissance نهضة
illiteracy امية
extremism تطرف
unemployment بطالة
starvation مجاعة
famine مجاعة
deviation انحراف
terrorism ارهاب
undergo يعانى من
suffer from يعانى من
addiction ادمان
بس كدة كفاية انهاردة.....

فعلاً رائع مية مية يا اية ( انا كنت عارفلى منهم 5 او6 و الباقى تحفة و هكتبهم فى الاجندة ) ^^

[aya kamal]

دى جمل ممكن تستخدمها فى البارجراف وتبدا بيها الموضوع وهى عبارات ظريفة زى
* It is crystal clear that ...... من الواضح تماما ان
* It can't be denied that .....لا احد يمكنه ان ينكر ان
* It goes without saying that ....غنى عن البيان ان
* There is no doubt that ......مما لا شك فيه
* I don't exaggerate when i say that .....لا ابالغ عندما اقول ان.
* It is known that / Everyone knows that .... من المعروف ان - الجميع يعرف ان
* I reveal no secret when i say that..... لا افشى سرا عندما اقول ان
* عاوز تعطى مثال ابدا جملتك ب for example ....
* عاوز تعطى مثال داخل الجمله استخدم such as او like
انا كدة خلصت الجمل ويارب تستفادوا منها فى كتابة البارجراف

[ساسو2010]

جزاك الله خيراً على الجمل دى بجد حاجه جامد
يلا ترجموا القطعة دى
woman won their independence years ago .after a long struggle
they now enjoy the some educational opportunities as men in
most parts of the world . they are proved that they are equal to
men in almost every field

[supers]

السلام عليكم
الاول انا عايز ادخل معاكم فى الحزب
تانى حاجة الترجمة
حصلت المرأة على الحرية منذ سنين. بعد نضال طويل تمتعوا ببعض فرص التعليم مثل الرجال فى معظم اجزاء العالم .هم اثبتوا انهم مساويين للرجال فى معظم المجالات.
اى خدعة Waiting more ...... ^^

[aya kamal]

المشاركة الأصلية كتبت بواسطة supers

السلام عليكم
الاول انا عايز ادخل معاكم فى الحزب
تانى حاجة الترجمة
حصلت المرأة على الحرية منذ سنين. بعد نضال طويل تمتعوا ببعض فرص التعليم مثل الرجال فى معظم اجزاء العالم .هم اثبتوا انهم مساويين للرجال فى معظم المجالات.
اى خدعة Waiting more ...... ^^

طبعا يا supers دة شئ يسعدنا ان انت تدخل معانا فى الحزب
وبجد هتستفاد جدا من الموضوع
بس اهم حاجة تشترك معانا فى الموضوع وتكون متواجد على طول\
ونشوف نشاطاتك معانا

[mera_mar21]

المشاركة الأصلية كتبت بواسطة usernamo

اخوة o.o راحت فين الاخوة لما ضربونا فى السودان انا مش معترف ان فيه اخوة انا لما كنت فى الكويت كنت بتشتم عشان انا مصرى و لما بابايا راح تونس برده كان عاوز يأجر عربية زى بقيت الخلق تعب جداً عشان حد يرضى يأجرلوا عربية عشان بس هو مصرى !!!! و النبى يا ميرا متفكرنيش بالمواضيع دى عشان انا طول عمرى مش معترف ان فيه اخوة عربية و مش هتبقى إلا لما ناخد على دماغنا كلنا كده نتجمع بقى ساعتها

و مش هقول غير : نعيب زماننا و العيب فينا ..... و مال لزماننا عيب سوانا

و اقرئى اخر بيت شعر فى قصيدة صدام :
عفواً إذا غدت العروبةَ نعجةً.....وحماةُ أهليها الكرام ذئابا

اما بخصوص المصطلح اللى انت كتباه مش عارفه بصراحة ولا اخدته قبل كده و لا فى اى كروس او دراسة سواء a level او o lever

انا هسيبنى من حكايه الاخوة العربيه علشان مو ضوعه طويلل وشيق
المهم المصطلح ده ذكره مستر فى موضوع هنا بس الحقيقه مفهمتش يقصد ايه يااريت حد يشوفه ويقولى شكراااااااااااااااااااااااااااا

[aya kamal]

المشاركة الأصلية كتبت بواسطة ساسو2010

جزاك الله خيراً على الجمل دى بجد حاجه جامد
يلا ترجموا القطعة دى
woman won their independence years ago .after a long struggle
they now enjoy the some educational opportunities as men in
most parts of the world . They are proved that they are equal to
men in almost every field

ميرسيه يا ساسو وانا ان شاء الله هبقى انزل تانى
وادى الترجمة اهى

حصلت المرأه على الاستقلال منذ سنوات . وبعد صراع \ معاناه طويله اصبحوا الان ان يتمتعوا ببعض الفرص التعليمية مثل الرجال فى معظم انحاء العالم . و اثبتوا انهم متساوين للرجال فى تقريبا كل المجالات

[ساسو2010]

برافوا عليكى يا اية انتى والعضو الجديد ترجمتم صح

[supers]

ميرسى يا شباب قصدى ثانكس ^^
و انا استفدت يا ساسو لانى قلبت كتير فى الصفحات
Merci Guys OH!!! I mean Thanks
and I already benefit Saso because i surfed the pages