`·.¸¸.·¯`··._.· (رابطه كليه الحقوق جامعه اسيوط) `·.¸¸.·¯`··._.·

[النصر لله]

انا اول مره اسمع ان icdl لو الواحد مااخدهاش يطلع بيها كماده انا الللى اعرفه انها ضرورى جدا
وعلى فكره الناس اللى ماسجلت فى مركز الحاسبات لكليه الحقوق لازم تسجل النهارده قبل بكره
والمركز ده بيكون مفتوح من الساعه9ص الى 11ص تسجيل ومن 11ص الى 1بعد الظهر بيطلع ورقه تثبت انك سجلت وبعد كده انت بتاخد الورقه دى وتدفع جنيه واحد فقط
اما موضوع انك تاخد الدوره من الجامعه اومن بره ده براحتك
ولكن الدوره فى الجامعه مجانا وبتخلصها بعد اسبوع واحد بس وبيكون معاك الشهاده بعد اسبوع وده طبعا احسن من وجه نظرى علشان الوقت انها بتخلص بسرعه وده( بسب انها هتكون كل يوم ولمده اسبوع من 9الى12 وهنخلص كل يوم ماده وهنمتحن كل اليوم على الماده اللى لسه واخدها امبارح مثلا وبكده هتكون المعلومات لسه فى دماغك )
ولكن لو عايز تاخدها برده براحتك ولكن هتاخذها فى 4شهور او3شهور اوشهرين او شهر واحد وده بيكون حسب مكتب الكمبيوتر اللى هتاخذ عنده

[شروق احمد]

انا سألت الدكتور معمر وقولتله لو متى اخذت الدوره ايه اللى يحصل قاللى هتطلعى بيها كماده علشان هتنزل فى الشهادة وطبعا هيتحتلى صفر ده والله اللى فهمته من الدكتور وقاللى برضو اللى هى هتستغرق اسبوع بس انا نزلت الجامعه يوم الاتنين وسألت المركز قاللى دى كانت منحه وخلصت يعنى للاسف الدوره مش هتخلص فى اسبوع

[النصر لله]

المشاركة الأصلية كتبت بواسطة شروق احمد

انا سألت الدكتور معمر وقولتله لو متى اخذت الدوره ايه اللى يحصل قاللى هتطلعى بيها كماده علشان هتنزل فى الشهادة وطبعا هيتحتلى صفر ده والله اللى فهمته من الدكتور وقاللى برضو اللى هى هتستغرق اسبوع بس انا نزلت الجامعه يوم الاتنين وسألت المركز قاللى دى كانت منحه وخلصت يعنى للاسف الدوره مش هتخلص فى اسبوع

انا اسفه لوكنتى فهمتى انى مش مصدقه انا فعلا اول مره اسمع المعلومه دى منك وشكرا لكى على تفاعك معلش عايزه اعرف يعنى ايه(كانت منحه) اصل انا والله سالت يوم الاحد والمستر اللى هناخذ معاه الدوره قالى انها هتستغرق اسبوع واحد هما كل يوم براى ولا ايه ربنا يكون فى عونا ومعانا ان شاء الله

[ديدو الغلباوى]

ان شاء الله لو ربنا عطانى العمر لبكره رايح اللكليه هشوف ايه النظام الدوره دى وان شاء الله هقولكم على كل اللى اعرفه وربنا يسهل كل عسير وتحياتى للجميع

[Mahmoud_Nassar]

السلام عليكم

اولا ربنا يكرمكم جميعا على كل المعلومات دى ..

ال انا جايبه انهاردة مش شرح لنظام التدريب والامتحان وكدا .. دا شرح لكيفية التسجيل ..
ال انا اعرفه ان التسجيل بيبقى من عالنت بتدخل عاللينك دا
بتاع موقع وزارة الاتصالات وتكنولوجيا المعلومات قسم الرخصة الدوليه لقيادة الكمبيوتر
وندخل على Regestration او التسجيل يعنى ..
عشان نسجل وبنكتب بيانتنا بالتفصيل زى ماهو مطلوب بالضبط وبجدية تامة ..

* بنراعى فالخانة بتاعت اعلى مؤهل نختار حاصل على الشهادة الثانوية /او مايعادلها


* وبنراعى كمان فى خانة الحالة الوظيفية نختار طالب بالمرحلة الجامعية- الجامعات الحكومية


بس وبنكمل باقى البيانات عادى وبنختار المحافظة اسيوط ومكان الامتحان اسيوط برده
وبنضغط بعدين تسجيل بيظهر لنا رقم واستمارة كدا بنطبعها وبنروح بيها على الشئون نسلمها
وبكدا نكون سجلنا .. ولو فى حد مش هيعرف يعمل الموضوع دا ، او صعب عليه، او معندوش طابعة فالبيت..
ممكن يعملها فى محل كمبيوتر برا وبعدين يطبعها ..
ياما يشوف فالشئون ولا فى المركز ال بتقولو عليه دا يمكن يكونوا بيعملوا الموضوع دا هناك ..

.دا بقى مش شرح نظام التدريب زى ماقولت ..وانما دا شرح لكيفية التسجيل .
وربنا يوفقنا جميعا .. قولو امين

[ديدو الغلباوى]

منور المكان والمنتدى كله يا ابو نصار يا حبيبى شكرا على المجهود الرائع يا باشا بس الرابط مش شغال على فكره
برضو انا غبى منه فيه

[شروق احمد]

المشاركة الأصلية كتبت بواسطة النصر لله

انا اسفه لوكنتى فهمتى انى مش مصدقه انا فعلا اول مره اسمع المعلومه دى منك وشكرا لكى على تفاعك معلش عايزه اعرف يعنى ايه(كانت منحه) اصل انا والله سالت يوم الاحد والمستر اللى هناخذ معاه الدوره قالى انها هتستغرق اسبوع واحد هما كل يوم براى ولا ايه ربنا يكون فى عونا ومعانا ان شاء الله

هو قالى كده اللى فى المركز بس تقريبا يقصد بيها انها كانت مجانا وهما فعلا بينزلوا قرارات لفتره محدده من فضلكم اللى عنده معلومات جديده عن الدوره ابقى يقول

[Bogy Elsayed]

انا نازل الجامعه السبت هاحضر محاضره الاقتصاد وبعد كده عاشوف كل المعلومات دى الصح واللى مش صح وربنا يوفقنا جميعا

[شروق احمد]

الورقة اللى بتملى فيها البيانات دى بقى بيخدوها ويسجلو البيانات على النت بس علشان تعرف المكان اللى هتمتحن فيه فى الكليه حسب رقم الجلوس دى بالنسبه للى هيدرب او يمتحن فى الكليه اما لو هتخدها بره يبقى مفيش تسجيل ماعليك غير تديهم الشهادة اللى تاكد انك امتحنت

[tiko_999]

حد يقولنا الخلاصه
علشان لو فى نزول الجامعة
ننزل وننتهى من هذا الموضوع

[tiko_999]

الصراحة الاعضاء ( شروق احمد ) و ( النصر لله ) قايمين بمجهود غير عادى
انا بشكرهم على هذه المعلومات

[ديدو الغلباوى]

يعنى الصراحه شروق احمد والنصر لله عاملين مجهود فوق الرائع الف شكرا ليكم على المجهود ده ولكم منى فائق الشكر والاحترام والتقدير

[شروق احمد]

لا شكر على واجب وتحياتى للجميع

[النصر لله]

ربنا يخليكم والله انا مش بعمل حاجه انا تحت امركم فى اى حاجه اعرفها وبعدين هو ده هدف الرابطه اللى احنا فيها اننا نستفاد من بعض وعموما انا ان شاء الله هروح الكليه يوم السبت وهجبلكم الخلاصه من الموضوع ده
ومره تانيه انا تحت امركم

[tiko_999]

اتفضل يا استاذ (ديدو الغلباوى ) الرابط
بعد اذن الاستاذ محمود
طبعاً

http://www.icdlegypt.gov.eg/Index_ar.aspx