اى حد داخل هندسه الازهر بنات القاهره يتفضل بالدخول لو سمحتم

[م.الزعيم]

معلش يجماعة هو اى قسم اول سنة بتكون فيه بتكون غريبة شوية على ما تعرفوا النظام
- والله يامهندسة ياسمين حصل معايا موقف مع ال كتور عبد ربه مش عايز اخوفكم بيه
بس نظام الدكتور عبد ربه مريح جدا هو بيتعمد فى امتحاناته على مبدا ( اجب قدر المستطاع) يعنى الامتحان كل المسائل من الكتاب وبنفس الارقام بس طويل جدا متقلقوش منو خالص
الرسم انتوا بنفسكم هتيجوا تقولوا فى نهاية الترم ده اننا مخدناش رسم وخمس لوح ده فعلا انا فاكر اننا كنا سبع لو او اقل هو بس اهم حاجة فعلا تعرفوا رسمة المسمار على فكرة انا خفت ارسمه فى الامتحان ومش رسمت الا قليل وجبت جيد
لا دوائر ترم اول وترم تانى بس مرتبطين ببعض جدا زمان كانت الدوائر ممتمدة بس احنا اول دفعة يقسموا الدوائر فيها
الدكتور حمدى محترم جدا وهيفيدكم بس تابعوا معاه فى المحاضرات وانا قلت ان المادة دى جميلة وهتعرفوا ان جمع
1+1=0

[yasssmine]

انا الحمد لله لقيت طريقه بسيطه لرسم المسمار على اللينك ده http://www.sciencesway.com/vb/showthread.php?t=15452
قولولى ايه رايكم

[قطوف دانيه]

يا بشمهندسين ممكن سؤال انا مجموعى بالظبط 625 والهندسه من621.5 يا ترى هدخل مدينه على امتى كده وجزاكم الله خيرا

[yasssmine]

المشاركة الأصلية كتبت بواسطة قطوف دانيه

يا بشمهندسين ممكن سؤال انا مجموعى بالظبط 625 والهندسه من621.5 يا ترى هدخل مدينه على امتى كده وجزاكم الله خيرا

ازيك يا هبه عامله ايه ايه يا بنتى فينك مش شوفتك فى الكليه انا دورت عليكى بس انا نعرفش اسمك هبه ايه لقيت ناس كتير اسمهم هبه ابقى انزليلى انا فى المدرج ال تحتك وانا الوحيده ال اسمى ياسمين
بالنسبه للمدينه ان شاء الله تدخلى على اول 11 كده ما تقلقيش وربنا يوفقك

[م.الزعيم]

والله كويس انك هتدخلى على 11 كده اعتقد ان عندنا هيدخلو على 22 كده
معلش يجماعة هى اول ايام الدراسة بتكون صعبة على ما نظبط نفسنا على الوضع الجديد
ربنا يوفق الجميع ومعلش هيقل دخولنا علشان السفر

[م.الزعيم]

ايه ده ياسمين
الطريقة دى لرسمة المسمار حاسس انها صعبة انا فاكر انى كنت برسمه بايدى
غالبا هتحتاجة تقفلى حاجات بايدى مش شرط الادوات دايما بس تقفليها صح
وانا اعتقد انك اول ما هترسمى اول لوحة هتلاقى الموضوع سهل

[قطوف دانيه]

جزاك الله خيرا طيب عندى سؤال كمان انا ان شاء الله هقدم للمدينه يوم الاحد ممكن تققوليلى هاخد معاى فلوس قد ايه؟

[yasssmine]

لا يا هبه التقديم مش بيكون بتدفعى فيه فلوس لان ده تقديم للدخول وانتى لسه ما قبلتيش لما تتقبلى واسمك ينزل ساعتها بقى ابقى خدى معاكى 500 جنيه كده وان شاء الله لازم اشوفك فى الكليه

[م.الزعيم]

ينهار ابيض هيا بقت 500 جنيه
وده للترمين ولا ترم واحد ياسمين
اختنا هبة حاولى تقابلى ياسمين فى الكلية علشان تفهمك ومش تتعبى كتير
ربنا يستر

[yasssmine]

ياااااااه من زمان يا هندسه السنه ال فاتت كانت 484 جنيه والسنه دى 540 ايه انت مش سكنت مدينه ولا ايه طبعا للترمين
والله انا بنزل كل يوم لبتوع اعدادى بس تعبت بقى خلاص اصل ليهم مدرج فوق وواحد تحت وانا فى النص فيبقى بقى ال عايز حاجه منهم ييجيلى ويقول بس فين ياسمين انا بس ال فى الدفعه ياسمين صح ولا انا غلطانه

[eng refa3y]

ازيكم يابشمهندسين ويابشمهندسات

معلش على عدم المشاركه
لان النت عندى كان فوق العقيم
كان وحش جدا
بدأ يفتح النهارده اخيرا


يااارب تكون السنه جميله على الناس كلها

بالنسبه للدكتور حمدى يا ياسمين
لو هو بتاع الرياضه
معرفش هو ولا فى واحد غيره

الراجل ده محترم جدا
كل اللى بيطلبوا المحاضرات وحل الشيت
الامتحان مخرجش منهم

وكمان فى ساعات كده بيدى مسائل واجب دى مهمه جدا
وبيهتم بالغيااااااااااااااب
وبياخد اسماء الناس اللى شغاله معاه
امتياااز على طول
انا جبت امتيااز فى الرياضه مع انى كان عندى سؤال كامل غلط
لكن خطوات الحل مظبوطه لكنى خرفت فى المسأله
بس عشان كنت كل الشغل بتاع طول السنه انا كنت فيه

فخد امتياز عشان كده
الغياب
لو بيحل مسأله وبيقترح حل فرصه فكروا معاه واللى بيوصل للحل بياخد اسمه وياخد الامتياز
والمسائل اللى بيديها واجد طبعا الناس تقول ياراجل واجب ايه هو احنا اطفال
لكن المحاضره التانيه تكون المسأله دى محلوله بالالوان بقى وحاجه نظيفه كده
زنعمل اللى علينا
وربنا يوفقنا


بالنسبه للرسم بقى
اللوحه بتاعه الصواميل دى هى ارخم لوحه موجوده لانها ممكن تكون معقده شويه
لكن بعد كله هتلاقوا الصاموله والمسمار حاجه صغيره كده فى الرسمه
مش باين لها تفاصيل
هتلاقوها بعد كده تعملوها بمنتهى البساطه
مش قضيه ياعنى
المهم بس تفهموا ازاى تركبوا الرسمه
هى دى المصيبه كلها
اللى يعرف يركب خلاص كده الف مبروووك ليه
واللى مش هايعرف هايفضل قاعد جنب الرسمه مش عارف يبدأ منين

ومهم جدا ترسموا الرسمه كروكى كده بره خالص عشان تعرفوا حدود الرسمه وايه اللى ظاهر فوق
وايه اللى هايتحط جوه
وكده ياعنى


هو ده المهم
الصمواميل هتلاقوها حاجه هايفه كده الدكتور اساسا مش هياخد باله هى معموله بالقوانين ولا معموله ازاى
هو عينه على الرسمه الكبيره دى صاموله ايه اللى يبحلق فيها




وبالنسبه للجيش يا ياسمين
الجيش قال اتصرف
مسمعتيش عن المثل ده قبل كده

[eng refa3y]

بالنسه بقى للصاموله
اقولكم انا كنت بعملها ازاى بالظبط
اللى بيعرف يعملها الكلام اللى بيقولوه ده يطنش للكلام اللى بقوله

هتكون عندنا فتحه فى الرسمه اللى عندنا اللى مطلوب احط فيها مسمار
لنفرض 15
اقوم ادى طول المسمار
وراسه بقى اديله 15 كمان
7.5 يمين
و7.5 شمال
بقت عندى راس المسمار تلات اجزاء
7.5 يمين 7.5 شمال 15 فى النص اللى هى 7.5+7.5
بالبرجل بقى واعمل الاقواس اللى قوق
لحد اما يبقى شكلها مظبوط
وبعد كده هتلاقوا المسامير صغيره هاتعملوها بايديكم

ده بالنسبه للمسقط elevation

كطب ال plan
لو عملتelevation اطلع بعواميد واوصل هلاقى المسدس بقى مظبوط

طبي انا مرسمتش الراسى هعمل ال plane ده ازاى

عادى خالص اشوف نصف القطر قد ايه واسمه على اربعه
واخد خط افقى للدايره
اقسم الخط لاربعه بالبرجل طبعا او الديفايدر اى ان كان
واخد عواميد هاتقطع الدايره فى نقط
اوصل اضلاع المسدس وكل سنه وانتم طيبين

الموضوع سهل مجرد مره ولا مرتين هتلاقوا ايديكم بتعملها لوحداها


اما بالنسبه للجانبى ده مفيش اسهل منه
ارتفاع راس الصاموله من الراسى
عرض راس الصاموله من الافقى
انا الحقيقه كنت مكنتش ببصص على ال plane خالص
انا كنت بسيب حبه مين وحبه قدهم فى الشمال
واخد خط فى النص وخلاص


الفرق بقى بين راس المسمار والصاموله
ان راس المسمار الاقواس ها تتعمل من جهه واحده وهى اللى فوق ويتقفل بيها المسمار
اما الصاموله حته من المسمار هتعدى الصاموله
ولاقواس دى هتتعمل من الناحيتين



والصوره اللى ياسمين جابتها دى مبينا كل حاجه ياريت تشوفوها

[eng refa3y]

هى دى الصوره اللى فى الموقع اللى ياسمين جابته
يارب أكون افدتكم ولو حاجه بسيطه

[كوثركوكو]

ياجماعه حد فى معهد صيانه او فى هندسه بنين عوزين نسئل عن موضوع مهم فيه واحد فى المعهد مش حضر السنه الاولى خاااالص ولا اى امتحان كمان كده لو دخل السنادى تقديره هيخده كامل ولا لا ولو هيخده ناقص ينفع يحول من معهد الصيانه الى معهد التركيبات ولا لا فى حين ان باب التحويل قفل افيدونا

[كوثركوكو]

بصو ياجماعه وخصوصا ياسمين حكاية الظم دى كبيره ان احنه نقولهه لان احنا مش فهمين او بنحاول منفهمش الحكايه انتم عرفينهه الاولاد ليهم ام كلية طب على مستوى مصر طيب البنات ليهم كام كليه اذن اكيد وبتاكيد تنسيق طب بنات يكون اعلى اذن احنا نطالب بانشاء كليات طب بنات بعدد كليات طب بنين حتى لو كان عدد الكليات الطب بنين 1 او2 او3 او...... فهمنى طبعا زيهه قيسو كلية هندسه وتنسيقهه وزيهه صيدله وزيهه اسنان وزيهه علوم فهمنى ولااى حد عاوز استفسار اخر عن الموضوع اوكلام خليه ويوجهه لانشاء عدد من الكليات بنات مساويه لكليات البنين مفهوووووم طبعا اذن مش فيه ظلم في تنسيق البنات فيه ظلم في عدم وجود كليات بنات بنفس عدد كليات بنين ياااارب اوك افدت مش ضلللت