|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
16-09-2008, 11:37 AM
|
||||
|
||||
انا مش هازود حاجة عن الردود اللي قبلي رغم اني عايز اقول كلام بس انا مهما قولت مش هاقدر اوصلك الإجابة زي الدكتور مصطفى محمود باسلوبه الجميل
انصحك تحملي الكتاب ده حوار مع صديقي الملحد حجمه 280 كيلو بايت واسلوبه جميل عبارة عن اسئلة بتدور في عقل الواحد ــ لما بيفتكر ان ليه عقل اخيرا  ويعد يفكر ــ واجاباتها ان شاء الله , تاني سؤال هتلاقي اجابة سؤالك بإذن الله بس اقرأي الكتاب كله عشان هتلاقي اسئلة تانية ليها علاقة بسؤالك.. ده صغير بلاش كسل
|
|
#2
16-09-2008, 05:48 PM
|
|||
|
|||
|
يا جماعة م الاخر افهموا الموضوع والله بسيط جدا ومافيهوش شئ محير ولا حاجة لان ديننا الاسلام مافيهوش اي الغاز
اولا الانسان مخير في كل عمل سيؤدي به الي الجنة او الي النار ومسير في بعض الاشياء مثل عدم اختياره لاسمه وامه وابوه واقاربه وشكله ولون بشرته وهكذا طيب جميل اوي لحد كده ... واحد بقي يسألني ويقولي طيب ازاي ربنا محدد من البداية انا مصيري ايه وبعدين يعاقبني؟ ماهو اللي اختار؟ اتعاقب انا ليه بقي؟ اقولك يا حبيبي أولا سمعت قبل كده عن ملك الرحم؟ لو ما سمعتش عنه فهو ملك من الملائكة ربنا عز وجل خصصه للجنين في الرحم يسأل هذا الملك ربنا عز وجل ويقوله يارب اكتب لهذا الجنين شقي أم سعيد فيقول الله شقي مثلا.... او سعيد لماذا قال الله ذلك وهل هذا اجبار علي هذا الشخص وتسيير انه يكون شقي او سعيد بدون اختيار منه؟؟؟؟؟؟؟؟؟؟ طبعا لا كل الموضوع ان ربنا عز وجل عرف بعلمه السابق ان انا مثلا همشي في حياتي غلط وهختار الشر فكتبلي اني شقي مش ظلم منه حاشا لله تعالي ده وصف ليا مش اكتر ربنا عرف مسبقا اني عاصي مثلا فكتبني شقي عشان هو عارف اني هختار بنفسي وبكامل قوايا العقلية طريق الشقاء بدون ما حد يجبرني علي حاجة كل الموضوع ان ربنا عرف قبل ما يخلقني انا هختار ايه فكتب ده ليا في اللوح المحفوظ لكن في الدنيا انا مخير وانا اللي بختار طريقي كله من اوله لاخره وعشان كده في جنة ونار وثواب وعقاب يا جماعة هيا معادلة لازم نوزنها صح لازم تحط في بالك اوي موضوع القدر وان ربنا مقدر كل شئ وف نفس الوقت انت لك حرية الاختيار ولو مش مصدق قوم افطر النهاردة يوم في رمضان حد هيمنعك؟؟؟؟؟؟؟ او كمل النهاردة صيام يوم من ايام رمضان حد برضه هيمنعك؟؟؟؟؟؟؟ فهمتو حاجة؟
__________________
|
|
#3
16-09-2008, 08:10 PM
|
||||
|
||||
|
بصي يا ترافل بأه عشان دماغي ماتلفش والنور كل شوية يقطع
 انا عايز اقولك حاجة قدرك مش كأنه دورك في فيلم وانتي بتنفذيه هنفترض العكس .. ممثلة قامت بدور في فيلم بعد كده جه المخرج وكتب دورها والأحداث اللي هي عملتها هو قدرك كده بالظبط .. بس الفرق ان ربنا سبحانه وتعالى علام الغيوب عرف ان انتي هتعملي كذا وهتحتاري شوية وتفكري بعد كده تكملي علمي فكتب ذلك عنده قبل مانتي تتولدي اصلا يعني زي ما أستاذ sharshar قال ده وصف لحياتك وأفعالك فالاستخارة مابيتنش قدرك ولا حاجة انتي بتستخيري ربنا عشان يلهمك انهي ممكن يكون احسنلك علمي ولا أدبي ممكن بعد الاستخارة تستريحي للعلمي بس في الآخر تدخلي أدبي بردو فاهمة قصدي ؟؟ ------------------------------------ تاني حاجة بأه .. دلوقتي انتي شايفة ان انتي مهما عملتي وفكرتي وكنتي خلاص هتعملي كذا وفي الآخر غيرتي رأيك ..... مش دليل على أنك مخيرة وشايفة ان ده كله عشان قدرك طيب دلوقتي انتي مسيرة في تفكيرك ؟؟ لما فكرتي وقولتي لأ انا كده مش مخيرة ده انا مسيرة وده مكتوبلي من الاول ده كله كنتي مسيرة ؟؟ وربنا اجبرك تفكري في كده عشان ده قدرك ؟؟ ــ انتي بتقولي انا بافكر عشان اوصل لقدري .. وعشان يمشي زي ماهو مكتوبلي ده كلام غلط 100 % .. ليه .. لأنك زي ما قولت فاكرة ان القدر كأنه دور مخصص ليكي وانتي بتقومي بيه وده غلط عشان زي ماقولنا قدرك ده وصف ليكي بيتحقق عشان استحالة علم الله هيطلع غلط .. يعني انتي مش محددة بقدرك لأ انتي بتتصرفي بحرية تامة وتصرفك بيوافق قدرك المكتوب فقط لأن ربنا علام الغيوب استحالة هتعملي حاجة ربنا ما كانش عارفها ومش كاتبها في كتابك مثال تاني ومعلش ع الاطالة ابنك مثلا وانتي عارفاه وعارفة تفكيره .. وجه في الثانوية العامة كان محتار بين العلمي والأدبي فانتي قولتيلي ايه .. هيعد يفكر كتير وفي الآخر هيقرر يدخل علمي بردو .. انتي اجبرتيه في كده .. ولو توقعتي انه هيعمل كده لأنه ابنك وانتي عارفاه وهو قرر كده بحرية تامة .. نفس الحكاية بس ربنا علمه اكيد مش توقع معلش تاني ع الإطالة انا كتبت افكاري من غير ما اراجعها وارتبها وحاسس ان كلامي مش مفيد بس يا رب تكوني فهمتي ع الأقل 50% من اللي عايز اوصلهولك وياربت بردو تقرأي الكتاب بتاع دكتور مصطفى محمود |
|
#4
16-09-2008, 08:28 PM
|
||||
|
||||
|
فيه حاجة كمان يا ترافيل عشان ميخطلتش بيكي الأمر
اللي مكتوب ليكي ده بناءا علي شئ عملتيه فعلا واسبقية العلم الإلهي اللي حددها محمد عبده هي اللي بتضيف مفهوم القدر يعني خلاصه القول اي حاجة انتي عيزاها وعايزه تعمليها هتعمليها لو ربنا شاء واي حاجة انتي مش عايزه تعمليها ومش عيزاها هتحصل لو ربنا شاء في غير كدا مش هتم اي حاجة ف اي حاجة ياريت اللي يقول مثال يقول ولله المثل الأعلي
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ !  |
|
#5
16-09-2008, 08:39 PM
|
||||
|
||||
|
اقتباس:
لان لو دورت في الفلسفه الإسلاميه هتلاقي اكثر من 8 فرق تناولوا الموضوع وحصل تكفير لكل منهم للاخر وده يدل ان الموضوع له كذا وجهه نظر ومش بسيط لان كلمه بسيط تعني السهل الواضح وضوح الشمس  واللي مش بيحتوي علي جوانب كتير - للعلم فقط -
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ ! |
|
#6
17-09-2008, 01:41 AM
|
||||
|
||||
|
انتوا واجعين دماغكوا لية
انتوا معندكوش ثانوية زينا و له ايه على العموم انا اعتقد ان الانسان مخير و مسير فى نفس الوقت بس فى حاجات حاجات و الكلام فى الموضوع دة عايز ( على ما اعتقد ) دراسة للفلسفة الاسلامية ياريت اللى يكتب ردود يكبر الخط
__________________
الأختلاف فى الرأى لا يفسد للود قضية |
|
#7
17-09-2008, 04:44 PM
|
||||
|
||||
|
انا هقولك الكلام اللى اختك كانت بتذاكره لانى جبت فى الفلسفه خمسين بسم الله ماشاء الله يعنى
فيه كذا راى فى الموضوع ده واحنا درسنا فيه كتير دا حتى الفلاسفه المسيحين بتوع اوروبا كانوا بيتكلموا فى الموضوع ده بصراحه معظم اراء الاتنين مقنعه انا بقى هجيبلك الراي بتاع ابن رشد اللى رسيوا عليه فى الاخر الشيخ محمد عبده قال راى برضه بس ما علينا خلينا فى ابن رشد ميز ابن رشد بين عالمين فى الوجود عالم الاراده الداخليه(الحاجات اللى انت عاوزتعملها) عالم الاسباب الخارجيه(اللى هى الحاجات اللى بتحصل حواليك) عالم الاراده الداخليه متروكامره للانسان يختار فيه ما يشاء ولكن هذه الاشياء لا تتم ولا تتحقق الا عندما تتوافق مع عالم الاسباب الخارجيه هذا التوافق بينهما هو ما يعرف بالقدر يعنى بالعربى كده انا راجل عاوز اروح اصلى عاوز لاحظى معايا يا ترافيل عاوز ده عالم الاراده الداخليه بتاعى يعنى الجزء اللى انا فيه بختار وبعوز يعنى مع نفسى والله لو انا مش عيان والدنيا مش بتمطر ومفيش اىىىىىىىىىىىى عائق وكل حاجهزى الفل ومفيش عربيه خبطتنى وانا ماشى يبقى كده عالم الاسباب الخارجيه اللى هو بتعاع الجبريه او الجزء المسير اللى هو العالم المحيط متوافق ومش متعارض مع رغبتى فى انى اروح اصلى يبقى خلاص مفيش مشكله وهييقى قدرى انى اروح اصلى واذا انا رايح اصلى عربيه هفتنى مثلا يبقى كده عالم الاسباب الخارجيه ماتوافقش معايا ويبقى القدر النهائى انى ما اروحش الجامع يعنى الانسان لا مسير خالص ولا مجبر خالص ده الموضوع بيبقى شركهاو اتفاق مابين حاجتين انا اسف جدا انى طولت لكن موضوعك ممتع ومش تافه وبجد بجد حبيت اجاوب فيه يارب تكونى فهمتى واذا ما فهمتيش يبقى خلاص مش مهم اتنتى ماتعرفيش انا عانيت قد ايه على ما فهمت
__________________
IAM NOTHING AND EVERY THING |
|
#8
18-09-2008, 03:28 AM
|
||||
|
||||
|
بصى يا ترافل
انا من احلى الحاجات اللى شفتها كان فى موضوع بتاع دوكتور سعيد و انا حجبلك الحته اللى كنتى بتسالى عنها اقتباس:
فى رعايه الله
__________________
 In God's care HaPpiLy eVeR aFtEr |
|
#9
20-09-2008, 11:10 AM
|
|||
|
|||
|
اقتباس:
واسف على تأخرى فى الرد
ولكن لظروف خارجة عنى فى امان الله |
|
#11
20-09-2008, 11:50 AM
|
||||
|
||||
|
اقتباس:
اممممممم
انت اتاخرت اوى يا سعيد انا هدخل يوم 29 رمضان ياريييت تكون نزلت الموضوع بقى لانى لازلت مش مقتنعة برضه ومش لاقية تفسير مخير ولا مسير؟؟
__________________
 عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#12
20-09-2008, 01:56 PM
|
|||
|
|||
|
اقتباس:
من الاخرمش أقدر اقول كلمة مسير والا يبقى الانسان خلق ليه؟ وليه تبقى الدنيا دار العمل؟ يعنى من الاخر بمعنى قريب اوى كل حاجة مكتوبة للانسان لان علم الله المطلق محدد لنا هانعمل ايه ودة بناءا على صفاتنا وسلوكنا وعقلنا وقلبنا والاعلم بهم الله وهو اعلم بهم منا يعنى كل حاجة بتختاريه ماشى بس هى مكتوبالك لان ربنا يعلمها ليكى من قبل ما تعمليها كما الجنة والنار مكتوبة من قبل الخلق وان احدكم ليعمل الزمان الطويل بعمل اهل الجنة فيسبق اليه الكتاب فيعمل بعمل اهل النار فيدخلها والعكس فهمتينى ولا لسة؟ آخر تعديل بواسطة dr.saeed ، 20-09-2008 الساعة 01:58 PM |
|
#13
20-09-2008, 02:09 PM
|
||||
|
||||
|
(يا أيها الذين آمنو لاتسألوا عن أشياء إن تبد لكم تسؤكم) صدق الله العظيم.
اكيد فاهمين الاية دى
__________________
 ......استودعكم الله الذى لاتضيع ودائعه.... ....closed 4 ever
|
|
#14
20-09-2008, 08:14 PM
|
||||
|
||||
|
السلام عليكم ورحمة الله وبركاته
انا كنت ناوي ارد علي الموضوع من فترة بس نسيت بصي يا ستي انا فكر في نفس السؤال دا السنه اللي فاتت ووصلت بتفكيري لدرجة اني بقيت بخاف اتكلم مع حد في الموضوع دا احسن يفكر زيي ويُضل واخد انا ذنبه وفي الاخر سألت شيخ قولتله مش ربنا كاتب كل شئ هيحصل من ساعة ما اتولدت لحد ما هموت و عارف كل حاجه هتحصل قالي طبعا قولتله طيب يبقي ليه الواحد يصلي ويعبد ربنا طالما كل حاجه معروفه من الاول يعني لو ربنا كاتبلي اني اكون عبد صالح هكون من غير ما اجتهد ولو ربنا كاتبلي اكون عاصي هكون قالي طيب انا هقولك مثال بسيط قاله علمائنا القدام الكبار قالي دلوقتي والد قاعد مع واحد صاحبه وانت واخوك روحتوا عشان تسلموا عليه راخ مطلع من جيبه 2 جنيه وادالك جنيه واخواك جنيه روحتوا واخدين الفلوس ونزلتوا علي الشارع والدك قال لصاحبه ان عادل مثلا هيصرف الجنيه كله انما اخوه هيحوشه هو قال كدا علي اساس ايه ؟ علي اساس معرفته بيك انت واخوك قالي هو دا اللي بيحصل بالظبط ولله المثل الاعلي طبعا قالي الله عز وجل عارف عباده كلهم وعارف هما بيفكروا ازاي وعارف انت هتعمل ايه لو حصل معاك موقف معين بس الله سايبك انت تعمل كل حاجه عشان بعد كدا هيحاسبك علي كل حاجه قولتله طيب والرزق مش ربنا كاتبلنا الرزق طيب ليه نشتغل ونسعي ونتعب نفسنا قالي لان ربنا كاتبلنا الرزق ايوه بس معلقه بالاسباب اللي لازم ناخد بيها عشان نقدر نوصل للرزق وهي العمل وطبعا الاهم من كلام الشيخ دا كلام المولي عز وجل ( كل نفسا بما كسبت رهينا) وكتير من الآيات القرآنيه اللي بتوافق حرية الانسان بس وضوعك جميل جدا ويارب اكون قدرت اوضحلك ولو جزء بسيط من الموضوع دا
__________________
نحن قوم أعزنا الله بالإسلام فإن ابتغينا العزة بغيره أذلنا الله( عمر بن الخطاب ) |
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 06:15 PM.
