محطه صراحه(لكلا الجنسين)1

[biob]

المشاركة الأصلية كتبت بواسطة gamal saber

وفى النهاية مغسى بكو على الموضوع دة

العفوو يا جمال
ميغسى ليك انت على صراحتك
نورتنا

[biob]

المشاركة الأصلية كتبت بواسطة tom cruise

1- مش من هواته بس ساعات بدخله لو كان معايا اصحابى يعنى نعمل شله فى الشات ونعمله هيبه

2- طبعا مش انا المستفاد

3- مش فى كل الاوقات

4- جدتى (( حمتها ))

5- المفروض انهم يقعدوا مع اولادهم عشان يعرفوهم من الداخل وليس الظاهر فقط
اما انا الحمد لله اهلى كلهم معايا دائما

ميرسى جدا على الموضوع الجميل ده

وتسلم ايدك

ثانكس توم
اى بريشيات يور اوبينيون
ايه اخبار اخر الافلام

[biob]

المشاركة الأصلية كتبت بواسطة super hero 1993

1- بالنسبة للسؤال الاول احب اكلم ولد
2 -لو هم ادولي 10000 هرفض طبعا
33- هاستني فرصة تانية و ارضهالة
4- هاقلها ستي ( ام امي)
5- اكل وشرب ونوم وساعة ادب كل يوم وهي دي الطريقة اللي انا اطربيت بيها

يا راجل يدولك مين
دا هما اللى عاوزين ياخدوا منك 10 جنيه
الله يخرب بيت اللون الاصفر

[biob]

المشاركة الأصلية كتبت بواسطة بنوته اهلاويه

اقبل مأبدا مش جايلى احساس انه كله صادق بالنسبه لموضوع الشات ده!! انتوا لو معترضين عليه فعلا عاملين ايميلات ليه؟؟
وفيه ووجه نظر بتقول انا مش بكلم غير بعض البنات المحترمين مثلا دى حاجه ممتازه ان الواحد يختار الكويس ..بس انتى ايه اللى عرفك انها بنت ؟؟ ممكن حد بيستعبط

بالنسبه للأسئله انا هجاوب كالاتى:
السؤال الاول : انا بدخل شات بس معظم اللى بكلمهم انا عارفاهم بس لو دخلت انا بفضل اكلم اللى انا عارفاهم عندى ايميلات كتير
ناس مش عارفاهم مش ليا كلام كتير معاهم...عشان كده اول سؤال ملوش اجابه محدده بالنسبه للولاد اللى بكلمهم مهم قرايبى ايه المشكله؟؟



السؤال بتاع الاستنساخ:اكيد هسلف نفسي لانى اكيد هرجع الفلوس

السؤال الثالث:بالنسبه للنكت انا هعديها وده بيعتمد ع الشخصيه اللى بتقول لو شخصيه مستفزه اساسا هرد بس بطريقه غير مباشره
عشان تعرف انها غلطت لو واحده صحبتى فعادى


السؤال الرابع :لو ماما سألتنى هقولها عمتى لان دى فعلا الحقيقه اكل ماما حلو بس انا بحب اكل عمتى


السؤال الاخير :التربيه عمرها ماكانت اكل ولا شرب كلنا عارفين كده التربيه هى ازاى انا الاب والام يعلموا ولادهم اخلاق كويسه تفيدهم فى حياتهم

شكرا يا بنوته على رايك
خصوصا رايك فى موضوع الشات ده

[biob]

المشاركة الأصلية كتبت بواسطة عاشق القلم

اوك

* انا والله في موضوع الشات ده دخلت عليه من زمان وكونت صداقات كتير قوي من الجنسين ودلوقتي معنتش بدخل عليه خالص علشان اخت هدفي اللي هو الصداقه

* لا مش هديهالو علشان انا لا اؤمن بالاستنساخ يبقا ده اكيد حرامي او شحات

*لا هعديها علشان انت قلت بين صحابك وقلت نكته يبقا اكيد انا واخد عليهم وواخدين عليا ودي هزار مش جد

* ماما ياربي على طبيخها اومال انا طلعلي كرش من شوية هههههه ماما دي فظيعه بجد مش مجاملات بس انا احيانا اقلها فاكرة يا ماما الاكلة الفلانيه اللي احنا اكلناها عند فلانه دي كانت تحفه كده يعني واللي بتعرف تطبخ زي ماما واحسن شوية تيته مامت مامتي

* التربية حياه سلوكيات يومية بنفذها في البداية رغم انفي لكن لما اكبر اتاكد انها صح وانا كنت غلط فبكررها واتعود عليها ... بص هو السبب في الواليدن لو هما مش ماشيين على اسس قيمة وتربوية نموذجيه اكيد اولادهم هيطلاعو مش متربيين وانا( الحالة التالته) اللي انا لسه قايلها


يااااااااه الاسئله خلصت مرسي ليك قوي ومنتظريين باقي مواضيعك القيمة

ايه ده يا راجل
كل ده كلام عن اكل مامتك
انا هبتدى اشك انك فعلا بكرش

[biob]

المشاركة الأصلية كتبت بواسطة شوشوة

موضوع جميل واناهجاوب بصراحة
اولا انا مش بحب الشات فى كل الحالات ومش بدخله كتير لكن لما بدخله بكلم اصحابى البنات اللى انا اعرفهم
لانى بنت ومش بسهولة اعرف ان الولد اللى هكلمه صادق
ثانيا انا لا اؤمن الاستنساخ
ثالثا اناشايفة ان الموقف الثالث بيحصلى كتير وانا دايما بعديه سواء كان نكتة او غيره
لان لو احنا اصدقاء بجد لازم نعدى لبعض كتير
رابعا طبعا هقول ماما لان انا شايفة ان ماما بتطبخ كويس جدا
وانا مبكلش من ايد حد تانى غير قليل
خامسا انا صراحة متعودة على ان بابا وماما بيعدوا معانا من ضغرنا حتى فى المذاكرة وانا شايفة ان علاقة الوالدين
بالابناء لازم تكون اقوى علاقة فى حياتهم لانهم اقرب الناس لنا

شكرا يا شوشو على صراحتك
بس انا مش بسال عن رايك فى الاستنساخ لو تلاحظى
احنا بنفترض مش اكتر

[biob]

المشاركة الأصلية كتبت بواسطة Dr.Nobel

[/color][/size]
...............

لالالالالا يا دكتر
انا بعارضك بصراحه
مش شرط اكل الام يبقى احسن اكل
وبعدين ايه يا راجل التوقيعات دى
انت بتاكل بايدك الشمال ولا ايه؟

[biob]

المشاركة الأصلية كتبت بواسطة travel

السلام عليكم :
ازيك biob
عجبتنى اسئلتك بس انت ملقتش لون ميبنش غير كده
المرة الجاية ابقى اكتب باللون الابيض علشان يبقى اوضح اكتر

هذا لمجرد تعريف بقيه الاعضاء بشخصيتك
*انت لو على الشات تفضل تكلم بنت ولا تكلم ولد؟(السؤال لكلا الجنسين)
لو على انه يكون جميع الموجودين بيتكلموا معانا يبقى مش فارقة عادى بس يبقى فى حدود
اما غير كده بحب اكلم بنات بس مبديش ايميلى لحد اللى لو حسيت انها كويسة

*لو استنسخوا واحد منك والنسخه دى طلبت 10 جنيه منك هتديهالها ولا لآ؟ (وانت عارف ان ده يبقى انت)
لا مش هديلهم ولا مليم لو هم هيدونى فلوس يبقى موافقة
بجد هى حكاية الاستنساخ دى ممكن يكون ليها فايدة فى تنضيف الشقة ومساعدة ماما (هتشيل عنى كتيير اوى اوى) وممكن اختى المستنسخة تتكلم مع اى حد على انها انا وياعالم ممكن تعمل ايه؟؟؟

*لو كنت قاعد مع اصحابك وفجأه واحد فيهم عمل عليك نكته بايخه علشان يضحكوا وضحكوا عليك هتتنرفز ولا هتعديها؟
ممكن اعديها انما لو غلاسة اوى اوى ممكن احدف واحدة زيها عليها برضه

*لو مامتك سألتك مين احسن واحده شفتها بتطبخ هتقولها مين؟
هقولها طابعا انتى يا ست الكل (لاغم ان انا احسن منها فى عمل السمك الصينية بس امرى لله)

*(كل واحد دايما يقول انا اهلى ربونى ) هى التربيه دى فى وجهه نظرك اكل وشرب ونوم ولا ان الاب والام يقعدوا كل يوم ساعه مع اولادهم علشان يعرفوهم الصح من الغلط؟(مع ذكر انت اى نوع من الحالتين)

[/color][/b][/center]

لا لا اكل ولا شرب ولا نوم حتى
مفيش الكلام ده لسبب انا النهاردة اول يوم اجازة عملت ايه؟
روقت الشقة كلها ونضفتها (عملت بلقمتى يعنى)
لا ساعات ترفيه وساعات كده
بس فعلا انا بيصعبوا عليا اوى لانهم بيتعبوا جدا مع اخواتى
ادعى لاخواتى ربنا يهديهم ويسمعوا الكلام[/quote]
ابيض
عاوزانى اكتب بالابيض يا ترافيل
ما علينا
الله يرحم الاجازه اللى انتى بتتكلمى عنها دى يا شيخه
اااااااااااه
رجعتينا للذكريات بتاعه الاجازه

[biob]

المشاركة الأصلية كتبت بواسطة دنيا الاحلام

*انت لو على الشات تفضل تكلم بنت ولا تكلم ولد؟(السؤال لكلا الجنسين)انا طبعا افضل اكلام بنات ومش اى بنات يكونوا محترمين
*لو استنسخوا واحد منك والنسخه دى طلبت 10 جنيه منك هتديهالها ولا لآ؟ (وانت عارف ان ده يبقى انت)اولا الاستنساخ حرام وبعدين اتنين منى لا مينفعش
*لو كنت قاعد مع اصحابك وفجأه واحد فيهم عمل عليك نكته بايخه علشان يضحكوا وضحكوا عليك هتتنرفز ولا هتعديها؟لو اصحابى دول بحبهم اوى واقرب اصحاب لية عادى ههازر معهم لكن لو حد تانى مش هرد هاسيبهم هما يحسوا بنفسهم
*لو مامتك سألتك مين احسن واحده شفتها بتطبخ هتقولها مين؟طبعا ماما وفى بردة اختى
*(كل واحد دايما يقول انا اهلى ربونى ) هى التربيه دى فى وجهه نظرك اكل وشرب ونوم ولا ان الاب والام يقعدوا كل يوم ساعه مع اولادهم علشان يعرفوهم الصح من الغلط؟(مع ذكر انت اى نوع من الحالتين)انا مش مع الحالتين بس التربية ان الاب والام يعلموا اولادهم على الفضيله وحب الله ومش شرط يقعدو معهم لا من خلال الموقف الحياتية

شكرا يا دنيا على مرورك
انتى ليه مش عامله مواضيع فى المنتدى صحيح؟

[biob]

المشاركة الأصلية كتبت بواسطة dr.saeed

صراحة
انا عمرى ما قولت كلمة (حرام من وجهة نظرى)
بس ارد انا على الاسئلة الى مكتوبة بخط وجع عينى بجد

وطلب ياريت بلاش الخط دة

طلبك على دماغى يا دوك
شكرا على مرورك يا منورنا

[biob]

المشاركة الأصلية كتبت بواسطة فيفا

بص اولا موضوع الشات ده انا مش بدخل خالص بس مش شايفة ان فيها حاجة لما يكون فى صداقات على الشات وبالنسبه هكلم مين فانا بصراحة ليا راى
والله لو صديق محترم ايه المانع اننا نتكلم واخد رايه فى مشاكل مثلا
انا اصلا مش مقتنعة بموضوع الاستنساخ ده لانه 100/100 حرام
ولو صحابى اوى وانا بحبهم ضحكوا عليا عادى مش بضايق خالص اما لو واحدة انا ماليش
بيها علاقة وعكلت كدة هتضايق طبعا بس مش بعرف ارد عليها وبفضل متضايقة كده مع نفسى
ماما طبعا بجد احلى اكل كلته من ايديها
اما بالنسبه للتربيه انا ماما من النوع اللى مش بيتكلم كتير بس هو سلوك يعنى انا اتعلمت او اتربيت
لانى طلعت لقيتهم كده بيتصرفوا كده فى الموقف ده
وبجد الردود دى بصراحة
وشكرا بجد على الموضوع الجميل ده

شكرا على مرورك يا فيفا
وشكرا على صراحتك
وانا والله مصدقك
انتى على طول صريحه

[الشفق الباكي]

المشاركة الأصلية كتبت بواسطة biob

عليك اما انت تجيب عن كل هذه الاسئله بكل صدق وصراحه او عدم اجابه ولا سؤال

هذا لمجرد تعريف بقيه الاعضاء بشخصيتك

*انت لو على الشات تفضل تكلم بنت ولا تكلم ولد؟(السؤال لكلا الجنسين)
no comment

*لو استنسخوا واحد منك والنسخه دى طلبت 10 جنيه منك هتديهالها ولا لآ؟ (وانت عارف ان ده يبقى انت)
ولا اعرفها انا اجيب بها حاجه ساقعه احسن وبعدين محدش يقدر يستنسخ منى

*لو كنت قاعد مع اصحابك وفجأه واحد فيهم عمل عليك نكته بايخه علشان يضحكوا وضحكوا عليك هتتنرفز ولا هتعديها؟
هضحك معاهم وابين انى ماتنرفزتش واطلعها علياه بقى الحركه دىهتشوف ايام سودا منى بعد كده

*لو مامتك سألتك مين احسن واحده شفتها بتطبخ هتقولها مين؟
هقولها تيته ماهى عارفه انى بحب اكل تيته اكتر اكل علشان كده مش بتسأل

*(كل واحد دايما يقول انا اهلى ربونى ) هى التربيه دى فى وجهه نظرك اكل وشرب ونوم ولا ان الاب والام يقعدوا كل يوم ساعه مع اولادهم علشان يعرفوهم الصح من الغلط؟(مع ذكر انت اى نوع من الحالتين)
التربيه مش اكل وشرب والحاجات ودى ولا ان اهلك يقولولك كذا وكذا التربيه هى سلوك الاهل اللى بيطبع فى ذهن البنت والولد من وهما صغيرين وطبعا شويه كلام مع التصرفات بس يبقوا قليلين لان انهم يبقوا قدوة احسن لما يبقوا موجهين ويدوا اوامر وبس

يالا بقى المحطه من زمان بس مفيش مشكله

[biob]

المشاركة الأصلية كتبت بواسطة الشفق الباكي

يالا بقى المحطه من زمان بس مفيش مشكله

yesssssssssssssssssssssss
اخيرا عملت سؤال ماعرفتيش تردى عليه
احمدك يا رب

[الشفق الباكي]

المشاركة الأصلية كتبت بواسطة biob

yesssssssssssssssssssssss
اخيرا عملت سؤال ماعرفتيش تردى عليه
احمدك يا رب

ههههههههههههههههههههههههههههه
لا هرد

[biob]

طيب ما تردى ورينى
فين ده
مش شايف ردود خالص