اى حد داخل هندسه الازهر بنات القاهره يتفضل بالدخول لو سمحتم

[eng refa3y]

بس اعدادى مفبركتش فيها
غير قليييييييل فى الرسم
اما احس ان الرسمه فيها حاجه غلط
كنت بتصرف انا
الجيش قال ايه ؟؟؟؟

[م.الزعيم]

انا اسف يجماعة على عدم المشاركة بس كانت عندى ظروف صعبة ولسه فايق منها
المهم انا ماروحتش الكلية لحد الان ومش هقدر افيد حد اووى
بالنسبة للرسم هو سهل جدا وهتشوفوا بنفسكم الفرق بين اعدادى واولى
اهم حاجة فعلا المسمار المسمار المسمار المسمار
سلام لانى بجد تعبان

[yasssmine]

المشاركة الأصلية كتبت بواسطة eng refa3y

بس اعدادى مفبركتش فيها
غير قليييييييل فى الرسم
اما احس ان الرسمه فيها حاجه غلط
كنت بتصرف انا
الجيش قال ايه ؟؟؟؟

مش مهم المهم نعرف نرسم الرسم الرخم ده مش عارفه ليه حاسه انو رخم بالله عليكم طمنونى من ناحيه الرسم ده يعنى نظامه ايه سهل ولا ....مش عارفه دكتور شريف دخل شرح المسمار الالوظ والصاموله والجاويط والورده وحاجات كتير وكل رسمه فيها تكات كتير توقع وكركب الدنيا علينا مش عارفه ليه كده من اول محاضره وكمان بيقولنا يدوب خمس لوح معقول هنرسم 5 لوح بس
صحيح يا بشمهندس رفاعى ايه الجيش ده مش فهمه

[eng refa3y]

الف سلامه عليك يابشمهندس
وربنا يعدى الظروف على خير

[نورالحياه]

السلام عليكم ورحمه الله وبركاته
ازيكم يا بشمهندين ويا بشمهندسات وعاملين ايه كل سنه وانتم طيبين بمناسبه الدراسه والبدايه
ويارب تبقى سنه سعيده كده على الناس كلها وكلها خير يارب ازيك يا بشمهندس رفاعى والف سلامه على البشمهندس الزعيم لا فوق وارجع تانى لنشاطك زى زمان كده وكل مهندسين ف التوبيك
انا ف كهربا الحمد لله مع ياسمين بس ايه حساها صعبه شويه والدكاتره يالا ربنا معانا
يعنى عندنا دكتور مهنى بيدينا دواير ودكتور شريف رسم ودكتور المجالات اسمه دكتور علوان تقريبا
وبرمجه دكتور حمدى عبدالحليم برمجه ياريت اى حد يعرف حاجه عن القسم يفيدنا يا جماعه
او عن الدكاتره والنظام وكده واسفه انى طولت عليكم يالا سلام

[eng refa3y]

وعليكم السلام ورحمه الله وبركاته
الحمد لله انا تمام

وربنا يرجعلنا الزعيم بالسلامه
لانه هو اكتر واحد هايعرف يفيدكم

ياعنى عشان كلكم متكهربين

[م.الزعيم]

السلام عليكم
اهلا بيكى بشمهندسة نور الحياة نورتى قسم كهربا انتى والبشمهندسة ياسمين
معلش هتحسوا بصعوبة شوية فى اول السنة بس ان شاء الله هتلاقوها سهلة
بالنسبة للدكاترة
الدكتور مهنى احضرى كل محاضراته واكتبى وراه كويس وباذن الله هتلاقوا الامتحان مش هيخرج كتير عن اللى هيقولوه
معلش مادة الدوائر هتلاقوها شديدة شوية بس اللى هتخدوه الترم الاول كله هيتلم ليكم فى اول محاضرة من الترم التانى
بالنسبة للدكتور علون قولوا ربنا يستر لانوا لسه راجع للقسم واول مرة اشوفه كان فى امتحان الشفوى السنة اللى فاتت فبصراحة معرفش عنو حاجة
بالنسبة للدكتور حمدى انا هقول معاكم ربنا يستر لانو اول سنة هيدنا السنة دى وقال كلمتين صعبين فى اول محاضرة بس بصراحة هيفيدكم جامد والمادة دى جميلة هتحسوا انها لعبة حلوة
بصوا مهم جدا تعرفوا نظام الدكتور فى القسم بتاعنا بالذات وانا باذن الله هبقى اقول ليكم حاجات بس مش دلوقتى
مكدبش عليكم انتوا هتسدفيوا بس هتتعبوا !
ربنا معانا

[م.الزعيم]

ربنا يكرمك ياعمى رفاعى
الحمد لله
اخبار السنة الجديدة معاك ايه؟

[yasssmine]

ساره ازيك ايوه كده ارجعى نورى التوبيك تانى وكويس انك اتكلمتى على الدكاتره بس طبعا نسيتى تتكلمى عن اهم واحد فى المنطقه دكتور عبد ربه السنارى بتاع الرياضه مش عارفه والله يا جماعه الدكتور ده جاى منين من كوكب اخر دا بيشرح لوحده كده مش عارفه بلاش نغلط المهم انى مش عارفه ايه اخبار الرياضه السنه دى فى الرياضه شكلها هتبقى ماده الموسم مع دكتور عبد ربه ما علينا ربنا يستر
ايه ده هو ال دوائر ماده ممتده ولا ايه يعنى مش هنمتحنها ترم اول ولا ايه بصراحه اكتر ماده حبتها هى الدواير حلوه بتشغل المخ بالنسبه للدكتور محمود علوانى محدش عارف نظامه وكمان الماده مش باين لها معالم يا ريت تعرفونا نظامها ايه
وكمان ايه هى المواد ال هنمتحنها فى الترم الاول
وكمان دكتور حمدى نظامه ايه مش ده بتاع الرياضه ال انتم كنتم بتتكلمو عليه وبتقولو انكم مش بتفهمو منه ولا ايه بس بصراحه شكله دكتور كويس ومحترم قوى مش زى ما كنت فاكره بس بيقولو بيجيب امتحان مش حلو ربنا يستر
اسفه يا جماعه على كتر الرغى بس كفايه على الشمهندس جاد يعرفنا النظام والبشمهندس رفاعى يعرفنا الرسم ومره تانيه اسفه على كتر الاسئله

[كوثركوكو]

انا ممكن اكلمك ميل يا يسمين ولا على المعوم ده ميلى bb_bb4995 انا فى انتظارك

[كوثركوكو]

جدول كلية الهندسه اولى اعدادى بنات ازهر ايه ممكن ؟

[م.الزعيم]

معلش يجماعة هو اى قسم اول سنة بتكون فيه بتكون غريبة شوية على ما تعرفوا النظام
- والله يامهندسة ياسمين حصل معايا موقف مع ال كتور عبد ربه مش عايز اخوفكم بيه
بس نظام الدكتور عبد ربه مريح جدا هو بيتعمد فى امتحاناته على مبدا ( اجب قدر المستطاع) يعنى الامتحان كل المسائل من الكتاب وبنفس الارقام بس طويل جدا متقلقوش منو خالص
الرسم انتوا بنفسكم هتيجوا تقولوا فى نهاية الترم ده اننا مخدناش رسم وخمس لوح ده فعلا انا فاكر اننا كنا سبع لو او اقل هو بس اهم حاجة فعلا تعرفوا رسمة المسمار على فكرة انا خفت ارسمه فى الامتحان ومش رسمت الا قليل وجبت جيد
لا دوائر ترم اول وترم تانى بس مرتبطين ببعض جدا زمان كانت الدوائر ممتمدة بس احنا اول دفعة يقسموا الدوائر فيها
الدكتور حمدى محترم جدا وهيفيدكم بس تابعوا معاه فى المحاضرات وانا قلت ان المادة دى جميلة وهتعرفوا ان جمع
1+1=0

[yasssmine]

انا الحمد لله لقيت طريقه بسيطه لرسم المسمار على اللينك ده http://www.sciencesway.com/vb/showthread.php?t=15452
قولولى ايه رايكم

[قطوف دانيه]

يا بشمهندسين ممكن سؤال انا مجموعى بالظبط 625 والهندسه من621.5 يا ترى هدخل مدينه على امتى كده وجزاكم الله خيرا

[yasssmine]

المشاركة الأصلية كتبت بواسطة قطوف دانيه

يا بشمهندسين ممكن سؤال انا مجموعى بالظبط 625 والهندسه من621.5 يا ترى هدخل مدينه على امتى كده وجزاكم الله خيرا

ازيك يا هبه عامله ايه ايه يا بنتى فينك مش شوفتك فى الكليه انا دورت عليكى بس انا نعرفش اسمك هبه ايه لقيت ناس كتير اسمهم هبه ابقى انزليلى انا فى المدرج ال تحتك وانا الوحيده ال اسمى ياسمين
بالنسبه للمدينه ان شاء الله تدخلى على اول 11 كده ما تقلقيش وربنا يوفقك