ايه اخبار تعيين أوائل الكليات ياجماعة؟

[د.عبدالرحمن المنياوي]

المشاركة الأصلية كتبت بواسطة emy_aa

رضينا بالهم والهم مش راضي بينا......نعم استلمت جواب التعيين ....ولكني غير مصدقة.....هل معقول ان تمضي الامور بسلاسة؟؟؟ دون تعقيد؟؟؟ دون مسلسل الاحباطات المستمر والذي يمضي امام عيني كان عمر كامل سرق مني؟؟؟؟اين التعجيز؟؟؟اين العفريت الذي يخرج لي كلما اقتربت من تحقيق الحلم....نعم محبطة ويائسة ...رغم جواب التعيين...اثق في حكمة الله سبحانه وتعالى...ولكني اتالم كلما ذهبت للجامعة ورايت معيدة تصغرني باعوام ..بلا شخصية بلا تقدير...وهي دكتورة..عرفت تجيب الواسطة ازاي وانا الاعلى تقديرا والاكثر تميزا لازلت كما انا.....اكمل رسالة الماجستير ...ولكن توقفت عن الاحلام....لا يهمني ان اتكون الرسالة مميزة ...لا يهمني ان ينتظر مني.الدكتور المشرف مستوى عالي...لا اريد بعد الان...احاول ان اخرج باقل خسائر ممكنة..ولكن الخسائر لا تعوض...الحلم بالتميز بالتفوق..لم يعد له وجود....اتذكر كلام قيل لي من مصدر مسؤل ..(لو حد جاب اعلى منك واتعين ابقي تعالي اتكلمي)وتعين 3 معيدين.....منهم من تكلمني من طرطوفة منخيرها ...تسالني انتي جايبة التقدير ده ...يا حرام..بس انا وضعي غير خالص....اكيدظروفنا غير.....اتذكر تقديمي في وزارةالعدل 3 مرات وطبعا لاشئ(اكشن تالت مرة) لا وسبحان الله....زميلتي التي كانت تنجح باعجوبة وجايبة مقبول تم قبولها....المحزن...اني اندم على اجمل ايام عمري التي قضيتها في حلم كان سراب..افتقد ايام الجامعة فانا لم اعشها ...اابتسم حين اتذكر قول والدتي(يا بنتي ارحمي نفسك سيبي الكتاب)....ابتسم حين اتذكر ايام الامتحانات .....كنت اتذكر رقم الصفحة في الكتاب عند الاجابة...اتذكر حين اخبرني احد اساتذتي والذي لم يكن يعرفني....في طالبة بعرف اجابتها من وسط مليون اجابة....كل هذا ذهب.....كل هذا يشعرني بالاحباط...كل هذا يجعلني لا اثق بالتعيين رغم جواب الترشيح....لازم يعملوا حاجة....عمر ما حاجة مشيت عادي كده وعذرا رفاقي ان تسرب احباطي اليكم...ولكني في امس الحاجة لالتمس التفاؤل منكم....زفلم يتبقى لي سوى ان احلم بان تكون ابنتي مفاجاتي للعالم...باذن الله سوف اجعلها شخصية مميزة مثقفة واثقة ناجحة.....رغم المحبطيين

لو علمتي حبه لكي لذبتي شوقاً إليه .. والمحب يثق في من يحب أنه سيعطيه كل شئ ..

إنه الله تعالى .. وهو الأصدق وعداً ..

أختي .. كلنا انت .. كلنا كنا كذلك وكل منا له قصته المؤثرة التي تقطع الفؤاد .. ولكن انا على ثقة أن كلنا ستكون لنا تلك الحياة المميزة التي كنا نستحقها ..

لو الأمر بيد أبيك أو أمك لوضعك في خير الاماكن من وجهة نظره ..فما بالك بمن هو أقرب إليك منهما سبحانه .. ييسرك لأحب الأمور عنده لكي .. إنها الحكمة .. ومن أوتي اللحكمة فقد أوتي خيرا كثيرا ..

اسالوني أنا والله .. إنه الله .. الذي أبعدني ليقربني كثيرا كثيرا كثيرا .. ولم أكن يوما أستحق ما أناله منه .. ولكني اعتدت على قول الحمد لله لأني عانيت كثيرا وبعد التجربة أعلم أنه الصواب دون غيره ..

المشاركة الأصلية كتبت بواسطة كل سنه وانتو طيبين

ازيك يادكتور عبد الرحمن واحشنى اوى . انا عملت تظلم علشان اغير المحافظه اللى انا كنت كاتبها اصلا كرغبه اولى انتظر الرد والا اروح استلم الشغل. وشكرا

الله يخليك يا أخي ..
انتظر الرد .. هتستلم فين ؟!!!

المشاركة الأصلية كتبت بواسطة السويفى ا

ياجماعة بالله عليكم حد يرد عليا ضرورى انا استلمت جواب الترشيح اخصائى شباب على مديرية الشباب والرياضة بالمحافظة وسمعت ان مرتب الاوائل هيكون 834 بعد خصم التامينات بس انا متعين بالتربية والتعليم اساسى من سنة وباخد مرتب 475+100حوافز هل ينفع اقدم تظلم للتنظيم والادارة واجيب افادة انى متعين بالتربية والتعليم علشان يغيرو الجواب للتربية والتعليم علشان مرتبى يزيد الى 834 ولاهيقولو انته اتعينت وخلاص ومينفعش ولا مرتب الاوائل عادى ومش كده خالص 0000 ياريت اللى عنده معلومة يفيدنى وجزاه الله كل خير

موضوع الـمرتب ده يا جماعة قلنا كتيييير هيتوقف على الجهة اللي هتروحها مفيش التزام بالـ834 وهتشوفوا كده ..

ولو انت في التربية والتعليم معين بالقرار 244 بتاع مجتازي كادر 1/4/2011 انت على درجة وظيفية فعلية ولن يؤثر التعيين شئ ..

أما لو انت لم تمتحن الكادر فأنت ليس لك درجة حتى الآن بالرغم من أنهم بيقولولك كده بس اسال التنظيم والإدارة هيقولولك ل .. ساعتها غير التعيين على التربية والتعليم وضم درجتك ..

المشاركة الأصلية كتبت بواسطة فاطمة الزهراء 86

السلام عليكم ورحمه الله وبركاته

لي استفسار وياريت الدكتور عبد الرحمن يطمئني :

توزيع أوائل الخرجيين هيتم إزاي يعني كل واحد على حسب السكن ولا إيه لأن أنا سألت في المديرية النهارده إزاي هيتم التوزيع قالوا لي التوزيع هيتم في القرى والضواحي يعني أماكن بعيدة جدا عن سكنا يعني ممكن المشوار يأخذ ساعة ونصف للوصول وساعة ونصف للرجوع طبعا ده غير القرى وحشة جدا طيب فين التميز لينا أرجو التوضيح وإزاي هما هيعرفوا إن دكتور صفوت النحاس قال قبل كده إن التوزيع هيتم إقليمي .

التنظيم والإدارة ملزم بتوزيعك على محافظتك .. أما المديرية المعينه بها لها الحق تعيينك في مكان العجز المترائى لها داخل محافظتك ..

[METO4050]

يا دكتور عندك اى فكرة عن حملة الماجستير والدكتوراه

[METO4050]

للاخت فاطمة الزهراء
انا سالت على موضوع ان المحافظ هيمضى الاوراق
قالولى ممكن يوم وممكن يومين وممكن اسبوع وممكن نقعد نعد لحد ما نزهق على ما يمضى حبة بوسطة وحبة اوراق
ادعيله يبقى فاضى ومفيش قدامه غير ورقنا

على فكرة انا حسبت عدد اللى هيتوزعوا لغة عربية لقيتهم 14 عام وواحد اساسى

[METO4050]

يا دكتور عبدالرحمن

ممكن حضرتك ترد عليا فى موضوع ان احنا هنشتغل اول 6 شهور زى تدريب بدون اجر
ما راى حضرتك فى هذا الكلام

[mohamed_sport]

المشاركة الأصلية كتبت بواسطة meto4050

يا دكتور عبدالرحمن

ممكن حضرتك ترد عليا فى موضوع ان احنا هنشتغل اول 6 شهور زى تدريب بدون اجر
ما راى حضرتك فى هذا الكلام

كلام لا أساس له من الصحة ......

[maro19862009]

ياريت يا دكتور عبد الرحمن ترد عليا انا من اوائل الازهر من محافظة اسيوط وعاوزة اعرف استلام خطابات التعين هيكون من التنيظيم والادارة اللى فى القاهرة ولا اسيوط وعاوزة انا اتاكد ان اسمى نزل من ضمن اسماء الاوائل اللى اتبعت للتنيظم والادارة اتاكد ازاى هل

[معلم مساعد 2011]

لو سمحت يادكتور عبد الرحمنانا جالي اخصائي تعليم ودراسات عليا ف الجامعه وانا دلوقتي مدرسه لو روحت الجامعه ومستريحتش ينفع انقل تاني للتربيه والتعليم

[د.عبدالرحمن المنياوي]

توزيع الخطابات هتكون كلها من القاهرة مفيش من المحافظات ..

وبالنسبة لأخت معلم مساعد .. خليكي في التربية والتعليم أحسن .. ولو روحت الجامعة هتستقيلي من التعليم ومش هينفع العودة تاني ..

[معلم مساعد 2011]

طب المرتبات في الجامعه في حدود كام

[ام زياد ومهاب]

الى الاخت العزيزة ام رهف |..........
هل معنى هذا ان ننتظر كل كلية تخلص ورق المعيدين ثم يحتاج تاشيرة رئاسة الوزراء

ام ورق لغات و ترجمة يشمل تاشيرة مجلس الوزراء على 6033 معيد مرة واحدة
برجاء الرد اذا كان لديك علم للضرورة...فقريب لى لديه مشكلة اقتراب السن من 35 فى شهر 2 و الله المستعان على مماطلة الاداريين فى جامعة الازهر

[El Ninio]

المشاركة الأصلية كتبت بواسطة meto4050

يا دكتور عبدالرحمن

ممكن حضرتك ترد عليا فى موضوع ان احنا هنشتغل اول 6 شهور زى تدريب بدون اجر
ما راى حضرتك فى هذا الكلام

لالا الفرق بينك وبين أي موظف عادي قديم في الاجازات بس
طول فترة الـ6 شهور دي ملكش أجازات لكن نفس المرتب زي اللي متعين اديله سنة وخلص الـ6 شهور

[METO4050]

المشاركة الأصلية كتبت بواسطة el ninio

لالا الفرق بينك وبين أي موظف عادي قديم في الاجازات بس
طول فترة الـ6 شهور دي ملكش أجازات لكن نفس المرتب زي اللي متعين اديله سنة وخلص الـ6 شهور

طيب عندك فكرة المرتب بالنسبة للمدرس فى التربية والتعليم هيكون الصافى بتاعه كام

[د.عبدالرحمن المنياوي]

مرتب المعلم الماعد أول تعيين 590 جنيه ومكافأة امتحانات نهاية العام قيمتها 1600 جنيه .. ده كله صافي يعني اللي هتقبضه في إيدك

[راجية مغفرة الله]

من فضلك د عبد الرحمن ماذا عن أخبار طلاب المنح؟؟؟؟؟

[كل سنه وانتو طيبين]

اسف يادكتور عبد الرحمن لعدم وضوح سؤالى والسؤال من جديد/ انا كنت كاتب رغبتى القاهره وبعدين استلمت جواب ترشيح على وزاره السياحه بس للاسف لعدم توفر سكن فى القاهره عملت تظلم علشان اغير المحافظه للفيوم بدل القاهره دلوقتى اروح استلم فى وزاره السياحه والا انتظر الرد على التظلم ولو اترفض هتكون ال 15 يوم المكتوبه فى الجواب فاتت ياترى فيه مشكله كده؟والا اعمل ايه؟ وشكرا لحضرتك برجاء الرد