ايه اخبار تعيين أوائل الكليات ياجماعة؟

[م/كريم]

المشاركة الأصلية كتبت بواسطة المكتبي

لقد اطلعت علي معظم صفحات تعين الاوائل ....الا يوجد احد خريجين الاوائل يصلح للعمل بقطاع الكهرباء او البترول ؟في حين ان تعينات الدبلومات والمعاهد مع الاحترام لكل الموهلات تعين في مثل تلك الاماكن ....هل هذا تعين ام ماذا اليس من حقنا نطالب بالتعين في مثل تلك القطاعات وخاصة ان كان لنا زملاء دراسة تم تعينهم سابقا في تلك الاماكن بالكوسة المصرية


الله الموفق والمستعان ,,,,,,,

اسمح لي ان اقدم لك خالص التحية على كلامك الجميل الذي يحاقي واقعنا المرير في هذه الايام
بالفعل اخي الغالي مثل هذه الوظائف للواسطة فقط
اهو بدليل اوائل الخريجين من ***وا انفسهم تم توزيعهم على الاسكان والمحليات والاماكن اللي يموتوهم فيها
اما باقي اماكن الدوله فهي للواسكة فقط
للاسف البلد مش هتتغير
يعني على سبيل المثال
انا خريج كلية هندسة عارف اترشحت فين
في مديرية الاسكان اللي اصلا لا يوجد فيها اي شغل لمهندس الصيانة
ولو كان هيبقى روتيني يعني اللي ذاكر وتعب يروح هناك عشان ينسى ويمسح اللي اخده طوال سنوات الدراسة
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل

[م. شريف]

لو سمحتكم اللى عندو معلومات تفيدنى يرد عليا
أنا مسافر بره هل والدى يقدر يستلم خطاب الترشيح بالبطاقة بتاعتى لحد ما أخلص أمورى وأرجع مصر ؟

[فاطمة الزهراء 86]

يا meto4050 بطاقة ايه اللي بتكلموا عليها يعني قصدوكوا البطاقة الشخصية طيب هو احنا لازم نجددها ولا أنت بتجددها عشان يظهر فيها الؤهل أرجو الرد ....

سؤال تاني الناس اللي من دمياط ياريت لو يعرفوا يشوفوا الكشوفات المبعوتة مؤخرا وينزلوها على المنتدى عشا ن نطمئن لأني حاولت كذا مرة أتصل بالجامعة ومش عرفة أوصل لحاجة ومش عارفة أسافر ليهم لأنه يعتبر سفر ومشقة وبصراحة أنا خايفة أروح هناك وملقيش إسمي على إعتبار إن أنا 17 يعني في الأخر والله الواحد مرعوب

[م/كريم]

المشاركة الأصلية كتبت بواسطة م. شريف

لو سمحتكم اللى عندو معلومات تفيدنى يرد عليا
أنا مسافر بره هل والدى يقدر يستلم خطاب الترشيح بالبطاقة بتاعتى لحد ما أخلص أمورى وأرجع مصر ؟

على فكرة كان في ناس استلمت لابنائها معايا لما استلمت انا الجواب
يعني ان شاء الله ينفع
بس المهم يكون معاه البطاقة الشخصية للخريج
والوصل اعتقد انه مش مهم لانهم مش طلبوه
بالتوفيق ان شاء الله

[م/كريم]

المشاركة الأصلية كتبت بواسطة فاطمة الزهراء 86

يا meto4050 بطاقة ايه اللي بتكلموا عليها يعني قصدوكوا البطاقة الشخصية طيب هو احنا لازم نجددها ولا أنت بتجددها عشان يظهر فيها الؤهل أرجو الرد ....

سؤال تاني الناس اللي من دمياط ياريت لو يعرفوا يشوفوا الكشوفات المبعوتة مؤخرا وينزلوها على المنتدى عشا ن نطمئن لأني حاولت كذا مرة أتصل بالجامعة ومش عرفة أوصل لحاجة ومش عارفة أسافر ليهم لأنه يعتبر سفر ومشقة وبصراحة أنا خايفة أروح هناك وملقيش إسمي على إعتبار إن أنا 17 يعني في الأخر والله الواحد مرعوب

على فكره مش لازم اي حد يغير اي بطاقة ولا حاجة
انا استلمت بالبطاقة الشخصية وهو اساسا مش بص فيها
انا اول ما قلتله الاسم والكلية طلعلي الجواب
واما عن الاسماء العشرين الاوائل على مستوى جميع الكليات والجامعات فهذا رابط
http://www.asrt.sci.eg/ar/5aregin.html

[م/كريم]

المشاركة الأصلية كتبت بواسطة meto4050

وممكن اعرف المفروض ابقه هناك من الساعة كام باظبط علشان اضمن انى اخد جوابى فى نفس اليوم لانى من دمياط
وها الكل بيستلم من شباك واحد ولا كل كلية ليها شباك
وهل الجهاز بيخلص كل الناس اللى موجودة ولا مالهوش دعوة الساعة 2 بيقفل
ارجو الرد ممن لديه اى فكرة او من اخوانا اللى استلموا جواباتهم

يا جماعة الموضوع بسيط جدا ومش محتاج القلق دا كله
انا استلمت جواي
بدأ تسليم الخطابات من الساعة التاسعة
وفي اكثر من خمسة مكاتب للتوزيع للي جايين في ميعاد تسليمهم الموجود في الجدول المعلن من التنظيم
ويوجد 3 مكاتب للمتخلفين عن ميعادهم
ومش محتاج معاك غير البطاقة الشخصية والايصال للاحتياط
وبالتوفيق للجميع ان شاء الله

[د.عبدالرحمن المنياوي]

المشاركة الأصلية كتبت بواسطة meto4050

دكتور عبدالرحمن
انا ساكت اهو من زمان وما بتكلمش
بس لى كام سؤال وغير مكررين
1- انا لسة هستلم جوابى يوم 10 وحضرتك قلت التعيين يوم 22
فهل هلحق فىالفترة دى اخلص اوراقى
2-تغيير البطاقة اللى بيقولوا عليه بيكون فى 15 يوم
3-ما هو الحل اذا ذهبت ولم اجد لى اسم علما بانى قدمت
4-او ماذا افعل اذا استلمت وتوجهت للجهة المراد تعيينى فيها وقالولى لسة ما جالناش حاجة ساعتها استنى واضيع وقت ولا اعمل ايه
برجاء افادتى

هتلحق طبعا تخلص الورق
وتغيير البطاقة براحتك يامعلم .. وده مش إلزام والا حاجة على فكرة.. وكمان فيه تغيير بطاقة متعجل في نفس اليوم بـ75جنيه ..
لو مالقتش اسمك قدم تظلم وانت هتوضع معاهم ,, وكده كده لن تستلم العمل وتسلم أوراقك إلا لم جواب من التنظيم واإدارة ترسل خطاب بأسمائكم ..

المشاركة الأصلية كتبت بواسطة aroub ahmed

السلام عليكم ورحمة الله
بعد اذنك يا دكتور ا نا سمعت انه مطلوب شوية طلبات لاستلام العمل زى استخراج شهادة الميلاد كمبيوتر وتغيير البطاقة الشخصية وكتابة المؤهل فيها و شهادة بيان الدرجات
ياترى الأخبار دى حقيقية ولا لأ ؟
والدكتور صفوت النحاس قايل فى التصريح بتاع التعيين ان مرتبنا هيبقى 830 جنيه ده صح ولا غلط وخاصة انى سمعت برده ان الاوائل هيقبضوا المرتب تبع وزارة البحث العلمى ولا ده خاص بحاملى الماجستير والدكتوراة ولك جزيل الشكر

مرتبك هيكون حسب جهة التعيين زيك زيهم .. وقبضك منها .. والورق لازم تعمله طبعا والا هتتعين بالبق كده ..

المشاركة الأصلية كتبت بواسطة ramy49

سؤال هام للدكتور عبد الرجمن والذين استلموا خطابات التعيين
كيف يتم توزيع الاوائل على الجهات الحكوميه

تاخد جوابك وتروح الهيئة بتاعتك تستلم ..
أما لو قصدك أساس التوزيع فهم بيحددوا ااماكن المتاحة للتخصص في المحافظة وبيرتبوها من الأفضل للأسوأ ثم يوزعون عليها الأوائل كالتالي .. الحاصلون على مؤهل أعلى ثم الاول من كل دفعة ثم الثاني وهكذا ..

المشاركة الأصلية كتبت بواسطة eman23

جزاك الله كل خير يا دكتور عبد الرحمن .... لو سمحت عندى سؤال لحضرتك
انا مدرسةحاسب ألي خريجة تربية نوعية دفعة 2007 بترتيب (3 في الكشف ) بمرتب 466 + 100 حوافز هل هيزيد مرتبي وسيتغر المسمي الوظيفي بتاعي !!!!!!!!!!!!!!!!!!!!!!!!!!!!!
..من فضلك يا دكتور عبد الرحمن....
وشكرااااااا......

لو اتعينتي في التربية والتعليم يبقى يبقى الحال على ماهو عليه ..

[METO4050]

المشاركة الأصلية كتبت بواسطة aroub ahmed

السلام عليكم ورحمة الله وبركاته
الى انا عرفته حضرتك ان تسليم الجوابات من 8ص الى 1 ظهرا وفيه شباكين شباك للرجال وشباك للبنات وهينادوا كل كلية على حدة بس لازم نستلم بالبطاقة ولا تنسى الكعب الى حضرتك خدته من التنظبم والادارة الى فى شطا عشان لو طلبوه انا برده سمعت بالاوراق الى حضرتك قلت عليها بس سألت فى التنظيم والادارة الى فى شطا قالولى مجلناش اى حاجة بخصوص الامر ده
وعلى اى حال لو طلبوا احنا ممكن ناخد من مركز البطاقات ورقة تدل على انها بتتعمل
سؤال معلش انا برده من دمياط ومش عارفة نروح ازاى هل هتكون فيه باصات او عربيات هتاخدنا من مكان معين ولا نروح لواحدنا وجزاكم الله خيرا

احنا هنروح فى ميكروباص لو حضرتك عايز تيجى معانا ممكن تعطينى رقم تليفونك وانا هشوف لو معانا مكان هتصل بيك

[د.عبدالرحمن المنياوي]

المشاركة الأصلية كتبت بواسطة flower25

دكتور عبد الرحمن معلش انا اسفة على الازعاج بس فى اكتر من نقطة محتاجة استفسر عنها


1- اختار ايه تربية وتعليم ولا ادارى فى الجامعة


2- لو هعمل تظلم واحول تربية وتعليم هستلم شغلى ازاى وانا اصلا متعينة وبشتغل


3- هل هيتحسبلنا تعيين من سنة التخرج


4- لو معملتش اى اجراء واعتبرت انه مجاش ايه الفرق بينه وبين التعيين اللى انا فيه


ارجو الرد انا فى قمة الحيرة ومش عارفة اعمل ايه ولا ابدأ ازاى

التعيين يبدأ من يوم استلامك للعمل وليس من سنة التخرج ..
لو انت اتظلمتي ورحت التربيةوالتعليم وانت فيها أساسا لن يتغير شئ ..

[د.عبدالرحمن المنياوي]

المشاركة الأصلية كتبت بواسطة اوائل تربية

جزاك الله كل خير يا دكتور عبد الرحمن .... لو سمحت عندى سؤال لحضرتك
انا تربية انجليزى الاولى على الدفعة و السادسة على الكلية بتقدير جيد جدا مع مرتبة الشرف
ما هى الوظائف اللى ممكن اترشح ليها غير مدرسة و ادارية فى الجامعة و ادارية فى ادارة تعليمية ...ايه تانى غير الوظائف دى؟؟؟؟
وماهو تدريج الوظائف دى من الاحسن للاقل....عشان نفهم لو نعمل تظلم و لا لا؟؟؟
ارجوك يا دكتور ترد عليا لانى فعلا مش عارفة لو سمحت محتاجة من حضرتك الرد و السؤال ده اهم حاجة بالنسبة ليا...من فضلك يا دكتور عبد الرحمن....

انا مش عارف غير أنك ممكن تتعيني معلمة أو إدارية بالجامعة ..
والأحسن ماتريه مناسبا ..

المشاركة الأصلية كتبت بواسطة zoom_mak

دكتورنا العزيز انا عارف انى ارهقتك وزهقتك حضرتك قولت ان
اللي مش عاجباه محافظته يعمل تظلم وهيغيروهالوا حتى لو كان كاتبها فى الاستمارة فى الاول انه يريد التعيين فيها برضه ممكن يغيروهالو وايه معيار التغيير او عدمه
وجزاك الله ألف ألف ألف خير على مساعدتك لينا

اعمل تظلم وينفع بإذن الله التغيير ..

المشاركة الأصلية كتبت بواسطة حنان_أحمد

السلام عليكم ورحمة الله وبركاته

إلى الدكتور عبد الرحمن .. لي سؤال :

انا خريجة اداب جامعة المنيا قسم الدراسات الاسلامية

وتم ترشيحي لوظيفة : باحث شئون اوقاف بمديرية الاوقاف بالمنيا... وانا من الثلاثة الاوائل .. فهل هذا تمييز ؟؟؟؟؟
وهل ان لم تكن هذه الوظيفة تمييزا فهل يقبل تظلمي ان تظلمت ؟؟ وهل هي مناسبة لقسمي ؟؟ وما معناهاا ؟؟ مامهامها؟؟؟ كموظفة شئون الطلاب بالجامعة ؟؟ أم ماذا ؟

اعتذر عن كثرة الاسئلة.. لكني مصدومة كنت اتوقع تعيين بالجامعة.. فالفرق بيني وبين المعيد من دفعتي قليل جدا

وشكرا جزيلاااا

اولا وظيفتك من أفضل وظائف الأوائل .. وعلى فكرة كل وظائف الأوائل إدارية ومفيش معيدين خالص والناس عارفة كده من 6 شهور فاتت ..

[د.عبدالرحمن المنياوي]

لمزيد من الاستفسارات يا جماعة لو سمحتوا راسلوني على صفحتي الشخصية على الفيس بوك .. هيكون أسرع كده ..

د.عبدالرحمن المنياوي

https://www.facebook.com/profile.php?id=1277685970

[الدرعمي105]

بعد اذنكم ليتكم تفيدوني في هذا الامر: تخرجت في 2006 وفي آخر امتحان لنا كان شفويا وبعد الاسئلة قام الاساتذة بوضع الدرجة ولكنهم اخطأوا ووضعوها لشخص آخر والفارق بين هذه الدرجة والدرجة الآخرى4 درجات وهي كفيلة بنقلي الى الترتيب 20 اي من مستحقي التعييين والاساتذة الذين قاموا باختباري عندهم الاستعداد بكتابة تقرير يوضحون فيه خطأهم.
فهل يفيد هذا الامر؟ وهل تسمح قوانين الجامعات بهذا؟ وام لم ينفع فانصحوني ماذا أفعل؟

[zoom_mak]

الواحد مش عارف يشكرك ازاى يا دكتور عبد الرحمن
كل اعضاء المنتدى مدينين لك بالشكر والجميل والعرفان ونرجو منك التواصل دائما حتى بعد التعيين
اخوك فى الله محمد

[mazen m]

انا روحت قدمت الورق فى الجامعة النهاردة وقالولى انهم لسة مجلهومش اى حاجة بالنسبة لتعينا بس الناس هناك قرفنين لية مش عارفة وكل واحد منهم يبعتك للتانى والواحد لف لما زهق معرفش الناس دى اية مش هيتغيرو كل اللى قاعد على كرسى بيتنك على اللى دخل ربنا يرحمنا من الناس دى

بس الست اللى هناك قالتلى مطلوب اقرار ذمة مالية وفيش وصور شخصية فقط وعليهم المؤهل والجواب اللى استلمناة وشهادة الميلاد والبطاقة ربنا يوفق الجميع لما فية الخير لنا جميعا اللهم يسر امورنا

[هدي امة الله]

لو سمحتوا يا جماعه محدش سمع حاجة عن اوائل الازهر .. بالله عليكم