ايه اخبار تعيين أوائل الكليات ياجماعة؟

[اوائل تربية]

doaa 1990 تعرفى الاول على الدفعة و السادس على الكلية تربية انجليزى هيكون تعيينه فين

[اوائل تربية]

شكرااا يا استاذ مازن لو سمحت حضرتك تعرف معلومات اكتر و لك كل الشكر

[دمعة تائبه]

امتى استلام جواب الترشيح لجامعة المنصورة؟؟؟؟؟

[تقى83]

المشاركة الأصلية كتبت بواسطة دمعة تائبه

امتى استلام جواب الترشيح لجامعة المنصورة؟؟؟؟؟

جامعة المنصورة يوم 10/1بإذن الله

[aaa.agri]

السلام عليكم ورحمة الله وبركاته

أنا كلية زراعة جيد جداً 78.5% كان معادنا يوم الأحد 25 /12/2011 وصلت حوالي الساعة 9.30 كان طبعاً زحام لأنه كان معاد جامعة كفر الشيخ وسوهاج وجنوب الوادي ده غير المتخلفين من يوم السبت (المنيا - وبني سويف - ودمنهور )

أولا : -
بالنسبة للنظام كان فيه نظام شوية وكان فيه طوابير في بعض الكليات بس كان فيه زحام وهرجلة شوية عند بتوع التخلفات لأنه كان فيه ناس ملقيوش ليهم خطابات ترشيح مع إنه أسماؤهم موجودة ده بجانب إنه فيه ناس أسماؤهم مش نازلة أساساً وذلك لوجود المكررين

ثانيا : -
موضوع التوكيلات كان ماشي عادي بمعني إنه كان فيه ناس معاها توكيل واستلموا بالتوكيل ( بياخدوا منهم صورة من التوكيل ) وأنا سألت الموظف بنفسه علشان كنت عاوز أستلم خطاب ترشيح لواحد صاحبي فقال لي إنت إيه صلتك بيه طيب معاك بطاقته قلت له هو صاحبي بس معاه ظروف ومش حيقدر ياجي ومش معاي بطاقته فقال لي لو معاك توكيل كان ممكن أديك الجواب

(1)بالنسبة للناس اللي كانوا بيسألوا عن الأوراق المطلوبة لإستلام خطاب الترشيح : - مش مطلوب منك غير البطاقة الشخصية حتي كعب الوصل اللي أخدناه مش بيسألوا عليه

(2)بالنسبة للتخلفات كان بتوع المنيا وبني سويف ودمنهور اللي اتخلفوا عن معادهم (السبت 24/12/2011) حضروا معانا يوم الأحد علشان يستلموا خطابات ترشيحهم وأيضا سألت الموظفين عن التخلفات هل ليهم يوم معين ياجوا فيه ولا ممكن ياجو في أي يوم فقالوا ممكن ياجو في أي يوم بس حنخليهم في الآخر ( ولو إنه كانوا بيمشوهم معانا مش في الآخر لأنه كان هناك مجموعة منهم مسؤولين عن التخلفات )

(3)بالنسبة لخريجي كلية الزراعة كان توزيعهم في الغالب إما مهندسين زراعيين في مديرية الزراعة أو مفتشين تموين وأنا كان ترشيحي علي وظيفة مفتش تموين

(4)الناس اللي جوابات ترشيحهم مش لاقيينها قالولهم هاتوا أوراقكم وإكتبوا الطلب من جديد (الأوراق اللي بعتناها في الأول) وتابعوا معانا بعد أسبوع

(5)بالنسبة للتظلمات كلكم عارفين إنها حتبدأ من يوم 16/1/2012 ممكن تتبعت علي العنوان بتاع الجهاز واللي بيكون موجود علي خطاب الترشيح أو ممكن الواحد منكم يروح بنفسه هناك ويسلمه ليهم

وقالوا لينا الناس اللي حتعمل تظلم ما ينتظروش معاد التظلم دون أن يقدموا أوراقهم للجهة المرشحين عليها لأنه أساساً مفيش واحد حيستلم قبل 22/1/2012 ومعاد التظلمات يوم 16/1/2012 يعني كل واحد يقدم ورقه في الجهة المرشح ليها ويمشي في إجراءات التعيين لأنه ما يضمنش التظلم بتاعه حيتقبل ولا لا وفي حالة إنه ما اتقبلش حتكون الوظيفة الأولي راحت عليه لأنه يشترط البدء في إجراءات التعيين وتسليم خطاب الترشيح للجهة المرشح لها خلال 15 يوم من تسلم الخطاب

[aaa.agri]

بالنسبة لهندسة power كان معاي واحد صاحبي ترتيبه 11 علي الدفعة بالمعيدين و الــ 2 علي الدفعة بعد استبعاد المعيدين ترشيحه كان مهندس في هيئة الأبنية التعليمية

[aaa.agri]

هل فيه ناس تم ترشيحهم للعمل بمراكز بحثية ؟؟؟؟؟؟؟؟؟؟؟

[aaa.agri]

بالنسبة لبعض المحافظات التي بها مصالح حكومية كثيرة ومرموقة كالقاهرة مثلاً يتم تعيين أوائل تلك المحافظات في تلك المصالح وأوائل المحافظات الأخري يتم تعيينهم في .................................. !!!!!!!!!!!!!

[تقى83]

المشاركة الأصلية كتبت بواسطة aaa.agri

هل فيه ناس تم ترشيحهم للعمل بمراكز بحثية ؟؟؟؟؟؟؟؟؟؟؟

مراكز البحوث كادر خاص محدش هيترشح للعمل فيها. هتنزل الوظائف فيها مع اعلانات الماجستير والدكتوراة و اصحاب المنح ف شهر يناير

[تقى83]

انا خريجة زراعة بردك بس من المنصورة يوم 10 بإذن الله

[تقى83]

اسمى موجود ف الكشوف الموجودة ف الاكادمية الموجودة ع النت بس ازاى اتأكد ان اسمى موجود ف الكشوف بعد ماسمعت ان ف كشوف جديدة .ياريت حد يفيدنى انا عندى مولودة جديدة وهيبقا مشوار صعب اروح واكتشف ان اسمى مش موجود ولاحاجة ف الآخر.

[aaa.agri]

أهلاً وسهلاً بيكي يا تُقَي وبكل خريجي كلية الزراعة ( وكل الكليات علشان محدش يزعل )
إنتي دفعة 2004 ؟؟

[تقى83]

المشاركة الأصلية كتبت بواسطة aaa.agri

أهلاً وسهلاً بيكي يا تُقَي وبكل خريجي كلية الزراعة ( وكل الكليات علشان محدش يزعل )
إنتي دفعة 2004 ؟؟

ايوة دفعة2004الاولى ع الشعبة 15 ع الكلية

[تقى83]

اهلا بيك وبكل زراعة وكل المشتركيين ف المنتدى

[aaa.agri]

ربنا يكرمك بوظيفة كويسة إن شاء الله

بس بالنسبة للكشوف المعدلة مفيش موقع موجودة عليه لأنه غالباً موقع الأكاديمية لسة عليه الكشوف القديمة


بس إنتي طالما مفيش مكررين عندكم واسمك رقم 15 بعيد من الأواخر وقدمت أوراقك في الأول يبقي إن شاء الله اسمك موجود عندهم