يا جماعه المشكله من الساده المسئولين عن الازهر و التعليم فيه اللى هما فوق و المشكله دى بدات من زمان مش حديثة العهد لما شيخ معهد بدل ما يخلى المدرسين يشتغلوا و يجتهدوا وحتى لو المدرسين بيجتهدوا فى الشغل ودى موجوده كتير يجى فى الامتحانات و يسمح للغش الاجبارى والغش المكتوب وليس المقروء بحجة علشان الناس ما تتفطش من الازهر و بالتالى بتطلع اجيال فاشله ومش بيقدروا يكملوا و بيحولوا فى الاعدادى تانى شئ الامتحانات الصعبه مقارنة بكم المواد اللى بتزيد عن مواد التربيه و التعليم .ياما تخفيف المناهج او مراعاة الطلاب فى الامتحان و تالت شئ تنسيق الازهر يقل شئ بسيط عن التربيه و التعليم طب هو ما سالش نفسه هل كم المواد اللى بيدرسها الطالب فى التربيه و التعليم تساوى كم المواد اللى بيدرسها فى الازهر . و ايه اللى الميزه اللى بيحصل عليها طالب الازهر عن طالب التربيه و التعليم . حتى فى الشغل بعد التخرج هل طالب الازهر بيتعين فى الازهر طبعا لا ولا عنده اى ميزه اذن هى مشقه فى نظر كتير من الناس . حتى مصروفاته سواء الجامعيه او المدرسيه زمان كانت قليله دلوقتى بتساوى التعليم العام حتى الوجبه المدرسيه قلت و بتجى شهر كل ترم . زمان كان فيه شئ اسمه الصيفيه المعاهد بتفتح فى الصيف ابتدائى للقران فقط من 8 ص حتى 11 ص و كان اخر الصيف بتيجى لجنه من المنطقه تمتحن الطلاب وكانت بتصرف فلوس للطلاب فين الحاجات دى . اذن هى خطه من زمان ويشارك فيها شيوخ المعاهد و الوكلاء و احيانا المدرسين لما بيحاول يطلع نتيجته كويسه حسبى الله و نعم الوكيل يا ليتنا اشتغلنا فى التربيه و التعليم افضل حتى اولياء الامور لا بيتابع ابنه فى المعهد ولا بيعترضوا على الاسئله الصعبه ولا المدرسين بيعترضوا على حقوقهم الضايعه و كله سلبى ,
|
15-08-2014, 11:58 AM
العرض العادي
