من حق المعلم المساعد التعيين فورا وبالقانون

[عبده الأسواني]

احنا في دولة اللامنطق ووزارة اللامعقول

[ايناس محمد.]

نقابة المعلمين بالإسكندرية تطالب الوزير بمساعدة "المعلمين المساعدين" فى الحصول على شهادة الصلاحية المطلوبة للتعيين

أرسلت اليوم نقابة المهن التعليمية فرع الاسكندرية خطاباً للدكتور إبراهيم غنيم وزير التربية و التعليم ، طالبته فيه بالموافقة على فتح باب التقدم للاكاديمية المهنية للمعلمين، للحصول على شهادة الصلاحية اللازمة لصدور قرار التعيين من قبل المحافظ ، لكل معلم امضى عاما على شغل وظيفة معلم مساعد ، وسبقها اكثر من ثلاث سنوات تعاقد عادى بالمديريه.

و أكد عماد الدين حسانين بخيت عضو نقابة المعلمين وعضو لجنة حل المشكلات بالنقابة في تصريحات خاصة لصدى البلد ان الوزاره اصدرت القرار رقم137 الخاص بتعيين المعلم المساعد الذى حصل على شهادة الصلاحيه ، فى حين ان المعلمين المساعدين بالاسكندريه وعددهم 3223 معلم لم يحصلوا على شهادة الصلاحيه ، نظرا لان الاكاديميه لم تقم بفتح التسجيل لهم على الرغم من مرور اكثر من عام على وظيفة معلم مساعد.

واضاف حسانين أن المعلمين المساعدين بالاسكندريه عانوا من ظلم كبير حيث انهم متعاقدين مع المديريه منذ اكثر من ثلاث سنوات ، تحت مسميات مختلفه من العقود(عقود محليه وعقود مجلس امناء) قبل ان تنجح نقابة المعلمين فى حل مشكلتهم ويتم تحويلهم الى معلم مساعد ، و بلغ عدد المحولين 1423 معلم بتاريخ 1-3-2012 و 1820 معلم بتاريخ 1-9-2012 ،وفى خلال العام الماضى كان من المفترض ان تقم الاكاديميه بفتح باب التسجيل لهم للحصول على شهادة الصلاحيه اللازمه للتعيين.

واكد حسانين على ضرورة تفعيل الماده 73 من القانون 155 لسنة 2007 والمعدل بالقانون 93 لسنة 2012 ، والخاصة بتعيين المعلم المساعد الذى امضى سنه على الاقل وحصل على شهادة الصلاحية.

[عبير الرووووح]

والله بجد نقابه الاسكندريه دى نقابه محترمه
مش زى ال عندنا
ربنا يرحمنا برحمته

[dahab4deutsch]

نرجوا من نقابة المهن التعليمية توصيل صوتنا الى الرئس محمد مرسى

[اجمل كلمة تقول الله]

يارب بس الاكايمية و الوزير اللي يسمعوا وينفذوا

[medo433]

طب انا بالنسبالى عقد اداره منذ 2011
هل انا اعتبر معلم مساعد؟؟

[ايناس محمد.]

المشاركة الأصلية كتبت بواسطة medo433

طب انا بالنسبالى عقد اداره منذ 2011
هل انا اعتبر معلم مساعد؟؟

المعلم المساعد هو اللى راتبه اكثر من 600 جنيه

لكن خلاف ذلك يعتبر معلم مساعد مؤقت او معلم متعاقد

[معلم بلا حدود]

ياريت بلاش السلبية كلنا بنقول نقابة اسكندرية نقابة محترمة ودا فعلا صحيح ولا خلاف عليه لكن اين نحن ( نحن المعلمين ) كلنا هنقف نتفرج على النقابة دى ونسيبها لوحدها تقف ضد التيار والظلم ده لازم نلوم على نفسنا ليه مش بنتحرك ليه مش بندور على حقنا هنسكت لحد امتى ونقول النا بتجيبلنا حقنا وخلاص لازم يكون لينا دور فين الاكاديمية وفين احنا طبعا الاكاديمية ليها فروع ف كل المحافظات ليه مش بنوصل صوتنا ونقف قدام الاكاديمية كلنا على مستوى الجمهورية وف يوم واحد علشان يبقى صوتنا مسموع ويوصل للى كتب قانون الكادر المادة 73 علشان يفهم الناس اللى مش عارفة تطبقة ( ازاى يعطى الحق للمحافظ بالتعيين خلال سنه ولا يعطى الحق للاكاديمية الحق ف قبول اوراقنا وملفاتنا خلال سنه بل بتلزمنا الاكاديمية بسنتين ) مهو حاجة من اتنين يا اما الاكاديمية ( مش بيفهموا ) يا اما واضع النص بالماده 73 ( مش بيفهم ) ياريت تتحركوا علشان متندموش تانى زمن الظلم انتم اللى خليتوه يستمر وانتم اللى هتخلوا يستمر تانى فلنتحرك ونحن لا نسرق ولا ننهب ولكن نطالب بتطبيق القانون وفقط وهذا من ابسط حقوقنا

[medo433]

المشاركة الأصلية كتبت بواسطة فريال يوسف

المعلم المساعد هو اللى راتبه اكثر من 600 جنيه

لكن خلاف ذلك يعتبر معلم مساعد مؤقت او معلم متعاقد

شكرا جزيلا على التوضيح

[العتمورى2011]

المشاركة الأصلية كتبت بواسطة melkatry

للأسف كلنا مرتبطين بالكاديمية المهنية للمعلمين اي انها صاحبة الحق الوحيد في اعطاء شهادة الصلاحية المطلوبة للتعيين وبناء عليه اذا ما طلبت الاكاديمية ملفات من قضى سنه واحده كمعلم مساعد للتعيين تستطيع ذلك وليس المحافظ فوظيفة المحافظ فقط هي اصدار القرار

اذا فالتسقط الاكاديميه

[العتمورى2011]

انا اشتغلت بالحصه من 2009
وتعاقدت عقد محافظه فى 2011
وتعاقدت عقد مميز 2013
دا كله مش حرام السنين دى من العمر

[ايناس محمد.]

المشاركة الأصلية كتبت بواسطة العتمورى2011

انا اشتغلت بالحصه من 2009
وتعاقدت عقد محافظه فى 2011
وتعاقدت عقد مميز 2013
دا كله مش حرام السنين دى من العمر

حرام لكن ما باليد حيلة

[مستر معتز ابراهيم]

استاذي الفاضل :
لو سمحت انا مضيت عقد كان مكتوب عليه معلم مساعد وايضا كا مكتوب طبقا ل قرار 155 وكان مكتوب في جواب التعيين الدرجه الماليه الثالثه

سؤالي هنا : العقد دا يطبق عليه العلاوه دي بتاعت الوزير ولا لا
وسؤال اخر : متي نستطيع التقدم للاكاديميه
وشكرا
الرجاء الرد

[الأستاذ محمود عبد الفتاح]

جزاك الله خيرا
بالتوفيق ان شاء الله

[usama tahawy]

مشكلتنا مشكلة كبيرة والله صعب حلها