|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#32
12-08-2012, 06:04 PM
|
|||
|
|||
انا مستنى القصة جميلة جدا
|
|
#34
13-08-2012, 02:17 AM
|
||||
|
||||
|
سورى يا جماعه عندى ظروف وهانزلكوا اربع حلقات دلوقتى
__________________
الحمد لله الذي عافاني مما ابتلى به كثيرا ً من عباده و فضلنا على كثير ٍ ممن خلق تفضيلا |
|
#35
13-08-2012, 02:20 AM
|
||||
|
||||
|
الحلقة 11
احمد: مالك يا شرين بتعيطى ليه شرين: عادل اخويا زمايله جايبينه من المدرسه ووشه مليان دم واما سألناهم ايه الى حصل قالولنا انه اتخانق فى المدرسه والشله الى اتخانق معاهم ضربوه لغايه اما اغمى عليه واحنا دلوقتى فى المستشفى احمد: طب وفى... حد طمنكم من المستشفى شرين:لأ احنا لسه جايين وهو لسه جوه ومعاه الدكتور احمد: طب اهدى بس وادينى عنوان المستشفى شرين : العنوان ______ احمد: اوكى انا جاى بس بليز اهدى شويه شرين: اوكى يا احمد سلام ولبس احمد ووهو نازل قابل انجى انجى:ايه رايح فين احمد:رايح لشرين انجى:ايوه يا عم اكيد طارت من الفرحه اما قولتلها انك رايح تخطبها بكره احمد:لأ يا اختى ديه حتى لسه متعرفش انجى:متعرفش ازاى مش انت اتصلت بيها وقولتلها احمد:انا فعلا كلمتها بس مقولتلهاش انجى:ليه احمد:حكلها على الى حصل انجى: طب استنى انا هاجى معاك احمد:خليكى انتى يا انجى انجى:لأ استنى انا هاجى معاك احمد:طب يلا بسرعه ولبست انجى ونزلت وراحت هى واحمد المستشفى انجى:شرين حبيبتى اهدى انشاء الله هيبقى كويس شرين:ربنا يستر يا انجى شرين:اهدى والنبى يا ماما انشاء الله هيبقى كويس سهير: يا حبيبى يا ابنى هو كان ماله بس ومال الخناقات محمد:خلاص بقى يا سهير خلينا فى الى احنا فيه وفجأه خرج الدكتور محمد: طمنى يا دكتور الدكتور: يا جماعه اهدوا هو بس فيه شويه كدمات بسيطه شرين:الحمد لله طب ممكن ندخله الدكتور: اه طبعا هو كويس جدا بس هيعد معانا يومين لغايه اما الكدمات ديه تخف احمد:شكرا جدا يا دكتور.... يلا يا شرين ندخله ودخلوا لعادل الاوضه شرين: كده يا زباله تخضنا عليك عادل : انا زباله ماشى اما اقوملك بس سهير: الحمد لله انك قومت بالسلامه.... انت كان مالك بس ومال الخناقات ديه يا ابنى عادل: اولا انا كنت بعمل خدمه انسانيه شرين: خدمه انسانيه لمين بقى انشاء الله عادل: لواحده زميلتى فى المدرسه واحد غلس عليها مكانش ينفع اشوفه بيضايقها واقف اتفرج شرين(بأستعباط): زميلتك ماشى يا عم الرجوله احمد: ده انتى غريبه يا شرين ..... جدع يا عادل اه انا نسيت اعرفك بنفسى انا خطيب انجى بأعتبار ما سوف يكون بكره شرين:بكره.. انا مش فاهمه حاجه احمد:انا كنت بتصل بيكى علشان اقولك انى انا وبابا هنيجى لعمى بكره علشان اخطبك محمد: وانا يا سيدى مستنيكوا بس بعد اما عادل يقوم بالسلامه احمد: بجد يا عمى محمد:ايوه بجد بس لو انت مش جاهز خلاص احمد:لألألأ انا جاهز من دلوقتى كمان كلهم:ههههههههههه وفجأه دخلت عليهم حنين وفى ايدها بوكيه ورد واول اما شافها عادل اتعدل فى قاعدته وكان فرحان جداااااااااااااااااااا حنين (وهى وشها فى الارض): سلام عليكم كلهم:وعليكم السلام ورحمه الله وبركاته حنين: الف سلامه يا عادل عادل :الله يسلمك يا حنين مكنش ليه لزوم تتعبى نفسك حنين:عيب تقول كده يا عادل مش كفايه ان انا السبب ..انا اسفه جدا على الى حصل عادل:لأ متتأسفيش انتى ملكيش ذنب وكل ده وشرين ومحمد وسهير وانجى واحمدمستنيين يعرفوا مين ديه عادل:سورى يا جماعه نسيت اعرفكم حنين زميلتى فى المدرسه شرين:اهلا يا حنين تشرفنا حنين:انا اكتر .. عادل كان دايما يحكى عنك شرين(همست فى ودن عادل):هى ديه الى اتخنقت علشانها عادل(بنفس الهمس):اه اسكتى بقى علشان محدش يا خد باله حنين:بعد ازنكم انا يا جماعه عادل(بسرعه): ليه حنين:اصل انا اتأخرت واهم حاجه انى اطمنت عليك ..بعد اذنكم عادل:حنين حنين (لفت ):خير يا عادل عادل:خلى بالك من نفسك حنين (وشها احمر جدا واتكسفت جداااااااااااااااا):انشاء الله بعد اذنكم وهنا خرج محمد وسهير علشان يجيبوا اكل لعادل وموجود فى الاوضه شرين وعادل بس لان احمد كان روح هو وانجى وطبعا هناء كانت موجوده هى ومامتها بس مشيوا هما كمان شرين:هى حنين ديه زميلتك وبس عادل(بارتباك):اه... اه طبعا زميلتى وبس شرين:عليا انا يا واد عادل:الصراحه لأ انا بحبها بس هى مش حاسه بيا خالص شرين : ايوه كدا بان على حقيقتك عادل:انا مبهزرش يا شرين انا نفسى بجد تحس بيا بس مش عارف اعمل ايه شرين:متعملش حاجه خالص عادل:انتى بتهزرى بقولك بحبها شرين:طب صدقنى البت ديه بتحبك بس هى بتتقل عادل:لألأ اكيد لأ شرين:صدقنى وابقى قول شرين قالت _____________________________________ وفى مكان ما شخصين بيتكلموا الشخص الاول:ها ايه الاخبار الشخص التانى:عندى ليك خبر جديد الشخص الاول:قول الشخص التانى:هيتخطبوا الشخص الاول: متأكد الشخص التانى:طبعا متأكد الشخص الاول: طب ماشى استنى منى تليفون الشخص التانى:ماشى باى ويا ترى مين الشخصين دول؟ وهل شرين كلامها صح عن حنين ولا لأ؟ الحلقة 12 احمد:الو شرين:ازيك يا احمد عامل ايه احمد:مجنون شرين:مين ده الى مجنون احمد:اانا شرين:مجنون بمين بقى مجنون بيكى:احمد شرين:ههههههههههه احمد:الله الله وكمان بتضحكى عليا يا هانم شرين:ما انت الصراحه تضحك احمد:ليه اراجوز شرين:الصراحه اه احمد:كده طب انا هقفل شرين:خلاص انا اسفه احمد:الله على كلمه اسفه قمر يا خواتى شرين:انت هتفضل على كده كتير ..انجز كنت عايزنى فى ايه احمد :انا يا ستى كنت بطمن على عادل ايه اخباره شرين:الحمد لله هو كويس وهيخرج النهارده احمد:طب خلاص يبقى اعملوا حسابكم ان انا وبابا جينلكم بكره شرين(بأستعباط):جيين تطمنوا على عادل احمد:يا سلام على القمر اما يستعبط شرين:انا بستعبط طب انا زعلانه احمد:لأخلاص هو انا اقدر ازعلك احنا يا ستى جايين علشان نخطبك :انت مستعجل ليه ده لسه عادل خارج النهارده من المستشفى:شرين احمد:احمدى ربنا ان انا اصلا استنيت لغايه اما عادل يخرج من المستشفى ده انا زهقت والله كل ما نحدد ميعاد تيجى حاجه تعطلنا علشان كده انا عايز اخطبك بسرعه شرين:خلاص انا هقول لبابا يستناكم احمد:سلام...بحبك شرين:سلام...وانا كمان احمد:وانتى كمان ايه شرين:اقفل يا احمد انت غلس جدااا احمد:نفسى اسمعها منك ده انتى مقولتيهاش غير مره واحده شرين:اما نتخطب رسمى هقولها مره تانيه احمد:هو انا لسه هستنى لغايه اما نتخطب شرين:ايوان احمد:خلاص امرى لله ..مهو على رأى الست"الحب كده" شرين:خلاص بقى باى احمد:اوكى باى وخلصت المكالمه وراحت شرين تعرف باباها وطبعا عرفت هناء وجه اليوم الى احمد جاى فيه احمد:يلا يا بابا علشان منتأخرش مدحت:ايه مستعجل كده ليه احمد:بص اصل كل اما نحدد ميعاد تحصل حاجه تعطلنا وانا ما صدقت ان خلاص الهموم كلها اتفكت مدحت:طب يلا بدال ما تتعقد تانى احمد:اومال فين ماما وانجى نزلين اهم وراحوا كلهم لبيت شرين احمد:سلام عليكم كلهم : وعليكم السلام انجى:اومال فين العروسه يا طنط سهير :جوه فى الاوضه ومعاها هناء انجى:اوكى انا هدخلهم ودخلت انجى لهناء وشرين انجى:العروسه عامله ايه شرين:انجى ازيك عامله ايه انجى:ما انا زى القرد قدامك اهوه هناء:ايه ده هو انا مش باينه ولا ايه انجى:لأطبعا يا سكره ازيك عامله ايه هناء :الحمد لله وانتى انجى:ما انا زى الفل اهو يا جماعه شرين:احنا غلطانيين اننا بنسلم عليكى انجى:لأيا ستى انتى وهيه خلاص هناء:خلاص سماح المره ديه علشان خاطر عروستنا الجميله انجى:يلا يا بنتى خلصى الواد بره بقى فرن يعنى ممكن لو الشاى الى قدامهم برد يسخنوه عليه هناء:ههههههههه عقبالى يا ولاد انجى:لأيا هناء من الواضح ان مستر وليد معجب بيكى اوى ده انتى لو شوفتى شكله ساعه اما الحيوان الى اسمه شادى ده غلس عليكى كنتى اتأكدتى ميه فى الميه انه بيحبك هناء:الله اعلم...سيبك منى يلا نخلص البت ديه خلينا نرتاح منها شرين:كده طب انا زعلانه منكم وهنا الباب يخبط عادل:ممكن ادخل كلهم:اتفضل عادل دخل وقفل الباب وراه عادل:للللللللللللللللللللللللللللللللللللللووووووو وووووووووووووى البنات:هههههههههههههههههههههههه عادل:مبروك يا عروسه شرين:عقبالك يا اختى عادل :لأبجد الف مبروك يا شيرى شرين:الله يبارك فيك وفى نفس هذه اللحظه كان احمد ومدحت وناريمان قاعدين مع محمد وسهير وبيتكلموا احمد:مين الى بيزغرط ده سهير:ههههههه ده عادل المجنون كلهم:هههههههههههه ونروح لشرين والبنات فى الاوضه انجى :يلا بقى يا شرين اخرجى شرين:لألأمش هينفع اخرج تدخل عليهم سهير سهير:يلا يا شرين بقى علشان تدخلى العصير شرين:لأيا ماما ما تدخليه انتى ولا اى حد من البنات سهير:يلا يا حبيبتى مينفعش شرين:حاضر وشرين كانت ع سنجة عشره وخرجت شرين وحطت العصير وجريت على الاوضه بتاعتها راحت سهير دخلتلها سهير:انتى يا بت انتى عبيطه اخرجى اعدى مع الناس شرين:لأ يا ماما انا دخلت العصير وخلاص سهير:يا بت علشان يشوفوكى شرين:لأيا ماما مهو هم شافونى يوم ماكان عمو مدحت تعبان فى المستشفى سهير:بصى يا بت انتى لو مخرجتيش دلوقتى انا..... شرين:خلاص هخرج وخرجت شرين وهى فى قمه الخجل محمد:بس الخطوبه تبقى بعد ما يخلصوا الترم ده مدحت:وهو كذلك انا كمان كنت عايز كده مدحت:نقرأالفاتحه وقروا الفاتحه وشرين دخلت الاوضه بتاعتها واحمد روح البيت واتصل بيها احمد:حبيبتى عامله ايه شرين:ايه حبيبتك ديه احنا لسه ما اتخطبناش احمد:كلها شهر ونص ونخلص امتحانات ونعمل حفله خطوبه مصر كلها تحلف بيها شرين:مصر كلها احمد:اه طبعا مصر كلها ميغلاش عليكى يا شيرى شرين:اوكى سلام يلا احمد:سلامن يا قلبى وقفلوا مع بعض وراحوا ناموا وجه اخر يوم فى الامتحانات __________________________________ وفى مكان ما شخصين بيتكلموا الشخص الاول :ايه الاخبار الشخص التانى:خطوبه بعد الامتحان الشخص الاول:ايه خطوبه الشخص التانى:للاسف الشخص الاول:خلاص يبقى هنسيبها تعدى على خير الشخص التانى:ليه الشخص الاول :خليك فى حالك وخلاص...سلام الشخص التانى سلام ويا ترى مين الشخصين ؟ الحلقة 13 فى اول يوم فى امتحانتهم احمد:انجى لنجى:هاى يا احمد عملت ايه احمد: الحمد لله وانتى انجى:الحمد لله احمد:اومال فين شرين وهناء انجى:اهم جايين اهم وتيجى عليهم شرين وهناء شرين:سلام عليكم ازيك يا احمد احمد:انا الحمد لله وانتى شرين:الحمد لله احمد:ازيك يا هناء هناء:الحمد لله عملتى ايه فى الامتحان يا انجى انجى:الحمد لله وانتوا شرين:الحمد لله الامتحان كان شبه كويس انجى:ههههههههه شرين:وانت عملت ايه(موجهه كلامها لاحمد) احمد:اهو حليت شرين:يعنى ايه حليت ديه احمد:هههه خلاص يا ستى ... الامتحان كان زى الفل شرين:الحمد لله ...يلا بقى نروح علشان اطمن ماما هناء:وانا كمان احمد:طب يلا اوصلكم فى سكتى شرين:لأطبعا مينفعش النا س تقول ايه احمد:انتى هبله انتى خطيبتى يا بنتى شرين:لأاحنا لسه متخطبناش وكمان (يقاطعها احمد احمد:خلاصيا ستى طب حتى اركبكوا تاكسى شرين:اذا كان كده اوكى وروح كل واحد على بيته وفى بيت هناء:هناء:ماما انا جيت نعمه(وهى خارجه جرى من المطبخ) : هناء عملتى ايه يا حبيبتى هناء:الحمد لله نعمه:وشرين عملت ايه هناء:الحمد لله نعمه:طب يلا غيرى هدومك علشان تتغدى هناء:حاضر وفى بيت شرين شرين:الحمد لله الامتحان كان كويس سهير :طب يلا علشان تتغدى شرين:لأانا داخله انام واما اصحى ابقى اتغدى بس صحينى بعد ساعه علشان اتغدى واذاكر سهير:ماشى يا حبيبتى وفى بيت احمد وانجى احمد:سلام عليكم مدحت\ناريمان:وعليكم السلام ناريمان:ايه الاخبار احمد:زى الفل الحمد لله مدحت :وانتى يا انجى انجى:الحمد لله الامتحان كان كويس ناريمان:يلا اطلعوا غيروا هدومكم على ما فتحيه تجهز الاكل انجى\احمد:اوكى وجريت الايام والاسابيع وجه اخر يوم فى امتحانات انجى وشرين وهناء بس احمد كان لسه فاضله اسبوع واحد ويخلص ومع ذلك هخليلكم الاسبوع يجرى ويخلص احمد كمان امتحاناتوا احمد:الويا شيرى شرين:ازيك يا احمد احمد:انا كويس علشان بسمع صوتك شرين:يا بكاش احمد:والله بحبك وبموت فيكى كمان شرين(بكسوف وهى بتحاول تغير الموضوع) :اه قولى ايه اخبار الامتحان احمد(وهو طبعا فهمها): كان كويس الحمد لله شرين:طب خلاص باى بقى احمد:ماشى مع انى مش عايز اقفل خالص شرين:لألازم تقفل علشان انا عايزه انام احمد:من عنيا سلام شرين:خلى بالك من نفسك..سلام احمد:اقفلى انا هيغم عليا من الرقه شرين:ههههههههه سلام احمد :سلام وقفلوا مع بعض ونزل احمد لباباه ومامتو احمد:هاى عليكم مدحت:طب سلام عليكم احمد:السلام عليكم ورحمه الله وبركاته ناريمان:هههههه ..بس تعالى هنا انت كنت نازل عايز ايه احمد:يعنى هو انا لازم اكون عايز حاجه علشان انزل اقعد معاكوا مدحت:طبعا...وكمان انت فرحان ليه ..اكيد كلمتها صح احمد:احبك وانت فاهمنى مدحت:هههههههه انت عبيط يلا احمد:بص بقى ندخل فى الجد انا عايزك فى موضوع ناريمان:انا قولت انك متنزلش كده لله فى لله مدحت:استنى اما نشوف عايز ايه ..ارغى احمد:انا خلصت امتحاناتى مدحت:لأبجد مبروك ..ما انا عارف يا له احمد:طب انتوا قلتوا ان الخطوبه بعد الامتحانات ..صح مدحت:لأمش صح بعد ما النتيجه تظهر يا ظريف احمد:يا بابا بس مدحت:اما النتيجه تظهر احمد:ماشى وطلع اوضته وكلم شرين احمد:الو شرين:ايه مال صوتك احمد:مفيش شرين:هو ايه الى مفيش مالك يا احمد احمد:بابا يا ستى قال مفيش خطوبه غير اما النتيجه تطلع شرين:نفس الكلام الى قالهولى بابا احمد:شكلهم اتفقوا فى الشغل من ورانا شرين:حتى لو اتفقوا ايه المشكله بعد النتيجه بعد النتيجه خلاص احمد:تصدقى انا غلطان شرين:غلطان فى ايه احمد:احنا اما نتخطب بعد النتيجه مش هيبقى ورانا حاجه ونخرج براحتنا شرين:ماشى يا سيدى باى بقى احمد:باى يا احلى شرين فى الدنيا وعدت الايام تانى وجه يوم ظهور النتيجه والحمد لله نجحوا كلهم وجه يوم الخطوبه احمد واقف مع محمد ومدحت وانجى واقفه مع هناء وحبه من اصحابهم وسهير واقفه هى ونعمه وناريمان وشرين بتجهز فوق فى الاوضه بتاعه انجى (الصورة الى تحت دى شكل شرين لما جهزت وبصراحه بقيت لووووزه هههههههههههههههههههههههههههههههههههه) وكانت زى القمر واول اما نزلت اتقطعت ايدين الناس من التصقيف ملحوظه(كانوا عاملين الخطوبه فى الفيلا بتاعه احمد) واحمد عينه سبتت عليها وراح ماسك ايدها وباسها وقعدوا على الكوشه واشتغلت اغنيه غمض عنيك واحلم معايا ورقص احمد مع انجىوعنيهم فى عنين بعض احمد(بهمس) :بحبك شرين(بهمس اكتر) :بحبك احمد كان ساعتها طاير من الفرحه راح سايب ايدها وصرخ وطار فى الهوا وقال احمد:قالتلى بحبك ههههههههههههههههه قالتهاااااااااااااااااااااااااااا شرين :وهى كانت فى قمه الكسوف والانبهار):مجنون احمد(:مسك ايدها تانى:مجنون بيكى وبدأوا يرقصوا تانى والكل كان فى حاله انبها من الى احمد عمله وفى نفس الوقت مبسوطين من الحركه الجنان ديه وخلصت الاغنيه وحصلت حاجه بس كانت غريبه جداااااااااااااااااااااااااااااااااااااااااااااااا اااااااااااااااااااا
__________________
الحمد لله الذي عافاني مما ابتلى به كثيرا ً من عباده و فضلنا على كثير ٍ ممن خلق تفضيلا |
|
#36
13-08-2012, 02:21 AM
|
||||
|
||||
|
الحلقة 14
وخلصت الاغنيه وحصلت حاجه غريبه جداااااااااااااااااااااااااااااااااااااااااااااااا ااااااااااا ... احمد راح شادد الميكروفون احمد:بحببببببببببببببببببببببببببببببببببببببببببب بببببببببببببببببببببببببببببك كل الموجودين:ههههههههههههههههههه وطبعا بدأالتصقيف وبدأ عم احمد يغنى حبيبى قرب ..قرب كمان وحس بيا سيبنى اقولك ..انت ايه بالنسبه ليا ده انت عمرى ونبض قلبى وانت اغلى الناس عليا نفسى الاقى كلمه تانيه غير بحبك اقولها ليك كلمه توصفلك يا عمرى قد ايه احساسى بيك نفسى اجيبلك من السما نجم الليالى بين ايديك نفسى اقولك الف كلمه حب توصف حبى ليك نفسى اخدك من ايديك واطلع معاك عند السحاب ننسى دنيتنا وزمنا ننسى ايام العذاب ديه حكيتنا يا حبيبى تتحكى فى مليون كتاب طب تعالى فى حضن قلبى كل دقه بتناديك ديه اغنيه ايهاب توفيق وقمه فى الرومانسيه وطبعا كان بيغنيها وهما بيرقصوا وخلصت حفله الخطوبه وروحت شرين البيت واول اما وصلت لقت تليفونها بيرن شرين:ده اكيد احمد سهير :قومى ردى عليه يا شرين..ربنا يخليكوا لبعض شرين:الو الشخص:فرحانه شرين:مين معايا الشخص :طب شوفى يا قمر انتى دلوقتى فرحانه بس اعملى حسابك بكره مش هتفرحى تانى شرين:مين الى بيتكلم..الو الوووو للاسف السكه اتقفلت شرين مرديتش تقلق مامتها ولا اى حد وكررت انها تنام والصبح تقول لاحمد بس لقت احمد بيتصل بيها دلوقتى هى كانت مرتبكه وخايفه لانها مش عايزه تقلقه عليها بس اضطرت انها ترد شرين:الو يا احمد احمد:مال حبيبى شرين:مفيش يا احمد ما انا زى الفل اهوه احمد:بصى هو اولا فى حاجه مضيقاكى وثانيا انا مش عايز اعرفها دلوقتى علشان انا فرحان جداااااااااا وياريت انتى كمان متفكريش فى الحاجه الى انا معرفهاش ديه علشان تفضلى فرحانه ..اوكى شرين:اوكى ..بس انا هحكيلك بكره والله احمد:وانا ودانى وقلبى وروحى وعقلى ملكك اعملى الى انتى عايزاه فيهم شرين:هههههههه احمد:ايوه كده اضحكى ده النهارده يوم ميتعوضش شرين:طبعا احمد:بحبك والله العظيم بحبك شرين:طبعا احمد:هو ايه الى طبعا شرين:يعنى اقول ايه احمد:قوليلى بحبك وحشتنى حسسينى ولو مره واحده بكلمه حلوه شرين:ههههههه خلاص يا سيدى ..ب..حبك وحشتنى احمد:الله ده حنا بقينا بنتكلم اهوه شرين:هو انا كده مش عاجب وكده مش عاجب احمد:مين الجزمه الى قال كده انتى كده قمر وكده قمرين شرين:ماشى يا سيدى احمد:بصى انا عارف انك هلكانه من التعب صح شرين:الصراحه اه وانت كمان تعبان صح احمد:احبك وانت حاسس بيا يا جميل شرين:هههههه يا بنى انا عايزه انام ممكن احمد:ابنك ..ماشى هعديها اتفضلى خشى نامى معندناش ستات تسهر لغايه الفجر شرين:والله انا قولت مجنون ما انت الى مسهرنى احمد:هرد عليكى بكلمه واحده بس..بحبك شرين:وانا كمان بحبك احمد :باى يا حبيبتى شرين:سلام وقفلوا وهم فى قمه السعاده لدرجه ان شرين نسيت التليفون الى جالها ده اصلا وجه تانى يوم وشرين قابلت احمد احمد:وحشتينى شرين:وانت كمان وحشتنى ..بس انا عايزاك فى موضوع احمد:أأومرينى شرين:انت امبارح بليل قلتلى ان صوتى متغير صح احمد:صح شرين:وانا قلتلك انى هحكيلك صح احمد :صح يا شرين خير شرين: (حكتله كل حاجه احمد:طب هاتى تليفونك اشوف النمره ديه شرين:التليفون اهوه احمد:ايه ده دول بيتكلموا من الشارع من كابينه يعنى شرين: (بعياط) انا خايفه يا احمد احمد: (وهو بيمسح دموعها بأيده )طول ما انا جمبك ما تخافيش احمد:قومى بينا شرين:فين احمد:على بيتكم شرين :انا مش عايزه اروح احمد :ومين قالك انك هتروحى احنا هنروح البيت تيرى هدومك وتظبطى نفسك وانا استأذن من الحاج محمد والحاجه سهير انك تخرجى معايا شرين:لأطبعا مينفعش اخرج معاك لوحدنا احمد:انتى هبله احنا حفله خطوبتنا كانت امبارح لحقتى تنسى شرين:هههههههه لأطبعا هو ده يوم يتنسى ...أنا بس كنت بهزر يعنى احمد:شربات يا ولاد ..يلا بقى وراح احمد وشرين لبيت شرين احمد:احنا هنااااااا سهير:تعالى يا احمد احمد:سلام عليكم محمد \ سهير :وعليكم السلام احمد:انا جاى اترجاكم واتوسل اليكم انى اخرج انا وشرين سهير :ههههههههه انا عن نفسى معنديش مانع احمد:والحاج العسل الى قاعد ده محمد:انا يا سيدى موافق احمد:يلا ادخلى البسى بدل م يغيروا رأيهم دخلت شرين تلبس واحمد قاعد بيتكلم مع سهير ومحمد محمد:قومى يا سهير اعمليلنا كوبيتين شاى سهير :من عنيا وقامت سهير على المطبخ احمد:عمى انا عايز اكلمك فى موضوع يخص شرين محمد:خير يا ابنى احمد:خير انشاء الله(وحكاله كل حاجه عن موضوع التليفون ) محمد:يا خبر ..طب ومعرفتش مين دول احمد:للاسف لأ ..بس والنبى يا عمى متجيبش سيره لا لشرين ولا لطنط محمد:طبعا يا ابنى بس شرين مقلتليش ليه احمد:محبتش تقلقك ...بس انا قولت اقولك لانى مش هخليها تخرج لوحدها خالص محمد:ربنا يخليكوا لبعض يا ابنى احمد:خلاص منتكلمش بقى علشان طنط جايه سهير:الشاى احمد:تسلم ايدك يا طنط وقعدوا وشربوا الشاى وخرجت شرين شرين:انا جاهزه احمد:اتفضلى وخرجوا من البيت واتفسحوا فسحه جناااااااااااااااااان وياترى ايه الى هيحصل بعد كده ؟ ومين الشخص الى كان بيكلم شرين؟ وهل ليه علاقه بالخصين الى كانوا بيتكلموا؟ ----------------------------------------------------------------------------- الحلقة 15 فى الكليه شرين:مش ملاحظين حاجه يا بنات انجى:لأ فيه ايه شرين: (وهى بتبص لهناء:دكتور وليد مش باين هناء:ها ..اه صح شرين: (بخبث) :طب مش عايزين تعرفوا هو فين هناء(بسرعه ) :انتى تعرفى شرين:اه اعرف انجى:طب ....متقوليش هناء:يا رخمين قولى بقى يا شرين انجى:ايه ده وكمان بتكتبى شعر كمان هناء:هتقولوا ولا امشى شرين:خلاص خلاص ياستى انا كنت سمعت انه سافر لبنان علشان يجيب اهله ويجوا يخطبوا له واحده من هنا هناء:ايه ؟.....طب متعرفيش مين ديه شرين:انا سمعت الكلام ده من الدكاتره وبيقولوا انها واحده من الطلبه هنا بس هو لسه مفاتحهاش انجى:ماشى يا شرين بتتصنتى من ورايا ده انا الى علمتك التجسس صدق الى قال"علمناهم الشحاته سبقونا على الابواب" شرين:ههههههههههههههههههه انتى متأكده ان مامتك من تركيا انجى:ههههههههههاه والله بس بابا من بولاق شرين:هههههههههه ده انتى داهيه انجى:هناء هناء:____________ شرين:هناء هناء:______________ انجى:هنااااااااااااااااااااااااااء هناء:ها ...فيه ايه انجى :بقالنا ساعه بندن فى ودنك وانتى ولا هنا شرين:ساعه يا جباره ده احنا مكملناش دقيقه انجى :خلاص بقى عديها شرين:مالك يا هناء هناء:والله ما عارفه انا مالى وليه زعلت اما عرفت انه هيخطب شرين:انتى بتحبيه بجد ولا ايه هناء:شكلى كده انجى:طب ما يمكن يكون هيخطبك انتى هناء:انتى بتهزرى يا انجى شرين:وليه لأ انا بقولك سمعتهم بيقولوا ان هو مفتحش البنت الى هيخطبها فى حاجه قبل ما يسافر هناء:يلا بقى ..سيبكم منى يلا على المحاضره شرين:لألألأ البت ديه اتهبلت خالص..لسه فاضل على المحاضره نص ساعه يا فالحه هناء:انا مش مركزه خالص انجى:عقبالى يارب اما الاقى الى يخلينى هبله امتر منا هبله ويسهرنى اليل افكر فيه وفى الاخر يدينى بمبه ويروح يمشى مع بنت تانيه مع انه قبل كده يكون واعدنى بالخطوبه وبعين بقى اخلاقه تفسد ويموت وارتاح منه خالص شرين:هههههههههههههه انتى اتعديتى من هناء الرغى ولا ايه هناء:ايه الفيلم الهندى ده انجى:اهوه بسلى نفسى وقعدوا يرغوا كتير وبعدين راحوا على المحاضره وخلصت المحاضره وكان لسه فاضل ساعتين على المحاضره التانيه فقالوا بقى يتغدوا ويرتاحوا حبه لان المحاضره الى جايه ديه كانت اخر محاضره ليهم _________________________________________ نسيبهم ونروح لاحمد فى كليته احمد واقف مع واحد صحبه اسمه سيف ملحوظه سيف ده انسان محترم جدا ومن اصحاب احمد بعد اما اتعدل احمد:انا متهيألى ان الماده ديه انا ممكن اجيب فيها ممتاز سيف:يلا ربنا يوفقنا جميعا ..قولى ايه اخبار خطيبتك ا احمد:الحمد لله سيف:تصدق انا لغايه دلوقتى لسه معرفهاش اصلا احمد:ماشى يا سيدى هبقى اعرفك عليها هى واصحابها كمان سيف:وانا مالى ومال اصحابها احمد:اصلهم مش اصحابها بالمعنى ديه واحده فيهم اختى والتانيه تعتبر اختها مش صحبتها وساكنين جمب بعض كمان سيف:اوكى بس انت اول مره تعرفنى ان عندك اخت احمد:عادى يعنى مجتش فرصه بس تصدق انا من ساعه ماعرفت شرين خطبتى وانا بحب اختى ديه جدااااااااا سيف:ليه هو انت مكنتش بتحبها قبل كده احمد:مش بالمعنى بس انا مكنتش مقرب ليها اوى يعنى بس اصل هى الى كانت السبب فى انى اتعرف على شرين حبيبتى سيف :ربنا يخليكوا لبعض يا سيدى ويكرمنى انا كمان والاقى الى يش غل بالى احمد:انشاء الله سيف :انا رايح اجيب حاجه نشربها من الكافيتريا ...اجيبلك معايا احمد:اوكى هاتلى شاى سيف:اوكى ومشى سيف راح يجيب شاى من الكافيتريا ورجع لاحمد احمد:بص انا رايح اطمن على شرين فى الكليه بتاعتها(احمد طبعا مرتبك وخايف على شرين من ساعه التليفون ده الى جالها) سيف:يا سلام ومن الحب ما قتل احمد:هههههههه المهم يلا تعالى معايا وبالمره اعرفك على شرين وعلى انجى سيف:انجى مين احمد:اختى سيف :هى اسمها انجى احمد:اه ..يلا بقى سيف :طب والشاى احمد:نشربه واحنا ماشيين وراح احمد وسيف على كليه الصيدله ووهما ماشيين _________________________________ ونروح لشرين حبه شرين:انا شايفه احمد جاى من بعيد اهوه ومعاه حد انجى:طب يلا احنا يا هناء نجيب نسكافيه من الكافيتريا هناء:اوكى وشرين واقفه لوحدها وانجى وهناء راحوا يجيبوا نسكافيه وهما ماشيين احمد:ايه ده شرين واقفه هناك اهى انا هروح اجيبها واجى تعالى معايا سيف:لأيا عم انا مبحبش ابقى عزول احمد:طب خلاص استنى هنا وانا هروح اجيبها واجى سيف:بس ديه واقفه لوحدها ..الحق ديه بتشاورلك احمد: (بيشاور لشرين) انا هروح واسئلها عن انجى وهناء واجيبهم واجيلك سيف:ومين هناء ديه كمان احمد:ديه صحبتهم التالته..سيبنى بقى اروحلها سيف:هههههههه ماشى وراح احمد لشرين وسيف واقف بيشرب الشاى وفجأه انجى وهناء ماشيين بيشربواالنسكافيه انجى:ده احمد واقف مع شرين اهوه هناء:طب يلا نروح لهم وفجأه انجى:اةةةةةةة الشخص :اةةةةةةة انجى:انا اسفه والله مكنش قاصدى الشخص:انا الى اسف لانى مكنتش واخد بالى وكمان انتى هدومك باظت خالص انجى:وانت كمان انا اسفه والله وهنا يأتى احمد وشرين احمد:فيه ايه يا انجى ..ايه ده سيف كمان شرين:ايه فيه ايه هناء:حصل خير يا جماعه هما بس خبطوا فى بعض احمد:ههههههههههههههههههه سيف:انت بتضحك على ايه يا احمد شرين:انتوا تعرفوا بعض احمد:ههههههههههههه اصل ده يا ستى سيف صاحبى الى كنت هعرفكم عليه سيف:انتى شرين صح شرين:اه انا اتشرفت بمعرفتك انجى:انا مش فاهمه حاجه خالص هناء:وانا كمان احمد:انا هفهمكم ده سيف صاحبى جيبته وجيت علشان اعرفكم على بعض كلكم ولحسن الحظ اتقبلتم سيف:مع انى مش فاهم ايه الى بيحصل بس حصل خير يا انسه..يلا يا احمد بقى احمد:مش اما اعرفك الاول سيف:تعرفنى على مين احمد:على اختى عادل(بيبص حواليه) :هى فين ديه احمد:هههه اهيه يا سيدى (وبيشاور على انجى) عادل:ايه ..انا ..انا اسف انجى:يا محاسن الصدف (وراحت قلعت نظاره الشمس الى كانت لابساها وبتسلم على سيف) انجى:ازيك يا سيف واسمحلى اقولك يا سيف من غير القاب سيف:___________ احمد:انت يا ابنى سيف:ها(طبعا سيف سرحان فى عيون انجى الجميله) احمد:هه ايه انت روحت فين للدرجه ديه النسكافيه بيأثر فى الواحد انجى (طبعا وهى فى قمه الخجل وراحت موطيه فى الارض ) :بعد ازنكم انا هروح علشان هدومى باظت خالص سيف:هشوفك تانى انجى:انشاء الله...انا هروح بتاكسى خليك انت يا احمد احمد:اوكى هناء:هبقى ابعتلك المحاضره يا انجى انجى:اوكى ..باى ومشيت انجى وسيف مازال سرحان احمد:سيف انت يا ابنى سيف:هاا كنت بتقول حاجه احمد:لأابدا انا بقول تروح تغير لان منظرك مضحك جداااااا سيف:اخت رقيقه اوى احمد:انت بتعاكس اختى قدامى سيف(بخضه ) :لأوالله احمد:هههههههه انا بهزر يا ابنى سيف:انا ماشى انا احمد:هتروح سيف :طبعا بعد اذنكم سيف(بيسلم على هناء) :انا اسف انى مسلمتش عليكى يا هناء:هناء سيف:انا تشرفت بمعرفتكم جدا بعد اذنكم ومشى سيف وركب عربيته وهو عمال بيفكر فى انجى وانجى برضو عماله بتفكر فيه واحمد وشرين وهناء لسه واقفين ودار بينهم الحوار ده شرين:صحبك شكله اتشد لانجى هناء: من اول نظره كده احمد:وليه لأعلى العموم الى مكتوب هيبان شرين:ماشى يا عم المؤمن امشى بقى لان احنا عندنا محاضره احمد:اوكى باى ومشى احمد ودخلت شرين وهناء المحاضره واحمد روح البيت واول اما دخل البيت طلع غير هدومه ودخل اوضه انجى لقاها قاعده بتذاكر احمد:اهلا بالقطقوطه انجى:انت جيت احمد:لسه قدامى نص ساعه واجى اما اجى هبقى اقولك انجى:ه ماشى يا عم الظريف احمد:الواد اتهبل والله انجى:هو مين ده احمد:سيف انجى :سيف احمد(بيحاول يقلد انجى) :ايوه سيف انجى(بتخبط احمد على كتفه) :انت رخم بتتريق عليا يا احمد احمد:ه هو انا اقدر انجى:طب يلا اطلع بره علشان عايزه انام احمد:شكلى كده بتوزع :كصح انجى:لأ بتطرض احمد:انا مسامحك يا ستى ..بس المره الى جايه انجى:هتعمل ايه احمد:هسامحك برده يعنى هعمل ايه انجى:هههههههه ايوه كده اتعدل احمد:انا خارج بقى علشان هنام انجى :اوكى وخرج احمد على اوضته ونام وانجى نامت وفى بيت سيف اول اما رجع من الكليه سيف:سلام عليكم مها\ محمود (باباه ومامته) :وعليكم السلام مها:ايه ده ايه الى عمل فيك كده سيف:مفيش يا ماما انا داخل اغيرهدومى مها:مش هتتغدى سيف:لأ انا عايز انام محمود:لأغير هدومك وتعالى فى اوضتى علشان عايزك سيف:حاضر ودخل سيف غير هدومه ودخل لباباه الاوضه سيف:خير يا بابا محمود:مالك سيف:ما انا زى الفل اهوه محمود:بص انا اعرفك من طريقه كلامك اعترف بالذوق مالك سيف:هو انا مبعرفش اخبى عنك حاجه خالص يا راجل انت محمود:هههههه انا قولت ان فيه حاجه ..قول بقى مالك سيف:مش عارف يا بابا شكلى وقعت محمود:وديه مين بقى الى وقعتك سيف:اخت واحد صاحبى بس مؤدبه جدا وفى اولى صيدله محمود:وديه اتعرفت عليها ازاى سيف: (حكاله كل حاجه) محمود:ههه يعنى هى الى مرمتلك التى شيرت كده سيف:اه محمود:طب حاول تكلم اخوها فى الموضوع سيف:لأيا باب اما اعرف الاول هى ايه شعورها من نحيتى محمود:اه صح عندك حق سيف:ربنا يقدم الى فيه الخير محمود: طب يلا ادخل نام انت حبه سيف:حاضر تصبح على خير محمود:وانت من اهله وخرج سيف ودخلت امه الاوضه مها:محمود هو الواد ده ماله النهارده محمود:مافيش مها:انا عارفه انوا قالك بس مادام انت فرحان يبقى هو كويس محمود:اه والله كويس وفى مكان ما شخصين بيتكلموا الشخص الاول :الو الشخص التانى:الاخبار مش كويسه الشخص الاول :ليه الشخص التانى:ده مبيفارقهاش لحظه من ساعه اما تصلنا بيها الشخص الاول:يبقى هو الاول الشخص التانى:لألألأ استنى شويه الشخص الاول:ماشى ..سلام الشخص التانى:سلام ويا ترى مين الشخصين دول ؟وهيعملوا ايه؟ وايه الى هيحصل لانجى وسيف؟
__________________
الحمد لله الذي عافاني مما ابتلى به كثيرا ً من عباده و فضلنا على كثير ٍ ممن خلق تفضيلا |
|
#37
13-08-2012, 02:37 AM
|
||||
|
||||
|
يلا بقى هيييييييييييييييييييييييييييييييييييييييصوا
__________________
الحمد لله الذي عافاني مما ابتلى به كثيرا ً من عباده و فضلنا على كثير ٍ ممن خلق تفضيلا |
|
#38
13-08-2012, 03:34 AM
|
|||
|
|||
|
هههههههههههههههههههه احنا فعلا هيصنا بس انتى بتشوقينا جامد اوى يعنى بترملنا الطوعم وبتغيبى كتير بعد كدة
بليز نزلى الحلقة اللى جاية بسرعة .. 
|
|
#39
13-08-2012, 04:30 AM
|
||||
|
||||
|
ده احنا هصنا جدااااااااااا
ههههههههههههههههه والله جمايلك مغرقانا بس اوعى تتاخرى احسن نبدا بيكى انتى مش باحمد ولا شرين ههههههههههههههه
__________________
 ادعوووووولى ربنا يقدرنى على المذاكرة |
|
#40
13-08-2012, 05:10 AM
|
||||
|
||||
|
الحلقة 16
فى بيت احمد احمد قاعد مع انجى احمد :ها هتعملى عيد ميلادك فين ... انجى:مش عارفه متفكر معايا احمد:ايه رأيك نعمله فى يخت فى النيل انجى:الله فكره تجنن يا ميدو بس تفتكر هنلحق ده عيد ميلادى بكره احمد:ايوه هنلحق هو بس بابا يوافق هو وماما وانا هحجز اليخت انجى:متقلقش انا هخليهم يوافقوا احمد:ماشى يا عم المقنع ودخلت انجى لباباها ومامتها فىالاوضه بتاعتهم انجى:يا مساء الخيرات ناريمان:تعالى يا لمضه خير انجى:انت متأكد ان الحاجه ديه تبقى امى مدحت:هاه والله بس تصدقى هى عندها حق انتى فعلا ماتجيش غير لما يكون فى حاجه انجى:انا دايما مظلومه بس فعلا فى حاجه ناريمان:خير انجى :انتوا نسيتوا بكره عيد ميلادى مدحت :كل سنه وانتى طيبه يا قرده ناريمان:كل سنه وانتى طيبه يا حبيبتى انجى:ميرسى جداا بس انا ليا عنكوا طلب مدحت:أأمرينى انجى:انا واحمد اتفقنا ان احنا هنعمل البارتى بتاعه عيد الميلاد على يخت فى النيل وطبعا انا جايه اعزمكم مدحت:ممممممم اشوف رأى امك فى الموضوع ده ولو فاضيين طبعا هنيجى انجى:هههههه يعنى انتوا موافقين ناريمان:على اساس انك جايه تخدى رأينا انتى جايه علشان تقوليلنا انك انتى واحمد اتفقتوا ورتبتوا كل حاجه انجى:خلاص بقى سماح المره ديه مدحت:كل سنه وانتى طيبه يا انوش انجى:وانتوا طيبين يا اجدع اب وام فى تاريخ مصر كله مدحت\ ناريمان :ههههههههههه ونزلت انجى لاحمد انجى:ميدوووووووووووو وافقوا يا ميدو احمد:هه فضحتينى بجد وافقوا انجى:طبعا يا ابنى هو انا بلعب احمد:ماشى يا ستى انا هنزل احجز اليخت اهوه انجى :ميرسى يا احلى اخ فى الدنيا انجى :انا هطلع اعزم شرين وهناء وحبه من اصحابنا فى الكليه احمد:وانا كمان هعزم اصحابى انجى(بأستعباط) :اصحابك مين يعنى احمد(بخبث) : شويه اصحاب ليه من الكليه انجى:اوكى انا طالعه اوضتى بقى احمد:انجى انجى:نعم احمد:علفكره انا هعزم سيف انجى(بأرتباك) :انا مسألتش هتعزمه ولا لأ احمد:انا بقولك بس انجى:لأمتقولش احمد:اوكى وطلعت انجى اوضتها تكلم شرين انجى:الو يا شرين عامله ايه شرين:الحمد لله وانتى انجى:كويسه الحمد لله شرين:واحمد عامل ايه انجى(برقه مصتصنعه) :احمد كويس اوى شرين:انتى رخمه علفكره..اخلصى كنتى عايزه ايه انجى:انا زعلانه كنت ف****ى فكره شرين:هى فزوره ..قولى بقى بجد انجى:خلاص بكره عيد ميلادى شرين:كل سنه وانتى طيبه يا انوش انجى:وانتى بالصحه والسلام يا حبيبتى شرين:وهتعملى البارتى فين انجى:فى يخت فى النيل شرين:يخربيت عقلك فكره تهبل انجى:ديه فكره خطيبك يا فالحه شرين:على العموم كل سنه وانتى طيبه يا جميل انجى:هستناكى انتى والبت هناء شرين:عن نفسى انا جايه بس هناء متوقعش انجى:ليه بتقولى كده شرين:هناء مكتئبه اوى من ساعه اما وليد سافر وعقلها عمال بيجيب ويودى وخصوصا اما عرفت انه رايح يجيب اهله علشان يخطب انجى:مهو انتى الى قولتيلها يا فالحه شرين:انا ماكنش قصدى والله ومكنتش اعرف انها بتحبه اوى كده انجى:متقلقيش انا هتصل بيها وافنعها شرين:خلاص وانا مش هجيبلها سيره انك كلمتينى اصلا انجى:اوكى سلام شرين:سلام وتصلت انجى بهناء:هناء:الو يا انجى انجى:ايه يا لمضه مال صوتك هناء:مليش انجى :على العموم انتى هتحكى هتحكى دلوقتى بعدين هتحكى وخلاص هناء:انشاء الله خير متصله ليه انجى: انا متصله اعزمك على عيد ميلادى بكره هناء:كل سنه وانتى طيبه بس انا مش هقدر اجى انجى:لأهتيجى والا والله هزعل منك هناء:والله انا مش قادره اشوف حد يا انجى انجى:يابنتى فكى والله شكله بيحبك هناء: (بعياط) هتجنن يا انجى من كتر التفكير انجى:طب اهدى بس هناء:مش قادره والله انا مش عارفه ايه الى بيحصلى انا اول مره احب حد كده انجى:بصى انا مش عايزه نكد يا بت انتى وهتيجى يعنى هتيجى وهستناكى هناء:بس انجى:انتى لسه هتبسبسى هتيجى ..سلام هناء: (لسه هتتكلم لقت انجى قفلت السكه) ولقت باب اوضتها بيخبط هناء:ادخل شرين:سلام عليكم هناء:وعليكم السلام ازيك يا شرين شرين:الحلو مكتئب ليه هناء:مفيش شرين:هو ايه الى مفيش هناء:خلاص بقى يا شرين شرين:انا اسفه..عن اذنك هناء:شرين..انا الى اسفه شرين:ولا يهمك بس انا قلقانه عليكى مالك يا هناء هناء:بحبه ومش عارفه اعمل ايه شرين:اهدى بس وانتى مين قلك انه مبيحبكيش هناء:مين قالى ...اكبر دليل على كده انه سافر علشان يخطب شرين:اولا انتى فاهمه غلط لانه هو راح يجيب اهله علشان يخطبوله طالبه فى الكليه هناء:يعنى هو مفيش غيرى فى الكليه مافى بنات كتير شرين:بس انا عندى احساس انه بيحبك هناء:يارب يا شرين شرين :انجى عزمتك على عيد ميلادها هناء:اه بس انا مش عايزه اروح وهى مصره شرين:يا بنتى فكى شويه وتعالى غيرى جو دول هيعملوه فى يخت فى النيل يعنى هيبقى الجو هايل هناء:خلاص هجى شرين :ايوه كده انا وانتى هننزل نشترى لبس جديدعلشان عيد الميلاد هناء:بس انا شرين:يلا قومى البسى معندناش وقت البارتى بكره هناء:حاضر شرين:انا هطلع البس وانزل الاقيكى لابسه اوكى هناء:اوكى ولبست شرين ونزلت خدت هناء وراحوا يشتروا لبس لعيد ميلاد انجى ونسيبهم ونروح لاحمد احمد:الو يا سيف ازيك سيف:الحمد لله وانت عامل ايه احمد:الحمد لله ..أنا عازمك على عيد ميلاد انجى بكره سيف:انجى احمد(بيقلد سيف) :ايوه انجى سيف(بأرتباك) :هو هيبقى فين احمد:فى يخت فى النيل سيف:ايه الفكره الجامده ديه احمد:فكرتى سيف:ده انت جامد اوى احمد:طبعا يا ابنى ..اتعلموها بقى سيف:هههه اوكى طبعا جاى احمد:هستناك سيف :انشاء الله وخرج سيف ونزل علشان يشترى هديه لانجى ومرت الساعات وجه ميعاد البارتى احمد وانجى واقفين مستنين شرين وهناء واحمد واقف برده مستنى سيف طيبعا انجى كانت لابسه اجل ما عنديها وكمان عملالى شعرها لورا البنات يعرفوا يعنى ايه لورا اما شرين بقى زى القمر تيجى لهناء وشه ضارب بووووز بعيد عنيكم نرجع بقى للحلقه هههه انجى اول اما شافتهم راحتلهم هى واحمد احمد(بصوت واطى لشرين) :ايه القمر ده شرين:احم احم كل سنه وانتى طيبه يا انوش واديتها هديتها انجى:وانتى طيبه يا شيرى هناء:كل سنه وانتى طيبه يا انجى انجى:وانتى طيبه يا حنه ودخلوا قعدوا جوه حبه ووهما قاعدين وبيتكلموا هناء:انا مضطره امشى يا انجى انجى:ايه يا بنتى هو انتى قعدتى شرين:اهدى بقى يا هناء خليكى معانا شويه احنا لسه جايين هناء:معلش والله بس تعبانه شويه ومضطره امشى شرين:طب خلاص براحتك هناء:يلا سلام متزعليش يا انوش بقى انجى:لأخلاص مش زعلانه بس اما اروح هتصل اطمن عليكى هناء:اوكى باى كلهم :سلام احمد:هى مالها البت ديه انجى:ها لأمالهاش احمد:انا مش عارف الواد سيف ده اتأخر ليه نجى:سيف شرين:هو انت عازمه احمد:طبعا..اهوه جه اهوه ودخل سيف عليه واول اما دخل وفعت عينه على انجى الى كانت زى القمر احمد:حمد لله على السلامه أتأخرت ليه سيف:ها سورى يا احمد سيف :كل سنه وانتى طيبه يا انجى انجى:وانت طيب شرين:اتفضل اقعد وجت راقصه سلو احمد لشرين:تسمحيلى بالرقصه ديه يا اميره الجميلات كلهم :هههههههههه وقام احمد وشرين رقصوا وسيف وانجى قاعدين لوحدهم راح سيف مطلع عليه قطيفه حمره من جيبه واداها لانجى سيف:كل سنه وانتى طيبه انجى:ميرسى سيف:طب افتحيها انجى فتحت الهديه لقتها خاتم قمه فى الرقه ومعاه كرت سيف:عجبك انجى:ميرسى جدا يا سيف سيف:طب اقرأى الورقه انجى: (بأرتباك) ليه سيف:عادى بس اقرأيها بس انجى:اوكى وقرأت انجى الورقه لقت مكتوب فيها كل سنه وانتى طيبه يا ارق واحلى انجى فى الدنيا بحبك سيف: مردتيش ليه انجى: (بأرتباك وكسوف) انا.....انا مش عارفه اقولك ايه انت مشوفتنيش غير مره واحده وديه التانيه سيف:مهو ده الى هيجننى انى مشوفتكيش غير مره واحده ومع ذلك مش عارف ايه الى جرالى انجى:____________ سيف:مبترديش ليه ويجى عليه احمد وشرين احمد:بترغوا فى ايه سيف: (مش وقتك خالص) لأابدا مفيش شرين: جميل جدا الخاتم ده ..مين الى جيبهولك انجى :سيف شرين:ذوقك هايل يا سيف احمد:على اساس ان انا قرطاس ترمس عماله تمدحى فيه من الصبح سيف:ههههههه يا سلام على الحب عقبالى انجى ارتبكت جدا وراحت قايله انجى:بعد اذنكم شرين :هو فيه ايه احمد:انت عملت ايه فى البت يا سيف سيف:ها لأابدا وخلصت البارتى بس فى اخر البارتى حصلت حاجه غريبه جدااااااااااااااااا وهما خارجين كلهم احمد وشرين خدوا جمب وبيتكلموا احمد:خلى بالك من نفسك يا شرين شرين:وانت كمان يا احمد احمد: (وراح باس ايدها) تصبحى على خير يا اجمل شرين فى الدنيا شرين:ليه هو انت مش هتوصلنى احمد:لأطبعا هوصلك شرين:طب يلا وركب احمد عربيته مع شرين وانجى وروح سيف ووصل كل واحد بيته عادى جدا لكن سيف وانجى كانوا هيمانيين خالص انجى بتفكر فى سيف واذا كانت تقوله ولا لأانهالبتحبه وسيف بيفكر اذا كانت هتقوله ولا لأ بس فى الاخر استسلموا للنوم وجه تانى يو وراحوا كلهم الجامعه كلا على كليته ويا ترى ايه الى هيحصل تانى ؟ ~~~~~~~~~~~~~~~~~~~~~~~~~~~~~~~ جعلتنى ملاكا " يومياتنا الجديده يارب تعجبكم . الحلقة 17 فى كليه الصيدله البنات قاعدين مع بعض شرين:البارتى كان روعه يا انوش بجد انجى:___________ شرين: انتى يا بنتى انتى روحتى فين انجى:ها .... كنتى بتقولى حاجه شرين:واضح انى كنت بكلم نفسى انجى:سورى يا شيرى بس مكنتش واخده بالى شرين:الى واخد عقلك يا جميل انجى: (بأرتباك) ها..لألأ ابدا مفيش شرين:عليا برده انجى:هحكيلك خلاص هو انا مبعرفش اهرب منك ابدا شرين:ايوه كدا اوقعى بلسانك انجى:هناء اسمعى واحكمى على البت ديه هناء:______ شرين:يا لهوى هو انتوا الاتنين مش معايا كده هناء:ها لأانا معاكوا انجى:طب انا كنت بقول ايه هناء:خلاص بقى يا انجى قولى انجى:خلاص خلاص هقول بدل ما تضربينى شرين: هههههههههه هناء:___________ انجى:هناااااااااااااااااااااااااااااء هناء:يوووووووووو انا هسيبكم واقوم انجى راحت ماسكه ايدها انجى:ايه يا هناء مالك هناء(بعياط ) :تعبانه ومش قادره استحمل ولا اركز فى اى حاجه شرين:اهدى يا هناء علشان خطرى هناء:والله ما قدره انا اول مره فى حياتى احب حد بالشكل ده مع انى مكلمتوش كتير انجى:اهدى يا هناء بس هناء:خلاص انا بقيت كويسه...كنتى عايزه تقوليلناه ايه انجى:خلاص بقى شرين:طب والله لو مقلتيش هخلى هناء تزعل تانى ..صح يا حنه هناء:اه انجى:طب خلاص هقول ..امبارح فى البارتى(وحكتلهم على موضوع سيف) شرين:هه ايه ده من اول نظره كده هناء:الله الله والله وعرفنا الحب يا قطه يا مغمضه انجى:انتى بتتريقوا عليا ..انا بتكلم بجد هناء:لا والله مبنتريأش عليكى بس الموضوع يخلى الواحد يتجنن شرين:ده طلع رومانسى اهوه انجى(بخبث):شكل احمد علمه شرين (بأرتباك) : انتى رخمه والله يا انجى انجى:هههههههههه انجى:قولولى بقى بجد اعمل ايه انا مش عارفه اوريله وشى شرين:بصى انتى متقوليلوش حاجه واتعاملى معاه عادى جدا كأن مفيش حاجه حصلت وهو فعلا لو بيحبك بجد وغرضه شريف ممكن يكلم احمد فى الموضوع هناء:صح شرين عندها حق هو فعلا لو بيحبك بجد ومش بيتسلى بيكى هيطلبك من اخوكى انجى:تفتكرى ممكن يعمل كده شرين:بصى هو شكله انسان محترم وصدقينى لو بيحبك مش هيعمل غير كده هناء:بس قوليلنا الاول انتى بتحبيه ولا لأ انجى(بأرتباك) :ايه السوأل ده شرين:ايه بنقولك بتحبيه انجى:الصراحه ايوه بحبه بس مش عارفه ده حصل ازاى انا من يوم اما شوفته مع ان كان الظروف منيله يعنى بس مكنتش متعصبه ولا حاجه مع انه بوظلى هدومى وانا كنت مضايقه جدا بس مش عارفه ايه الى خلانى اتكلم معاه بذوق واحترام كده شرين:يا سلام على الحب انجى:بنت انا علمتك كده شرين:اسفه يا بابا كلهم :ههههه بزهقوا شويه رزاله هههههههههههههههههههههههههههههههههههههههههههههههههه هههههههههههه خلاص سماح بقى ونروح لاحمد وسيف احمد:انا هموت واعرف ايه الى حصل امبارح بينك وبين انجى خلاها مرتبكه وعامله زى المجنونه وكمان اول اما روحت دخلت اوضتها علطول من غير ما تكلم حد سيف(بأرتباك) :ها لا ابدا مفيش حاجه حصلت خالص احمد:على العموم براحتك سيف:لأ انا هحكيلك على كل حاجه يا احمد(وحكى لاحمد عن كل حاجه) احمد:وانت ايه الى خلاك تحكيلى سيف:علشان انا مش عايز اتسلى بيها والله انا حبيتها بجد والله وناوى اول اما توافق اجى اخطبها احمد:ياه للدرجه ديه سيف:انت مش مصدقنى ليه احمد:ومين قالك انى مش مصدقك ..انا اكتر واحد خبير فى الحب من اول نظره انا حبيت شرين كده سيف:اه صح قولى انت اتعرفت عليها عن طريق انجى احمد:لأانا تعرفت عليها عن طريق العربيه سيف:ههههه ازاى يعنى عن طريق العربيه احمد:بص يا سيدى(وحكى احمد لسيف عن موضوع تعرفه على شرين ) سيف:يا سلام ينى نفس الى حصل معايا بالضبط احمد:ازاى يعنى ؟ سيف:هقولك انت يا سيدى اتعرفت عليها عن طريق خناقه وانا اتعرفت على انجى عن طريق خناقه برضو احمد:تصدق صح سيف:مجوبتنيش يا احمد على وضوع انجى احمد:بص يا سيف انت اما قولتلها عملت ايه سيف:مردتش عليا احمد:بص انا هجز نبضها فى الموضوع ده ولو فيه قبول يعنى هاخدلك ميعاد مع بابا سيف:بجد يا احمد احمد:اه والله بجد سيف:انت اجدع صاحب فى الدنيا احمد:ما انا عارف سيف\ احمد:هههههههههههههه وفى مكان تانى خالص شخصين بيتكلموا الشخص الاول:الو ايه الاخبار الشخص التانى:انا قولتلك مفيش حاجه جديده خالص الشخص الاول :طب خلاص سلام الشخص التانى:لأاستنى انت قولتلى ان احنا هنبدأ بعم الروميو الاول الشخص الاول: وانا عند كلامى الشخص التانى:طب وامتى هنفذ الشخص الاول:لأمش دلوقتى خالص سيبهم يتهنوا شويه واقطع التليفونات بتاعتنا خالص اليومين دول الشخص التانى:اوكى ..سلام الشخص الاول:سلام ونروح لسيف فى بيته سيف:بابا انا عايزك فى موضوع محمود:خير سيف:فاكر البنت الى كلمتك عنها محمود:اه مالها سيف:انا قولتلها محمود:بجد ..ازاى سيف: (حكاله على الى حصل فى البارتى) محمود:انت خططت كل ده ازاى سيف:تلميذك يا باشا محمود:هههههههه وهى ايه ردها محمود:هى الصراحه مدتنيش عقاد نافع محمود:البنت ديه مؤدبه يا سيف سيف:ما انا عارف يا بابا محمود:طب انت قولت لاخوها سيف:اه قولتله محمود:طب وهو قلك ايه سيف:قالى انه هيحاول يعرف ردها ولو موافقه هياخدلى ميعاد من باباها محمود:ماشى يا ابنى ربنا يقدم الى فيه الخير وتدخل عليهم مها مها:انا سامعه كلمه ربنا يقدم الى فيه الخير هو مين الى هيتجوز سيف:اناااااااااا مها:بجد .لللللللللللللللللللللللللللوى الف مليون مبروك محمود:ههههههههه انت يا حاجه انتى اتجننتى ولا ايه مها:ايه انت مش بتقول ان سيف هيتجوز..ايه ده انت هتتجوز من غير ما تقولى (وابتدت تعيط) يا عينى على بختك يا ام سيف الواد هيتجوز من غير ما يقولك ده احتمال يكون ابوه هو راخر هيتجوز عليكى (اهىء اهىء محمود:هههههههههههههههههههههههههههههه الوليه اتجننت سيف:ههههههه ايه يا ماما انتى بتقررى من غير ما تعرفى ايه الى حصل مها:اه صح هو انا مالى قلبتها دراما ليه كده محمود:الله يرحمك يا اما قولتيلى مجنونه مها:كده يا محمود محمود:انتى لو تستنى كنت قولت ان اما امى قالتلى كده انا قولتلها مقدرش اعيش من غير العسل ده مها:ه ايوه كده اتعدل سيف:واضح انكوا نسيتوا موضوعى اصلا..انا عايز اتجوز مها:ومين بقى ديه محمود:انا هفهمك كل حاجه سيف:انا داخل اوضتى محود:ماشى يا حبيبى وخل سيف اوضته وكلم احمد احمد:الو ايوه مين الو مفيش حد انا هقفل سيف:ه انت يا ابنى ادينى فرصه اتكلم وكمان انت بتسطعبط ما انت عارف ان انا احمد:بهزر معاكى يا موزه سيف:شكلك عارف خبر كويس ..انجى وافقت احمد:هههه هو انا لحقت اكلمها يا ابنى سيف:اوف ومكلمتهاش ليه يا احمد احمد:يا ابنى المواضيع ديه بتيجى بالراحه مش صد رد كده سيف:خلاص بس فى اسرع وقت والنبى يا احمد احمد:اوكى سيف:انا كلمت بابا فى الموضوع وهو قالى انه معندوش مانع احمد:انت رتبت كل حاجه......ماشى يا عم اول اما اكلمها هقولك بس مش النهارده يعنى سيف:ماشى يا سيدى ما تيجى نخرج باليل احمد:انا معنديش مانع بس هجيب معايا شرين سيف:وانجى والنبى احمد:ماشى يا سيدى وهجيب انجى سيف:حبيبى يا ميدو احمد:انا مش فاهم بس انت معجب بيها ليه سيف:بتقولى ليه ..رقيقه وجميله ودمها خفيف من الاخر زى القمر احمد:الله الله انت مش واخد بالك انك بتتكلم على اختى سيف:انا اسف والله بس انت الى سألتنى احمد:ماى يا سيدى..سلام هستناك باليل سيف:بالدقيقه وقفلوا مع بعض وراح احمد لانجى فى اوضتها علشان يقولها احمد:ممكن ادخل انجى:لأبجد ما انت دخلت اصلا احمد:يا بنتى احترمينى انا اخوكى الكبير انجى:انجز عايز ايه ..انا عايزه اذاكر احمد:ماشى يا عم الدحيح انا جاى اقولك تجهزى نفسك علشان خارجين نتفسح باليل انجى:لأيا عم انا ندى مذاكره الامتحانات قربت احمد:بطلى بقى الرخامه ديه احنا هنخرج النهارده بس علشان هنتلخم كلنا فى المذاكره بعد كده انجى:طب انت خارج انت وخطيبتك انا هاجى اعمل ايه احمد:اولا انتى غلطانه انا هخرج انا وانتى وشرين وسيف انجى: (بأرتباك)سيف احمد:اه سيف انجى:لألأانا مش هاجى احمد:بصى انا عارف الى حصل فى عيد الميلاد انجى: (بأرتباك اكتر)ايه عرفت منين اكيد شرين احمد:لأمش شرين انا عرفت من سيف طلب ايدك منى انجى(بكسوف) :طلب ايدى احمد:اه طلب ايدك وعلى العموم انا هديكى فرصه تفكرى ودلوقتى تقومى تجهزى علشان خروجه باليل انجى:بس احمد:من غير بسبسه انجى:خلاص ماشى وخرج احمد من الاوضه واول اما خرج انجى فضلت تتنطط على السرير جامد سمع احمد الصوتجرى على الاوضه اول اما انجى شافته راحت قاعده بسرعه احمد:شكلك زعلانه اوى يا انوش انجى راحت محداه بالمخدات انجى:اطلع بره يا رخم احمد:هههههههههه خلاص طالع طالع يا مجنونه وخرج احمد علشان يكلم شرين ويقولها وهى وافقت وجه ميعاد الخروجه ويا ترى ايه الى هيحصل فى الخروجه؟ ومين الشخصين الى بيتكلموا دول؟وناويين يعملوا ايه فى احمد وشرين؟
__________________
الحمد لله الذي عافاني مما ابتلى به كثيرا ً من عباده و فضلنا على كثير ٍ ممن خلق تفضيلا |
|
#41
13-08-2012, 05:11 AM
|
||||
|
||||
|
يلا مش حارماكوا من حاجه اهو
وبالمناسبه كده نص القصه خلص لسه النص التانى
__________________
الحمد لله الذي عافاني مما ابتلى به كثيرا ً من عباده و فضلنا على كثير ٍ ممن خلق تفضيلا |
|
#43
13-08-2012, 01:48 PM
|
|||
|
|||
السلام عليكم ورحمة الله وبركاته
ممكن اسأل سؤال هو ايه علاقة القصة بالبنت المسلمة؟ ومن رأيي ان القصة مضيعة للوقت وضيعت وقتى والقصة بها الكثير من المحرمات وارجو من الله ان يكون نقدى بناء
__________________
اوووو دينى وبعشقه لو كل الدنيا ضده انا لازم انصره   |
|
#44
13-08-2012, 07:34 PM
|
||||
|
||||
|
اقتباس:
بس انا دورت فى الموقع على مكان انشر فيه قصتى وملقتش ونعتذر عن اضاعه وقتك ولو مش عايزينى انزل تانى خلاص اوك
__________________
الحمد لله الذي عافاني مما ابتلى به كثيرا ً من عباده و فضلنا على كثير ٍ ممن خلق تفضيلا |
|
#45
13-08-2012, 07:37 PM
|
||||
|
||||
|
وبالعكس لو حضرتك مش بتحبى تقرئى القصص الى من النوع ده فى ناس كتييييييير بتحب تقرأها ولو حد عارف فين ممككن انزل قصتى غير هنا يقولى
__________________
الحمد لله الذي عافاني مما ابتلى به كثيرا ً من عباده و فضلنا على كثير ٍ ممن خلق تفضيلا |
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 03:04 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
