الانتهاء من تصميم رخصة مزاولة المهنة لمنحها لـ43 ألف مدرس

[مني 22]

ورقة يعنى ايه الكلام ده من درجة ال
ورقة يعنى ايه الكلام ده من درجة الى درجة يعنى من عقد الى عقد ولا ايه ؟؟؟ موش فاهمة حاجة تقلق ربنا يسهل

[the keng]

مشكوووووووووووووووووووووووور

[بحراوية من دمنهور]

لو سمحتم يا جماعة عايزة افهم منكم حاجة دلوقت فى بيانات الاميل اللى الوزارة بعتته مكتوبلى ان اخر مؤهل هو ليسانس الاداب 2002 وانا حصلت على دبلومة عامة تربوى 2003 فهل ده لازم اغيره من قسم الاحصاء واكتب ان اخر مؤهل هو التربوى ولا اعمل ايه بالظبط وياريت اللى حصل معاه نفس الشئ يوضحلى رايه وهل دى تفرق فى افضلية التعيين والمعلومات الموجودة عندهم ولا لا ارجووووووو الافادة ولكم جزيل الشكر

[هبه عامر]

يارب خلونا متفائلين

[ABDOURAGAB]

المشاركة الأصلية كتبت بواسطة بحراوية من دمنهور

لو سمحتم يا جماعة عايزة افهم منكم حاجة دلوقت فى بيانات الاميل اللى الوزارة بعتته مكتوبلى ان اخر مؤهل هو ليسانس الاداب 2002 وانا حصلت على دبلومة عامة تربوى 2003 فهل ده لازم اغيره من قسم الاحصاء واكتب ان اخر مؤهل هو التربوى ولا اعمل ايه بالظبط وياريت اللى حصل معاه نفس الشئ يوضحلى رايه وهل دى تفرق فى افضلية التعيين والمعلومات الموجودة عندهم ولا لا ارجووووووو الافادة ولكم جزيل الشكر

يا بحراوية انتي شكلك بتكسلي شوية لازم تروحي الادارة التابعه لها وتخليهم يعدلوا اخر مؤهل للدبلومة التربوية لازم لازم ضروري لان الرسالة اللي وصلتك بتقولك لو فيه اي خطأ في البيانات يرجي متابعة قسم الاحصاء بادراتك

[ام مرام]

لازم تروحي الادارة التابعه لها وتخليهم يعدلوا اخر مؤهل للدبلومة التربوية وتخدى معاكى ما يثبت الدبلومة سواء الشهادة او بيان النجاح وقسم الاحصاء هياخد صوره منها ويعدلها فى دقيقة واحدة لان ده حصل معايا
وربنا معاكى

[ام مرام]

المشاركة الأصلية كتبت بواسطة elmister

ورقة يعنى ايه الكلام ده من درجة الى درجة يعنى من عقد الى عقد ولا ايه ؟؟؟ موش فاهم

حرام عليك يا مستر انت خايف تفرح ولا ايه كلامهم واضح تعيين ان شاء الله على درجة مالية لان فى المرحلة الاخيرة تكررت كلمة تعيين وليس عقد بس الصبر لان يوم الحكومة بسنة

[ايهاب عيسي2]

معلم معلم مساعد طولها زي عرضها

[عاشقه الجنه 29]

وكشف المصدر عن نية الأكاديمية مطالباً مسئولى وزارة التعليم بمنحها مزيداً من الوقت لمراجعة بيانات المستحقين للترقية للحيلولة دون وقوع أخطاء فى الترقيات، وأوضح أن إرجاء موعد الإعلان عن الترقية يعد الخيار الأمثل بحسب مسئولى "المهنية للمعلمين".


يعنى لسة عايزين يطلبوا الوزارة بوقت اضافى يعنى ايهالموضوع هيوصل ان احنا نستنى العشرين الف اللى لسة مخلصوش هما عوزين يوصلو لكدة اظاهر فى حد مهم تبع الوزارة فى العشرين الف دول بالله عليكم حد يدينى تفسير مقنع للبيحصل ده يعنى الموضوع هياخد كام شهر كمان والله حرام كدة (وحسبى الله ونعم الوكيل)

[مرمر مصر]

الصـــــــــــــــــــــــــــــــــــــــــــــــ ــبـــــــــــــــــــــــــــــــــــــــــــــــ ــــــــــــر

[ticon55]

شكلها مفيش تعيين لانهم بيقولو الانتقال من معلم مساعد الى معلم بالتعاقد الدائم وكل اللى بيجهزوه شهاده الصلاحية لمزاولة المهنه وليس التعيين

[hmh_hmh]

المشاركة الأصلية كتبت بواسطة بحراوية من دمنهور

لو سمحتم يا جماعة عايزة افهم منكم حاجة دلوقت فى بيانات الاميل اللى الوزارة بعتته مكتوبلى ان اخر مؤهل هو ليسانس الاداب 2002 وانا حصلت على دبلومة عامة تربوى 2003 فهل ده لازم اغيره من قسم الاحصاء واكتب ان اخر مؤهل هو التربوى ولا اعمل ايه بالظبط وياريت اللى حصل معاه نفس الشئ يوضحلى رايه وهل دى تفرق فى افضلية التعيين والمعلومات الموجودة عندهم ولا لا ارجووووووو الافادة ولكم جزيل الشكر

لازم وضرورى التعديل من الاحصاء ضرورى

[أبو محمد وفاطمة]

هل المتعاقدين بالأزهر يجب أن يصدر لهم قرار من شيخ الأزهر للتعيين مثل قرار الوزير للتربية والتعليم؟ أم إننا سنترقى بقرار الوزير أيضا؟؟!!

[sherif4766923]

والله العظيم المتعاقدين غلابه وبيصدقوا اى خبر يا جماعه الاخبار ده كلها مسكنات بتبعتهالكم الحكومه ومفيش تثبيت دلوقت ولسه مراحل تجميع الاى سى دى ال مش هتنتهى دلوقت والدليل مكتوب فى الخبر نفسه
وكشف المصدر عن نية الأكاديمية مطالباً مسئولى وزارة التعليم بمنحها مزيداً من الوقت لمراجعة بيانات المستحقين للترقية للحيلولة دون وقوع أخطاء فى الترقيات، وأوضح أن إرجاء موعد الإعلان عن الترقية يعد الخيار الأمثل بحسب مسئولى "المهنية للمعلمين".
وبعد يومين هيطلع ليكم خبر تانى ان الوزاره وافقت على مد فتره المراجعه بناء على طلب الاكاديمية ونأجل تانى مع فتح باب قبول شهادات الاى سى دى ال وهكذا

[محمد ابو مريم 84]

اولا : بسم الله الرحمن الرحيم
احب اصبح على كل اعضاء المهنة الجليلة واتشرف ان اكون معاكم فى المنتدى
ودى اول مرة اشترك فيها معاكم ويارب ما تكون الاخيرة
ثانيا : وانا بتصفح فى الاخبار وجدت هذا الخبر وأردت ان اعرضه عليكم حتى نلتمس الصبر نوعا ما
وربنا معااااااااااااااانا
كشف مصدر رسمى بوزارة التربية والتعليم عن انتهاء الأكاديمية المهنية للمعلمين، التابعة للوزارة، من تصميم رخصة "مزاولة مهنة التدريس" تمهيداً لمنحها لـ 43 ألف معلم مساعد قررت الوزارة نقلهم من درجة "معلم مساعد" إلى درجة "معلم"، وتعد هذه الرخصة "الورقية" هى الأولى من نوعها.

وأوضح المصدر أن الأكاديمية ستعرض على الدكتور أحمد زكى بدر، وزير التربية والتعليم، خلال ساعات مقترحاً يقضى بالسماح للمعلمين "المساعدين" الذين لم يستوفوا أوراق ترقيتهم بالانتقال إلى درجة "معلم" فور استيفائها أياً كان عددهم.

وأضاف أن المقترح، فى حالة موافقة الوزير على تنفيذه، سيمنح من لم يستوفِ أوراق نقله، من بين 20 ألف معلم "مساعد" لم ينتهوا من تقديم أوراقهم حتى الآن، بالانتقال إلى درجة "معلم" فور استيفاء ملفه دون الانتظار لانتهاء الـ 20 ألفاً من استيفاء أوراقهم دفعةً واحدة، وقال "لو انتهى 5 آلاف منهم من استكمال ملفاتهم سنلحقهم بالـ 43 ألفاً دون الحاجة لإرجاء ترقيتهم لحين انتهاء باقى الـ 20 ألف".

وأشار إلى اكتشاف مسئولى الوزارة أن غالبية من لم يستوفوا أوراق الترقية لم يحصلوا على شهادات المراحل السبعة للرخصة الدولية لقيادة الحاسب الآلى "icdl".

وأكد المصدر أن الأكاديمية دخلت مرحلة المراجعة "النهائية" لبيانات المعلمين المساعدين المقرر ترقيتهم، ودعا الـ 43 ألف معلم إلى التوجه لأقسام الإحصاء بالإدارات التعليمية للحصول على "رقم سرى" للتواصل مع الأكاديمية المهنية للمعلمين عبر البريد الإلكترونى المخصص على موقع وزارة التعليم.

وكشف المصدر عن نية الأكاديمية مطالباً مسئولى وزارة التعليم بمنحها مزيداً من الوقت لمراجعة بيانات المستحقين للترقية للحيلولة دون وقوع أخطاء فى الترقيات، وأوضح أن إرجاء موعد الإعلان عن الترقية يعد الخيار الأمثل بحسب مسئولى "المهنية للمعلمين".
نقلا عن اليوم السابع