حصل شيء مؤسف اليوم..........والله حررام

[Mr.AI]

على فكرة مش كل المدارس بتعامل المتعاقدين كده

عارف هوه قالك كده ليه علشان متأكد انك مش هترد عليه

ان شاء الله لينا يوم نكون احسن منهم

[مستر /سامح على عبد العظيم اليمانى]

اصبر يا عم وائل كله مسألة وقت

[Mrs/Marwa]

اولاده اساسا بكره ميلئوش العقد ده

[MISS.DINA]

مش انت لوحدك والله انا فى الامتحانات عشان منعت مدرسة اساسية انها تدخل تغشش قالتلى مافضلش غير العيال دة غير كلام تانى بس انا ماسبتش حقى وكتبت فيها مذكرة ورجعت اتاسفت وبعدين انا مش عارفة ليه الحقد اللى هما فيه دة علينا ربنا يسامحهم كلهم ونتثبت بقى عشان نبقى زيينا زيهم

[mratwa7]

الرغبة فى التثبيت والاحساس بالظلم والتفرقه هو شعور عام لدى كل المتعاقدين ,سواء تعرض لاهانه اولا , سواء كانت شخصيته عندها انيميا او بتشيل حديد
حتى مجرد سؤال الموجه لك وهو بياخد بيانتك- وده عادى- انت متعاقد ولا اساسى؟ .......

[leprince]

المشاركة الأصلية كتبت بواسطة وائل عبد المنعم على أحمد

كنت فى المدرسه انهارده واحد الزملاء بقوله ياريت الواحد مجه الانهارده كنت عيان وجيت
تصوروا يرد يقول ايه ( انت جاى ليه انتوا مالكوش لازمه لسه اساميكم بالرصاص يابو عقد هههههههههه) طبعا انا اتحرق دمى معرفتش ارد
شوفتوا الاهانه الى المعلم ابو عقد فيها هو متثبت ومش فارقه معاه

منه لله الى كان السبب

هنعمل ايه نصيبنا كده ........ ولك يوم يا ..................

اخى الغالى ممكن ان يكون من باب المداعبة او الهزار و دى بتحصل كتير فى كل المجالات حتى عندنا لو جه مدير مدرسة او حتى وكيل جديد بنقوله نفس الجملة

التمس لاخيك سبعين عذرا

فى امان الله

[أميرة صبرى]

الأخت العضوة ( نسمات هادئة ) تذكرينى كثيرا بنفسى

وبعد أستاذى الفاضل

لايحزنك قولهم فهذا حال النفوس البشرية الضعيفة فلا تلقى لهم بالا
ولكن لتتخذ أجراء حازم أذا لزم الأمر

[مستر .سعد الحجرى]

اخى
كثير منا يخطىء عندما يظن انا مايملكه من مقومات يتميز بها عن الاخر قد تدفعه للتعالى او للسخريه
ولكن هيهات هيهات بين شخص يحترم نفسه وشخص يفضل اهانتها
فنحن كلنا اصحاب رساله مثبتين وغير مثبتين والاقوى والابقى من من حمل هذه الرسالة بصدق دون النظر الى مقدرات الامور ففى النهاية اجرك وثوابك لا يعلمه الا الله ولك ان تفخرا بهذا التكليف ولا تنظر الى من حمل الرسالة خطأ فهم كثيرون وحسبنا الله ونعم الوكيل فيهم
تحياتى اليك

[عصام الطواب]

زعلان ليه احنا درجة رابعة
العامل افضل منا لنا الله
رغم ان حنا والحمد لله بنتعامل كويس

[مسترأحمد الديرى]

على فكرة مش كل المدارس بتعامل المتعاقدين كده معلش ربنا بسامحهم

[Mr/ Mahmoud.K]

عفوا ولكن شخصية الفرد وطبيعته هي التي تجبر الأخرين على معاملته بالصورة التي يسمح بها
معلش لو انت محسسهم ان العقد ده مش فارق معاك ولا له لزووم كل واحد يلزم حدوده. انا شخصيا في مدرستي الحمد لله مميز جدا وبالرغم من ان في مدرسين اقدم مني لكن اثبت نفسي ومحدش يقدر يتجاوز حدوده لأنه هرد عليه وهحرجه.
الكلام كان موجه لك شخصيا ولا داعي لتعميم الموضوع على كل المتعاقدين.

[esamamer]

انت لازم تورى الأشكال دى العين الحمرا يعنى لازم توقفه عند حده عشان يعرف هو إيه ومستواه العلمى إيه

[نور الحياة2020]

انا رأيى ان الواحد مش لازم يرضى بأى اهانة ابدا مهما كان و على فكرة هما محتاجنا جدا و مش مجرد مشاوير وحصص احتياطى نصيحتى ليك متخليش حد يقولك كلمة تدايقك او تهينك ومش عشان احنا متعاقدين يبقى حقوقنا تروح من دلوقتى استعمل معاهم العين الحمرا والخضرا و الزرقا كمان ولو عندك الوان تانى ما يضرش وما تسيبش حقك عشان انت متعاقد وبعدين يا أخى الرزق على الله والشغلة اللى تهين صاحبها قلتها احسن وعن تجربة شخصية اللى بيقولك كده انسان اصلا مش سوى ومليان عقد وكلاكيع و النوع ده لو سكت له هايركبك و لو اديته على دماغه ووقفته عند حده و حسسته ان الوظيفة مش هماك هايحترمك ويعملك الف حساب

[nasserfathy]

للعلم انا متعاقد عقد مميز مدرس لغة انجليزية بس اي حاجة تخص الكميوتر وغيرها من الاشياء الادارية بعرف اعملها علي اكمل وحه وكمان عضو كنترول اساسي المهم بقي لو غبت يوم ممكن يتصلو بي وفي ناس مثبتين لو غابوا عـــــــــــــتادي المهم فعلا شخصيتك ومدي تاثير عملك في المدرسة بغض النظر اساسي ولا مثبت

[احمدالصبراوى]

فلنصبر ونحتسب والله على كل شىء قدير