ملتقى طلاب صيدلة الاسكندرية

[Dr.diamond]

المشاركة الأصلية كتبت بواسطة dr.ahmed91

اعتقد الاتنين مع بعض ب 80 جنيه

.......

وفعلا فيه بعض من الزملاء قالولي ان الحاجات اللي بيقولها مش فيه

ونفس الكلام ينطبق على الحيوان (اقصد المادة )

مش لاقي كلام الدكتور في الكتاب

كلام دكتور الحيوان موجود بس ادام شويه يعنى على اخر ch :1 كده بدايه شرحه مش عارفه اللى فى الاول ده طنشه هو ولا ايه

وقالولي ان الكلام بتاع الدهون والبروتين...الخ موجود في كتاب السنة اللي فاتت

مش عارفه بقى هو يعنى مش عارف ايه اللى موجود فى الكتاب ؟؟

بس انا عن نفسى بذاكر المحاضره الاول وبعدين بشوف الكتاب ولو انه رغاى اوى يعنى اللى انا كاتباه فى صفحه فى المحاضره موجود فى خمس صفحات فى الكتاب

[Dr.ahmed91]

المشاركة الأصلية كتبت بواسطة dr.rony20082013

اة معلش
مهو كل دة من اللى بيعملوة فينا الواحد
اللة يكون فى عوننا
حسبى اللة ونعمة الوكيل
انت مطنش على المحاضرات لية لو حتنزلهم قول
ولو مش عاوز قول وانا ممكن استلف من اى حد بس للاسف معرفش اى حد بس ححاول

مش مطنش ولاحاجة

بس انا لسه مبيضتهمش وكمان اول يومين في الاسبوع عندي بيبقوا مكلبشين

كل السكاشن مع بعض و3 محاضرات فبيبقى الوقت ضيق

ياريت لو تحاولي تشوفيهم من حد

د/سلامه حتلاقي كله كاتب خديها من صحباتك ود/ مهجة حتلاقيهم كاتبينها برضه او هاتي
المذكرة بتاعت sam زي المحاضرة بالظبط

[dr.rony20082013]

اووووك شكرا

[dr.rony20082013]

بالنسبة للغة انتم حضرتم موضيع ولا اية؟؟؟
ومش عاوزة اعرف اسم الموضوع علشان عارفة انهاسر...........
عن نفسى الجروب بتعنا كل واحد عاوز يكتب موضوع بس اكيد يوم الاحد حنتفق على احلى موضوع فيهم يعنى لسة مكتبناش حاجة

[Hatem.HSK]

معلش ياجماعة أنا عندي كذا سؤال .. هي قديمة بس أعمل ايه .. لسة باديء مذاكرة من كام يوم ..

في ال s.f :

1- لما تكون في عملية جمع و ضرب مع بعض في نفس العملية .. اعمل ايه في الناتج ؟؟!! هل امشيه على قاعدة الجمع و الطرح ( يعني اخليه يحتوي على عدد من الأرقام العشرية تساوي ........ إلخ) ولا أمشيه على قاعدة الضرب و القسمة ؟؟

2- في المذكرة ch1 صفحة 9 في آخر كام سطر .. كاتب (if we said exact 3 .. it has infinite significant figure ) يعني ايه الجملة العجيبة دي !! مش المفروض رقم 3 يحتوي على s.f واحد بس !!

3- لحد دلوقتي مش فاهم الفرق الجوهري بين ال accuracy و ال precision ؟؟

معلش هيا اسئلة حاسس انها غبية بس فعلا عملالي لخبطة .. يلا بقى ياعم أحمد وريني سرعة استجابتك

[Dr.ahmed91]

شوفت سرعة الاستجابة ياباشا......

السؤال الاول

انت تشتغل حسب اخر عملية بتعملها يعني لو عندك كذا+كذا على كذا يبقى تبع القسمة

كذا في كذا + كذا في كذا ييبقى تبع الجمع


السؤال التاني

لوشوفت الناتج كده حتلاقيه 10.833333333333333333333333333 بذمتك خليهولي 1sf

ينفع؟؟؟؟؟؟

يبقى خلاص ال 3 دي اسمها infinite s>f رقم صحيح مطلق مدخلوش تبع الحساب
واشتغل بالارقام التانية وطلع الناتج ب3sf

خد حتة الانجلش دي وافهم منها

Exact Numbers
Sometimes numbers used in a calculation are exact rather than approximate. This is true when using defined quantities, including many conversion factors, and when using pure numbers. Pure or defined numbers do not affect the accuracy of a calculation. You may think of them as having an infinite number of significant figures. Pure numbers are easy to spot because they have no units. Defined values or conversion factors, like measured values, may have units. Practice identifying them!

Example:
You want to calculate the average height of three plants and measure the following heights: 30.1 cm, 25.2 cm, 31.3 cm; with an average height of (30.1 + 25.2 + 31.3)/3 = 86.6/3 = 28.87 = 28.9 cm. There are three significant figures in the heights. Even though you are dividing the sum by a single digit, the three significant figures should be retained in the calculation.


السؤال التالت

شرحته مرتين قبل كده ونزلت المثال اللي الدكتورة مقلتهوش ونزل في المذكرة

تخبل لعبة الرماية ونشن على البتاعة المدورة

الaccuracy دي لما اضرب كذا مرة وكله ييجي في الدائرة اللي في النص يبقى القرب من القيمة الحقيقية

طب وال precision تخيل لعيب كورة بيحاول ينشن في العارضة وسايب الجون كله وكل مرة يشوط في العارضة
زي الرماية واحد ضرب كذا مرة مفيش حاجة في النص كلهم بعاد بس جنب بعض في منطقة واحدة يبقىالقدرة على الحصول على نفس الرقم كذا مرة

ولو دورت في الموضوع هنا في اوله حتلاقيني شارحها بالتفصيل يمكن ص5 او6


تعبتني ياااااااااااض؟؟؟

في رعاية الله

[Hatem.HSK]

الف شكر يا باشا و ميغسي بكو علي ردك الصاروخي ده .. بس في نقطتين :

أولاهما : إجابتك على السؤال الأول جبتها منين أو قريتها فين ؟؟

ثانيهما : اشمعنى أنا يعني تعبتك ولما كنت بترد على حد تاني في تلت صفحات يبقى متعبتش ؟!! هه .. قول يلا .. ولا يعني اكمنك واخد عليا تقوم قايل كده .. ماشي يابن ابو زيد .. ماااشي .. لما أشوفك ..

[Dr.ahmed91]

المشاركة الأصلية كتبت بواسطة Hatem.HSK

الف شكر يا باشا و ميغسي بكو علي ردك الصاروخي ده .. بس في نقطتين :

أولاهما : إجابتك على السؤال الأول جبتها منين أو قريتها فين ؟؟

ثانيهما : اشمعنى أنا يعني تعبتك ولما كنت بترد على حد تاني في تلت صفحات يبقى متعبتش ؟!! هه .. قول يلا .. ولا يعني اكمنك واخد عليا تقوم قايل كده .. ماشي يابن ابو زيد .. ماااشي .. لما أشوفك ..

اجابة اول سؤال الدكتور قايلاها في المحاضرة وانا كاتبها في المحاضرة اللي نزلتها هنا

......

ما انت لامم كل الاسئلة مرة واحدة ويتسال في موضوع قديم خلتني ارجع بالذاكرة لورا لغاية ماخبط في الحيطة

ماشي يا ابن القراجي.....لما اشوفك (قال واخد عليه قال..كان زمانك دلوقتي في؟؟؟)

[Dr.ahmed91]

المشاركة الأصلية كتبت بواسطة dr.rony20082013

بالنسبة للغة انتم حضرتم موضيع ولا اية؟؟؟
ومش عاوزة اعرف اسم الموضوع علشان عارفة انهاسر...........
عن نفسى الجروب بتعنا كل واحد عاوز يكتب موضوع بس اكيد يوم الاحد حنتفق على احلى موضوع فيهم يعنى لسة مكتبناش حاجة

بالنسبة للغة فعلا خلاص انا عملت الموضوع وقفلته وحيتوزع على التيم بتاعي يوم الاحد

وعلى فكرة موضوع بسيط وعادي ومختصر 3 صفحات بس

لافارماكولجي ولاسيوتكس ولادرجز ولا نانو تكنولوجي

بس ليه علاقة بالفارما

[dr.rony20082013]

على فكرة انا لسة حلة دلوقتى ch1 inorganic
وكلة تمام معدا صفحة 10رقم2نسيت احول من سم الى متر
ولكن كلة تمام

[dr.rony20082013]

اة فى حاجة مهمة جدا
على فكرة انا من مدارس حكومية عادية مش لغات يعنى
وفى حاجة تعبانى جدا وهى نطق الكلام بالانجلش وانا مش عارفة اعمل اية؟؟؟
المحاضرات مش مشكلة لكن السكشن وخاصة الحيوان واسماء العضلات وكدة
ياريت حد يقولى اعمل اية؟؟؟؟؟

[طـفـلـة الامـس]

المشاركة الأصلية كتبت بواسطة Dr.juliut

فيه ايه يا بنتى ؟؟

براحه علينا شويه

انتى هاتعيطى ولا ايه؟
مفيش راحة معاكم

خلاص هسامحك عشان طنشتى العصير متعمليش فى نفسك كده

العصير كان عليكى انتى مش عليا
انتى اللى طنشتى

معلش يا د/احمد اصلها لسه صاحيه من النوم

لا على فكرة
لما بصحى من النوم مش بفتح النت اصلا

[/center]

فى امان الله

[طـفـلـة الامـس]

المشاركة الأصلية كتبت بواسطة dr.rony20082013

اة فى حاجة مهمة جدا
على فكرة انا من مدارس حكومية عادية مش لغات يعنى
وفى حاجة تعبانى جدا وهى نطق الكلام بالانجلش وانا مش عارفة اعمل اية؟؟؟
المحاضرات مش مشكلة لكن السكشن وخاصة الحيوان واسماء العضلات وكدة
ياريت حد يقولى اعمل اية؟؟؟؟؟

انا كنت فى الاول مشكلتى اسماء العضلات
بس بعد تانى مرة لقيتهم سهلين جدا وحبيتهم يعنى
كل حاجة بالتدريج ومش من اول مرة
والنطق ده هاييجى بكثرة القراءة وهايبقى مش بيمثل اى مشكلة
فى رعاية الله

[Dr.ahmed91]

المشاركة الأصلية كتبت بواسطة dr.rony20082013

اة فى حاجة مهمة جدا
على فكرة انا من مدارس حكومية عادية مش لغات يعنى
وفى حاجة تعبانى جدا وهى نطق الكلام بالانجلش وانا مش عارفة اعمل اية؟؟؟
المحاضرات مش مشكلة لكن السكشن وخاصة الحيوان واسماء العضلات وكدة
ياريت حد يقولى اعمل اية؟؟؟؟؟

انا برضه مدارس حكومة

لو مثلا عندك في الحيوان

اسماء العضلات الكبيرة ممكن تقسيميها لمقاطع

مثلا : انتر ماندي بولاريس لينيا البا

كيو راريس بو ستي ريور

وبعد كده تركيبيهم على بعض وتحاولي تكرريها وتكتبيها

وطبعا كله مش من اول مرة..لازم بالتكرار وحتلاقي المعيدة بتقول الاسامي

ابقى شوفيها بتقول ازاي وقولي معاها وحتتعودي

[نور الهدى*]

بعد اذنكو
كنت عايزة اسال على الكتاب بتاع الكيمياء النظرى اللى بينزل فى طريق الحرية نزل ولا لسة؟
وبالنسبة لكتاب ال anatomy النظرى هو المفروض اننا نذاكر منه ولا ؟
حاولت انى اذاكر بس كنت افشل واحدة فى حاجات كتييييييرة مش فاهماها ومش عارفة احنا اخدناها ولا لأ!!