جروب 3 ثانوى ( علمى علوم )

[a7med bondok]

يا جماعه حد عارف حل السؤال ده لانى قفلت منه ومحدش راضي يجاوبه حتى المستر قاللي استحاله يجي سؤال كده


أوجد قوة الماء المؤثرة على أحد جانبى مستطيل مساحة قاعدته 12*16 سم يميل على الافقى بزاوية 30 وحافته العليا 12سم على عمق 20 سم من سطح الماء

[Marry Sam]

هوا انتو بتجيبوا الاسئلة الصعبة دي منين اعتقد مش موجودة ف الامتحان ؟؟

[a7med bondok]

المشاركة الأصلية كتبت بواسطة marry sam

هوا انتو بتجيبوا الاسئلة الصعبة دي منين اعتقد مش موجودة ف الامتحان ؟؟

من كتاب الوساااااااااااااااام للمؤلف احمد بركه اللى حاطط اولمبياد 2008 فيه اسئله بالشكل ده الل هيموتني ان ديه اسئلة الطلبه العاديين وليس المتفوقين

بس عندي سؤال من حب الفضول هو انت من اليابان والا الصين والا ايه الست الل حاطهالنا في التوقيع كل شويه ده مفيش مره حد مصري

[يارب ابقى دكتورة]

الاسئلة الصعبة غالبا بتبقى من المدرس نفسه انا عندي المستر بتاع الفيزيا كل المسائل بيجبها من دماغه والاحياء كذلك والدليل برضو صعب

[rana rory]

يا جماعه هو ايه مشكله ارشميدس معاكوا انا حليت عليها و لقتها سهله ؟

[a7med bondok]

المشاركة الأصلية كتبت بواسطة rana rory

يا جماعه هو ايه مشكله ارشميدس معاكوا انا حليت عليها و لقتها سهله ؟

فيها لف ودوران برضه في بعض الاسئله يعني سيادتك حليت كم في الميه من المسائل صح

[rana rory]

المشاركة الأصلية كتبت بواسطة طالب المستقبل

فيها لف ودوران برضه في بعض الاسئله يعني سيادتك حليت كم في الميه من المسائل صح

سيدتى حليت 40 مساله
وبعدين اسمها حليتى مش حليت

[a7med bondok]

المشاركة الأصلية كتبت بواسطة rana rory

سيدتى حليت 40 مساله
وبعدين اسمها حليتى مش حليت

على فكره انا مش اصدي اى حاجه بجد والله مش عارف ايه اللى زعلك انا بقولها بطريقة عادية ووالله مش اصدي اى شيء يمكن لفظ سيادتك عادي نزوة انما انا عارف بالذات ان الجروب ده الروح عالية جدا بين الاعضاء ومش اصدي اي حاجه بجد اما بالنسبه لحليت وحليتى ديه عشان بكتب بسرعه مبخدش بالي ثانكث ويا ريت ميكونش فيها زعل لان طرقة كلامك غريييييييييييبه

[rana rory]

المشاركة الأصلية كتبت بواسطة طالب المستقبل

على فكره انا مش اصدي اى حاجه بجد والله مش عارف ايه اللى زعلك انا بقولها بطريقة عادية ووالله مش اصدي اى شيء يمكن لفظ سيادتك عادي نزوة انما انا عارف بالذات ان الجروب ده الروح عالية جدا بين الاعضاء ومش اصدي اي حاجه بجد اما بالنسبه لحليت وحليتى ديه عشان بكتب بسرعه مبخدش بالي ثانكث ويا ريت ميكونش فيها زعل لان طرقة كلامك غريييييييييييبه

حصل خير هو بس طريقه ردك حسستنى انى عملت جريمه
و مفيش زعل عادى

[rana rory]

المشاركة الأصلية كتبت بواسطة طالب المستقبل

فيها لف ودوران برضه في بعض الاسئله يعني سيادتك حليت كم في الميه من المسائل صح

و كمان حضرتك التوبيك معمول عشان نساعد بعض ف مفيش داعى لسيادتك
انا عرضت مساعدتى لا اكثر ولا اقل

[Ehab Hegazy]

المذاكره محتاجه صبر و الحاجه الصعبه عشان تتفهم لازم الواحد يحط في دماغه انه عاوز يفهمها و هاتكون معاه أسهل حاجه حتي في أصعب الحالات .... يارب سامحني ع الكدبه دي ههههههههههههههه

و الله بجد

[Marry Sam]

من كتاب الوساااااااااااااااام للمؤلف احمد بركه اللى حاطط اولمبياد 2008 فيه اسئله بالشكل ده الل هيموتني ان ديه اسئلة الطلبه العاديين وليس المتفوقين

بس عندي سؤال من حب الفضول هو انت من اليابان والا الصين والا ايه الست الل حاطهالنا في التوقيع كل شويه ده مفيش مره حد مصري

هههههههههههههه صراحة موتني من الضحك
لا انا من مصر طبعا و للاسف
بس من احلامي اني اسافر اليابان و اشتغل فيها او حتي سياحة يكون افضل
بس ده بعد ما اروح احج طبعا ان شاء الله
لاني معجبة جدا باليابان و ناسها ع الرغم من اختلاف العادات و الدين بس ف جوانب من حياتهم بتعجبني جدا
انا اصلا عايشة ف مصر بعاداتها بس صراحة انا من جوايا نفسي اكون ف اليابان
و بعدين دي مش ست و لا حاجة ..دي بنت صغيرة انا كده شكلي هغيرها هههه
و انا للاسف بكره الممثلين المصرين و من رابع و لا السابع المستحيلات اني احط واحد منهم ف توقيعي

المهم نرجع للفيزياء
لا انا معنديش الكتاب ده و نصيحة بلاش تعقيد

[Marry Sam]

يلا عندي بكرة امتحان فيزياء دعواتكم
كان عندي علم نفس و اجتماع بس للاسف نقصت نص درجة
يلا خيره ف غيره

[yasoo alaa]

المشاركة الأصلية كتبت بواسطة marry sam

يلا عندي بكرة امتحان فيزياء دعواتكم
كان عندي علم نفس و اجتماع بس للاسف نقصت نص درجة
يلا خيره ف غيره

ربنا معاكى وتجيبى الدرجة النهائية باذن الله

[يارب ابقى دكتورة]

ازيكو يا جماعة انا حالتى النفسية صعبة اوووى النهارده اصل عملت فيها مجتهدة وبدات اليوم بالفصل السابع فيزيا فصل اعوذ بالله سد نفسى بقيت اليوم انا تقريبا مكلمتش حد النهاردة بسببه مش بخوفكم يمكن انا الى غبية شوية