ثالث يوم من أضرابات المعلمين اليوم 19/9/2011 - الصفحة 20

Monsieur_sadek · #**286** 20-09-2011, 01:06 AM

ده المنهج للترمين وواضح فيه ان الدوال فى الترم الثانى

جنى حمزاوى · #**287** 20-09-2011, 01:07 AM

مدرسة ابوصوير الصناعية
19 / 9 / 2011
اليوم الثانى للإضراب
- بداية اليوم الدراسى بشكل طبيعى ، توقيع المعلمين فى دفاتر الحضور ، الطابور وتحية العلم
- حضور ( شكرى ابوجازيه ) مدير إدارة ابوصوير التعليمية ويطلب من المعلمين الصعود للفصول

- لا استجابة ولا رد من اى معلم ولا تعليق للإضراب

- بعدما تيقن انه فشل حتى فى اسلوب الطلب صرخ قائلآ ( طيب لو انتوا رجاله خليكوا قاعدين كده لآخر الشهر

)
- الراجل جاى يستفزنا وعايز يوقعنا فى الغلط ، لكن تم الاعداد النفسى الجيد لنا من خلال حوارتنا مع بعضنا بأن هذا متوقع حدوثه من زبانية النظام السابق والذين استفادوا منه بالجلوس على كراسيهم وسيقاتلون للبقاء عليها ( الهبره كبيرة يا جماعة اخر الشهر لازم يموت نفسه علشان يحافظ عليها ) ، المهم محدش برضه رد عليه ( مع انه عارف كويس اوى ان صنايع ابوصوير مبيعرفوش لا هوه ولا اى حد من رجالته ياخدوا حق ولا باطل من رجالة المدرسة

)
- راح مخبط اكتر ليواصل الاستفزاز ( هربت منه ياجماعه) وقالنا هو انتوا بتفهموا اساسآ و كل ده حصل قدام الطلبة

بالله عليكم ايه رأيكم فى المسئولين عنا ( انا رايى انهم بلح )

- دخل شكرى ابو جازيه مكتب المدير فى انتظار وكيل الوزارة
- تم كتابة مذكرة بما حدث موجهه الى المحافظ و وكيل الوزارة ووقع عليها المعلمون
- الظاهر الخبر بتاع المذكرة وصل ليه شويه لقيناه طلع من المكتب

وجالنا ( حقكوا عليا متزعلوش منى انتوا زى اخواتى ) ( عمل قطة ) عرفتوا مين فينا الراجل .
- وصول وكيل الوزارة ( رفعت طنطاوى ) ومعاه ( مسئول الأمن فى المديرية ) !!!!!!!!!!!
- طلب الاجتماع مع السادة المعلمين
- بدأ فى الحديث : نفس كلام الوزير حرفيآ لا اكتر ولا اقل .
- بدأ يكلم على حافز الاداء ووسعت منه اوى وراح قايل لشكرى الناس تصرف الحافز ده انهارده او بكرة بالكتير اوى دى تعليماتى ليك وتنفذ .
- طبعآ كلام للإستهلاك اللوكال وبدأ المعلمون المشاركة فى الحوار
- سلمناه صورة مذكرة الاضراب وبعدين تكلم بعضنا وكل مايقوم حد يكلم بتاع الامن يسأل على اسمه واحد زميلنا قاعد جنبه
( فاكرينها لسه زى زمان ) زميلنا قاله بتسأل على اسمه ليه ملكش دعوه بأسم حد .

- بيقولنا معدش فى امتحانات تانى نقوله الكلام ده مش مظبوط ونازل على موقع الاكاديمية علشان نترقى نتدرب وبعدين نمتحن وننجح وبعدين تقرير من مدير المدرسة وتقرير من الموجه علشان نتمم اجراءات الترقية يقولنا لأ مش مظبوط اسمعوا اللى بقولكوا عليه .
- طبعآ احنا على اتصال ببعضنا مع المدارس التانيه فى الادارة وخارجها الكل عامل اضراب وطنطاوى يقولك مفيش غير انتو بس اللى لسه عاملين اضراب ( وطنى وطنى ) لسه برضه اسلوب الكذب فى دمهم يا اخى وكل زمايلنا اللى راحلهم المدارس التانيه بيقولهم نفس الجمله ( يعنى كل الناس بقت حلوه وانتوا اللى لسه كخه

)
- طلب فض الاضراب مع وعد ببحث المطالب ورفعها ردينا عليه واحنا كمان هنبحث فض الاعتصام
قالنا هتبحثوا طلبى قولناله زى ما هتبحثوا طلباتنا ( ولع ) وسأل زميلنا اللى قاله الكلمه دى على اسمه الراجل قاله اسمه بالكامل سأله وكيل الوزارة انت مضيت على المذكرة قاله طبعآ دور على اسمه من بين الموقعين وعلم عليه

ثم فض الاجتماع الظاهر انه حقق هدفه بالحصول على اسم معين .
- طبعا المعلمين سمعوه رساله معينه ان زميلهم اللى اتاخد اسمه لو حصله اى حاجه لو حتى قرصته نموسه فى بيته وهو نايم مش هتعدى بالساهل
- بدأنا فى الاتصال بزمايلنا فى المدارس التانيه على مستوى الادارة والمحافظة ووصلنالهم اللى دار فى الاجتماع وابلغونا بتضامنهم معانا واتفقنا على حاجه : اى مدرس فى أى مدرسة هيتأذى بسبب الاضراب دلوقتى او بعدين هنكون راجل واحد والموضوع هيتطور من اضراب فى المدارس لاعتصام فى مكتبه هو شخصيآ (ماشاء الله والله اكبر علينا ) وتم الاتصال ببعض مراسلى ومندوبى الصحف فى الاسماعيلية ووضعهم فى الصوره
- مر اليوم ومضينا انصراف ومشينا وبكره يوم جديد انشاء الله

سيف سالم · #**288** 20-09-2011, 01:17 AM

اقتباس:

المشاركة الأصلية كتبت بواسطة missgana

فوجئ الدكتور أحمد جمال الدين موسى وزير التربية والتعليم، و د. على عبد الرحمن محافظ الجيزة، بإضراب معلمى مدرستى السعيدية والجيزة الإعدادية خلال جولتهما فى ثانى أيام الدراسة لتفقد مدارس القاهرة الكبرى.

وبدأ الوزير والمحافظ جولتهما فى مدارس الجيزة بزيارة مدرسة السعيدية الثانوية بنين للاطلاع على تجديداتها ثم انتقلا بعدها إلى مدرسة الجيزة الإعدادية بنين.

وعقد الوزير اجتماعا مغلقا مع ممثلين عن المعلمين المضربين فى المدرستين بمكتب المدير بحضور الدكتور على عبد الرحمن محافظ الجيزة، والذى انتقد عدم تجهيز مدرسة السعيدية لزيارة الوزير، فيما انتقد جمال الدين ارتفاع كثافة الفصول بمدرسة الجيزة الإعدادية بنين إلى ما يزيد عن 45، وقال إنه تمنى انخفاضها إلى 30 فقط.

فى الوقت نفسه تجمع طلاب مدرسة الجيزة أمام مبنى المدرسة وداخل فنائها أثناء اجتماع الوزير بممثلى المعلمين المضربين.

حضرتك هذا عنوان الخبر وواضح أن الوزير زار مدرستين احداهما مدرسه ثانويه ويعتبردرس تعيين المجال للدوال الحقيقيه مراجعه لدخول ا لباب الأول ( الدوال الحقيقية) للصف الثاني الثانوي يعني مدرس الرياضه لم يخطئ أنا بس حبيت أوضح

شكرا لايضاح وعنوان الموضوع التأكد من مدرسي الرياضيات

dr.mhmud · #**289** 20-09-2011, 01:20 AM

هذا رجل غير محترم

سيف سالم · #**290** 20-09-2011, 01:29 AM

اقتباس:

المشاركة الأصلية كتبت بواسطة monsieur_sadek

ده المنهج للترمين وواضح فيه ان الدوال فى الترم الثانى

شكرا للمشاركة
بس ممكن منهج الصف الثاني ث

mrmath · #**291** 20-09-2011, 01:31 AM

لليوم الثاني علي التوالي اضراب في اغلب مدارس التل الكبير ومنها علي سبيل المثال لا الحصر 80% مش 0.6 %
مدرسة الظاهرية ع . م ومدرسة التل الاعدادية بنين ومدرسة السلام والتل الصناعية
وعلي فكرة الاضراب كاااااااااااااااامل العد في المدارس
نرجوا من الزملاء التاكيد علي عودة هيبة المعلم في المقام الاول
قضية الترس الاهلي تتصدر عناوين الاخبار ومليون و200 الف معلم لم يحركوا ساكن لوزير التعليم
زملاء الاعزاء الي الامام دوام والفرصة بين ايدنا فلا نضيعها علي انفسنا
لو رجعنا خطوة للوراء لن تقوم لنا قائمة فاليوم رسالة المعلمين ورثة الانبياء ( عذرا احنا اقل الوظائف كرامة وسنظل دائما اخر الصف
وفقنا الله لما فية رفعة المعلم التي هي اساس رفعة البلد الامان مصر

محمد ياقوت عبد الرازق · #**292** 20-09-2011, 01:38 AM

الله عليكم رجالة وربنا معاكم

elbasha20083 · #**293** 20-09-2011, 01:41 AM

يا جماعة مستغربين ليه ده زيارة مدرسة زويل كانت يوم الجمعة ووسائل الاعلام المغرضة كلها جابتها في القنوات كلها على انها السبت دي حاجة تقرف مفيش فايدة

ام البنانيت · #**294** 20-09-2011, 01:52 AM

قرر مدير اداره دمياط التعليميه عدم صرف الحوافز الجديده للمعلمين زاعما انه لايوجد فى الاداره معلم يستحقها لعدم اخذ النصاب كاملا باين الراجل ده عايش على القمر مش عارف اى شىء عن ادارته قال يعنى الفتات دى هى اللى هتحيينا باين عينه فيهم

هاملت1 · #**295** 20-09-2011, 02:05 AM

بارك الله فيكم يا أبطال فرجال التل الشرفاء كما عهدناهم لن يتغيروا : الأصل وشيم الأخلاق

طبعا أنا أعرف تقريبا كل معلمي التل الكبير وأبو صوير وعلى اتصال دائم بهم والله معكم ومعنا نحن بإدارة الاسماعيلية

أتمنى الاتفاق على الخطوات التصعيدية

wahsh2008 · #**296** 20-09-2011, 02:14 AM

حسبي الله ونعم الوكيل

عمرو دوت كوم · #**297** 20-09-2011, 02:17 AM

بارك الله فيك والله

عمرو دوت كوم · #**298** 20-09-2011, 02:22 AM

الاخوان دايما مذبذبين فى أرائهم يعنى يولعوها ويقولوا احنا مش معاكوا

عمرو دوت كوم · #**299** 20-09-2011, 02:32 AM

اليوم السابع بتاع نجيب سويرس

dr.mhmud · #**300** 20-09-2011, 03:13 AM

كويس
خليه يحول الميزانية وفورات
علشان يصرفوها على الموظفين في الديوان

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري