هام ورجاء الي كل معلمين الحاسب الآلي

[amr abd]

انا دورت فى اكتر من جروب مركز توجيه حاسب الى لعدد من المحافظات
شايف فى تفائل شديد وكلام بحذر مش عارف ليه السرية دى
فى ناس مسؤولة مبسوطة وبتقول خير وممكن بزيد المجموع يبقى 40
مش عارف المهم
تفائلوا بالخير تجدوه
عسا ان تكرهوا شيئا وهو خيرا لكم

[الفرسان2009]

الاهم من تغيير المنهج مين هما ال حيألفوا المنهج انا عاوز ال يألفوا المنهج يكون كلهم دكاترة من كلية الحاسبات والمعلومات او الهندسة لانهم عنديهم خبرة كبيرة بانشاء البرمجيات والتطورات الجديدة في كل العلوم ودا حيكون في مصلحةالطالب ، مش زي كتاب المنهج الحالي ال ماتعرفهوش عاوز يعلم الطالب ايه ، دا انا لسه بشرح المادة للصف الثالث ومازلت اعتمد في الشرح النظري والعملي بالذات بشكل كبير علي الكتاب القديم ال الفه الدكتور احمد فهمي عام 2008 ال هما لغوه علشان مصالحهم ال كان كتابة هو افضل مليون مرة من الكتاب الحالي ، ثاني حاجة بالنسبه لزيادة درجات نقول يارب تزيد الي 40 درجة حتي دا يخلي الطالب يهتم بالمادة ، لما مديري و وكلاء المدارس بيكرهوا المادة من اساسه وبيعودوا الطلاب علي الاهمال فيها لانهم مفكرين ان الكمبيوتر ما هو الا العاب واغاني وفيديوهات فقط. ربنا يصلح حالنا جميعاً ،،، وشكراً

[monaelgedawy]

عندي اقتراحات كمدرسة حاسب الي:
اولا: سواء المنهج اتغير او لا ياريت تزيد درجة الماده خصوصا في الصفين الثاني والثالث الثانوي، بدل من ان درجه النجاح تكون درجه وربع تكون اعلى لان درجه وربع دي بتخلينا واقفين قدام طلبه ثانوي عارفين ان مادتنا مالهاش اي وزن عندهم.
ثانيا: ياريت يكون المناهج مش مترتبه على بعض من سنه لاخرى لان اصلا الطلبة من بتذاكر المادة ب اهتمام وبالتالي بيدخلوا السنه اللي بعدها لا هما فاكرين منهج السنو اللي فاتت ولا فاهمين حاجه من منهج السنة الحاليه( ده في حاله لو حد قرر يفهم اصلا)
ثالثا: توفير دورات تدربيه للمنهج الجديد زي ما عملوا في الفيديو كونفرس في منهج اولى ثانوي
رابعا:ربط المواد الاخرى بالكمبيوتر حتى يهتم الطالب به بشكل افضل
وشكرا

[amr abd]

كلمت شخص مسؤوول فى الكمبيوتر التعليمى اسمه احمد الجابرى
قاللى باللفظ تعديل وليس تطوير

[العدوى1]

يجماعه انا معاكم تماما فى اى قرار وانشاء الله الى انتوا شيفينه انا معاكم فيه بس ياريت تطلعونا عليه اول باول واللى انا شايفه انه لازم يزيد درجات المادة وتتساوى بالعلوم والدراسات على الاقل ويدخل المجموع فى الثانوى كمان حيث لا يقل اهمية عن اى مادة من المواد المؤهلى لكليات الهندسة او الحاسبات كمان او حتى تربية وده فعلا التطوير ولازم يتناسب مع الامتحان ومنهج المادة العلمى نفسه ولكم وافر احترامى وانا شايف ان الكل مهتم من خلال متبعتى بس ياريت صوتنا يوصل للمسئولين وكمان لازم يبقا فيه كتاب كمان زى باقى المواد ده حتى مدرسين المواد التانيه مستهترين بينا اوى وبيقولوا للاولاد هو الكمبيوتر ماده اصلا ولا بتذاكر كمان

[محمد صالح العشيري]

التغير في المنهج لابد أن يتناسب مع طبيعة المرحلة وقدارت طلابها ما الداعي للتطوير في ظل عدم وجود أجهزة متطورة يدرس عليها المنهج الجديد ....... تكون المحصلة في النهاية أو ما يستطيع الطالب تحصيله ...... صفر ......

[عصام لظفى داوود]

المنهج سوف يتم تغيره كاملا بالنسبة للصف الثالث الاعدادى والثانوى وبالنسبة للصف الثالث الاعدادى فان الدكتور محمود فهمى سيكون هو رئيس اللجنة هذا ماقرأتة والله أعلى وأعلم

[fawzyramdan]

رأى المتواضع وقابل للنقد والتغيير
أولا : الخوف من التغيير شايف انه لا داعى له طالما التغيير للأفضل وحسب طبيعة الماده التطوير والجديد فيها كل يوم يعنى لسنا كمادة الرياضه مثلا قوانين ثابته وهكذا
ثانيا : عندنا مشكلتين ولازم يكون لهم حل ورجاء الصوت يوصل للمسؤلين
1- عدم طباعة الكتاب المدرسى ليه مش عارف فيه ماده ملهاش كتاب ؟؟ حاجه غريبه !! والحلول المتاحه طالب بيستخدمها والباقى لا ويرجع كله يشتري كتاب خارجى هل ده حل ؟؟؟
2 - عدم وجود درجات اعمال سنه لطالب الصف الثالث الإعدادى طيب الطالب ده هيلتزم ازى ومفيش حاجه تحكمه؟؟!!
فى النهايه تحياتى وشكرى لجميع الزملاء

[ageofwan]

المشاركة الأصلية كتبت بواسطة fawzyramdan

رأى المتواضع وقابل للنقد والتغيير
أولا : الخوف من التغيير شايف انه لا داعى له طالما التغيير للأفضل وحسب طبيعة الماده التطوير والجديد فيها كل يوم يعنى لسنا كمادة الرياضه مثلا قوانين ثابته وهكذا
ثانيا : عندنا مشكلتين ولازم يكون لهم حل ورجاء الصوت يوصل للمسؤلين
1- عدم طباعة الكتاب المدرسى ليه مش عارف فيه ماده ملهاش كتاب ؟؟ حاجه غريبه !! والحلول المتاحه طالب بيستخدمها والباقى لا ويرجع كله يشتري كتاب خارجى هل ده حل ؟؟؟
2 - عدم وجود درجات اعمال سنه لطالب الصف الثالث الإعدادى طيب الطالب ده هيلتزم ازى ومفيش حاجه تحكمه؟؟!!
فى النهايه تحياتى وشكرى لجميع الزملاء

الاخ الفاضل fawzyramdan تحياتي ولانك قلت انك تقبل النقد وهي علامة صحية للتعرف علي وجهة نظر الاخرين ولربما تكون هناك افاقا اخري يراها الفير ولا تراها انت والعكس قد يكون صحيح وتلك هي المرونة

أولا : الخوف من التغيير شايف انه لا داعى له طالما التغيير للأفضل وحسب طبيعة الماده التطوير والجديد فيها كل يوم يعنى لسنا كمادة الرياضه مثلا

لماذ لا داعي للخوف من التغيير؟! يا اخي المبذأ غير مرفوض في التطوير لكن يجب علي المسؤولين اخذ الواقع في الاعتبار والتجيهز الجيد لانجاح المادة العلمية عمليا فهناك عوائق كثيرة تعيق وتعمق من الازمة والتصعيد اعني التغيير فيها بهذا الشكل يمهد لالغاء المادة ومن هذة المشكلات الواقعة للمادة

1- ان كثيرا من من مدرسي الحاسب الالي ليسوا علي مستوي واحد في المادة العلمية فكثيرا منهم اقل مما يجب وقد حصلوا فهمهم للمادة العلمية للصف الثالث ع بصعوبة بالغة وقد مر ذلك بسلام نوعا ما لانه تم طبع كتب للمادة في سنوات سابقة فتوزيع المنهج والمنهج نفسة واضح ومعروف للكافة ولا اختلاف علي اي جزئية منه بعكس المشكلة التي نشأت للمادة في سنوات النقل في الـ word و الـ Excel المنهج الحديث اصدار 2013 وليس لهم منهج موحد وكل ادارة لها كتاب غير رسمي واسلوب يختلف عن الاخر وهذا نموذج للمشكلة فما بالك لو حدث ذلك في مادة برمجة فالمشكلة اكبر واعمق بكثير
عند التغير كليا لابد من توفر الاتي ليتم التغيير بنجاح
1- اولا وجود معامل متطورة قادرة علي تنفيذ المادة العلمية من خلالها
2- وجود كتاب مدرسي موحد للجميع
3- تدريب كافة المدرسين الذين سوف يقومون بتدريس المادة العلمية الجديدة قبل بدء العام الدراسي بوقت كاف جدا
فهل تم تدبير كافة هذة المتطلبات لتطوير المادة العلمية او تغييرها ؟
وعلي فرض ان تم تغيير المادة العلمية دون الاخذ في الاعتبار المتطلبات السابقة فإنه من المتوقع ان تنشأ مشكلات كبيرة في الواقع التعلميي وشكوي عامة من عدم قدرة المدرسين علي تدريس المادة ما يمهد لرفع الاصوات لالغاء المادة او علي الاقل خروجها من المجموع والحقيقة انني لا اري اي بوادر لوجود هذة المتطلبات والاعتبارات لتغيير المادة وهذا ما يجعلنا نخاف بشدة ونطالب بأن يبقي الوضع علي ما هو علية لا عتبارات عديدة منها
1- انة اغلب المدرسين تأقلموا مع المادة العلمية وهي غير تقليدية بالنسبة للطالب او المدرسين
وليس سهلا عليهم التغيير وخصوصا ان V.B مادة ثرية
2- ما هو الحافز الذي سوف يحصل عليه مدرس الحاسب الالي نظير بذل مجهود اضافي ليس بالهين في سبيل تحصيل المادة العلمية الجديدة اظن ان هذا = صفر خصوصا والمرتبات هزيلة بطبيعتها
والخوف كل الخوف ان يكون هذا التغيير تمهيدا لنسف المادة من اهميتها وبالتالي تهميش المادة اكثر مما هي علية الان والحقيقة هو ليس تطوير بل هو تدمير للمادة


ارجوا من يقرأ هذا ان يتفاعل ويدلي برأية ولا يكتفي بمجرد القراءة فالموضوع يعني الجميع ولا يخص احدا بعينة
وتقبلوا تحياتي

[أحـمد قرنى]

اكرر واكرر واكرر الموضوع لن يقتصر فقط على التغيير
هل يعلم احد منا ما المادة العلمية الجديدة ومحتواها رغم ان المفروض تكون انهت عملها خلال هذا الشهر

الموضوع كبير وخطير وللاسف الكل مشغول الفترة دى ومش هنفوق غير لما نبقى قدام الامر الواقع تغيير المنهج بوادر لالغاء وتهميش المادة للمرحلة الاعدادية ولو وقفنا على قراءة المستجدات سنبقى امام امر واقع وخطير وتذكروا كلامى جيدا

مادة جديدة ومنهج جديد بدون كتاب ولا محتوى علمى متاح للجميع سوى على النت لو اتيح اصلا وكلنا نعلم ان منهج ثانوى لما ينزل على النت الا بعد بداية العام الدراسى اضف على ذلك عدم تدريب جميع المعلمين قبل بدء العام الدراسى هل سيصمت المسئولين على ذلك خصوصا انها فى الشهادة الاعدادية

انا بطلب من الاستاذ احمد هاشم والاستاذ ابو بطة وانا على علم تام بحبهم الشديد للمادة انهم يشاركونى بتشكيل لجنة من مجموعة من الزملاء من مختلف المحافظات لا تقل عن 15 او 20 معلم ونكون على تفاعل تام ونقوم بعمل مقترحات وطريقة نمشى عليها فى اسرع وقت دون الانتظار اكثر من ذلك

لكم منى جزيل الشكر

[أحمد هاشم الزيدي]

المشاركة الأصلية كتبت بواسطة أحـمد قرنى

اكرر واكرر واكرر الموضوع لن يقتصر فقط على التغيير
هل يعلم احد منا ما المادة العلمية الجديدة ومحتواها رغم ان المفروض تكون انهت عملها خلال هذا الشهر

الموضوع كبير وخطير وللاسف الكل مشغول الفترة دى ومش هنفوق غير لما نبقى قدام الامر الواقع تغيير المنهج بوادر لالغاء وتهميش المادة للمرحلة الاعدادية ولو وقفنا على قراءة المستجدات سنبقى امام امر واقع وخطير وتذكروا كلامى جيدا

مادة جديدة ومنهج جديد بدون كتاب ولا محتوى علمى متاح للجميع سوى على النت لو اتيح اصلا وكلنا نعلم ان منهج ثانوى لما ينزل على النت الا بعد بداية العام الدراسى اضف على ذلك عدم تدريب جميع المعلمين قبل بدء العام الدراسى هل سيصمت المسئولين على ذلك خصوصا انها فى الشهادة الاعدادية

انا بطلب من الاستاذ احمد هاشم والاستاذ ابو بطة وانا على علم تام بحبهم الشديد للمادة انهم يشاركونى بتشكيل لجنة من مجموعة من الزملاء من مختلف المحافظات لا تقل عن 15 او 20 معلم ونكون على تفاعل تام ونقوم بعمل مقترحات وطريقة نمشى عليها فى اسرع وقت دون الانتظار اكثر من ذلك

لكم منى جزيل الشكر

انا مستعد في تجميع المحافظة الخاصة بي ومن الان باذن الله

وياريت الكل يبدء يتحرك معانا لان لازم الكل مش شوية والكل يتفرج لحد ما الوقت يفوت

[MR : ABO BATTA]

انا شخصياً مستعد لحضور أي لقاء مع المسئولين يا مستر احمد

[fawzyramdan]

أخى الفاضل ageofwan أتفق معك فى ماقلته

عند التغير كليا لابد من توفر الاتي ليتم التغيير بنجاح
1- اولا وجود معامل متطورة قادرة علي تنفيذ المادة العلمية من خلالها
2- وجود كتاب مدرسي موحد للجميع
3- تدريب كافة المدرسين الذين سوف يقومون بتدريس المادة العلمية الجديدة قبل بدء العام الدراسي بوقت كاف جدا

ملحوظة أخري يجب أخذها فى الحسبان:[*]نحن كماده الأن علينا حمل كبير حيث أن عدد الحصص للفصل حصتان (فتره واحده فى الأسبوع) فهل هذه الفتره كافيه لشرح الماده وتقييم الطلاب شفوى وسلوك ونشاط واختبار تحريري [*]مدرس الكمبيوتر بيدرس مثلا ل 10 فصول ولو قلنا متوسط الكثافه 40 طالب يعنى معاه 400 طالب يتم تقييمهم[*]بخلاف باقى المواد المدرس معاه على الأكثر فصلين بيدخل للفصل الواحد 5 مرات فى الأسبوع يعنى تقريبا كل يوم معاهم يعنى الموضوع عنده أسهل بكتيير
[*]فيجب تعديل هذه الأوضاع مع تحياتى

[أحـمد قرنى]

مستر ابو بطة
حضرتك ذكرت انك على صلة بأحد المسئولين فى الكمبيوتر التعليمى ياريت نعرف منه المادة العلمية للمنهج العام القادم

وبفضل نشكل لجنة من 15 الى 20 زميل من محافظات مختلفة وننسق فيما بيينا على ما نود عمله الفترة المقلبة

[أحمد هاشم الزيدي]

المشاركة الأصلية كتبت بواسطة أحـمد قرنى

مستر ابو بطة
حضرتك ذكرت انك على صلة بأحد المسئولين فى الكمبيوتر التعليمى ياريت نعرف منه المادة العلمية للمنهج العام القادم

وبفضل نشكل لجنة من 15 الى 20 زميل من محافظات مختلفة وننسق فيما بيينا على ما نود عمله الفترة المقلبة

أوافق علي هذا الرأي اخي الكريم احمد قرني