عاجل| "الأزهر" يستثمر ربع مليار جنيه في مشروع "قناة السويس"

[اسماعيل صمد]

الله يرحم مشروع توشكى وابقوا قابلونى يامعلمى الازهر --- ضاعت الفلوس \\\\\\\ أه يابلد

[teacher120]

هتضيع ازاى يعنى واحنا بنقول اى كلام وخلاص من غير ما نفهم انت كده كده فلوسك بتستثمر فى البنك ودى فايده اعلى من البنك بنفهم ولا بنقول اى كلام وبس- انت ضد المشروع او انت لك وجهه نظر تانيه انت حر اما تروج لكلام خطا طب ازاى يعنى- انت احسن من كبرى الشركات الى بتجرى عشان تشترى الشهادات بملايين والبعض بمليارات لان عائدها كبير ومضمون لان القناه بفضل الله لها دخل ثابت ومؤسسه عالميه وبعدين فلوسك بضمان وزاره الماليه المصريه والبنك المركزى يبقى فين المشكله

[mahmoud gabra]

المشاركة الأصلية كتبت بواسطة teacher120

هتضيع ازاى يعنى واحنا بنقول اى كلام وخلاص من غير ما نفهم انت كده كده فلوسك بتستثمر فى البنك ودى فايده اعلى من البنك بنفهم ولا بنقول اى كلام وبس- انت ضد المشروع او انت لك وجهه نظر تانيه انت حر اما تروج لكلام خطا طب ازاى يعنى- انت احسن من كبرى الشركات الى بتجرى عشان تشترى الشهادات بملايين والبعض بمليارات لان عائدها كبير ومضمون لان القناه بفضل الله لها دخل ثابت ومؤسسه عالميه وبعدين فلوسك بضمان وزاره الماليه المصريه والبنك المركزى يبقى فين المشكله

جزيت خيرا اخى ، الخبر مطروح هنا للنقاش وتبادل الاراء ، يجب علينا لاحترام رأيك ان تحترم اراء الجميع ، وما يعنينى شخصيا هو صلاحية الشيخ فى التصرف فى اموال الصندوق وكذلك ضخامة المبلغ ومقدار المخاطرة

[teacher120]

منا بقول كل واحد له وجهه نظر شريطه ان مش يكون له ابعاد وخلفيه اخرى بيتكلم عنها مثل التشكيك فى جيشنا ونزاهه المشروع وما نسمعه من البعض هنا او هناك فهذا غير مقبول اطلاقا ومن يفعل ذلك لا اتردد فى مهاجمته

[mahmoud gabra]

المشاركة الأصلية كتبت بواسطة teacher120

منا بقول كل واحد له وجهه نظر شريطه ان مش يكون له ابعاد وخلفيه اخرى بيتكلم عنها مثل التشكيك فى جيشنا ونزاهه المشروع وما نسمعه من البعض هنا او هناك فهذا غير مقبول اطلاقا ومن يفعل ذلك لا اتردد فى مهاجمته

اولا : امرنا الله اخى بحسن الظن ، وقد يعود اختلافنا فى الرأى من منظور اقتصادى وليس سياسى فيمكن من خلال بحث بسيط على الانترنت ان اعرض هنا لاقتصاديين كبار اراء متباينه عن المشروع ذاته ، ما يعنينا نحن كمعلمين بالازهر والاصحاب الفعليين للصندوق - الذى هو للعلم صندوق خاص - هو ضمانات المحافظه على رأس المال لكى لا تلحق باموال المعاشات والتامينات التى ضيعتها الحكومات الغابرة ، اخيرا اقدر حضرتك واحترم رأيك

[العشرى1020]

بالتوفيق باذن الله تعالى وربنا يعمل مافيه الخير

[خالد عطي]

أخي الفاضل teacher120 شكرا لك علي التوضيح ولكن كلامي كان ينصب في أنه بما ان جميع العاملين بالازهر أعضاء في الصندوق فبالتالي كان يجب أن يؤخذ رأيهم في هذا الأمر وإذا تم بموافقه عدد كبير فليكن وإذا لم يكن هناك إتفاق عليه فلا يتم الإقدام عليه حتي يشعر العاملين أن لهم رأي وكلمه في أمر يخصهم أيضا أم أنك تري أن كلامي غيرمنطقي وبعدين لنفترض أن شخص يتم خصم 35 جنيه شهريا ويزيد هذا الخصم مع زيادة الاساس فاحسب الخصم الشهري في 12 شهر ولنفترض بعد عمر طويل وقضي 20 عام حتي خرج للمعاش فيكون الحسبه مثلا 35*12*20 دا الي جانب ما يتم خصمه من المكافأة ثانويا لذا أشك بنسبه مليون المائة أن يعطيك الازهر نصف ما تم خصمه منك ولله الامر من قبل ومن بعد

[سالم حسين]

هوفيه معلمون في الازهر ؟؟؟؟
ولو وجد ....هل لهم اعتبار ؟؟؟
ياعم انت وهو ............قولوا يا باسط
ومن أين أتى رئيس وأعضاء مجلس إدارة الصندوق ؟

[الغالي وليد]

احلي حاجه ان اللي بيبرر بكدا لو نقص منه نص جنيه وهو بياخد الراتب بتلاقي مناخيره قلبت خياشيم ويبقي فاضله تكه ويقلب ابراهيم الابيض
ياعم انت وهو بلاش الدور دا
دي فلوسنا تعابينين في ميتين ابوهم يعني انت تبيع شقتك في بيت ابوك من غير ما تقول للي خلفك وجابلك الشقه ازااااااااااااااااااااااي

[teacher120]

لا اله الا الله ودأ هينقص فلوسنا دأ هيزودهأ ..والصرف العائد كل 3شهور اما البنك كل 6شهور من غير شهر االايدأع لا يحسب.كل القطأعأت الناجحه تعلن عن استثمار اموالها فى الشهادأت

[أستاذ الرياضيات]

قرار صائب وصحيح وعمل وطنى ياريت كلنا نشارك فيه

[تفاحة ادم]

احنا موافقين من كل قلبنا
يارب مصر تقوم على خير
الخير لنا ولولادنا ان شاء الله
ويارب الفايدة ان شاء الله حاتعم عالكل

[Mr.Ramadan.Seddik]

دى مش فلوسهم دى فلوس العاملين. من الواجب اخذ رأى كل واحد وله الحرية يستثمر ام لا. بالنسبة لى انا لا أرغب فى ذلك

[أ/ سعيد موسى]

مع احترامى لجميع الاراء اوضح لكم بعض النقاط حسب فهمى بصندوق التكافل
1- جميع اموال صندوق التكافل توضع فى البنوك واعتقد استثمارات اخرى للحصول على الارباح
للصرف على الصندوق
2- اعضاء صندوق التكافل المفترض انهم يمثلون جميع المشتركين بالصندوق وبالتالى اى قرار يصدر
يكون صادر من المشتركين
3- بعيدا عن السياسه ونركز فى الصندوق هو قرار صائب 100% واعتقد ان هذا المبلغ ضئيل
وكان يجب زيادته الى اضعاف اضعاف هذا الرقم للاستفاده من عائده بشرط ان تكون الافاده لنا جميعا
4- قانونا هذا القرار سايم 100% لانه من الاساس منذ انشاء الصندوق توضع الاموال فى البنوك
واعتقد لايوجد فرق بين البنك وبين هذه الشهادات بل طبعا فائده الشهادات افضل
5- كل ماسبق هى اجتهادات شخصيه منى تحتمل الصواب وتحتمل الخطأ

[الاهلى2]

الناس بتوع هرج واجري احب اقلهم ان فلوس العائد افضل كتير من اي وديعه في البنك ودي فلوسنا واللي زعلان قوي ينسحب من الصندوق