يعنى ايه تامر حسنى.....؟؟؟؟؟؟

[Dr.mayson]

المشاركة الأصلية كتبت بواسطة mostafa kernawy

انما القران سماعى ليه قليل والعياذ بالله برضه
لانى مش فاهم حاجه ومكسل افسر اللى بسمعه

لا حول ولا قوة الا بالله.........بجد حاجة ....
ربنا يهدينا كلنا يا رب

حلوة الدعوة اكيد بس كنت متوقعة بدل متقول حاجة .................... انك تنصح اللى كتب كده بدل ما تحسسوا انوا اقل منك او انوا غرقان فى بحر ملوش بر مش معنى اللى ربنا هداك وخلاك تقدر تفهم القران لما تسمعوا انك تشوف اللى مش بيقدروا يعمل ده انهم حاجة .......................
يا جماعة انا حاسة ان اسلوب النصيحة عندنا غلط ودى مشكلة وكارثة

[اوركيديا]

يا ستازى الفاضل احب اوصلك معلومه وحده بس لما تحب تعبر عن اريك فى اى حاجه ياريت بدون تشدد او اسلوب يستفز الى بيقرءه انت الفرود بالموضوع ده بتوجه اصدقاء المنتدى للطريق الصح بالطريقه دى مفش بنادم حينفز كلامك ثانيا احنا لو على الى بنحبهم فالي بنحبهم على افى من يشيل كتير ومتعدش معنى كده اننا حنتحشر مع كل دول احنا مثلا نستمتع بصوت بطريقت تعبير بمظهر لكن احنا منعرفهوش لشخصه علشان تحكم على كده واذا كان فى ناس بتحبه وده انا شفته بعينى بالهدوء و بالاقناع بيخلص الموضوى "" يسرو ولا تعسرو""

لو سمحت هو انا احتديت فى ايه بالظبط
تانى حاجه احنا دلوقتى بناقش القضيه
فحطيت الاسس العامه اللى حنبنى عليها نقاشنا
ان الاغانى حرام و ان المغنيين مش هم القدوه اللى المفروض نقلدها
بس هى دى الركائز و لو عند حضرتك اعتراض عليها حيبقى من الجميل اننا نتناقش فيها

تالت حاجه انا حاسه باسلوب مش ظريف فى الكلام عن قول الرسول صلى الله عليه و سلم ان الانسان يحشر مع من يحب
و انا صراحه مش عارفه حضرتك معترض على ايه
على ان الله يقدر يحشرك مع اللى بتحبهم و لو كانو كل ولد ابن ادم
ياريت نفكر كويس قبل ما نتكلم
فى رعايه الله

[dr mahmoud]

شكرا على طرح هذا الموضوع ...
انا ايضا لا اطيق تامر حسنى او اى مغنى يفعل مثلة فالشباب الان اصبح يشتكى من البطالة ولكنة لاوقت لدية للبحث عن عمل لانة مشغول بسماع تلك الاغانى ولا يلتفت لنصرة دينة ورد الاذى عن الرسول صلى اللة علية وسلم
ولم يكترثوا عندما اهانوا الرسول صلى اللة علية وسلم ولكن عندما ينقض احد تامر حسنى تقوم الدنيا علية

[اوركيديا]

انا معاك يعنى لو بصيت على راى الاغانى حرام واتنقشنا فيها حتلاقى مش كل الاغانى حرام
وقالو كثييييييييييييييييير من الشيوخ ان اى اغنيه تثير العاطفه هى حرام لكن منقدرش نقول انها حرام

لا نقدر لما الكتاب و السنه يقولو يبقى نقدر نقول انها حرام
وزى ما قال دكتور سعيد بلاش نتكلم فى الموضوع ده لانه معروف فى الفقه
بس لو حضرتك مش متاكده ان شاء الله حيبقى فيه موضوع منفصل عن حرمانيه الاغانى بما فيها الاغانى اللى بيقال عليها اسلاميه

ان اى فنان على الوجه العام احنا مش بنحبه لشخصه لاننا معرفنهوش ومعشرنهوش

اعتقد ان انا قلت فوق ان انا مش ضد الفن و الفانين انا ضد الغناء و اى شئ حرام
و اعتقد ام حضرتك كده برده

احنا على راى كلام الاستاذ اننا مزنبين زنب طاغى ملهوش رجعه ومنبوزين واحنا امه لا تكره العاصى لكن تكره المعصيه بمعنى صحيح مش دى الطريقه الى ممكن ترجع بنادم مزنب عن زنبه

امتى انا قلت كده
دى معصيه زى اى معصيه
باب التوبه عنها مفتوح على مصراعيه لاى انسان نادم عايز يغير نفسه
و مش انا اللى اقول ان حد منبوذ او مكروه
و انا فعلا نفسى اى حد بييعمل كده يرجع
بس انا دلوقتى مش فى نقاش الدين
انا فى نقاش العقل
انتى شايفه ان اللى بيعملوه البنات ده صح
شايفه ان المغنين عامه مبيعملوش حاجه
تستحق مننا اننا نحاول مبعد عنهم

كان لزم الموضوع يتاخد بسلاسه شويه ويطحط عنوان يحرك اى بنادم بتحصله الظروف دى ونقنه بيها علشان احنا بنادمين فى حياه مينفعش تتاخد عفيه اكتر ما احنا فى وقت ممكن 2 داعيه يطلعو ادام بعض كل واحد يقول راى مختلف عن الاخر وبنبقى تيهين فاعظرونا كبنادمين وبشر مش بتكلم لشخص لكن انا بتكلم باسم المزنبين كلهم

انا مش فاهمه دلوقتى حضرتك بتعيبى على ايه
الحلال بين و الحرام بين و بينهما امور متشابهات
يعنى انتى مش عارفه الصح فين اسالى و ادينا واخدين الحكايه بسلاسه
و مستنيه رايك
فى رعايها الله

[Dr.mayson]

والله كلامك صح وكلنا عارفين كده بس المشكلة انى مش قادرة ابطل اغانى والله العظيم اناايام الدراسة مكنتش بسمع اغااانى خالص لللتامر ولا لغيروا واول ما الاجازة جت بدات اسمع اغانى وشوية بشوية انزلهم على الكمبيوتر الموضوع ده مضايقنى جدا اولا انا بسمع اغانى علشان الفراغ ولانى بعد فى الاجازة كتير على الكمبيوتر هتقولى طبعا طيب شغلى اغانى منا هقولك مش هنتبه عليه (شيطان بقى )
بس بجد اانا نفسى ابطلها لانى حاسة انى منافقة اايام المدارس ابطلها علشان الشدة اللى بنكون فيها وفى الاجازة برجعلها تانى ومش عارفة بقى
وياريت يا جماعة منجدلش فى حاجة معروفة انا اللى غايظنى ان واحدة صحبتى مقتنعة تماما ان الاغانى مش حرام

[اوركيديا]

على فكره يا asdat
تامر حسنى فى نظرى ده مجرد واحد مفتخر بشعر صدره مش اكتر
يعنى مش هتهبل عليه ولا حاجه
ولا حتى مهتم بصوته
انا بس بتعجبنى الاغنيه
وبصراحه اغانيه حلوه حتى لو مش هسمعها
انما القران سماعى ليه قليل والعياذ بالله برضه
لانى مش فاهم حاجه ومكسل افسر اللى بسمعه
ربنا يعافينا يا رب من الموضوع ده

اغانيه حلوه
هى دى الكلمه اللى بسمعها من كل واحد او واحده بيحبو يسمعوله
طويب
انت مقتنع ان الكلام ده غلط و لا صح و لا عادى
و حكايه عدم سماعك للقران ده طبعا مش كويس
مجرد انك تشغله و انت قاعد على الكمبيوتر
و بشويه مجهود و كتاب تفسير الواحد ممكن يعرف المعانى
بس هى البدايه بخطوه
ومستنيه رايك
فى رعايه الله

[mostafa kernawy]

أنا والله لا أقصد شئ...أنا أتحسر لحال شباب أمتنا ليس اكثر أو أقل......هل كان الشباب كذلك أيام الرسول؟؟......أنا كمان وحش والله مبنزهش نفسي بس انا زعلان ومستفز أوووووي....ويعني مش كثرة المعاصي هي الى خلتنا كده؟؟ لو نقرب من ربنا ونصلي هنفهم هنفهم القران مش صعب وأنا عن نفسي على استعداد تام ان كلامنا ميبقاش نقد وبس وان ياريت الموضوع ده يتثبت ونتعاون كلنا على البر والتقوي ...يعني كل واحد يقول متعود يسمع اغاني قد ايه ونتفق سوا نقلل بالتدريج لغاية ما ربنا يهدينا ويتوب عليناومش كده وبس لأ نتفق على جزء من القران نقراوه والى عنده كتب تفسير او المصحف الى استلمناه في اولى ثانوي يفهمه ونيجي نشوف عملناه ايه؟؟ واهو نروح رمضان بحاجة كويسة ؟؟ ايه رأى حضرتك

[Dr.mayson]

المشاركة الأصلية كتبت بواسطة mostafa kernawy

أنا والله لا أقصد شئ...أنا أتحسر لحال شباب أمتنا ليس اكثر أو أقل......هل كان الشباب كذلك أيام الرسول؟؟......أنا كمان وحش والله مبنزهش نفسي بس انا زعلان ومستفز أوووووي....ويعني مش كثرة المعاصي هي الى خلتنا كده؟؟ لو نقرب من ربنا ونصلي هنفهم هنفهم القران مش صعب وأنا عن نفسي على استعداد تام ان كلامنا ميبقاش نقد وبس وان ياريت الموضوع ده يتثبت ونتعاون كلنا على البر والتقوي ...يعني كل واحد يقول متعود يسمع اغاني قد ايه ونتفق سوا نقلل بالتدريج لغاية ما ربنا يهدينا ويتوب عليناومش كده وبس لأ نتفق على جزء من القران نقراوه والى عنده كتب تفسير او المصحف الى استلمناه في اولى ثانوي يفهمه ونيجي نشوف عملناه ايه؟؟ واهو نروح رمضان بحاجة كويسة ؟؟ ايه رأى حضرتك

حضرتك عندك حق واللى يقول غير كده يبقى غلطان انا عن نفسى مضايقة جدا انى بسمع اغانى لان دى حاجة تزعل وفكرة حضرتك حلوة وياريت تتنفذ
انا عن نفسى بسمع اغانى طول منا فاضية يعنى وانا قاعد ةعلى الكمبيوتر على الموبايل فى الهاند فرى كده
وبخصوص قراءة القران اننا كنت بقرأ بس الموضوع بدأ يقل بالتدريج وربنا يستر المشكلة ان الواحد بيلاقى اللى يعينوا على المعصية مش اللى يعينوا على التقوى يعنى مثلا صحبتى مش هتيجى تقولى قرأتى كام جزء من القرأن بس السؤال اللى بيسال كتير سمعتى شريط فلان سمعتى شريط فلانة دى الاغنية الفلانية دى روعة دا مش عارف ايه
وجزاك الله خيرا اولا على فكرتك ثانيا لان حضرتك وضحت وجهة نظرك وانا اسفة

[mostafa kernawy]

_1)انا اتقدم بالأسف اني موضحتش وجهه نظري صح من الاول
(2) انا كنت قريته في كتاب الحديث ده وعلق فى دماغى والله اعلم برضه انا مش متأكد يمكن يكون ضعيف أو موضوع (لكن ايه رأى حضرتك في الفكرة)
(3) انا عن نفسي متعود اسمع اغاني 3 ساعات في اليوم وعارف اني غلط ونفسي نساعد بعض نتوب
(4) ايه رأى حضراتكم نبدأ سوا من جزء عم نقرا ونفهم واحتمال نحفظكمان يلا حددوا الجزء الى هنتفق سوا عليه

[bosy .. mostafa]

بسم الله الرحمن الرحيم

هو تامر حسني صدق محمد هنيدي لما اتريق عليه و قال"شعر الصدر حسين"
هو كل اغانيه لازم يطلع مبين شعر صدره
و على فكره السبب في حب البنات ليه لإن صوته حنين اوووووووووي و كمان اصله صعب عليهم لما اتهرب من الجيش (يا عيني عليه)
هو اصلاً نفسي اعرف مين اطلق عليه لقب"نجم الجيل" جيل ايه بس؟؟
ده مش مثل اعلى
مثل اعلى ايه اللي يتهرب من خدمة بلده ده و يغني لها كمان !! عجيب اوي!!
مثل اعلى ايه اللي يزور الشهاده بتاعته !!
و كفايه انه مغني
و بعدين فيه حد في الدنيا يغني اغنيه و يقول"وحياة امي مانا سايبك" !! هو داخل خناقه ولا ايه؟؟
ولا يقول"وقفتي على ايديكي"
فيه كلام بيقوله كتير مش يصح يتقال في اغنيه"عاطفيه"
مش عايزه اتكلم كتير
شكراً ليك يا asdat

[طبيب عالمى قادم]

المشاركة الأصلية كتبت بواسطة bo$y

بسم الله الرحمن الرحيم

هو تامر حسني صدق محمد هنيدي لما اتريق عليه و قال"شعر الصدر حسين"
هو كل اغانيه لازم يطلع مبين شعر صدره
و على فكره السبب في حب البنات ليه لإن صوته حنين اوووووووووي و كمان اصله صعب عليهم لما اتهرب من الجيش (يا عيني عليه)
هو اصلاً نفسي اعرف مين اطلق عليه لقب"نجم الجيل" جيل ايه بس؟؟
ده مش مثل اعلى
مثل اعلى ايه اللي يتهرب من خدمة بلده ده و يغني لها كمان !! عجيب اوي!!
مثل اعلى ايه اللي يزور الشهاده بتاعته !!
و كفايه انه مغني
و بعدين فيه حد في الدنيا يغني اغنيه و يقول"وجياة امي مانا سايبك" !! هو داخل خناقه ولا ايه؟؟
ولا يقول"وقفتي على ايديكي"
فيه كلام بيقوله كتير مش يصح يتقال في اغنيه"عاطفيه"
مش عايزه اتكلم كتير
شكراً ليك يا adast

الله يكرمك واشكرك على كلامك

[harrrpo]

انا معاك يعنى لو بصيت على راى الاغانى حرام واتنقشنا فيها حتلاقى مش كل الاغانى حرام
وقالو كثييييييييييييييييير من الشيوخ ان اى اغنيه تثير العاطفه هى حرام لكن منقدرش نقول انها حرام وعيزه اقول كمان ان اى فنان على الوجه العام احنا مش بنحبه لشخصه لاننا معرفنهوش ومعشرنهوش وثالثا احنا على راى كلام الاستاذ اننا مزنبين زنب طاغى ملهوش رجعه ومنبوزين واحنا امه لا تكره العاصى لكن تكره المعصيه بمعنى صحيح مش دى الطريقه الى ممكن ترجع بنادم مزنب عن زنبه كان لزم الموضوع يتاخد بسلاسه شويه ويطحط عنوان يحرك اى بنادم بتحصله الظروف دى ونقنه بيها علشان احنا بنادمين فى حياه مينفعش تتاخد عفيه اكتر ما احنا فى وقت ممكن 2 داعيه يطلعو ادام بعض كل واحد يقول راى مختلف عن الاخر وبنبقى تيهين فاعظرونا كبنادمين وبشر مش بتكلم لشخص لكن انا بتكلم باسم المزنبين كلهم

اختي الكريمة
اضحكتني حتى ابكيتني
و ليس الذنب ذنبك
انما هو ذنب المجتمع الذي ربى الناس على ان كل حاجة في الدين (ليها مخرج) و ببساطة نقول ان شيوخ كتير بيقولوا كده
و هذا الموضوع ليس سهلا على الاطلاق
فقط اريدك ان تحضري اماما اعظم من الامام الذي ساتركك معه و اعدك بمسح كل شرائط القران من جهازي
(و انا لا عتقد ان الامام لو كان استمع الى (تمورة ) كان سيغير رأيه )

فالغناء مزمار الشيطان يستخدمه في صد الناس عن القرآن والهدي، إضافة إلى أن الغناء ينبت النفاق في القلب. يقول الإمام ابن القيم رحمه الله: اعلم أن للغناء خواص لها تأثير في صبغ القلب بالنفاق، ونباته فيه كنبات الزرع بالماء. فمن خواصه: أنه يلهي القلب ويصده عن فهم القرآن وتدبره والعمل بما فيه، فإن الغناء والقرآن لا يجتمعان في القلب أبدا لما بينهما من التضاد. فإن القرآن ينهى عن اتباع الهوى، ويأمر بالعفة، ومجانبة شهوات النفوس، وأسباب الغي، وينهى عن اتباع خطوات الشيطان. والغناء يأمر بضد ذلك كله، ويحسنه، ويهيج النفوس إلى شهوات الغي فيثير كامنها، ويزعج قاطنها، ويحركها إلى كل قبيح، ويسوقها إلى وصل كل مليحة ومليح، فهو والخمر رضيعا لبان، وفي تهييجهما على القبائح فرسا رهان... إلخ. انظر إغاثة اللهفان من مصائد الشيطان لابن القيم (1/352).

انما القران سماعى ليه قليل والعياذ بالله برضه
لانى مش فاهم حاجه ومكسل افسر اللى بسمعه
ربنا يعافينا يا رب من الموضوع ده

يقول تعالى :{و لقد يسرنا القران للذكر فهل من مدكر}
ز اذا كنت مكسل تقرا التفاسير فمش لازم تبدا بالسور الصعبة الفهم , فابدا باول القران كسورتي البقرة و ال عمران او سور القصص كيوسف و القصص
و نصيحتي لك ان تستمع الى الشيخ مشاري العفاسي

وقد قال الرسول لا يجتمع القران والاغاني في جوف واحد

للاسف لم افلح في ايجاد هذا الحد يث على الشبكة و ليس مما سمعت او قرات
و ما اعرفه انه من اقوال الامام ابن القيم
ارجو الافادة او التصحيح

[biob]

على فكره انا لو فضلت ساكت على المشكله اللى عندىدى عمرها ما هتتحل وانا متأكد ان فيه ناس كتير عندهم نفس مشكلتى
عارفين ليه هما ما بيحكوش عنها او مابرضوش يتكلموا فى المواضيع اللى زى دى؟
انا عارف ليه
خايفين يبانوا كفره قدام الناس لان ابسط رد عليهم هيبقى
لالالالالالالالالالالا ازاى مش ممكندا مفيش حد ابداكده
اعوذ بالله اعوذ بالله من غضب الله
ربنا يا ابنى يهديك ويصلح حالك ويكفينا شرك
ويبينلك اكنك رحت جهنم خلاص
ليه مش بكل بساطه كده تاخده وتكلمه على رواقه وتحاول تساعده
واحنا هننكر ليه ان كلنا كده
انا بصراحه مش مستغرب انى ما بسمعش قران وبسمع اغانى
انا عارف انه حرام وربنا يهدينى وكل حاجه ومش منتظر حد يقولى انت غلط واللى بتعمله غلط
انا منتظر حد يقولى على طريقه اتخلص بيها من الموضوع ده وليه جزيل الشكر
وربنا يهدى عباده

[راغبه الجنه]

انا ولله الحمد مريحه دماعى ومش بسمع حاجه

والله كده احسن انا بحس انى لما بسمعها لالقلق والتوتر مش عارفه بحس انى بتخنق بامانه

وياسلام لو سمعتها صدفه ببقى كارهه نفسى
بحس ان اليوم باظ على الفاضى

وبصراحه حضرتك عندك حق
انا مرة كنت بدور على حاجه على النت فلقيت بالصدفه جاحه اسمها المكالمه القاتله

انا العنوان شدنى وخلانى اتفرج على البتاعه وكان لمده 3 او 4 دقايق
وكان عبارة عن انهم مستضيفون الاخ تامر
وواحده وواحده عمرى ماهنسى اسمها(منال) لانها حسستنى ان الحياء اختفى
هو بصراحه ليه حق يختفى لان الحياء شعبه من شعب الايمان

والايمان خير
وايمان اصلا اسلام اصلا يعنى تنفيذ تعاليم ربنا الى هى بتقول من حجاب وصلاة وصوم وعدم سماع الاغانى ......الخ
الى ماشاء الله بقوا مش بيتنفذوا الا من رحم ربى

فالايمان بح فالحياء بالتالى هو كمان بح
الى هيؤدى الى عكس المنفع الى هتعود علينا من الايمان والحياء عشان كده بنسمع عن كتر الاكتئاب والخنقه والتوهان فى الدونيا

والوحده والكلام ده(بس على جنب كده عشان محدش يجى يقولى ان معنى كده ان الملتزمين مش بتجيلهم ضيقه لاء بتجيلهم لانهم بشر بس ايمانه بيخليه يتغلب على الضيقه دى)
المهم نرجع لموضوعنا الاقى الاخت منال

عماله تقول كلام بصراحه انا كنت متنحه

تقوله بلفلف عليك بالشوارع وتتجوزنى وكلام فارغ كده
بجد صعب علي اوى حالنا


للدرجه دى وصلنا

بجد رحماك ربى

انا ممكن اى حد يفهم كلامى الى فوق غلط بس ربنا يعلم انا اقصد ايه

بس انا بجد زعلانه اوى لما الاقى واحده صاحبتى كانت بجد نموذج للبنت الملتزمه
وخلوا بالكم من كانت

دلوقتى اغانى وولاد
ومهما اتكلمنا بجد ولا كانها سامعه

وبقيت بدور لها على كورسات للنصيحه عشان اعرف اتعامل معاها وهى ولا كانها هنا
عملت كل الى ربنا قدرنى عليه بس هى كل يوم بتسوء اكتر حتى اصحابنا التانين برضه كله غلب معاها
والموضوع ابتدى معاها باغنيه بس

عشان كده انا قلت التسلسل الى فوق

ربنا يثبتنا جميعا ومتنسوش انكم تدعوا ليا ولصاحبتى بالهدى والثبات عليه

وكمان يااخت Absg

فى حاجه بتقول الباب الى يجيلك منه الريح سده واستريح
حضرتك مش عارفه تاخدى براى مين استفتى قلبك والاحسن تعملى بالمثل


وكمان احنا مش هنفسر القران ونمشيه على مزاجنا فى يسروا ولا عسروا

الكلام ده فى حاجات وحاجات حاجات تنفع وحاجات لاء يعنى مينفعش اقول انا واحد بتحر مش هلبس بكم ويسروا ولا تعسروا فى

حاجات يااختى بتتنفذ كده لانك لو حسبتيها هتلاقى الخير عايد من عليها سبحان الله ربنا عمرة ماقال الحاجه دى متعملوهاش الا وكان وراها خير

بعكس لما اجى واقول انا لازم اختم القران فى يوم واحد هنا نقول الدين يسر مش عسر
ويجوز فيها


فيااختى لو سمحتى نبعد عن التحايل

دكتورة ميسون
لو على الاغانى انا عارفه انها هتبقى صعبه انك تسبيها مرة واحده بس هو فى حل بديل لالاغانى

الاناشيد الدينيه وانا عندى شويه اناشيد جميله
ففمكن ابقى ارفعهم لحضرتك وحتضرتك تبقى تسمعيها بدل من الاغانى وفى نفس الوقت تزكرة وفيها صحوة ايمانيه وتفكير فى حال البلد واستفاده اكتر

لو حضرتك حابه يعنى

ونصيحه اخويه منى ياريت حضرتك تعملى جرد لاصحابك

وقال صلى الله عليه وسلم «مثل الجليس الصالح والجليس السوء كحامل المسك ونافخ الكير فحامل المسك إما أن يحذيك، وإما أن

تبتاع منه وإما أن تجد منه ريحا طيبة ونافخ الكير إما أن يحرق ثيابك وإما أن تجد منه ريحا خبيثة»صدق رسول الله صلى الله عليه وسلم

فما أروعه من مثل يصور لنا حقيقة الجليس وما ينتج عنه من نفع أو ضر وخير أو شر وطيب أو خبث وصدق الله العظيم إذ يقول: }قُلْ لا

يَسْتَوِي الْخَبِيثُ وَالطَّيِّبُ وَلَوْ أَعْجَبَكَ كَثْرَةُ الْخَبِيثِ فَاتَّقُوا اللهَ يَا أُولِي الأَلْبَابِ لَعَلَّكُمْ تُفْلِحُونَ{ [المائدة: 100] اللهم وفقنا للجلساء الصالحين والأصدقاء الناصحين وزينا بزينة الإيمان واجعلنا هداة مهتدين آمين يا رب العالمين وصلى الله على محمد وعلى آله وصحبه وسلم.



ياربت حضرتك متكونيش زعلتى من كلامى
بس انا بتكلم لانى بحس انى اختكم

فتعامل بناءء على كده
ولان يهمنى امر حضرتك فانا بتمنى انك تعملى جرد وتشوفى مين هينفع تكملى معاه ويرفك معاه ومين ممكن يتغير وتنصحيه حضرتك
ومين مش نافع خالص ويخرج من دايرتك

انا اسفه على التطويل وياريت محدش يكون زعل من كلامى
السلام عليكم ورحمه الله وبركاته

[mostafa kernawy]

انا عارف انه حرام وربنا يهدينى وكل حاجه ومش منتظر حد يقولى انت غلط واللى بتعمله غلط
انا منتظر حد يقولى على طريقه اتخلص بيها من الموضوع ده وليه جزيل الشكر
وربنا يهدى عباده


طب ايه رأى حضرتك نتحد سوا ونقلل كمية الاغاني الى بنسمعها بالتدريج ونحاول سوا نفرا القران ونفهمه ونشجع بعض ؟؟؟