مستوى الامتحان

[IHerOI]

لا لا احنا لجنتنا اغلبها احياء ومكانش في معايا غير 6 عيال طينة
محلوش حاجة اصلا في اي مادة
بس الامتحان كان سهل يعني الطالب المتوسط يجيب فيه 17.5 من 20

[Hossam Halem]

الامتحان رووووووعة
سهل ممتنع
وناس هتلاقى غلات عندها
خصوصا اخر مسألة ديناميكا

[IHerOI]

بصو اللي ريح دماغه وخد 1.2.4.5
دول اسهل اسئلة امتحان
اللي خد 3 .6 من غير ما يكون حل زيهم قبل كدة كتيير يبقى عك نفسه ع الفاضي

[احمد سري]

السؤال السادس سهل و الله
السؤال الثالث (ب) ده حكاية xD

[هند دراسات]

المشاركة الأصلية كتبت بواسطة darkprince

الامتحان الحمد لله سهل اخر حاجة و لوووز على رأي iheroi هههههههههههههه

ف البداية كان شكل الامتحان مقلق شوية لما بصيت ع الرسمة اللي ف اخر سؤال ف الاستاتيكا و اتخضيت من شكلها بس طلعت سهلة على الرغم اني محلتش السؤال ده اصلاً

عموماً الامتاحن في مجمله سهل جداً و الطالب المتوسط يقدر يجيب فيه درجة كويسة او يجيب فيه الدرجة النهائية مكانش فيه اي مشاكل و لا كان فيه اي حاجة مش واضحة كله مباشر و ارحم كتيييييييير من التفاضل و الحمد لله مجابش نظري والا انا كنت هخربها

و عقبال الجبر و الفراغية اللي هيعلقونا فيه بعد الامتحان السهل ده

وبالنسبة ليا انا حلت كل الامتحانات وكل الجريد وفى الاخر لو جيبت 5 درجات يبقى حلو

[mhmed naser]

الحمد لله كان سهل

[IHerOI]

يبقى يا هند بقى معلش متزعليش مني
يبقى انتي متعرفيش رياضة!

[كلمنية]

المشاركة الأصلية كتبت بواسطة هند دراسات

طالما الامتحان سهل يبقى الغش صح الفل عندكم

فعلا انت عندك حق
الامتحان مش كان سهل بالدرجة اللى بيقولوا عليها الا فى حالة لو هما غشوا

[IHerOI]

يا جماعة والله بص الحكاية كلها انكو كان لازم تحلو امتحانين من الثمانينات بس يعني مسئلة القوى موجودة في 86 او 89 او حاجة زي كدة
وبقيت الاسئلة عادية جت في كل الامتحانات قبل كدة

[احمد سري]

عمتا انا مغشتش كلمة الحمد لله و الامتحان سهل علي اللي مذاكر كويس

[محمد هديه]

الامتحان كان احسن من التفاضل بكتير ,
بس كنت ناسي الآلة وقاعد متوتر . فغلطت ف حته القوى بدل ق/طول الضلع . عكست

[IHerOI]

هههههههههههه حد ينسى الة في امتحان ميكانيكا؟!!

[DarkPrince]

المشاركة الأصلية كتبت بواسطة هند دراسات

وبالنسبة ليا انا حلت كل الامتحانات وكل الجريد وفى الاخر لو جيبت 5 درجات يبقى حلو

متزعليش مني بس تبقى المشكلة مش في الامتحان


و لو بصيتي للأمتحان دلوقتي هتلاقي نفسك عارفة تحليه و التوتر هوا اللي بوظلك الدنيا ف قلب اللجنة بس ان شاء الله تعوضيها في المستوى الرفيع و المواد اللي جاية

[DarkPrince]

المشاركة الأصلية كتبت بواسطة هند دراسات

طالما الامتحان سهل يبقى الغش صح الفل عندكم

انا الحمد لله مش بغش و مش بغشش

انا اصلاً بطيء في حل الميكانيكا شوية عشان لازم ابقا متأكد مليون ف المية ان حلي صح فمعنديش وقت ان انا ابص لحد + ان انا كنت بحاول احل الاسئلة الستة كلهم بس للأسف ملحقتش حليت خمسة و تبقى لي السؤال الثالث بتاع الاستاتيكا

[DarkPrince]

المشاركة الأصلية كتبت بواسطة كلمنية

فعلا انت عندك حق
الامتحان مش كان سهل بالدرجة اللى بيقولوا عليها الا فى حالة لو هما غشوا

معلش انتي كدة بتتهمي اللي حلوا كويس انهم غشوا من غير اي دليل الناس كلها مش زي بعض و مش كلنا عندنا نفس القدرات انا كنت شايف الفيزياء رخمة غيري شايفها سهلة و العكس بالنسبة للرياضة

فلو سمحت اكتفي بقول ماشاء الله لأن احنا لو غشاشين يبقى بنخدع نفسنا مش بنخدع حد تاني غيرنا و ربنا هيعاقبنا على حاجة زي كده و ربنا بيعاقب برضو كل واحد يتهم حد بأتهام من غير دليل عليه

والرسول صلى الله عليه وسلم قال : من كان يؤمن بالله و اليوم الاخر فليقل خيراً او ليصمت