قانون نسبة الحضور مخالف للشرع و لحقوق الانسان

[مسلمة22]

السلام عليكم


من اهم حقوق الطالب هو حقه في حضور المدرسة او عدم الحضور


هي المدرسة ليه بتجبر الطالب علي الحضور هل هو انسان فاقد الاهليه و حتي لو كان فاقد اهليه عشان طفل يبقي ولايته تنتقل لوالده و ليس للمدرسة


من لوائح المدرسة ان الطالب يتفصل اذا غاب تقريبا 28 يوم منفصلين او 14 يوم متصلين


الا يصادم هذا القانون حقوق الانسان ، هل في قانون يجبر الانسان علي انه يتواجد في مكان معين و في زمان معين لمدة 12 سنة ، ماذا يختلف هذا القانون عن الحبس و السجن


اذا والد الطالب شايف ان ممكن يجيب لأبنه مدرسين في البيت و حيفهمه احسن مش هو حر

هي المدرسة ليها ايه غير امتحان بتقيم الطالب فيه ، و حتي برضو في المواد العملية ما ممكن الطالب يدرس عملي في اي مكان خاص


اذا والد الطالب ليه صديق او قريب مدرس و شايف او الولد بيحب المدرس ده و بيسمع كلامه وده حيشجعه اكتر مش هو حر


اذا طالب عايز يشتغل و يساعد ابوه بدل ما يبقي قاعد عالة عليه و حيذاكر في اي وقت فاضي مش هو حر



هو ايه سبب ال*** في المدارس و خناقات المدرسين و الطلاب للأسف يعني
ان الطالب قاعد غصب عنه

لو زي الجامعة كدة الطالب اللي عايز يحضر يحضر و اللي ميحضرش ميحضرش
عمر ما حيبقي فيه مشكلة


قانون نسبة الحضور مخالف للشرع و لحقوق الانسان


مش شئ مؤلم لما نشوف طفل رايح التأمين الصحي عشان ياخد كام يوم اجازة ، او الاب اللي مضطر يسافر لأي ظرف طارئ يضطر يروح يتحايا علي دكتور التأمين عشان ابنه يغيب او ييضطر يدفع رشوة


هل يصل عقل البشر الي ان يشرعوا قانون يفقد الاب و لايته علي ابنه فلذة كبده و يفقد الام ولايتها علي ابن حملته كرها ووضعته كرها ، لتنتقل هذه الولاية الي مجموعة من الموظفين لا يدرون من امر الطفل شيئا