مناقشه هادفه عن الكليات

[To Be Is To Do]

المشاركة الأصلية كتبت بواسطة aya mn allah ♥

مش بضغط وربنا براحتك خالص

أنا حقول بس لما أناقش قاعده عر يضه من الاعضاء وأشوف وجهات النظر
وبعدين عشان م يكنش رأيى ( ككاتب الموضوع يعنى ) مفروض عليهم ويتكلموا بحريه

[To Be Is To Do]

المشاركة الأصلية كتبت بواسطة ola mohamed serag

موضووووووووووووووووع جمييييييييييييييييييييييل
انا ان شاء الله طب طنطا
انا بقي ليه اختر كليه .... انا مش عارفه ... جايزعشان هي صعبه .... وانا بفضل الكليات والتحديات اللي من النوع ده !!!
بس في سبب رئيسي خلاني افكر في الطب ..... هو انه اصعب حاجه انك تشوف حد من اهلك او اصحااابك مريض جدا ...... وتبقي مش قادر تعمله حاجه .. وتعيش معاه لحظات صعبه ... وانا جربت .......... يعني اساعد القريبين ليا وكده
وربنا لو كان كاتبلي حاجه تانيه .. كنت مش هاجيب مجموع يدخلني الطب .. يمكن !!!!!

سبب رائع برده إنك تقبلى تحطى نفسك ف التحديات وتحاولى تتعاملى معاها وتتفوقى عليها
وكمان عشان نساعد المرضى إللى بيتألموا قدامنا ومش لاقيين حد ينقذهم
فعلا أسباب رائعه للإختيار
يا رب يكون إختيار موفق وتتفوقى فى مجالك وتكونى مشهوره بعلمك ومساعده المرضى دائما
بالتوفيق ليكى

[Met3b Bk]

يارب يوصلكم للي انتم عايزينه ويوفقني انا كمان انا جبت 98% في تانيه وعلمي علوم وبدأت احس انها استحاله للوصول للطب عشان مؤشرات التنسيق مش فل اوي ربنا يكرم الجميع

[To Be Is To Do]

المشاركة الأصلية كتبت بواسطة met3b bk

يارب يوصلكم للي انتم عايزينه ويوفقني انا كمان انا جبت 98% في تانيه وعلمي علوم وبدأت احس انها استحاله للوصول للطب عشان مؤشرات التنسيق مش فل اوي ربنا يكرم الجميع

مجموع حلو يخليك تبذل ما فى وسعك لتحقيق هدفك والإصرار ع تحقيقه مهما كانت مؤشرات التنسيق
نفسك هى التى تقرر ماذا تريد
إياك وأن تخضعها لعوامل خارجيه بل وجهها لتحقيق أهدافك
بالتوفيق يا دكتور مقدما

[Met3b Bk]

شكرا يا بشمهندس xd

[To Be Is To Do]

المشاركة الأصلية كتبت بواسطة shahd.

ربنا يوفقكم يا رب فى مرحله الكليه دى
وتوصلو للى بتتمنوه
اامين

شكلك لسه داخله 3 ؟؟؟؟
المهم نركز ف 3 جدا لانها أهم من 2 بكتير وكمذاكره عايزه مذاكره أكتر وجهد أكبر
والمهم تحطى هدفك وتحاولى تلعبى عليه حتلاقى نفسك بتختصرى على نفسك نص المسافه لتحقيق هدفك
بالتوفيق ليكى ف المرحله القادمه

[To Be Is To Do]

المشاركة الأصلية كتبت بواسطة met3b bk

شكرا يا بشمهندس xd

الشكر لله
بالتوفيق ليك

[مناجاةُ النجاةَََِ]

حلمت من 6 ابتدائي اني هكون مهندسة معمارية عظيمة .. و ابتديت اني احقق حلمي .. نقصت درجات قليلة ف ستة و مجموعي كان حلو .. دخلت اعدادي كانت مرحلة مش حلوة اوي بالنسبة لي عشان كنت احس اني محدش فاهمني و الناس ف وادي و انا ف وادي .. كان عندي كراريس راسمة فيها مباني معمارية و كانت بجد تصميمات حلوة و كنت اوريها لأهلي ف البيت و يوقولي الله جميلة .. بجد هي كانت جميلة .. كنت اعشق القلم الرصاص و الورق و ارسم و اصمم و اقول هبقا مهندسة معمارية عظيمة .. دخلت ثانوي جبت مجموع كويس ف 2 و قولت هكمل و ابقا مهندسة معمارية .. دخلت تالتة كنت ماشية كويس و بذاكر و مرتاحة و مش مريضة و كنت أنا أنا المدرسين فخورين بيا .. اهلي فخورين بيا .. قرايبي فخورين بيا .. لحد يوم 10/10/2011 كان يوم اتنين الساعة 8 و حاجة بليل .. حسبنا الله و نعم الوكيل .. أفوض أمري لله

[To Be Is To Do]

المشاركة الأصلية كتبت بواسطة مناجاةُ النجاةَََِ

حلمت من 6 ابتدائي اني هكون مهندسة معمارية عظيمة .. و ابتديت اني احقق حلمي .. نقصت درجات قليلة ف ستة و مجموعي كان حلو .. دخلت اعدادي كانت مرحلة مش حلوة اوي بالنسبة لي عشان كنت احس اني محدش فاهمني و الناس ف وادي و انا ف وادي .. كان عندي كراريس راسمة فيها مباني معمارية و كانت بجد تصميمات حلوة و كنت اوريها لأهلي ف البيت و يوقولي الله جميلة .. بجد هي كانت جميلة .. كنت اعشق القلم الرصاص و الورق و ارسم و اصمم و اقول هبقا مهندسة معمارية عظيمة .. دخلت ثانوي جبت مجموع كويس ف 2 و قولت هكمل و ابقا مهندسة معمارية .. دخلت تالتة كنت ماشية كويس و بذاكر و مرتاحة و مش مريضة و كنت أنا أنا المدرسين فخورين بيا .. اهلي فخورين بيا .. قرايبي فخورين بيا .. لحد يوم 10/10/2011 كان يوم اتنين الساعة 8 و حاجة بليل .. حسبنا الله و نعم الوكيل .. أفوض أمري لله

طيب كلام جميل
نبدأ نفكر ، دلوقتى حلمك ضاع
ف تحاولى إللى كنتى ممكن تحققيه ف الهندسه المعماريه تحققيه ف الكليه إللى ربنا قاسمهالك
أكيد ربنا كاتبلك الخير فيها أكتر من الهندسه المعماريه وأكيد حتحاولى تتفوقى ف كليتك عشان تحققى ذاتك وعشان تثبتى إن تحقيق الهدف لا يتغير بتغيرالعوامل الخارجيه م دام الشخص هو الشخص ف العزيمه هى العزيمه والإراده هى الاراده بس كل ده ف كليه تانيه غير إللى بتحلمى بيها
واعلمى إنك طالما كنتى ناويه ع حاجه وربنا غير وجهتلك ، أكيد ربنا شايل الخير ف حته تانيه
ربنا ييسرلك الأمور يا رب

[hobahoby]

انا من صغرى و انا نفسى ابقى دكتورة اسنان و كانت العيلة كلها بتقولى يا دكتورة بس لما رحت 2 ثانوى محستش انى اكيد علمى علوم و لازم دكتورة بالعكس كان نفسى ادخل رياضة اوى بردو عشان بحبها جدا و فيها كليات حلوة زى هندسة لو قسم عمارة يبقى تحفة عشان بحب الرسم اوى من زمان ياما دخلت مسابقات و دلوقتى ليا فى الجرافيك و الحاجات دى يعنى ممكن كمبيوتر ساينس بردو بس طبعا الاساسى هندسة
بس بعد الظلم ( منهم لله ) بقى لازم رياضة بس مش زعلانة انا اصلا كان نفسى ادخلها بس و انا مرتاحة اكتر من كدة دة مجهودى و حليت كويس و عملت تظلم و عارفة ان مش هيرجعلى درجات بس الحمد لله
انا املى الوحيد دلوقتى الهندسة ياانا يا هى السنة دى
ادعولى بقى

[To Be Is To Do]

المشاركة الأصلية كتبت بواسطة hobahoby

انا من صغرى و انا نفسى ابقى دكتورة اسنان و كانت العيلة كلها بتقولى يا دكتورة بس لما رحت 2 ثانوى محستش انى اكيد علمى علوم و لازم دكتورة بالعكس كان نفسى ادخل رياضة اوى بردو عشان بحبها جدا و فيها كليات حلوة زى هندسة لو قسم عمارة يبقى تحفة عشان بحب الرسم اوى من زمان ياما دخلت مسابقات و دلوقتى ليا فى الجرافيك و الحاجات دى يعنى ممكن كمبيوتر ساينس بردو بس طبعا الاساسى هندسة
بس بعد الظلم ( منهم لله ) بقى لازم رياضة بس مش زعلانة انا اصلا كان نفسى ادخلها بس و انا مرتاحة اكتر من كدة دة مجهودى و حليت كويس و عملت تظلم و عارفة ان مش هيرجعلى درجات بس الحمد لله
انا املى الوحيد دلوقتى الهندسة ياانا يا هى السنة دى
ادعولى بقى

بصى بقى طالما كان حلمك وإنتى كافحتى من أجله وعملتى إللى عليكى يبقى خلاص إنتى عداكى العيب وربنا عليه إنه يختارلك الطريق السليم إللى كاتبهولك
إن شاء الله تيجى نأمل ذلك ، طب لا قدر الله م جتش مش حنقف عندها وحنرميها ورانا
مش بقولك كده بحبطك بس لازم تكونى عارفه إن ربنا بيختار للإنسان الأفضل حتى لو كان الأفضل ده هو عكس رغبه الإنسان
ربنا يكرمك إن شاء الله ويقدملك ما فيه الخير

[hobahoby]

المشاركة الأصلية كتبت بواسطة خالد احمد زكريا

بصى بقى طالما كان حلمك وإنتى كافحتى من أجله وعملتى إللى عليكى يبقى خلاص إنتى عداكى العيب وربنا عليه إنه يختارلك الطريق السليم إللى كاتبهولك
إن شاء الله تيجى نأمل ذلك ، طب لا قدر الله م جتش مش حنقف عندها وحنرميها ورانا
مش بقولك كده بحبطك بس لازم تكونى عارفه إن ربنا بيختار للإنسان الأفضل حتى لو كان الأفضل ده هو عكس رغبه الإنسان
ربنا يكرمك إن شاء الله ويقدملك ما فيه الخير

ربنا يكرمك يا رب انا امنت فعلا بالموضوع دة و الحمد لله على كل شئ
بس احاول على هندسة بردو و ربنا يجيب اللى فية الخير
و لو مجتش يبقى كمبيوتر ساينس و لو مجتش يبقى فنون قسم جرافيك
و لو مجتش يبقى انتحر احسن

[طالبة الجنة 2012]

وتتوالى ابداعات المهندس خالد
بجد الموضوع رااائع ع الاقل كل واحد مهموم وزعلان من الكلية الى هتجيلة يقدر يفضفض ويفك شوية برافو عليك يا خالد بجد
انا بقى كان نفسى موت من صغرى فى هندسة بس لما فى اتنين من اخواتى هندسة دخلت علمى علوم برغبة امى بس انا كنت بجب العلوم والحمد جبت مجموع جميل فى تانية وكان حلمى ساعتها ادخل صيدلة واكون معيدة فى صيدلة ثم دكتورة فى الكلية لان كلية الصيدلة كلها علم وكيمياء والصيدلى بيكون عنده خبرة كبيرة بالادوية والامراض وممكن يكتشف ادوية ودا اكيد بيساعد المرضى زى الدكتور البشرى بالضبط وكمان لما اعمل الماحستير وكدا بيكون فى ابحاث وشغل رائع وعندى امل ان ربنا يوفقنى واكتشف ادوية لبعض الامراض اللعينه بس لما لقيت امى نفسها انى ادخل اسنان خليت رغبتى اسنان*اصلى مقدرش ارفض لها طلب*
بس منهم لله فى التصحيح لي درجتين عربى وطبعا مفيش حد بياخد حاجة فالتنسيق جابلى صيدلة ليعود حلمى القديم للظهور من جديد ويعود الامل القديم

[هالة محمد 2]

موضوع جميل يا خالد
انا بقا نفسى ادخل اداب علم نفس لان بحب حاجة اسمها علم نفس جدا
حتى فى المنهج كنت بذاكر بتوسع حاجاة مش من المنهج يعنى ولما بدخل على النت بدخل موقع فيها حاجات عن كدا وكمان عايزة افتح مركز ارشاد نفسى
واكون دكتورة فى الكلية ان شاء الله

[مريم السباعى.]

انا بقا مشكلتى انى مش عارفة عايزة ايه بالضبط عارفين المثل الى يقولك سبع صنايع والبخت ضايع انا كنت بتمنى صيدلة علشان هى كلية حلوة وشغلها كويس ومناسبة للبنت سوؤاءهى او اسنان بس بصراحة لما اقعد بينى وبين نفسى لقيت انى انا من جواياه كنت حدخلها او كنت بتمنى يعنى ادخلها علشان هى بس كلية كويسة لكا انا نفسى مش عارفة

طول عمرى كانو بيطلقو عليا الفنانة الشاملة فى المدرسة بحب الشعر والكتابة والتمثيل والغنا والتلحين وتصميم الازياء والرسم التشكيلى مش عارفة اقول لاسف ان الكل اجمع انى موهبة فيهم كلهم بس الى موهبة فى بجد بنسبالى هو تصميم الازياء وبعشق حاجة اسمها رياضة وحاجة اسمها فزياء

طبعا كله حيقولى تصميم مع حب رياضة وفزياء يبقى مفروض هندسة لية محولتيش علم رياضة
حقولكم انى انا جبت 93 السنة الى فاتت يعنى كان مجموع خطر طبعا دة لان ظروف مرضى الى مريت بيها فترة الامتحانات ويوم النتيجةى او من يوم الامتحان عرفت ا املى ادمر بنسبةة لللصيدلة وحالتى النفسية ادمرت وحتى اصحابى لاسف اكتشفتهم على حقيقتهم لانهم كانو متوقعين مش اقل من 97 ولكن حرجعاقول قدر الله ومشاء فعل
فكنت خايفة انى احول علم رياضة لحسن اضيع بالمرة ولا الحق هندسة ولا الحق اى شئ وقد كان وحمدت ربى انى محولتش لانى على الاقل انا لسة ممكن قدامى علوم انا جايبة 92 و89 من عشرة يعنى ممكن الحق علوم
او اى كليه تانية وبرضه محتارة ادخل قسم علوم قسم فزياء علشان بحبها برغم ان الكل بيحذرنى منها علشان الشغل بتاعها مش قوى
ولا ادخل قسم كمياء مزدوج وشغلهاكويس واه انا عادى فى الكمياء مش بحبها ولا بكرها نقصت فيها درجة ونصف

والى بيغظنى بجد ان دايما المادة الى بحبها والاستاذة يقلولى انتى عبقرينوه فيها زى الفزياء او الرياضة لاسف
انقص فيها فى الامتحانات يعنى على الرغم من انى بجيب درجات عالية جدا فى ىالدروس فمباقش عندى ثقة وبجد انا مبقتش عارفة انا عايزة ايه بالضبط
بس شئ واحد الى ممكن اكون متاكدة منه باذن الله ان اى الكلية الى حيكتبها ليه ربنا حجتهد فيها بكل قوة فيا لحد مبقا معيدة فيها ان شاء الله اموت من المذاكرة لان بجد الثانوية علمتنى كتييييييييييير قوى
معلش انا عارفة انى طولت بس بجد كان نفسى افضف بلى جواياه لانى بجد محتارة
ربنا يوفقنا جميعا