سيفتح الله لك بابا كنت تحسبة من شدة الياس لم يخلق بمفتاح..دعوة للجميع للدخول

[yooma]

كلامك جميل جدا
بس لما تتحدي الدنيا كلها ع هدفك
وكل الناس اللي بتحبك واللي مش بتحبك تقولك كدا ف شك انك مش هتوصلي لحاجه اصلا
ومع ذلك تتحديهم وف الاخر متوصليش زي ما قالوا
تحسي فعلا انك اتكسرتي

[حبيب لله]

فعلا التعليم دا رزق انا أعرف واحد دخل كلية طب وبعد 3 سنين كانت له اخت عايزه تتجوز وطلع من الجامعة واشتغل كهربائى وبعدين سافر الصين وربنا كرمه وحاليا حاجة جامدة يعنى ملايين بقى وكدا

[Bahy_Ahmed]

[H.A.K]

الحمد لله علي نعمه البرود

انا اكيد خايف شويه

بس برضو مش لدرجه العياط

انا بشوف ناس كتير مستواها عالي بتضيع نفسها علشان التوتر

طب ليه تضيع مجهودك ؟؟؟؟؟

بس في الاول ولاخر لازم نقول الحمد لله

[princess nona95]

فعلا كلام جميل وانا بقعد اصبر نفسى برده بالكلام دا بس مش بقدر امنع نفسى عن التفكير لو مدخلتش الكلية ال انا عايزاها هبقى حققت ايه فى حياتى هبقى عملت ايه لماما وبابا ال عملوا عشانى كتييير يارب كلنا ندخل الكليات ال احنا عايزنها ونبقى احسن ناس ونحقق املنا يارب

[princess nona95]

المشاركة الأصلية كتبت بواسطة h.a.k

الحمد لله علي نعمه البرود

انا اكيد خايف شويه

بس برضو مش لدرجه العياط

انا بشوف ناس كتير مستواها عالي بتضيع نفسها علشان التوتر

طب ليه تضيع مجهودك ؟؟؟؟؟

بس في الاول ولاخر لازم نقول الحمد لله

الحمدلله طبعا على كل حاجة بس موضوع العياط دا انا مش بقدر امسك نفسى حاجة مش بايدى وربنا بس بجد حرام عليه ال حاطط امتحان الرياضة دا بجد عايز يدمرنا ويجيبنا الارض وربنا يستر ان شاء الله خير

[مريم السباعى.]

المشاركة الأصلية كتبت بواسطة dr.mohamed taha

السلام عليكم
والله انتي جبتي من الأخر فعلاً الدنيا منتهتش على حاجه معينه
وبعدين اللي بيقول إن الدنيا انتهت ده بجد عقله ضيق جداً
يعني ايه واحد عنده 18 سنة لسه ويقول الدنيا اتقفلت في وشي
يا عم اومال لما تتلهي تتجوز ومتلاقيش تصرف على عيالك ومراتك هتقول ايه ساعتها
ولا لما يجيلك 3 سنين جيش عافية كده يعطلوك عن شغلك ومستقبلك وخلاص وتزداد سوء فيهم
ولا متتلاقيش وظيفة أصلاً تسترك في الدنيا ..
ولا ولا ولا
بجد متيأسش أبداً الدنيا لازالت بخير ......
أيوة بخير بجد بس احنا اللي مش فاهمينها صح
"وتوكل على الله "
"ولئن شكرتم لأزيدنكم "
"وعسى أن تكرهوا شيئاً ويجعل الله فيه خيراً كثيراً "
وما إلى ذلك من الآيات .. فإصبر
واي كلية التنسيق هيجيبلك فيها حاول بأقصى جهدك تبذل المجهود اللي كنت تظن انك هتبذله في الكلية اللي نفسك فيها
بجد مش بعيد على الله تكون معيد
وتحضر ماجستير ودكتوراه وتبقى دكتور مشهور في العلم ده
ويا ما في الكون من أيات لسه محتاجه اكتشاف .. مش بس في الكيمياء والفيزياء والعلوم الهندسية بل بالعكس ,,, العلوم دي مجرد جزء من سلسلة طويييلة جداً من خلق الله
لذلك اصبر واحتسب
أنا أسف جداً على الإطالة بس الموضوع فعلاً كان لازم نتكلم فيه لأن مبني عليه مستقبل

تمام وهذا هو رئى ايضا وبجد موضوع فى وقته جزاكى اللله كل خير
انا كان حلمى صيدلة وشهر خمسة واربعة دول اما حسيت فاجاءة انى خلاص تركيزى راح واصلا السنة الى فاتت تعبت قبل الامتحانات جامد جدا وبرغم الامتحانات كانت سهلة الا انى ادوبك جبت 93 طبعا يعنى صيدلة انسى ودى كانت حلم عمرى بمعنى الكلمة بس خلاص بطلت كلمة حلم عمرى لان عمرىدة غالى قوى مينفعش اوقفه على حلم واحد بس فى احلام كتير لازم نحلم بيها ونتمناها وندعى ربنا يسدد خطنا موضوع جميل بجد
تقبلى مرورى

[مجنونة الثانوية]

ربنا يستر انا خايفة والله