محتااااااااااااااااااااااااااااااارة

[mhf255]

الحب ليس كلمة !مع العلم باعجابى براى كل السادة الافاضل الذين تشرفوا بالرد

[mhf255]

الحب ليس كلمة !مع العلم باعجابى براى كل السادة الافاضل الذين تشرفوا بالرد

[ّنغمّ]

متهيالى لو متمسك بيك يبقى لازم تعرفى اهلك...........على نور يعنى...........وتاكدى انه لو بيحبك مش هيقبل عليك اى اذى او ضرر

[nothing]

بصراحة انا شايفة ان راى احمد مقنع فعلا وهو لو بيحبه بجد هيشتغل ويتعب علشان يروح يتجوزها اما غير كده مينفعش ده حتى حرام

[dr.saeed]

المشاركة الأصلية كتبت بواسطة احمد رضا

السلام عليكم ورحمة الله وبركاته
في البداية احب اقولك اهلا وسهلا بيكي
واحب انوه بس ان حد من المشرفين يدخلوا ينقلوا الموضوع اجتماعيات طالب
ندخل بقي في الموضوع
وطبعا نمشي بمبدأ العام أولا
ثم الخاص

الحب ليه مفاهيم كتيرة جدا
وانواع اكتر

فيه حب الله ورسوله
حب الاهل
الاصدقاء
الجيران
العلم
الحياة
النفوذ
الفلوس
النفس
حاجات كتيرة اوي نقدر نقول عليها من انواع الحب

بالنسبه للمفاهيم
فدي بتتشكل حسب الوازع الديني
وظروف المجتمع
والبيئة
والأهل

فممكن واحد يحب انه يمشي مع واحده ويروحوا يقعدوا في كافي مثلا ويتكلموا
ممكن واحد بيعمل علاقه مع حبيبته
واحد مقاضيها تليفونات بس وقلما لما بيقابلها
ممكن واحد بيكره انه حتي يلمس ايديها في سلام مراعاه لدينه وحياءه
فيه مفاهيم كتيرة زي ما قولتلك

وكلها مفاهيم غلط
اللي بيحب فعلا وبيعشق حتي النخاع واللي اقدره بجد
اللي اول ما يحب يبدا يشتغل ويعمل ومينامش ويجيب فلوس لو كانت ظروفه وحشه
ويروح يتقدم علي طول
ده الراجل بجد
هيجي واحد يقولي الظروف ياعم احمد
و انت عايش في مصر
واجس نبض البنت الأول
هقوله زي ما تحب ده رأيي مش ملزم انك تاخد بيه
والحمد لله لو دورت ورايا هتلاقيني مش بنافق
وده اللي بسعي لتنفيذه
ولو كنت اخطأت قبل كدا
فصححت وبصحح خطأي دلوقتي

نرجع لموضوعنا
بالنسبه للشاب اللي بتقولي عليه
لو في السن من 16-18 انتوا الاتنين
فالأفضل
انك تقوليله ماما عرفت اللي بينا ومش هقدر اكمل معاك
ومتسمحيلهوش انه يكلمك تاني
ولو شاريكي بجد
يادوبك شهر شهرين
هتلاقيه في البيت بيقول انا عايز اقرا فتحه
والله ده اللي انا اتعلمته
معرفش يناسبكم ولا ايه
ومحدش ينكر اللي انا اتعلمته ده هو الصح بكل المقاييس

لو في سن اكبر
فهيبقي نفس النظام
هتبعدي عنه
لحد ما يبقي جاهز واهل ليكي

وارررررررجع واقولك في الأول وفي الآخر
ده نصيب
ولو ليكي مفيش مخلوق هيقف قدامكم
ولو مش ليكي لو عملتي ايه باللذي مش هتبقوا مع بعض
وارجع واقول بردو وبقولها كتير
الارتباط ياجماعه بيدخل في نطاق القدر
ويارب تكوني استفدتي من ردي
مش شرط ان ردي يكون كله صح
لانه قايم علي فكري
اللي برده يخصني انا وينفعني انا
بس هتلاقي في ردي حاجات كتير اساسيات ومبادئ
هتغلي من قيمتك وتخليكي جوهره محدش يلمسك إلا اللي يستحقك

اتمني الإفادة
واسف لو ردي مش منظم
بس انا فعلا كنت في وقت عايز انام فيه
عشان كنت بخلص حاجات مهمه

وشكرا يا دكتور علي الكلمه الجميله اللي في حقنا دي
- الواحد بقي له متابعين اهوه -
الحمد والشكر ليك يارب

[/center]

حضرتك من الناس المحترمة واغلى من المعادن النفيسة والى انا ذكرتهم
سلااااااااااااموز

[كلمه حب]

هو الارتباط مينفعش خالص دلوقتى لان البنت ظروفها ماتسمحش واهلها مش هيوافقو فى السن ده وكمان الولد سنه مش مناسب اوى يعنى وبيحلم بحاجات كتير ومن حقه يحققها الاول قبل الخطوة دى بس قلقها ده كان اقتناعها بالموضوع من الاول وان اذاى ده ينفع يكون حب وانه ممكن يكون بيقول كده على اساس انه حس ليها حاجه لما عرف انها بتحبه بس احساسه مش كامل وانها لو صدقت هتتعلق بيه اكتر وهيبقى جرحها اكبر . اه وعلى فكرة الحب موجود فى اى مكان وفى اى وقت ومينفعش اننا نتجاهله ونرميه من وسط مشاكلنا وخاصه لو حب بجد يعنى احساس يعنى حاجه مش بايدينا يعنى ربنا هو اللى زرعها جوانا وانا بتكلم عن الحب بصفه عامه وبصفه خاصه بقى حب الفرد حاجه غصب عنه ومحدش يقدر يقول فيها حاجه غير لو الحب ده كان بيغضب ربنا وفى طريق مش سليم لكن لو مش كده يبقى اكيد من حق اى حد انه يحب ويفخر بده (هو صحيح صعب ان يبقى فى حب شريف بس ده ميمنعش انه موجود ) . ميرسى اوى لاهتمامكو

[بندق__2007]

طالما هى شايفة انه بيحبها بجد و مش ممكن يلعب او يتسلى بيها و هى كمان بتحبه
و زى ما بتقولى حالته المادية كويسة و بيشتغل و بيدرس

السؤال بيقول علل : الراجل ده متقدمش رسمى او ما اتكلمش عليها لحد دلوقتى بشكل أسرى ليه ؟؟

ما جاوبتيش عليا !!!!!!!!!!!

[** ضي القمر **]

السلام علييكم ورحمة الله وبركاته
بصى انا هقولك كلمتين وبس
لو دخلتى مع الشاب ده فى علاقة مهما كانت هيكون الله سبحانه وتعالى راضى عنك ؟؟؟
يعنى مش هتحسى انك بتعصيه ؟؟؟
لو جاوبتى على السؤال ده هتعرفى ايه اللى مفروض يحصل
ليك كل احترامى

[كلمه حب]

وعليكم السلام ورحمه الله وبركاته بصى ياضى القمر بجد هى مش عايزة تغضب ربنا ابدا وبالذات فى الموضوع ده لانها عارفه انه مش بس معصيه لربنا فهو كمان عيب وكل الكلام اللى احنا عارفينه ده بس بيتهيالى لما تكون بتحب حد والحد ده ينفع يكون بيحبها ويتفقو مثلا على الارتباط فى سن معين يكون كل واحد فيهم بقى مستعد لده ومش يتكلمو غير من وقت للتانى علشان بس يتطمنو على بعض ويعرفو اذا كان كل واحد منهم على اتفاقه ولا لا يعنى ممكن يكون كده كويس الى حد ما ولا انتى ايه رايك ؟؟ وبالنسبه للارتباط يابندق انا فعلا جاوبت عليه وهو مش هينفع دلوقتى علشان موضوع السن ده لان سنهم صغير شويه وخصوصا عند البنت اهلها مش هيوافقو والولد محتاج يثبت نفسه وقدامه مشوار يعنى .

[** ضي القمر **]

بصى ياقلبى
لو عايزة رأي بجد
يبقى لا لانه فعلا معصية
بصفته ايه يطمن عليها .... حبيبها ؟؟؟
مش كفاية
المفروض ** ولا تخضعن لهم فى القول**
مش تسبوهم يتكلموا معاكم ويطمنو عليكوا
المفروض تصون نفسها ومتخليش الشيطان يلعب فى دماغها
لنى واثقة انه مش هيبقى كلام تليفون وبس
ولازم تعرفى ان لما حد بيسيب حاجة فى الدنيا ابتغاء مرضاة الله ربنا بيعوضو افضل منها مليون مرة
ثم فيه حل كويس اوى ((((((((( الاستخارة ))))))))

[زهرة البنفسج]

انتى لسة مش عارفة تعملى اية بعد الكلام دة لازم تقعدى مع نفسك وتعطى لنفسك فرصة للتفكير وقبل كل دة لازم تنتهى من امتحاناتك وتحاولى تفكرى بعد كدة تعملى
تقبلى مرورى بكل ود

[كلمه حب]

المشاركة الأصلية كتبت بواسطة زهرة البنفسج

انتى لسة مش عارفة تعملى اية بعد الكلام دة لازم تقعدى مع نفسك وتعطى لنفسك فرصة للتفكير وقبل كل دة لازم تنتهى من امتحاناتك وتحاولى تفكرى بعد كدة تعملى
تقبلى مرورى بكل ود

ربنا ان شاء الله هيعمل اللى فيه الخير وطبعا اسعدنى ردك ومرورك على الموضوع يازهرة

[كلمه حب]

المشاركة الأصلية كتبت بواسطة ** ضي القمر **

بصى ياقلبى
لو عايزة رأي بجد
يبقى لا لانه فعلا معصية
بصفته ايه يطمن عليها .... حبيبها ؟؟؟
مش كفاية
المفروض ** ولا تخضعن لهم فى القول**
مش تسبوهم يتكلموا معاكم ويطمنو عليكوا
المفروض تصون نفسها ومتخليش الشيطان يلعب فى دماغها
لنى واثقة انه مش هيبقى كلام تليفون وبس
ولازم تعرفى ان لما حد بيسيب حاجة فى الدنيا ابتغاء مرضاة الله ربنا بيعوضو افضل منها مليون مرة
ثم فيه حل كويس اوى ((((((((( الاستخارة ))))))))

ميرسى اوى ياضى القمر اكيد كل كلامك مهم ومفيش حد يقدر يعترض على كلام ربنا بس احنا اوقات كتير مش بنقدر نتحكم فى مشاعرنا ولا نحكم عليها بالموت

[( لؤلؤة الإسلام )]

[COLOR="DarkSlateGray"]موضوع إن يبقى فيه واحدة معجبة بواحد و ياخد باله فيحاول إنه ما يجرحهاش فممكن يضحك عليها و يعمل نفسه بيحبها
بس لو في حاجة بجد ....[/COLOR]هيبان !

[Last Fantasy]

أعتقد نص الردود إنه يتقدملها والنص التاني ما بين إنهم يتأدبوا أو يستنوا بس أنا من رأيي إنهم يكلموا بعض في الموضوع ده ولو هو ناوي علي جواز يكملوا مش ناوي يبقي ينفصلوا وأكيد هيا حتعرف إذا كان بيحبها ولا لا