وقفات

[د/نداء الجنة المصرية]

الدعاء
طبعا فى الاحوال اللى بنعيشها دلوقت فى حاجات كتيرة جدا مابيكونش فى ايدينا نعمل حاجة غير اننا ندعى فهل ياترى بندعى صح؟يعنى مثلا قضية فلسطين او سوريا او تاخر مصر كل الامور دى مافيش فى ايدنا حاجة نعملها وطبعا ماينفعش نياس يبقى لازم ندعى بس انا بقى شايفة اننا لما بندعى عشان اى حاجة من الحاجات دى مش بتكون عندنا احساس ان دعاءنا هيعمل حاجة تقريبا بندعى كنوع من الحسرة او الالم وبس موافقين على كلامى ولا لا؟ ولو الكلام ده صح يبقى لازم نراجع نفسنا واحنا بندعى يمكن لما كلنا نخلص النية ان شاء الله دعاءنا يستجاب

الطفولة
طبعا شئ جميل ورائع فياترى احنا بنشوف الطفولة فى عين الاطفال دلوقت ؟انا عن نفسى بقيت احس انى انا اللى طفلة قدامهم لان مابقاش عندهم البراءة ولا الخجل حتى فياترى ايه السبب؟

الاخلاق
هى اخلاقنا مازالت موجودة ولا اتمحت خالص؟انا اعتقد انها لسه موجودة بس برضه دى مش اخلاقنا الصح وانا شايفة ان الانسان المفروض يدور فى نفسه عن الاخلاق الصح واى حاجة غلط فى اخلاقه يغيرها من غير مايتكبر على الاعتراف بيها لان كده احسن من ان اخلاقه تاذيه وتاذى الناس اللى حواليه من غير مايقصد

السياسة
بعد الثورة الناس بقت تتكلم فى السياسة بشكل زايد واولهم انا فياترى ده كويس ولا غلط ؟