بصراحة شديدة 500 معتصم على الأكثر يوم 10 وبالدليل

[wahsh2008]

مــــطـــالــــب الــــمـــــــــعــــلـــمــيـــن لـــــعـــــــودة كـــــــرامــــــتـــــنــــــا **

1- إدراج المعلمين ضمن الحد الأدنى للأجور بما لايقل مرتب المعلم في بداية تعينه عن 1500 جنيه .
2- حصول المعلمين على درجاتهم المالية المتوقفة وترقياتهم بدون اى شروط وبعيدا عن الأكاديمية .
3- حصول المعلمين على حافز الإثابة 200% دون المساس بالكادر ومكافأة الامتحانات .
4- إلغاء امتحانات الكادر وعمل دورات تربوية وأكاديمية وإدارية ترفع مستوى المعلم المهني .
5- حصول المعلم على أي زيادة تقرها الدولة لجميع العاملين بالدولة بنص قانون 155 مادة 89.
6- صرف مكافأة الامتحانات بما يعادل 500 يوم أسوه بالعاملين بديوان الوزارة.
7- حصول المعلم على مكافأة نهاية الخدمة مساوية للدكتور الجامعي والبترول والكهرباء .
8- حصول المعلم عند صرف المعاش على أخر مرتب وصل إليه قبل المعاش .
9- وجود تأمين صحي ورعاية طبية شاملة بكل مدرسة للمعلم والطالب معاً .
10- إنشاء استراحات على أعلى مستوى من الخدمات والراحة عند انتداب المعلمين للتصحيح
11 - عودة تكليف خريجي كليات التربية
12- إقالة وزير التربية والتعليم لتجاهله مشاكل المعلمين وعدم معرفته بأوضاع المعلمين المادية .
13- إن يكون وزير التربية والتعليم من المعلمين .
14- تثيب جميع العاملين دون قيد أو شرط .
15- تغيير المسمى الوظيفي للمعلمين .
16- معاملة معلمي المدارس الخاصة بنفس معاملة المعلمين في المدارس الحكومية ووضع راتب عادل أسوة بباقي المعلمين في الحكومة
17- عوده نادي المعلمين للمعلمين ومحاسبة المسئولين عن إهدار أموال المعلمين فيما يسمونه تجهيزات للنادي.
18- تطهير الوزارة من كل الهيئات التي تستحوذ على ميزانية التعليم من مستشارين وأكاديمية وهمية ونظام الجودة ومساواة موظفي الوزارة مع المعلمين في الرواتب ووضع حد أعلى للأجور ( وتوفير هذا الجزء الكبير من الميزانية يساهم في رفع رواتب المعلمين) .
19- اتخاذ الإجراءات القانونية ضد أي تعدى يقع على المعلم.
20- تحسين أحوال الإداريين والعمال بالمساواة بالمعلمين.

وبناء على ما تقدم
ننتظركم يوم السبت 10/9 ولن نكون إلا بكم معلمين مصر العظماء .....
أيها المعلمون الأحرار : إن حراككم المبارك هو الذي سيعيد لكم كرامتكم التي امتهنت و حقوقكم التي سلبت على مر العقود، فلا يمكن أن تتحقق المطالب إلا بوحدتكم وتضحياتكم وتفانيكم فمسؤوليتكم تاريخية و سيلفظ التاريخ كل متقاعس متخاذل لا يؤمن بقضيته ومستقبلة ومستقبل أبنائه ووطنه، فالموقف جلل يحتاج منا إلى وقفة رجال لن يجف لهم منبع ولن تلين لهم قناة ولن يقطع لهم ساعد ... وفى حاله عدم الاستجابه لمطالبنا نرفع نحن معلمى مصر الاحرار
شعار عام دراسي بلا معلمين

[mikhaelsedrak]

انا فى مدرسه فى الصعيد سألت الزملاء فى المدرسه من سيشارك رد احدهم وقال( انا معاكم بس اقعد فى البيت مروحش المدرسه ) و رد اخر انا اروح معاكم وبعد الدخول فى قليلا من التفاصيل قال ( يعنى انا هاروح معاكم صح ) اما بقية الزملاء التزموا الصمت . انا طبعا فرحت وقولت جميل انا فى مدرسين لسه ملتزمين بحاجه . وبصراحه نستاهل واللى بيحصلنا قليل

[عمر2000]

حرام عليك بلاش تحسسنا بالاحباط كل الناس هتشارك من كل الجمهورية

[أبو نور439]

يا ريت محدش يتكلم على الصعايدة ، علشان لو كان مدرسو القاهرة الكبرى اشتركوا فى الوقفات السابقة كان العدد وصل 200 ألف على الأقل ، زى التجنى على الصعايدة فى الثورة ، ولا عاوزين كل واحد يعلق بادج مكتوب عليه هويته .. صعيدى بحراوى اسكندرانى .. وننسى هويتنا المصرية ، عموما احنا نتمنى الخلاص من العقليات ال..

[Super Teacher]

المشاركة الأصلية كتبت بواسطة m2e2r

من هم الغير مشاركون فى الاعتصام :-

1- معلمو الصعيد بأكملهم .
2- معلمو الدروس الخصوصية والذين لا يعرفون كم مرتبهم .
3- معلمو البزنيس ( اصحاب المشاريع ) .
4- معلمو النظام السابق.
ويااااااااااااااااااااااااااارب يخيب تخيلى وينجح الاعتصام

انا حاسس انك واحد لك مصلحة في عدم تنفيذ ما تم الاتفاق عليه وتريد احباطنا
انا استطيع أؤكد لك انه العد هيكون صح 500 بس 500 ألف

[m_salam]

كل معلمى الشرقيه معكم ضد هذه الحكومه الغبيه اللى فيها الاداررى ياحد ض

[المعلم الثائر1]

مين قالك الصعيد مش مشارك
انا عندي من 3 مدارس بس 10 معلمين هيروحوا الاعتصام تفاءل خير

[bahaa23973]

ارجو عدم الانتباة و عدم الرد على المستفذين و الذين يريدون معرفة حجم المظاهرة ولاحظوا انة من المشاركين الجدد فى المنتدى و افهموا الهدف وراء أسألتهم

[وائل عربى]

لا تقلق فيه 3 اتوبيسات من القنطرة غرب بس وبيفكروا فى الرابع

[شريف حسن .]

بقت كل الاتهامات والحاجات المخيبة تنسب للصعيد الثورة ما حدش قام بيها غير وجه بحرى والمظاهرات مفيش حد من الصعيد يا استاذ اتقى الله واعرف بتوع الصعيد عايشين ازاى فى جوع وذل وبيتحملوا مشاق وتعب السفر يعنى هم اكتر ناس هتخاف على مصلحتها راجع نفسك كويس فيما تنشره من اتهامات للناس وبس وبعدين سبنالكوا انتوا الجدعنة والمرجلة!!!!!!!!