إلى كل من يسأل لماذا نرفض المبادئ الحاكمة للدستور

[أبو إسراء A]

المشاركة الأصلية كتبت بواسطة mrweb

بالمناسبة المجلس العسكري هو من الجهات المؤيدة بشدة لفكرة المباديء الحاكمة, و لكني اتعجب من تجاهل الاسلاميين لهذه النقطة تماما.

بالنسبة للديمقراطية التى تطالبون بها الشعب هو من يقر هذه المبادىء عبر من ينتخبهم ، وعلى فكرة السؤال ( فيه نوع من التزاكى )!
كل عام أنتم بخير

[mrweb]

بالنسبة للديمقراطية التى تطالبون بها الشعب هو من يقر هذه المبادىء عبر من ينتخبهم ، وعلى فكرة السؤال ( فيه نوع من التزاكى )!
كل عام أنتم بخير

انا رافض للمباديء الحاكمة لان فيها تمكين للعسكر , و تعجبي من تجاهل الاسلاميين لنقد المجلس العسكري على الرغم من انه من اكبر مؤيدي الفكرة . و كل عام وانتم بخير

[سيف سالم]

لا للوصايا على الشعب

[m - sayed]

جزاكم الله خيرًا

لن يتم وضع تلك المبادئ بإذن الله

[shima sayed]

يا عم انتم بتضحكوا علي نفسكوا احنا عندنا معظم الناس قالت نعم للدستور عشان تروح الجنه زي ما تقولهم وهما لا يعرفوا اي شئ عن الدستور ولا السياسه ستات مابيعرفوش يكتبوا اضغط عليهم تحت مسمي الدين وطلعوا قالوا نعم ورجاله معدين الستين وبنات اميات ومئات الاشخاص اتقالهم لو قلتوا نعم حتروحوا الجنة فراحوا قالوا نعم من غير فهم ازاي تعتبروا الناس دي اختارت واصلا اتلعب بدماغهم تحت مسمي الدين لو سألت نصف الناس الي قالوا نعم حتلاقيهم ولا يعرفوا يعني ايه كلمة دستور اصلا اصل الشعب الي عاش 30 سنة من ظلم وعدم ابداء رأي سهل قوي يضحك عليه تحت مسمي الدين والي بيتكلموا ويقولوا لا للتعديلات فوق الدستورية مش موضحين اصلا لأ ليه والي اتقال فوق كلام مش مقنع عشان نرفض تعديلات بتمنع هيمنة فئة علي أخري مش المفروض ان في حد يفرض رأيه علي الشعب ويخدعه تحت اي مسمي حرية مساواه دين اي ان كان المسمي فالهدف واحد الوصول للحكم

[م/كريم]

اولا اقدم تحياتي لك اخي الغالي على هذا الطرح الموجز الرائع
واسمح لي ان اعلن رفضي لهذة المبادئ تحت أى مبرر
لانها نوع من الوصاية على الشعب المصرى
وطالما نادى هؤلاء العلمانيون أن الشعب هو مصدر السلطات
وها هم يناقضون الديموقراطية التى ينادون بها
وتعجب كل العجب من تصريحات المسئولين الغير مسئولة
وهم يعلمون كل العلم انهم يحكمون فترة انتقالية
ويعلمون ايضا انهم لا يجوز لهم اصدار قوانين ملزمة مستقبلا
ايها السادة المسئولين الكرام
اتركوا الشعب يختار ممثليه في البرلمان
والبرلمان يختار اللجنة التي ستضع الدستور
وفي النهاية الشعب هو من سيدفع ثمن اختياره وليس أى أحد أخر.

[أبو إسراء A]

دعنا نقولها صراحة
النخبة تريد دولة علمانية ، وهى لا تستطيع أن تصرح بذلك وأيضا لا تستطيع إلغاء المادة الثانية ، إذن الحل عندهم هو المبادىء الفوق دستورية التى تجعل من الدولة العلمانية حقيقة واقعة ، وتجعل المادة الثانية مجرد حبر على ورق .

[Khaled Soliman]

المشاركة الأصلية كتبت بواسطة shima sayed

يا عم انتم بتضحكوا علي نفسكوا احنا عندنا معظم الناس قالت نعم للدستور عشان تروح الجنه زي ما تقولهم وهما لا يعرفوا اي شئ عن الدستور ولا السياسه ستات مابيعرفوش يكتبوا اضغط عليهم تحت مسمي الدين وطلعوا قالوا نعم ورجاله معدين الستين وبنات اميات ومئات الاشخاص اتقالهم لو قلتوا نعم حتروحوا الجنة فراحوا قالوا نعم من غير فهم ازاي تعتبروا الناس دي اختارت واصلا اتلعب بدماغهم تحت مسمي الدين لو سألت نصف الناس الي قالوا نعم حتلاقيهم ولا يعرفوا يعني ايه كلمة دستور اصلا اصل الشعب الي عاش 30 سنة من ظلم وعدم ابداء رأي سهل قوي يضحك عليه تحت مسمي الدين والي بيتكلموا ويقولوا لا للتعديلات فوق الدستورية مش موضحين اصلا لأ ليه والي اتقال فوق كلام مش مقنع عشان نرفض تعديلات بتمنع هيمنة فئة علي أخري مش المفروض ان في حد يفرض رأيه علي الشعب ويخدعه تحت اي مسمي حرية مساواه دين اي ان كان المسمي فالهدف واحد الوصول للحكم

أول مره أعرف إن معظم الشعب المصري ستات وبنات أميات ورجاله معديه الستين ومبيعرفوش يكتبو ومن السهل إننا نضحك عليهم بإسم الدين وبيشتروا الجنه بالإستفتاء

أختي في الله إحسبيها بالعقل والمنطق

حتلقي إن سواء اللي أنتي بتقولي عليهم دول راحوا ولا مرحوش كانت النتيجه حتبقي نعم

وبعدين كمان في اللي قالوا لا ناس معديه الستين ستات ورجاله وفي كمان الجاهل والأمي

ياتري ممكن توضحي مين الفئة اللي حضرتك خيفه من هيمنتها؟

وبعدين ياستي رشحوا نفسكوا لمجلس الشعب عشان محدش يهيمن؟؟؟

دا أنتو بردوا العلم كله والسياسة كلها والإعلام والصحافة والتلفاز والثقافة وكمان أمريكا وراكم

كل ده وخائفين من شوية جهله يعني أنتو مش قادرين تلاقوا في الدين حاجه تأيد كلامكم وما تهدفون إليه

إذا لم يكن لكلامكم مرجعية دينية تسانده أو تجعل منه امراً معقولاً وأنتم تعيشون في دولة مسلمة

و إذا كان هذا واقعكم فعلاً مع كل هذه الإمكانيات فأنتم لا تستحقون أن تكونوا في مجلس الشعب ولا أن يكون لكم دوراً في وضع الدستور

إذا كان دفاعنا عن المادة الثانية من الدستور و خوفنا الذي كان في محله علي هذه المادة ودفاعنا عن شرع الله وتطبيق شريعته جهل وأمية وتخلف فمرحباً بهذه الألفاظ أسماء لنا

إتقي الله أختي في الله فكل ما نبتغية أن تكون مصر دولة يحكمها شرع الله قانون السماء

علي الغني والفقير الرئيس والغفير والمسجون

ياستي ماشي أنا واحد من اللي بيعرفوا القراءة والكتابة وروحت وقلت نعم

وكان الإستفتاء نزيه ومفيش تزوير النتيجة طلعت بنعم يبقي نمشي مع نعم للأخر وبلاش لف ودوران

وكما كان هناك من يدعوا لنعم بإسم الدين كان هناك من يدعوا لـ لا بإسم الصليب وكان هناك من يستغل الإعلام وثرواته للدعاية لـ لا من علماني وليبرالي وأصحاب المصالح في تقسيم تراب هذا الوطن وقد إستطاعوا التأثير علي بعض العامة بأبواق إعلامهم وصحفهم فلا داعي لمناقشة هذا الأمر الأن

فالموضوع اصلاً يناقش

لماذا نرفض المبادئ الحاكمة للدستور؟

أو

لماذ تنقلب النخبة علي الديمقراطية؟

[الاستاذ محمد سرور]

جزاك الله كل الخير اخى الكريم
انا عايز اقولك حاجة انت منتظر ايه من شوية احزاب كرتونية لا بتهنش ولا بتنش

ايام النظام السابق ما كنتش تسمع الا عن كام حزب بس يتعدوا على صوابع الايد وباقى الاحزاب ...الجمعيات الخيرية كان ليها دور احسن منهم 100 مرة
ورؤساء الاحزاب دى ما تعرفش منهم الا القليل ولا نعرف اصلا الاحزاب دى برامجها ايه ولا دورها ايه فى البلد

منتظر ايه من شوية ناس اول ما الثورة قامت لاقيناهم بقوا زعماء وبيتكلموا باسم الشعب اللى اصلا الشعب عمره ما سمع عنهم
منتظر ايه من ناس فاكره نفسها عباقرة ..وان باقى الشعب دة جاهل وما بيفهمش
منتظر ايه من ناس بتنادى بالديموقراطية ....وهى رافضة طرح المبادىء للاستفتاء
منتظر ايه من ناس بتنادى بالحرية ....وهى عايزة تضع قيود على ارادة الشعب بوثيقة زى دى

منتظر ايه .....انا عن نفسى منتظر حد منهم ينزل للشارع ويعرف الشعب بيفكر ازاى

عارف حضرتك الاستاذ عصام سلطان بيحكى عن احدهم انه راح الصعيد يقعد مع الناس هناك
هم 10 دقايق فضل يقول الكلمتين اللى عمال يرددهم كل ما يطلع فى التلفزيون ...الناس سابته ومشيت

[osama_mma14]

المشاركة الأصلية كتبت بواسطة mrweb

انا رافض للمباديء الحاكمة لان فيها تمكين للعسكر , و تعجبي من تجاهل الاسلاميين لنقد المجلس العسكري على الرغم من انه من اكبر مؤيدي الفكرة . و كل عام وانتم بخير

ليست وجهة نظر الجيش هى تأييد للفكرة
الجيش فعلا لا بد له من مواد فوق دستورية فى الدستور الجديد بعد الانتخابات من خلال لجنة الامن القومى بمجلس الشعب

مش معقول واحد زى البرادعى مثلا مسك الحكم ( لا سمح الله بذلك) يصدر قرار بالمشاركة فى عمليات امريكا بخليج عدن او القرن الأفريقى (على فكرة هذا الكلام حلم عند البرادعى يعمل ويحاول ان يحققه)

او يجيى رئيس يصدر قرار بشن حرب على ليبيا

او يجيى رئيس يلغى كامب ديفد قبل ان نصنع قنبلة نووية ثم نجد جيشنا فى مواجهة حلف الاطلنطى

إذن لابد من مواد خاصة بالقوات المسلحة علشان محدش يجيى بمزاعم الحرية ويدمر الجيش ويزج بالبلد فى حروب بأى قرار خاطئ

أو يجيى واحد مجنون يناقش تفاصيل التسليح أو تمويل الجيش أمام الملأ،،



وتنمنى ان يعى الاخوة المحاولات المستميته من بنى علمان للإيقاع بين الجيش والاسلاميين


كما لا نغفل ايضا وقوع الجيش تحت ضغوط خارجية عنيفة+ ضغوط العصابات العلمانية بالداخل + اقباط المهجر المطالبين بالتدخل الاجنى العسكرى


أسأل الله تعالى ان يحفظ مصر الإسلامية من أعداء الداخل والخارج

[غاربله]

اقسم بالله انى كنت منتظر وبفارغ الصبر تبرير سعاتدك ياعم اسامه لموقف الجيش 0000ياواد ياسينارست ياعظيم (مش معقول واحد زى البرادعى مثلا مسك الحكم ( لا سمح الله بذلك) يصدر قرار بالمشاركة فى عمليات امريكا بخليج عدن او القرن الأفريقى (على فكرة هذا الكلام حلم عند البرادعى يعمل ويحاول ان يحققه))فعلا خيال خصب لااملك الا حسبى الله ونعم الوكيل