محاولة اغتيال وزير التربية و التعليم

[عادل كمال احمد]

ما اعتقدش
مين هيودي نفسه في داهية علشان البني ادم ده

[sherif_shemy]

الخبر ده مش موجود فى اى موقع وانتى مالفاه

انا عملت بحث

[صفوت حمادة]

يا جماعة بلاش شائعات

[wahsh2008]

بلا تعليم بلا زفت الطين ............... ضيعتنا ياجمال الدين

[صفاء عزمى]

كل مضائب من ابو سريع السريع

[mr.tifa]

المشاركة الأصلية كتبت بواسطة sammos

ده مخطط واضح لقلب الراى العام ضدنا
بداوها بان اعداد المعلمين المعترضين قلة مندسة
وتالوها بالتصريح ان المعلم اعلى حوافز فى الدولة والناس للأسف صدقت وبقت التعليقات كلها احنا عاوزين ايه ومرتبتنا اعلى مرتبات بالدولة
وبعدها قالوا ان المعلمين قاطعين الطرق وبيكسروا ديوان الوزارة وكل اللى بنعمله اننا بنطالب بحقنا
ورابعا اشاعة اصابة الوزير
نفس سيناريو ثورة 25 يناير لان الصف الثانى المخطط مازال موجود وكلنا نسيانه وبنركز على الوزراء الظاهرين بس
عاوزين يسؤا صورة المعلم لازم احنا نواجه المخطط ده بكل قوة

كلام سليم جداً

[mr.tifa]

ربنا يستر
ربنا يستر
ربنا يستر

[طه السعدني]

خبر ذي ده مكنتش وسائل الإعلام نامت عليه و لا باتت ليلتها إلا و هي تتابع القبض على المتورطين و المحرضين و سلاح الجريمة
لكن الحقيقة إن الجريمة اللي حصلت إن الوزرير هو نفسه اللي اغتال المعلمين برشاش تصريحاته الباردة و طلقاته المتبرئة من دم شهداء المعلمين لما تخلى عنا أمام وزير المالية و قال إن المعلمين مرتباتهم كويسة كده ومش محتاجين زيادة في الوقت الحالي و ( في وزارة سمير رضوان) ووقتها طلع مساعد الوزير بعدد من التصريحات النارية و المبهجة التعليم تدرس مع الحكومة رفع كادر المعلمين إلى 250%
التعليم تدرس مضاعفة رواتب المعلمين و في التليفزيون سيادة الوزير في أكثر من لقاء تلفزيوني قال أنا مع زيادة رواتب المعلمين لأنه يستحق مكانة أفضل
و بالفعل نفذ الوزير آماله في المكانة الأفضل للمعلمين كما يراها هو و مساعديه الشياطين مكانة زفت و راتب أقل من الإداري و كان جوابه أصل إنتو مش من اختصاصي
و أمس في الصباح لما عرف إنه موظفين الديوان عاملين مظاهرة سارع بنفسه و طلب يجتمع بهم أصل هو متعين مدير مكتب بديوان وزير التربية و التعليم و الوزير حد تاني يا ريت رصاصة الغدر و الكلام كانت حقيقة فيه مش فينا لكن حيروح من ربنا فين يمهل و لا يهمل

[sherif_shemy]

اللى هايسكت على حقه يبقى عييييييييل
كل الفئات عملت تظاهر راضوها واولهم الشرطة اللى سبب الخراب واللى شبعاااااانين اوووى وكلهم اصلا ولاد بشوات وليهم مصادر رزق تانية وتجوزيين صيادلة ودكاترة وبنت فلان وحالهم عال
ولما المعلم اللى اصلا غلبان يتظاهر يبقى ولد البطة السودا ومفيش فلوس
الوزير بتاعنا شكله كده بيكره المعلم ومش طايقه
ومعندوش استعداد اساسا نفسيا حتى انه يساعدنا
ابسطها خالص الحافز اللى حضارتهم عاوزيين يقرروه وده طبعا مووووت ياحمار لانه حتى ما اتحددلوش من اول سبعة باثر رجعى يعنى هاينيمك فى العسل متوسطه 50 % للمعلم مابين 75 و 25 ومكلف الدولة مليار و 400 مليون يعنى لو ضربته فى 3.5 علشان داخد 175 % يبقى يكلف الدولة 5 مليار جنيه ميزانية التربية والتعليم 57 مليار جنيه ومش عارفين بتتصرف فى ايه ؟؟؟؟؟؟؟؟؟؟؟؟؟؟؟؟؟؟؟
مش قادر حضرته يستغنى منها عن 5 ولا الـ 7 مليار اللى فوق الـ 50 مليار كأنهم مجوش مهى كانت 50 مليار السنة اللى فاتت
ولا هو الطالب ينبسط والمعلم ياخد بالجزمة ويشتغله بلوشى
احنا مرتباتنا بتطلع من وزارة المالية مع موظفى الدولة برة الـ 57 مليار فيها ايه لما اشيل منها 7 مليار واشغل الباقى ؟؟؟؟؟ مهوم كده كده بيتسرقوا كل سنة فى ايام جمال مبارك وصفقات الكومبيوترات المشبوهة وكونترولات الحرامية وكل مدير امن ليه شيك بيطلع اخر السنة قد كده من الكونترول ده غير بقية الحاشية
احنا هانوفر بس اللى كانوا بيتسرقوا كل سنة وبعدين مكنش بيتصرف غير على شوية الورق بتوع الامتحانات والطالب حتى يقدر يدفع تمنهم
وكل كام سنة لما يقولوا بنينا مدرسة حتى الجودة المدرسيين اللى بيصرفوا عليها
اللى يقولك مفيش فلوس خرملوا عنيه وزير الصحة وقف مع الاطباء وطلعلهم البند اللى محتاجينه
واحنا كخخخخخخخخخخخخخخ بس باينهم فاكرينا احنا المعلمين اللى بنعلم الاجيال اننا اغبية وجهلة طيب ميعرفوش ان المعلم ده ممكن يقوم الدنيا كلها بلسانه من جوا فصله

اللى هيسيب حقه يبقى عييييييييييييييييييييييييل

[islam_el2000]

اقسم بالله العظيم انا واحد من المشاركين في اضراب الاربعاء10-8
واقسم بالله العلي العظيم مره اخري ان مساله محاوله اغتيال الوزير قيلت امام ثلاثه فقط يوم الاضراب