ياجماعة انا كنت بالوزارة تعالوا احكيلكوا الحقيقة

[amiraahmedhasen]

تعين بدون شروط احنا موافقين علي كده بس الاكاديمية ما تتلغيش لانها هتنفع المعلم في حاجات كتير فارجوكم نطالب بالتثيبت ولكن دون الغاء الاكاديمية لان الناس اللي شغالين في الاكاديمية في الاصل معلمين لو الغوا الاكاديمية هيرجعوا المدراس تاني علي وظيفتهم الاولي يبقي احنا كده بنقفل علينا اماكن وظيفية في المدراس يبقي احنا كده فاهمين اللي بنقوله ولا لأ يبقي احنا نطالب بالتثيبت وما نطالبش بالغاء الاكاديمية انتوا معايه ولا ايه

[norsam]

الوزارة فى محطة مترو سعد زغلول

[norsam]

الوزارة عند محطة مترو سعد زغلول

يا جماعة احنا عايزين ناخد كل الدورات وامتحان الاكادمية وكل شئ بس يبقى درجة وظيفية يعنى عشان ابقى افضل مش شرط تعين ونبقى قلقانين على العقد وكل يوم حاجة جديدة تطلع تاخر العقد اخرها محو امية 15 شخص

[أبوطالب82]

المشاركة الأصلية كتبت بواسطة احمد ادريس محمد2

تعين بدون شروط هو ده الصح

حضرتك لما تقول كدة حتلاقى ألف واحد من المنتفعين يقولك يا جماعة كفاية بقى وخلوا الحياة تمشى
مش عارفين إن بتوع الداخلية اللى موتوا الشعب راحوا طالبوا بحقوقهم وخدوا أكتر ما كانوا بيطلبوا
وبتوع البنوك عملوا إضراب ورفعولهم الحوافز
الناس دى عايزة مننا إيه ؟
وكل ما حد يرد عليك يقولك ماانتو بتدو دروس وبيخشلكوا منها فلوس بالهبل
ما يعرفوش إن فيه ناس شغالة فى بلاد العيل كل همه يطلع الصبح يجيب اتنين جنيه ويساعد مع ابوه مش ياخد درس ؟
ياجماعة والله ما هينصلح حالنا إلا لما نتحد وكله يبقى إيد واحدة
وربنا يكرم

[misterzook]

ما يعرفوش إن فيه ناس شغالة فى بلاد العيل كل همه يطلع الصبح يجيب اتنين جنيه ويساعد مع ابوه مش ياخد درس ؟

ليه يا استاذ ابوطالب حضرتك شغال فين

[samysayeed]

ربنا معاكم وان شاء الله تتثبتوا وتاخدوا كل حقوقكم كاملة ان شاء الله

[ABZYAKON]

لازم كل واحد بيدور على حقه في التثبيت ينزل علشان العدد يكون كتير يلا بلاش سلبية يعني غيرنا النظام في 10 ايام مش هنقدر نوصل كلمتنا وناخد حقوقنا . اي واحد هيكبر دماغه يبقى ميستحقش التثبيت

[zemosat]

ربنا معاكم والوزير سمير رضوان فيه الخير كتير قوى

[aymanagc]

تعين بدون شروط انا معلم مساعد من 1/5/2008 وانا معاكوا

[الدراويش]

ان شاء الله ثورة ثورة حتى التعيين بدون شروط مع انى اساسى لكن اتمنى الخير للجميع

[ابو سوزان]

اللى شغاليين بالحصة على مستوى الجمهورية 33 الف خريج

[a7madxxx]

المشاركة الأصلية كتبت بواسطة norsam

يا جماعة الوزير بيضحك علينا احنا معتصمين من يوم الاربعاء هناك ومكنوش عايزنا نستعمل الحمامات ولا نبات بالوزارة والامن ضربنا والجيش جه فتح لينا الجامع للشباب والمكتب الامن للبنات ونمنا فيه ولما جه الوزير يوم الخميس وكلمناه عايزين تعين بدون شروط والشروط تبقى للترقيه الدرجة الوظيفية قال لما ادرس الموقف مع سمير رضوان راحت مجموعة مننا وقابلنا سمير رضوان شخصيا وقال عندى ميزانية تكفى كل من على رأس العمل يعنى كل اللى واخد جدول حصص ورجعنا تانى لوزير التربية قال خلاص هبقى اشوف واحنا ردينا هنفضل معتصمين لحد ما تشوف ودى دعوة لكل مدرس بالاجر وبالحصة تعالى معانا يوم الاحد 27/2 لانه هيقابلنا تانى بس لازم نبقى كتير لان السيد ابو سريع بيقولوا دول شوية عيال عايزنا نخالف القانون فلازم ناخد حقنا تعالوا شوا السيارات اللى ركبنها ولا المكاتب والنجف اللى فيها والتكيف وبعدين يقولوا مفيش ميزانية وارجو اللى اتعين ملوش دعوة بينا وميردش علينا اذا سمحت اصحاب الدروس الخصوصية ملهمش دعوة بينا وانتوا فهمنى كويس بلاش احباط خلونا ايد واحدة احنا بنقبض 200 جنيه وخيفين العقد يتلقى السنه الجاية اه وكمان قال انه لازم الدراسة تبتدى عشان يفرقنا ويخلينا منقفش عند الوزارة احنا الان هناك وهننزل تانى الاحد هعشان نقابله اللى يعرف يوصل الصوت للتلفزيون او الاخبار يبقى كتر خيره

واللى أتعين برده معاك لأنك بتطالب بحقك مش بشحت ولا بتطلب حق مش حقك ربنا يوفقك واحنا اللى اتعينا معاكم مش هنسيبكم احنا معاكم ومش هنسيبكم وأى فيديو عندكم نزلوه على الموقع أو على الفيس بوك وهرفعهولكم على الجزيرة وتويتر والعربية وبى بى سى

[طارق سمير انور]

ادارة ابوحمص وكفر الدوار ودمنهور كلهم معاكم اكتر من 1500 واحد هيكونوا قدام الوزارة يوم الاحد 27/2 عايزين نبقي راجل واحد كفايانا نوم بقي اصحووووووووووا البلد كلها انصلح حالنا ماعدا احنا وياريت الناس اللي بتدخل بتحاول تحبط الرجاله بقولهم " مالكوش دعوة بينا " انت شايف ان دي تخريب وكفاية كده اقعد في بيتك مبنضربكش علي ايدك وبنقلك اطلع معانا يارجالة محافظة البحيرة كلها في اضراب مفتوح عن العمل حتي تحقيق مطالبنا وربنا معانا قادر يخلصنا من الفساد اللي احنا فيه ده والله زهقنا .

[امل اليكس]

المشاركة الأصلية كتبت بواسطة norsam

يا جماعة الوزير بيضحك علينا احنا معتصمين من يوم الاربعاء هناك ومكنوش عايزنا نستعمل الحمامات ولا نبات بالوزارة والامن ضربنا والجيش جه فتح لينا الجامع للشباب والمكتب الامن للبنات ونمنا فيه ولما جه الوزير يوم الخميس وكلمناه عايزين تعين بدون شروط والشروط تبقى للترقيه الدرجة الوظيفية قال لما ادرس الموقف مع سمير رضوان راحت مجموعة مننا وقابلنا سمير رضوان شخصيا وقال عندى ميزانية تكفى كل من على رأس العمل يعنى كل اللى واخد جدول حصص ورجعنا تانى لوزير التربية قال خلاص هبقى اشوف واحنا ردينا هنفضل معتصمين لحد ما تشوف ودى دعوة لكل مدرس بالاجر وبالحصة تعالى معانا يوم الاحد 27/2 لانه هيقابلنا تانى بس لازم نبقى كتير لان السيد ابو سريع بيقولوا دول شوية عيال عايزنا نخالف القانون فلازم ناخد حقنا تعالوا شوا السيارات اللى ركبنها ولا المكاتب والنجف اللى فيها والتكيف وبعدين يقولوا مفيش ميزانية وارجو اللى اتعين ملوش دعوة بينا وميردش علينا اذا سمحت اصحاب الدروس الخصوصية ملهمش دعوة بينا وانتوا فهمنى كويس بلاش احباط خلونا ايد واحدة احنا بنقبض 200 جنيه وخيفين العقد يتلقى السنه الجاية اه وكمان قال انه لازم الدراسة تبتدى عشان يفرقنا ويخلينا منقفش عند الوزارة احنا الان هناك وهننزل تانى الاحد هعشان نقابله اللى يعرف يوصل الصوت للتلفزيون او الاخبار يبقى كتر خيره

يجب ان نهدا لصالح الوطن وبعدين ده فعلا قانون لا يصح ان يتغير الا بموافقة مجلس الشعب عليه

وفعلا لايجب ان نستغل موقف ضعف الوطن التعيين حق الجميع لا احد ينكر ذلك وكذلك المرتب المحترك الذي يضمن لكل موظف عيشة كريمة من حق الجميع

بس كمان مهنة المعلم اهم المهن في مصر فالمدرس يصنع العقول لذلك لا يجب التهاون في اختيار المعلم

فاذا فشل المعلم في الحصول علي شهادة مختصة بمهنته فكيف يكون قدوة لابنائنا فنحن نريد منهم اطباء ومهندسين واساتذة

فاذا فشل المعلم في معاملة جهاز يجيده التلميذ بتفوق فكيف يحدث تواصل بين التلميذ والمعلم

يجب ان نتعقل في مطالبنا ولا تتملكنا الانانية

ونحب مصالحنا وننسي مصالح العامة

[khalifasoft]

لازم كلنا نتجمع عند الوزارة يوميا سواء الى اتثبت والى لسة
محدش يرضى بالظلم ابدا
وان الله لا يغير ما بقوم حتى يغيروا ما فى انفسهم