موضوع جارح

[المعلم الحزين]

الاكاديميه هي الحل اطالب بالابقاء عليها لازم ياجماعه نتحرك الاكاديميه هي المقياس هي المصفاه الحقيقيه عشان كل واحد يأخذ حقه

[alassal]

يا مصريين الكوسه عمرها ما حتنتهى

وذلك لان بابا موجه

خالو شغال فى الاداره

عمو شغال سكرتير المحافظ

جوز خالتو مدير

خالتو دكتوره فى .......................

احنا مجتمع تحكمه الروابط الاجتماعيه

يعنى ينفع يكون عمو ماسك فى التعيينات وما يشغلنيش
دا انتو بتحلمو


الحل ((انا عملت شمعه من شحم اللحم))

[boomer]

اولا يا استاذ مينا موضوعك جامد جدا ( بس ليه شوية تعليقات عليه )
1-بتوع الحصه الي اصلا واخدين مقبول لايصح ان يكون كف في الكليه هل يعقل واحد واخد مقبول يتعيين اصلا لو واخد ( عظيم جدا لا تعليق على هذه النقطة )
2-بتوع الحصه داخليل التدريس باواسطه والمحسبيه من اعضاء مجلس الشعب الحزب الوطني بالكوسه وعشموهم بالتثبيت

والرشاوي الي مقدمينها ليهم ولما حسوا فلوسهم ضاعوا قالوا نعمل محاوله اخيره ( طبعا الكلام ده ملهوش اى دليل و صحه ودى تعتبر اهانه لزميلك )
3- الي عايزين يتثبتوا دول اصلا مش موهل تربوي معظهم دبلوم تجاره اداب خدمه اجتماعيه تجاره بكالوريوس تجاره ( طيب يا استاذ مينا حضرتك تقدر تقولى التربوى الى حضرتك طالع بيه قوى ده عملت بيه ايه (بغض النظر طبعا على تعيينك) وصلتنا للمريخ و لا عديت المنش مافى ناس بمؤهلات تانيه كتير و عندها خبره اكتر بكتير من التربويين دول يعنى عار على المعلمين و بتقول انهم غير مؤهلين للتدريس هو حضرتك قعدت معاهم كنت بتراقبهم و انته تطلع مين علشان تحكم عليهم الحكم ده
و بعدين سعادتك افتكر لو ماكنتش اتعينك افتكر ماكنتش هتقول على زميلك كده ياريت يا استاذ مينا بدل ما تعارض الناس فى الريحا و الجايه تحط نفسك مكانهم و تحس بيهم وخليك فى حالك

[mohamed_]

بالحصه ايه ده وقته يصبروا ذى ما صبرنا

[مدحت52]

بمنتهى الصراحة وبالمختصر المفيد
فية اكاديمية ولا مفيش لايجوز تعيين الا

خريج كلية التربية او المؤهل العالي + التربوي
لانه هذا حقنا ولا بديل عن هذا
انا مبقولش دبلومات ولا غيرة اي حد اي حدغير تربوي
لايستحق العمل في التدريس ( مش التثبيت بس )
لانه وبمنتهى البساطة احنا خريجي كليات التربية الوحيدين
اللي ملناش شغل تاني غير التدريس
يعني ينفع واحد فينا يروح يفتح مكتب محاسبة او محاماة
لا طبعا دا انت تتسجن اشمعنا بقى التدريس

[ابن الأكرمين]

المشاركة الأصلية كتبت بواسطة مدحت52

بمنتهى الصراحة وبالمختصر المفيد

فية اكاديمية ولا مفيش لايجوز تعيين الا

خريج كلية التربية او المؤهل العالي + التربوي
لانه هذا حقنا ولا بديل عن هذا
انا مبقولش دبلومات ولا غيرة اي حد اي حدغير تربوي
لايستحق العمل في التدريس ( مش التثبيت بس )
لانه وبمنتهى البساطة احنا خريجي كليات التربية الوحيدين
اللي ملناش شغل تاني غير التدريس
يعني ينفع واحد فينا يروح يفتح مكتب محاسبة او محاماة

لا طبعا دا انت تتسجن اشمعنا بقى التدريس

2222222222222222222222222222222222222

[Observer]

الخير لما يجى المفروض يعم الكل
مش ناس اه وناس لأ
التثبيت حق للجميع والكادر للترقية وصرف بدل الاعتماد
ده العدل وده اللى هيخلى الناس تهدى وتعرف تشتغل
ياريت نظرة اوسع واعم لمصلحة الكل مش لفئة معينة

[abdalla_258]

وافتكر اصلا انى الاى علمو كل المصريين وطلع منهم زويل ومحفوظ ويعقوب وغيرهم كانو دبلومات وعندك العقاد يعنى اقلك ايه حرام عليك انك تهين اى انسان او تظلمه وع فكرة احنا مش بنطالب بالغاء الاكاديميه ولا اى سى دى ال احنا بطالب بالغاء الروتين ولعبة دوخينى يا لمونه الاى بيعملها المسئولين وع فكرة انا خريج تربية عام بتقدير جيد جدا وكمان امتحنت الكادر واجتزته الحمدلله ورخصة الكمبيوتر باقى لى موديول واحد بس وطلبى منك يريت تلاقى كلام تقوله احسن من كده ومتنساش انى الاى علموك وعلمو اجدادك كانو دبلومات والحمدلله عشان متقلشى عندى وسطه انا معرفش حد منهم والله العظيم تمام يا استاذ مينا

[boomer]

المشاركة الأصلية كتبت بواسطة abdalla_258

وافتكر اصلا انى الاى علمو كل المصريين وطلع منهم زويل ومحفوظ ويعقوب وغيرهم كانو دبلومات وعندك العقاد يعنى اقلك ايه حرام عليك انك تهين اى انسان او تظلمه وع فكرة احنا مش بنطالب بالغاء الاكاديميه ولا اى سى دى ال احنا بطالب بالغاء الروتين ولعبة دوخينى يا لمونه الاى بيعملها المسئولين وع فكرة انا خريج تربية عام بتقدير جيد جدا وكمان امتحنت الكادر واجتزته الحمدلله ورخصة الكمبيوتر باقى لى موديول واحد بس وطلبى منك يريت تلاقى كلام تقوله احسن من كده ومتنساش انى الاى علموك وعلمو اجدادك كانو دبلومات والحمدلله عشان متقلشى عندى وسطه انا معرفش حد منهم والله العظيم تمام يا استاذ مينا

الاخ الي افحمنى بلكلمتين دول اولا انا لم اوجه اهانات لاحد انا بكل شخص على اتهامات لزميله بدفع رشاوى و انهم غير مؤهلين لمهنة التدريس اما بخصوص الدبلومه انته وانا و كل الناس عرفه كويس يا حبيبى انى دى مجرد ورقه مش اكثر علشان نتعين لو هتقولى انك هتطبقها فى حياتك العمليه هقول عليك منافق تعال شوف يااستاذ المعلمين التربويين فى المدارس و الاخلاق التربوية مع الطلبه

[جينية البحر]

المشاركة الأصلية كتبت بواسطة mena gerges123456

طيب الناس دي الي عامله مظاهرات تطالب بالتثبيت اولا

1- بتوع الحصه الي اصلا واخدين مقبول لايصح ان يكون كف في الكليه هل يعقل واحد واخد مقبول يتعيين اصلا لو واخد

جيد او جيد جدا كان عقد معلم مساعد من بدري

2- بتوع الحصه داخليل التدريس باواسطه والمحسبيه من اعضاء مجلس الشعب الحزب الوطني بالكوسه وعشموهم بالتثبيت

والرشاوي الي مقدمينها ليهم ولما حسوا فلوسهم ضاعوا قالوا نعمل محاوله اخيره

2- الي عايزين يتثبتوا دول اصلا مش موهل تربوي معظهم دبلوم تجاره اداب خدمه اجتماعيه تجاره بكالوريوس تجاره

واثار وغيرهم من الموهلات الغير تربويه التي تطالب بالتثبيت هل يعقل واحد خريج كليه تجاره وبالحصه يطالب بالتثبيت في التربيه والتعليم

هما مش عايزين الشروط لانهم اصلا مش موهلين للتدريس اصلا معظمهم اصلا غير خرجيين كليه التربيه

والبعض منهم اصلا تربيه بس تقدير مقبول


ياريت الي يكلم يكتب موهلاته ويقول اه ليه ماخدش عقد مميز معلم مساعد



انا مع فكره اني كل واحد ياخد حقه في الطرق المشروعه


ومع المطالبه بحق كل من استوفي الشروط المنصوص عليها وفقا لقرار 53 والي مجاش اساميهم في كشوفات المعينين


انا مع دول لانهم ليهم مظلمه

مش نخرب بيت البلد والاقتصاد بيدمر ونوقف حال الناس وندور علي مطالبنا ونخرب بيت الناس التانيه

كلام عادل ومنطقي جدا ... خصوصا بعد الثورة اللي طالبنا فيها بالعدالة والتخلص من الفساد والتقدم والتطور . يبقي من باب اولي نبدا بانفسنا . دلوقتي مطالب الثورة ان بداية من الوزير لحد اخر فرد تكون كفاءات وبعدين الباب مفتوح قدام اي حد يتفضل يعمل شروط الكادرو بعدها هيتعين

[mr.aiad]

يا جماعه يا اللى بتتكلموا عن العداله لو سمحتم يا ريت تطلعوا على قانون الكادر كويس ويا ريت محدش يهرف بما لا يعرف لأن القانون بيقول يعين فى وظيفه معلم من أتم عاما دراسيا فى وظيفه معلم مساعد وفقا للشروط وكون مدرسى الأجر لم يمتحنوا أو لم يأخذوا عقد معلم مساعد فهذا ليس ذنبهم بل هذا من الظلم الذى وجدناه فى الحكومات السابقه ويا ريت نطالب بتعيين الكل وتطبيق بدل الإعتماد على من تنطبق عليه الشروط فقط مع العلم أننى معلم مساعد وكنت أعمل بالمكافأه منذ 2002 فهذا ليس ذنبى أن الأكاديميه لم تعقد اختبارات

[teto2204]

يا اخوانا للمرة التريليوووووووون يا ريت نختار الالفاظ المناسبة واللائقة وان كنا كمعلمين مش نتعامل باحترام يبقى عليه العوض و منه العوض

ثانيا : يا ستاذ مينا ليه التعميم ؟؟؟؟؟؟ هل عندك كشوف معلمين الحصة وعارف تقديراتهم ومؤهلاتهم عشان تقول كدة !!!

ويا سيدى انا بالاجر مع انى متاكد والحمد لله انى مؤهل احسن من ناس كتيييييييير جدا معينين او متعاقدين ( تربية عام انجلش + دبلومات تمهيدى ماجيستير +9سنين خبرة مدارس خاصة ولغات + كورسات لغوية وتربوية )
والكوسة اللى بتقول انها مدخلانا هى اللى منعتنى من زمان

نعم لاعطاء الحق لمن يستحق
لا للاهانة لا لتعميم الاحكام جذافا

يا ريت تكون موجود وترد عليه

[vip_ame]

لا تعليق

ارجو من الادارة غلق الموضوع

[مصروى عنيد]

مع احترامى لجميع الزملاء الا اننى أجد أن لا مانع من أن يتولى مهنة التدريس من هم ليسوا تخصص تربوى بشرط الخضوع لشروط الاكاديمية وأن يكون تخصصه اقرب الى التدريس مثل الاداب - لغة عربية -اصول دين (تربية دينية) حاسب اذا لم يتوافر معلمين تربية فليس من حقنا حرمانهم من الفرصة طالما هم مؤهلين لهذا العمل وأكرر بأن التأهيل أهم حاجة.

[amiraahmedhasen]

انا موافقه تماما علي التثيبت حق للجميع بس صرف بدل الاعتماد للناس اللي تعبت وامتحانات وicdl وكادر لانهم بجد تعبوا كتير وده ابسط حق ليهم والباقيين اللي يثبتوا ليهم رغبه تحسين اوضاعهم يبقوا يحاولوا ا يعدلوا احوالهم زي ماهم راغبين في كده وهيبقي عندهم الدافع لكده لانهم مثبيتين اصلا
ياجماعه كلنا ننادي بالتعين حق للجميع وصرف بدل الكادر حق المعلمين اللي امتحنوا وتعبوا