التعليم تقرر عقد امتحانين جديدين لكادر المعلمين

[misterzook]

الوزارة هى من خرقت القانون نحن تعاقدنا من 1/1/2008 حتى 1/1/2011 و القانون أقر بأن اقصى مدة للتقييم فى وظيفة معلم مساعد 3 سنوات وبذلك أنهينا المدة منذ أكثر من شهر و نحن نعمل بالأجر منذ 2003 و بعقد مكافأة شاملة منذ 2006 و هم يعلمون أن اختبار الكادر هو بمثابة إعاقة للتثبيت و هو ليس ذو جدوى و نحن لم نعترض على الاختبار و لكن هم من لم ينفذوا الاجراءات فهى أخطاء إدارية من قبل الوزارة فما ذنبنا نحن
كان لدى العمال بقطاعات مختلفة مثل البترول و الرى و البنوك و البريد و الضرائب و غير ذلك سدود غير قابلة للاختراق فى سبيلهم للتعيين و كل هذه السدود انهارت بعد الثورة فلماذا يحقروننا و يبقوا لنا العائق ( اختبار الكادر) و ما به من مهازل فى التقديم و ارقام جلوس و موظفين لا يعلمون شيئا يتلقون الاوراق و الملفات و بعدها التأكيد و تأكيد التأكيد و التأكد من التأكيد و نبقى على أعصابنا حتى موعد الاختبار و ظهور النتيجة و اخطاء فى النتيجة و شكاوى و تظلمات و نجاح و رسوب و إعادة فكل الفئات تأخذ حقها و ننتظر نحن تظبيق سياسة الوزارة الظالمة و ليس القانون لآن القانون أعطى للأكاديمية الحرية فى إعطاء شهادة الصلاحية وفق ما تراه فنحن لدينا الدبلومة و لدينا icdl و تقارير المدراء و الموجهين
فلماذا التعطيل و التهميش و اللامبالاة بنا و باستقرارنا و حياتنا ..............

[elbasha205]

طيب عندنا في تعاقدات الازهر من سنة 2005
كان التعاقد بنظام المكافئه الشامله "بدون فصل ولا يوم"
نحن اولي بالتثبيت (وهذا هو الفرق بين الازهر والتربيه والتعليم)
صح الكلام ولا ....
انت انسان انانى كل واحد بينظر الى حاله فقط دون النظر الى الاخرين كلا نكون واحد مطالب واحده وهو التثبيت لكل من عمل فى التربية والتعليم (معلم مساعد 2009)

[الأمير محمد السيد حمودة]

لابد من الغاء امتحانات اكاديمية المعلم فهى لا تفيد المعلم وتعتبر اهانة كبيرة للمعلمين وان يجعلوا برامج الاكاديمية لتدريب المعلمين وعقد الدورات اللازمة لهم

[جارةالوادى]

ربنا يوفق الجميع
وبعدين ياجماعة متزعلوش اوى كدة امتحان الصلاحيةده منصوص عليه فى العقد اللى وقعته مع الوزارة (معلم مساعد) ومش هتترقى على درجات الكادر وتاخد بدل الترقية دى غير بالامتحان والعقد شريعة المتعاقدين

[mmagdy_81]

المشاركة الأصلية كتبت بواسطة جارةالوادى

ربنا يوفق الجميع
وبعدين ياجماعة متزعلوش اوى كدة امتحان الصلاحيةده منصوص عليه فى العقد اللى وقعته مع الوزارة (معلم مساعد) ومش هتترقى على درجات الكادر وتاخد بدل الترقية دى غير بالامتحان والعقد شريعة المتعاقدين

والله كلام منطقى جدا ياجاره الوادى وبعدين مدام الناس واخده ماجستير وبتتنك علينا كده يسيبوا لغيرهم الوظيفه الغلبانه ده ويروحوا يشتغلوا وزراء واحنا كفايه علينا مدرسين ارحمنا يارب

[aleman]

ياجماعه هو الراجل بيتكلم انجليزى الراجل بيقول هيعمل امتحانين للناس اللى امتحنوا معانا ولم يوفقوا فى ماده او اكثر والامتحان التانى للناس اللى ممتحنوش خالص وده لازم قبله يفتحوا باب التقديم زى ما عملوا معانا قبل كده

اعصابكككككككككككك
هدى اعصابكك
مافى حاجة مستاهلة مستر ادم

[mmagdy_81]

http://www.youm7.com/News.asp?NewsID...D=97&IssueID=0

[وليد عبد العظيم بركات]

يارب تتم على خير

[مصر حره]

السلام عليكم ورحمة الله وبركاته

ارجوا الرد بسرعة :

انا امتحنت مدرس فصل ونجحت ثم غيرت عقدي علوم وقال لي مدير الاكاديمية اني هدخل امتحان مرة اخرى يترى هتثبت معاكوا مدرس فصل ؟؟؟؟؟؟؟؟؟؟؟؟؟؟؟؟؟؟؟
ولا استنى الامتحان للعلوم القادم ؟؟؟؟؟؟؟؟؟؟؟؟؟؟؟؟