ميعادنا الاحد 13/2 للمطالبة بثبيت جميع العاملين فى التربية والتعليم مميز او غيره

[احمد محمد عبد المجيد]

لازم يكون فى وزير يسمع لينا الاول

هتقولوا لمين دلوقت

الصبر

[امجد7007]

مشكووووووور

[albdralmner]

يا شباب البترول يطالب ان يكون مر على التعاقد سنتين و شركة المياة تطالب ان يكون مر علية ثلاث اشهر و الزراعة ثبتت جميع النتعاقدين وكذلك الا تصالات ومجالس المحلية فلمازا التربية والتعليم ثلاث سنوات دة مش حرام احنا نطالب بثبيت جميع المتعاقدين ودة اقل مطلب لينا وهو الاستقرار

[محمد ابوصلاح]

بلاش اعتصام في الوقت الحالي ياريت نقف بجانب مصر

[الأسطورة1]

على ما أظن أن الأحكام العرفية هي قانون الطوارئ وده اللى الشعب كان بيطلب بإلغائه يعني مفيش أحكام عرفية
وأنا سمعت محمود سعد قبل قليل على المصرية في برنامج مصر النهاردة بيقول إن الناس خايفة من الأحكام العرفية ووضح إن الأحكام العرفية هي قانون الطوارئ حتي قال باللفظ قانون الطوارئ اسم دلع للأحكام العرفية يعني مفيس خوف إحنا دخلين على عهد جديد مفهوش خوف ولا ظلم وندعو من الله ان يحمي مصر ويجعلها في آمان وان يعطي لكل ذي حق حقه (أسف على الإطالة)

[محمد حسن ضبعون]

مصر التي أنجبت .. ربَت ْ
وأنبتت من كل أطياف البشر
مصر التي أنتجت .. سمَت ْ
وأثبتت بأننا غُرٌ حضر
مصر التي أينعت .. سعَت ْ
وازّيّنَت حبات عُقدٍ من دُررْ
شبابك ازدانت به أفراح شعب قد قُهِر
شبابك التحفت به أعجاز شعب قد صُهِر
يا مصر أنت الآن منتصرة
يا مصر جرحك الآن انفجر

[ayman3body]

اعتصام ايه
خلاص مش هينفع
ده حكم عسكرى واحكام عرفية
فوقوا بقى
خسرنا الجلد والسقط

كسبت حرية وكرامه
لو مش لزماك إرحل مع الفاسدين

[أ/سلوى]

العنوان بيقول الاحد ... واول تعليق بيقول الاتنين

50 موضوع فى المنتدى اللى بيقول جروب واللى بيقول اعتصام وكل واحد فى وادى

وانا منكم قلت نعمل ضجة اعلامية باننا حنمتع عن العمل يوم الاحد 20/2/2011 اول يوم فى الدراسة

يوم غياب مش مشكلة

الاهم من اليوم ده الخبر نفسه لما الكل يعرف خلال اسبوع الاجازة ده ان فى امتناع عن العمل حيكون فى تحرك قبل يوم 20/2 بكلام واصح ومحدد

***************************
ايه المشكلة احكام عرفية ولا طوارىء
فى حكومة تقدر تاخد قرارات
*************************

مش ملاحظين اننا عمرنا ما اجتمعنا على راى واحد وعملناه

مش ملاحظين اد ايه حجم السلبية اللى فى المتعاقدين

ده حتى التعليق بالموافقة او الرفض مافيش

تعيين ايه اللى بتدوروا عليه ؟؟؟!!!!!!!
***************

[محمدعبدالفتاح حسن]

اصدر هانى هلال قرار بتعيين اللى امتحنوا كادر مع العلم ان فيه تربويين ولم يمتحنواكادر بسبب تاخر العقد المميز موعدنا يوم الاحد فى الاسكندرية امام مبنى وكالة الوزارة للمطالبة بحقنا فى التثبيت ومن خليش حد يققلل من حمسنا لازم نتساوى بالجهات الاخرى

[شادى جبل]

لابد أن نطالب بحقوقنا وأن تكون كلمتنا واحدة وأن نطالب بنقابة لها كلمة تدافع عن حقوقنا

[ام رهف]

كادر ايه وبتاع ايه تاني هيلاوعو ماكفهمش اللي جرى بسبب استهتارهم بالشعب الناس دي غبية وافتكرو ان شباب التحرير كان بينهم وبين الريس ثأر شخصي ومادام اخدوا بثارهم والريس مشي رجعو يستهبلو ويماطلو في الكلام حاجة تقرف

[melad2009]

احييكم يا شباب مصر واقول ان امتحان الكادر ليس مقياس للمعلم الناجح والا كانوا استغنوا عننا فلماذا يوضع امتحان الكادر شرط للتثبيت علي فكرة ده مش خوف من الامتحان ولكن ثورة علي الروتين انا عملت سبع سنوات بالاجر ولم احصل علي عقد بسبب الواسطة والمحسوبية واخيراً وتم التعاقد معي 2009 يعني في نظرهم ما كملتش 3 سنين ولكن في الحقيقة انا عملت 9 سنين اسف علي الاطالة وادعوكم للمطالبة بضم تلك السنوات التي عملنا بها لانها حقنا حفظ الله مصرنا الغالية