أيهم تفضلين زوجاً لك ؟!!

[كرستال اردنية]

هو ده التطور الطبيعي للعقلية العربية اصلا اللي بعدا مش مقتنعة انو الست بتئدر تكون حازمة وقلبا قوي المرأة في الغرب وصلت القمر واحنا بعدنا هون بالعالم العربي بنحكي عن عقل المرأة الناقص

[Ahmed 3030]

المشاركة الأصلية كتبت بواسطة كرستال اردنية

هو ده التطور الطبيعي للعقلية العربية اصلا اللي بعدا مش مقتنعة انو الست بتئدر تكون حازمة وقلبا قوي المرأة في الغرب وصلت القمر واحنا بعدنا هون بالعالم العربي بنحكي عن عقل المرأة الناقص

وهو انتي قلتي حاجة تقنع واحنا لم نقتنع ؟
لما المرأة هنا توصل للمطبخ , نبقي نفكر ازاي نوصلها للقمر
أليست المرأة ناقصة عقل حقاً ؟
ما نقص من عقلها , وضع في قلبها
وبعدين شكلك منفعلة ودي مجرد مناقشة وتبادل في الأراء

[Ahmed 3030]

المشاركة الأصلية كتبت بواسطة تسابيح النجوم

أكيد التشاور ضروري
بس مش في كل حاجة
اكيد في الحاجات المهمة المصيرية بين الزوج والزوجة

وشهد شاهد من أهلها
مشكورة أخت تسابيح علي الرأي الحكيم .

[هو ده التطور الطبيعي]

المشاركة الأصلية كتبت بواسطة كرستال اردنية

هو ده التطور الطبيعي للعقلية العربية اصلا اللي بعدا مش مقتنعة انو الست بتئدر تكون حازمة وقلبا قوي المرأة في الغرب وصلت القمر واحنا بعدنا هون بالعالم العربي بنحكي عن عقل المرأة الناقص

والله ماخربت البيوت الا بعد شعارات حرية المراة الكاذبة (حسبي الله ونعم الوكيل)
الستات دلوقت بتزل اجوازهم (ايه ياحبيبي انا بشتغل زيي زيك يبقى تطبخ زيي زيك والا هحرمك من مرتبي)
وايه اللي منتظر من حفيدات صفية زغلول اللي قلعت النقاب والخمار في الساحة وقالت من هنا تتحرر المراة؟؟؟؟؟؟؟
تتحرر ولا تفجر!!!!!!!!
الواحدة تطلع من بيتها كاشفة كل جسمها وتقولك (انا حرة)
حرية ايه اللي بتتكلمو عليها ومساواة ايه دي ؟
قال الله تعالى ]ولا تتمنوا مَا فضَّل الله به بعضكم على بعض للرجالِ نصيبٌ مِمَّا اكتسبوا وللنساء نصيب مما اكتسبن واسألوا الله من فضله إنَّ اللهَ كانَ بكلِّ شيءٍ عليماً[
يعني زوجات الرسول ماكنوش احرار
الاسلام ما اعطاش للمراة حقوقها؟
حق الزوجة على زوجها انه ينفق عليها
وحق الزوج على زوجتة انها تربيله اولاده وتطيعة وتوفره الراحة والسعادة اللي هو محتاج لها
لكن للاسف دلوقت الست بتشتغل والراجل بيشتغل والاولاد معاهم ربنا
لا اب فاضي يربيهم ولا ام فاضية
وهو ده سبب التخلف اللي انتشر اليومين دول
وكل ده تحت مسمى حرية المراة
ماسالتوش نفسكم ايه سبب خراب البيوت؟
ايه سبب انتشار الفساد؟
كل ده لان كل واحد مش عارف دوره ايه
وتقوليي طلعو القمر
طلعو القمر عملو ايه!!!!
طلعو صلاح الدين
ولا طلعو شعراوي تاني
عملت ايه الستات لما اتحررت زي ماقالت صفية زغلول؟
حررو الاقصى؟ نشرو الدين الاسلامي؟
حاربو الفساد؟
قوليلي عملو ايه؟؟؟؟؟؟؟

[Ahmed 3030]

عملت ايه الستات لما اتحررت زي ماقالت صفية زغلول؟
حررو الاقصى؟ نشرو الدين الاسلامي؟



عملوا كتير جدا يا أخي .... خد عندك مثلاً
زاحموا الرجل في العمل فساعدوا علي زيادة نسبة البطالة
زاحموا الرجل في الشارع فساعدوا علي تأجيج الغريزة
حرروا الملابس لتهوية الجسد من كل مكان
حرروا ألسنتهن فأصبحن يقلن للرجل كل ما يحلو لهن
نشروا الموضة والخلاعة القادمة من الغرب بدعوي الشياكة
نشروا الفساد الأخلاقي والعداء مع الرجل بدعوي المساواة
يبقي عملوا كتير ولا لأ ؟

[روووووز]

الصراحة ولا واحد فيهم

[Ahmed 3030]

المشاركة الأصلية كتبت بواسطة روووووز

الصراحة ولا واحد فيهم

ولا واحد ازاي يعني ؟
حنفلك واحد مخصوص ولا ايه ؟

[Ahmed 3030]

المشاركة الأصلية كتبت بواسطة تسابيح النجوم

أكيد التشاور ضروري
بس مش في كل حاجة
اكيد في الحاجات المهمة المصيرية بين الزوج والزوجة

طيب لو الزوجة شايفة ان كل حاجة مصيرية , أو الزوج شايف ان كل
حاجة مش مصيرية , يبقي ايه العمل ؟

[Ahmed 3030]

المشاركة الأصلية كتبت بواسطة somaaa_555

واللة اللى انا شايفاة انة يأخذ برايها وينفذ فى النهاية الصح سواء كان راية او رايها انما يشاورها وفى الاخر ينفذ اللى هو عايزة معلشى يعنى مش هتديلة رأيها بعد كدة ملوش لزوم اسفة اذا الرد زعل كاتب الموضوع تقبل تحياتى

والصح ده حيكون من وجهة نظر مين فيهم ؟

[Ahmed 3030]

المشاركة الأصلية كتبت بواسطة aliweeka1

خدعوك فقالوا ان الحياة الزوجية الناجحة هي القائمة علي
التشاور والتفاهم في أمور الحياة بين الزوجين !!
هذا مجرد كلام نظري لا صلة له بالواقع مطلقاً !!
المثل بيقول " المركب اللي فيها ريسين بتغرق "
والحياة الزوجية يقال بأنها شركة والشركة اللي فيها مديرين تنهار
وتفلس بسرعة !!
أغلب الفتيات في العصر الحالي تحب التسلط والسيطرة علي الرجل
وتريد من زوجها أن يخبرها عن كل صغيرة وكبيرة وأن يتشاور معها في
كل شيء , وهذا من وجهة نظري أكبر خطأ يرتكبه الزوج !!
فالفتاة تسير علي مبدأ " جوزك علي ما تعوديه " !! ولذلك فهي تعوده
علي أن الكلمة كلمتها وهذا جعل من صورة وشخصية وهيبة الرجل أضحوكة
كبيرة وموضع للسخرية !!
عن نفسي أنا النوع الأول .
يؤخذ رأي الزوجة في حالات قليلة والتي يكون لها صلة مباشرة بالزوجة
فيكون رأيها ذو أهمية وضرورة , وهناك أمور يتم اعلام الزوجة بها فقط
دون الحاجة لرأيها , وهناك أموراً لا تعلمها الزوجة إلا بعد حدوثها .
يبدو أن البنات خايفة تعبر عن رأيها !!!!!!!!!!!!!!

لا يا عم دا انت حالة فريدة من نوعها خالص

[T!to]

المشاركة الأصلية كتبت بواسطة هو ده التطور الطبيعي

النساء ناقصات عقل ودين

راي الراجل طبعا هو اللي يمشي
ده مش معناه ان الراجل اذكى لا
بس المراة عاطفية اكتر وبتوزن الامور بالعاطفة ولو كل المواضيع اتعالجت ب ياعيني او حرام والاحاسيس دي
الدنيا هتخرب
المراة رمز الحنان والراجل العقل والقوة
فعشان كده راي الراجل هوه اللي يمشي

معلش بقى يابنات هيه دي الحقيقة

معلش يا اخى واضح انك بتردد الحديث النبوى بان النساء ناقصات عقل ودين على انه ذم فى المراة وهذا سوء فهم للحديث وان لم ارد عليك الا بعد ان رددته فى اكثر من موضوع اذا اردت شرحه الصحيح فانا على استعداد بفضل الله

بالنسبة للسؤال ......

يجب ان استشير المراة فى كل شىء فهى ليست ابجورة فى المنزل او كرسى لعل اجد عندها ما غاب عن ذهنى لكن لن افعل الا ما اراه لان المسؤلية ستلقى على لا عليها ..والله المستعان

[روووووز]

كل فتاة تحلم بفارس الأحلام و ....... .ههههههههه وعلى حصان روووز .
1- من لا يتشاور معك ولا يأخذ رأيك إلا نادراً ويفعل ما يراه هو فقط .
طب وانا ابقى لازمتى ايه فى البيت على كده يعمل كل حاجة على مزاجه
2- من يتشاور ويتناقش معك في كل شيء ويفعل ما يراه هو فقط .
طب وايه فايدة الحوار بدال هو هيعمل اللى عايزة
3- من يتشاور ويتناقش معك في كل شيء وغالباً يفعل ما ترينه انتي .
ممكن ده لالا لازم يكون ف رأى ليه
4- من يتشاور ويتناقش معك في كل شيء ولا يستطيع أن يقرر ما يفعل .
ازاى يعنى مفيش رأى ولا شخصية
5- من لا يتشاور ولا يتناقش , وكل واحد حر فيما يفعله , أي يفعل ما يراه وتفعلين ما ترينه .
البيت هيخرب

المشاركة الأصلية كتبت بواسطة zaza5000

ولا واحد ازاي يعني ؟
حنفلك واحد مخصوص ولا ايه ؟

هههههههههههههه خلاص هبقى اكتب المقاسات المطلوبة

شوف حضرتك كل دول مش ينفعوا لان فى الاول والاخر هيحصل مشاكل ومفيش نقاش كل واحد عايز يعمل اللى على مزاجه وبس

[نور الجنة]

هو لازم يكون فيه مناقشة وتشاور بينهم وبعدين الصح هو اللى يكون ليس الرجل دائما صح ولا المراة فالمناقشة تاتى بالاصح

[Mr. Ali 1]

المشاركة الأصلية كتبت بواسطة zaza5000

لا يا عم دا انت حالة فريدة من نوعها خالص

فريدة ؟!
وفريدة دي تطلع مين بقي ؟!!!

[Dr. Hoda Ahmed]

من يتشاور ويتناقش معك في كل شيء وغالباً يفعل ما ترينه انتي

بالطبع المشاورة لان فى نوع استبداد بالرجال اعوذ بالله

وكذلك النساء

لكن المشاورة بينهم اساس النجاح وهذا رايى