اشمعنى احنا

[miss amy 83]

انا مفتكرش ان ده ممكن يعطل لان الدنيا هتقوم عليهم لو طلبوا كده

[خادم المسلمين1]

خلى الكبير نايم ومدلدل رجليه


ولكن فيه يوم حساب جاى ان شاء الله وحسبنا الله ونعم الوكيل

[رائحه الورد]

للاسف لو فى متعاقد واحد استجاب لمحو الامه ده هيطبق على الكل

[عاشقه الجنه 29]

صراحة مش عارف ارد عليكى اقول اية بس كل اللى اقدر اقولة ان احنا اللى نستاهل لان احنا اللى رضينا بالذل والهوان من الاول خدومش عارف اية ؟طيب وكمان اية ؟ماشى طيب بالمرة اعملوا ايه؟مفيش مشكلة طيب بلامرة بقى مش عارف اية ومالوة مش مشكلة كلة من اجل عيون التثبيت بذمتكم فى حد فى النيا اتعين عملوا فية كدة فى اية وزارة ولا حتى الوزارة دى قبل كدة بس ارجع واقول احنا اللى نستهال هسال اخواتى المتعاقدين ياترى اصغر حد فينا عندة كام سنة وعلى الحال دة كام سنة يرصى مين دة دى حتى والله العظيم ميرضيش ربنا ولو حصل دة فى اى محافظة المفروض محدش يسكت لان لو سكتنا طيب خدوا بقى على دمغكوا يامتعقدين انتوا اللى تستاهلوا كل اللى يجرالكم واسف للاطالة بس كان نفسى افضفض

[امانى عياد]

انا اول مره اسمع الكلام ده
مش الاول اما نقدر على الطلبه
نبقى نقدر على محوالاميه

[مرمر مصر]

دمياط ما حدش قلنا الكلام ده



بس احن فى دمياط فينا نسبة كبيره اتعينت 2008 لانها عملت محو امية ونجحت10

[أميرة قلبى]

ربنا على الظالم بس بجد لو الكلام صحيح أقسم بالله لأعمل اللى معرفتش أعمله المرة اللى فاتت اصل الموضوع كبير اوى انتم متعرفوش عملوا معانا ايه المرة اللى فاتت مدير الادارة عمل للمعلمين المساعدين اجتماع وقالهم لو مش حتعرفوا تجيبوا ناس تمتحن ادفعوا لكل واحد خمسين جنية وهو حيجى ........ يالله ده كان يوم بس بجد احنا نستاهل والله العظيم لاعمل مظاهرة ولو فيها فسخ عقدى
خلاص تعبنا من التحكمات والقرف ده
هما بيعذبونا ولا ايه حسبنا الله ونعم الوكيل بس برضه لا أعتقد إن الكلام ده حينفذ

[monerghaly]

الصبر يا جماعه بالنسبه لتعبنا وبهدليتنا فالاجر والثواب عند الله . ان الله لايضيع اجر من احسن عملا . حد كان يصدق ان المعلم وصل لهذه الدرجه العلميه اقصد تخصص وتربوى وحاصل على اى سي دى ال مش خيريجى معلمين ودبلوم ومعهد ما اقصدش الاهانه طبعا او التقليل من شان الناس دى انا اقصد ان احنا ان شاء الله هناسس جيل بيفكر بيشتغل يواكب التقدم . التعيين قادم ان شاء الله وافتكر دايما ان الله لا يضيع اجر من احسن عملا.

[تامر سيد احمد محمد]

ونجيب منين جهلة نمحى اميتهم

[همس الصمت]

المشاركة الأصلية كتبت بواسطة تامر سيد احمد محمد

ونجيب منين جهلة نمحى اميتهم

يا سلام يا مستر
ده سؤال دور عليهم
وربنا يقدرك وتلاقى ان شاء الله
بس خلى بالك اقل حاجة 100جنيه لامى علشان يرضى يمتحن

[eva2010]

اعتقد ان معنى الكلام ده ان الوزير مضى قرار التعيين بس ساب لكل محافظ المسات الاخيرة اللى يطلعو عينا بيها

[eslam676]

هل وصلت جوابات التعين في محافظه البحيره واسيوط



ياريت حد يرد من ابناء المحافظه

[the keng]

صدقوني كل ده كلام فاضي ولن ينفذ عند التعيين

[همس الصمت]

المشاركة الأصلية كتبت بواسطة the keng

صدقوني كل ده كلام فاضي ولن ينفذ عند التعيين

ياااااااااااااااااااااارب بجد يكون كلام فاضى
بس عارف دى هتكون النقطة التى افارت الكأس
ومحدش هيسكت بقى
كفايه لحد كده
كل اللى فات قلنا تأهيل علشان نطور من نغسنا
انما بقى اى حاجة تانية تبقى تقليل من شأننا
والوزير بتاعنا قال انه لازم يرفع من قدر المعلم
يعنى هو بيقول كلام وخلاص
ده محو الاميه ده منتهى الذل والهوان
المشكله انهم فاكرين ان ده مشروع قومى
وان فى شهر هطلع من امى الى استاذ
ربنا على الظالم والمفترى

[الدهمشاوى]

دا احنا كده حنمحى أمية أفريقيا كلها مشى أمية مصر فقط