لو انت قدها ورينا طيب؟؟؟ ادخل وهنشوف

[طالبة ولكن]

المشاركة الأصلية كتبت بواسطة محبة اللغة

+ورينا طيب
----
-

زهقان من عيشتك ؟؟

قرفان من ( بعض ) اللي حواليك ؟؟

نفسك لو تبقى شخص تاني ؟؟

نفسك لو كنت في بلد تاني ؟؟

نفسك لو كنت في زمن تاني ؟؟

لو الإجابة ( نعم ) فماتتوقعش إني هسفرك برة ,
و لا( أديك لفة ) بآلة الزمن ,

إنما أحب أوضح لك إنك كده تمام قوي ,
100 فل و 10

و إن وضعك الحالي في زمنك الحالي في ظروفك الحالية هو أحسن وضع ليك ,.

آه و ما تستغربش ,

هو مين اللي خلقك في المكان ده ؟
في الزمان ده ؟
وسط الناس دي ؟
في الظروف دي ؟؟

ربنا , صح ؟؟

يبقى ربنا أعلم بيك , و أعلم بما يُصلحك ,

و هو سبحانه و تعالى بيقول : (( ألا يعلم من خلق و هو اللطيف الخبير )) ؟؟؟

بلى و الله يعلم , و هو بخلقه لطيفٌ خبير ,

و زي ما قال رسول الله صلى الله عليه و سلم :
" عجبا للمؤمن،لا يقضي الله له شيئا إلا كان خيرا له " (*)

يبقى قضاء ربنا عليك في إيجادك في الظروف دي و الحالة دي و المكان ده و الزمان ده هو عين الخير ليك

بل إن وجودك في الزمن ده أحسن من وجودك حتى في زمن الرسول !!

مستغرب

؟؟ لا ما تستغربش

و اقرأ الكلام ده :

عن جبير بن نفير قال: جلسنا إلى المقداد بن الأسود يوما ،
فمر به رجل ، فقال: طوبى لهاتين العينين اللتين رأتا رسول الله صلى الله عليه وسلم ،
والله لوددنا أنا رأينا ما رأيت ، و شهدنا ما شهدت ،

فاستُغضِب !!
- يعني المقداد غضب من كلام الرجل -

فجعلت أعجب ، ما قال إلا خيرا!

ثم أقبل عليه فقال - المقداد اللي قال - :

( ما يحمل الرجل على أن يتمنى محضراً غَيَّبهُ الله عنه ؟

لا يدرى لو شَهِدَهُ كيف يكون فيه ؟

والله لقد حضر رسول الله صلى الله عليه وسلم أقوامٌ كبهم الله على مناخرهم في جهنم؛
لم يجيبوه ولم يصدقوه !

أولا تحمدون الله عز وجل إذْ أخرجكم لا تعرفون إلا ربكم ،
فتصدقون بما جاء به نبيكم صلى الله عليه وسلم ، قد كُفيتم البلاء بغيركم )

(**)

معنى كلامه إنه بلاش تتمنى إنك تكون على عهد الرسول حتى ,
لأن إيه ضمنك إنك تكون صحابي ؟؟
ما انت ممكن تكون أبو جهل !!

و مثله أن لا تتمنى وجودك مكان فلان ابن الباشا ,
لأنك لو بقيت غني ممكن تفسد ,
و هكذا ,

إنت

[center]وضعك و حالتك متفصلة مخصوص علشانك

لأن اللي حطك فيها هو ربنا

و بما إن ربنا اللي خلقك ,
يعني هو عارفك و عارف احتمالك و قدرتك قد ايه ,

و عارف انك تقدر تستحمل الوضع اللي انت فيه ده ,
لأن دي طاقتك
و لو طاقتك كبيرة البلاء كبير ..
على قدها و مش أكبر منها ,

قال رسول الله : " يُبتلى المرء على قدر دينه " (***)
يعني لو ماكانش دينك و طاقتك هتستحمل ,
ربنا هيهون عليك البلاء على قدها ,
و شوف نفس الحديث .. سبحان الله ,
في رواية منه " وإن كان في دينه رقة .. هُوِّن عليه " شوف رحمة ربنا ,

و الآية الأخرى قال تعالى : (( لا يكلف الله نفسا إلا وسعها ))
يعني طالما رينا خلقك في وضع ما ,
و كلفك شيئا ما ,
يبقى أكيد الشيء ده في وُسعك ,
و انت تقدر تعمله ,

لأنه لو لم يكن في وسعك لما كلفك إياه,

و أخيرا أختم بمقولة عجبتني قوي بتقول :

" من لا ينفع لوضعه لا ينفع لوضع غيره "

و جزاكم الله خيرا ...

و لا تنسوا كاتب الموضوع الأصلي -اللي هو أنا - من دعوة صالحة
إن ربنا يتوب علينا و يهدينا و يوفقنا لما يحب و يرضى ..

و طبعا >> حقوق النشر للجميع <<

[/

جزاك الله خيرا على الموضوع

بس عدم المؤاخدة انا عندي ملحوظة صغيرة

توقيع حضرتك يمكن يكون مخالف للموضوع نفسه

صح ولا ايه

[مروه]

[Dr. Hoda Ahmed]

المشاركة الأصلية كتبت بواسطة طالبة ولكن

جزاك الله خيرا على الموضوع

بس عدم المؤاخدة انا عندي ملحوظة صغيرة

توقيع حضرتك يمكن يكون مخالف للموضوع نفسه

صح ولا ايه

[/center]

احترم وجهة نظرك بس التوقيع ثابت معى .........لكن المواضيع متغيرة وشكرا

[أ/رضا عطيه]

موضوع جميل ورائع
بارك الله فيكِ

[Dr. Hoda Ahmed]

المشاركة الأصلية كتبت بواسطة BlakBlak66

موضوع جميل ورائع
بارك الله فيكِ

شكرا على مرورك

[Dr. Hoda Ahmed]

المشاركة الأصلية كتبت بواسطة مروه

شكرا.....شكرا.على مرورك

[Dr. Hoda Ahmed]

المشاركة الأصلية كتبت بواسطة جـــوجـــا3000

جزاك الله كل خير

وشكرا على الموضوع
وبحق موضوع جميل

نتمنى لكى دوام التوفيق

بارك الله فى حضرتكم وشكرا على مرورك

[Dr. Hoda Ahmed]

المشاركة الأصلية كتبت بواسطة منة2011

اللهم لك الحمد كما ينبغى لجلال وجهك ولعظيم سلطانك
جزاك الله خيرا

بارك الله فيك يا منه ......ودايما منورة مواضيعى

[Dr. Hoda Ahmed]

المشاركة الأصلية كتبت بواسطة ahmed elshereef

كلامك صح ميه في الميه
تسلم ايديكي

شكرا لحضرتك وجزاك الله خيرا

[أ\سلوي]

جزاكي الله خيرا علي هذا التوبيك

[Mohamed.Helmy]

[Dr. Hoda Ahmed]

المشاركة الأصلية كتبت بواسطة mohamed helme

بارك الله فيك وشكرا على مرورك

[طالبة ولكن]

المشاركة الأصلية كتبت بواسطة محبة اللغة

احترم وجهة نظرك بس التوقيع ثابت معى .........لكن المواضيع متغيرة وشكرا

ربنا يكرمك يا رب

انا بهزر بس


هههههههههه


لكن الموضوع جمييييييل خالص


جزاك الله خيرا

[التائبة الى ربها]

الموضوع جمييييييييييييييييييييييييييييييييييل
وعندك حق فى الكلام ده

[صفاء بهنساوي]

معكي كل الحق بارك الله فيكي على هذا الموضوع الرائع.