مسالة نصف القطر فيها رقم خطأ في امتحان 2010

[loshin]

يا جدعان المساله 1.28 باذن الرحمن, علي ما اتذكر هنجيب نق للاكسجين بقسمته علي 2 وبعدين نطرحه من H-o هيدينا نق لل H

[asad2004]

الاستاذ الفاضل محمد طنطاوى
ازاى تقول المسالة مش غلط ولا حاجة بس الغلط فى الاسلوب
الخطأ فى الأسلوب خطا فى المساله لأنه سيغير معانى و ارقام
و بعدين نحاسب الطالب ازاى على خطا الاسلوب و نتيح لأنفسنا خطا فى السؤال
و بعدين تقول :
لو الاسلوب كدا يكون معنى المسالة مفهوم وصح

الطالب يفهم ان فية رابطتين فى جزى الماء بين ذرة الاكسجين والهيدروجين

يحسب طول الرابطة الواحدة بقسمة 1.96/2

طول الرابطه يا استاذ = المسافه بين نوتى ذرتين
و بعدين الزوايا فى جزئ الماء حوالى 105 درجه فف طول الرابطه فى جزئ الماء يساوى ايه بقى فى الحاله دى
ارجو اذا كان هناك خطأ ان نعترف به و نعمل على اصلاحه بدلا من ضياع مستقبل طالب لأن الاسلوب غير دقيق
على فكره اللى بيكتب الكلام ده دلوقت له فى الكيمياء كويس قوى ........... بس لا يمكن ابرر خطا السؤال او دقه اسلوبه
ارجو مناقشتى .........شكرا لمجهوداتك فى المنتدى

[esrazi]

الكلام مش مظبوط مع احترامى
احنا بنتعامل مع طمل الرابطة بين ال h و o فى الماء,و طول الرابطة مش حيتقسم لان الربطة بين ذرتين
ياما حضرتك بتخترع رابطة جديدة لان الرابطة فى الماء 2 لكن كل واحدة منفردة مع الاكسيجين
الارقام فيها غلط او مافيهاش فالطبيعى انى ماليش دعوة دى مشكلة المصحح و الى حط الامتحان انا بشتغل على الارقام الى قدامى
شكرا

[فارس عصره]

ياجماعة تتوقع الأول هيجيب كام %

[mo7mag]

الاول حيجيب 80% :]

[الخاشعه لله]

لالالالالا المساله مش غلط هو مش هيجيب الانصاف الحقيقه ال احنا حفظنها هو لازم يغير بردو

[mohamed akl]

ياجماعة معنى انه يقول طول الرابطة يبقى يقصد رابطة واحدة بين o ,H ومينفعش اقسم على اتنين ولكن لوكان عايز نقسم على اتنين كان قال طول الروابط والمفروض انه يقول طول الروابط عشان دى قيم ثابته يعنى نصف قطر الهيدروجين لازم يساوى 3, ,يعنى الغلطة عنده هو مش عند الطلبة يعنى مينفعش نقول دى فيها فكرة نقول دى فيها غلطة انت المفروض بتفهم مش بتحفظ القيم ومادام الغلطة عندهم المفروض يعملوا الإتنين صح ويتحملوا غلطهم دا مستقبل طلبة ده ومش دى المسألة المستاهلة يعنى

[عمرو ال]

الاول والله مش هيقل عن 99% وممكن اكثر يا جماعه الاوائل مش بتفرق معاهم الحاجات دى وافتكروا امتحان الفيزياء من سنتين كان عامل ازاى ورغم كده اول الجمهوريه كان معدى الميه بالمستوى الرفيع ومتقسى صعوبة او سهولة الامتحان على نفسك الا اذا كنت انت اول الجمهوريه

[البحبحانى]

ياعم المسالة صح

[الأستاذ أحمد دياب]

أنا مش هقول تعليقي على السؤال لكن هنقل تعليق الأستاذ جمعة الدهشان وبعدين أعلق
دا تعليق الأستاذ جمعة
فى السؤال الرابع
ب -
مسائلة حساب نصف قطر الذره فى الهيدروجين
اولا " هذه المسائلة ذكرة اول مره من 10 سنوات فى كتاب المراجعه النهائية للمثالى
واعترضنا على نصها كلنا
الماء به رابطتان الزاويه بينهما 104.5 كيف تطلب من الطالب ان يطرح طول الرابطه فى جزئ الأكسجين من طول الرابطه فى جزئ الماء 1.96 - 1.36 = 0.6
فينتج طول الرابطه فى جزئ الهيدروجين ثم يقسم على 2 لينتج نصف قطر ذرة الهيدروجبن = 0.6 /2 = 0.3 إنجستروم
كان الاولى اذا اردت ذلك ان توضح للطالب انك تقصد طول الرابطه بين ذرتى الهيدروجين عبر ذرة الاكسجين أو ترسمها له لأنه بالطبع سيظن أن السؤال بقصد طول الرابطة بين أيون اكسجين وأيون هيدروجين
واذكر مثال ماذا لو قلنا للطالب طول الرابطة فى رابع كلوريد الكربون طبيعى سيكون المقصود بين الكربون واحد ذرات الكلور . لماذا هنا سيفهم الطالب اننا تقصد طول الرابطة فى جزئ الماء ككل !!!!!!!!!!!!!!!!!!!!!
كيف نقول للطالب ان الزارية بين الرابطيتين فى جزئ الماء 104.5 ونأتى فى الإمتحان ونقول له طول الرابطه فى جزئ الماء 1.96 وعليه ان يعتبر انه رابطه واحده يشارك فيها الاكسجين بنصف قطره مع كل ذرة هيدروجين .تأتى بجزئيات لم يشار لها فى الكتاب المدرسى فى الامتحان وتلزم المدرس قى الفصل بالالتزام بالكتاب المدرسى


لماذا ذلك ؟؟؟؟؟؟؟؟؟

السلام عليكم
أنا أتفق مع الأستاذ جمعة تماما في جزئية مسألة نصف القطر
لأن السؤال بيقول طول الرابطة في جزيء الماء و ليس طول الرابطتين
يبقى المقصود طول الرابطة بين o و h = نق o + نق h
الخطأ عند واضع الامتحان
وكمان واضح ان فيه تسريبات للأسئلة لأن المسألة دي بالذات نزلت في الجرايد و بنفس الحل
و لأن خطأها واضح انا استبعدت ان تأتي بنفس الكيفية الغبية دي
ويجب على الزملاء في التصحيح أن يثيروا الموضوع لصالح الطلبة اللي فاهمين مش الحفيظة اللى حلوها زى ما هو عايز وبدون فهم صحيح

[وفاء سعفان]

طبعا فى ناس كتييير هتجيب مش اقل من 97% لكن الاول يجيب 99% لأ لأن الشطار لما حلو زى اللى اتقالهم طول السنة هينقصو بسبب واحد مش فاهم حاجة حاطط الامتحان والفيزياء ماكنش فيها أخطاء لكن الكيميا السنة دى فيها وهى المادة الوحيدو اللى هينقصوا فيها بسبب المسألة الحقيرة دى طبعا الى جانب التعبير فى العربى