لأول مرة فى مصر .... إنتخابات حرة ونزيهة ... إنتخب بدون بطاقة إنتخابية

[ahmedkuwit]

حسني مبارك

والمقوله الشهيره :- اللي نعرفه أحسن من اللي منعرفوش

[مريم عمر عادل]

يعنى بصراحه الى كل واحد حينتخب مبارك يجاب على الاسئله دى ؟؟
عجباك عشتك ؟ راضى عن حكم مبارك الفاسد...
بتحب بلدك وعايزلها الاحسن ؟
بتحب مصر ولا لا
يرضيك اللى بيحصل لطلاب الثانويه العامه كل سنه؟
يرضيك دخول اسرائليين للحفر عن اسراهم فى سيناء
ومبارك نيم فى العسل .... واين اسرانا الشهداء ؟؟
البردعى مجرد موظف دولى لا يحق له التدخل فى سياسات امريكا
ليس له صله بضرب العراق ؟؟
البردعى : انتم ذهبتم للجهه الخطىء لماذا عندما قمتم بتوقيع الحد من انتشار الاسلحه النوويه
لم تمضى اسرائيل معكم ؟؟؟
البردعى رجل علم لديه الخبر الكافيه للنهضه بالدوله غير ذالك انه حاصل على نوبل للسلام ..
وهو ايضا مواطن مصرى يحب بلده ...
البردعى الامل القادم لهذه البلد حتى ينهض من جديد من موتها الذى بات اكتر من اربعين سنه
وتعود الى الحيا ه تعود عظيمه كما كانت قويه كما تعودنا عليها ؟؟؟؟؟
البردعى لا تتركنا !!!

[BaNZeR]

استاذة مريم عذراً
ألا ترين أن هناك بعض السقطات في كلماتك ؟

المشاركة الأصلية كتبت بواسطة مريم عمر عادل

يرضيك دخول اسرائليين للحفر عن اسراهم فى سيناء
ومبارك نيم فى العسل .... واين اسرانا الشهداء ؟؟
البردعى مجرد موظف دولى لا يحق له التدخل فى سياسات امريكا

الرد على الجمل دول هو جملتك الاخيرة برده
اللى حيحرر اسرائيل اللى ضرب اسرائيل قبل كده ولا اللى شغال مع حلفاء اسرائيل ؟

المشاركة الأصلية كتبت بواسطة مريم عمر عادل

البردعى رجل علم لديه الخبر الكافيه للنهضه بالدوله غير ذالك انه حاصل على نوبل للسلام ..
وهو ايضا مواطن مصرى يحب بلده ...

هو أي واحد معاه شوية علم يبقى بيعمل كل حاجة في الدنيا؟
ولا العلوم لا تندرج تحتها ما يسمي بالعلوم "السياسية" وهي تختلف عن العلوم "النووية" كثيرا؟

البردعى الامل القادم لهذه البلد حتى ينهض من جديد من موتها الذى بات اكتر من اربعين سنه
وتعود الى الحيا ه تعود عظيمه كما كانت قويه كما تعودنا عليها ؟؟؟؟؟
البردعى لا تتركنا !!!

ابقو قابلوني

[صوت الامة]

البراااااااااااااااااااااااااااااااااااااااااااااا اااااااااادعى

[مس رانيا حسن]

السلام عليكم ورحمة الله وبركاته
اولا ارحب بحضرتك استاذى الفاضل
منور الموقع والقسم العام كله
ثانيا بالنسبة للتصويت
انا لا ارشح اى منهما
اتمنى وجود رئيس فى جرأه عبد الناصر
وذكاء السادات وصبر مبارك
فى امان الله

[sony bony]

طبعا الترشح لمباااااااااااااااااااااااااااااااااارك بدون نقاش

[مستر/ عصام الجاويش]

اذا كانت الانتخابات بين السيد جمال مبارك والدكتور البرادعى ساختار الشاب الطموح جمال مبارك بالتأكيد لانه اكتسب خبره اداره البلد من الرئيس مبارك بارك الله فى عمره

[vampire1188]

احلي حاجة انكوا عمالين تتناقشوا في جمال ولا البرادعي وكدا كدا بعد شهرين ولا تلاته

هاتتلاقوا حسنى مبارك طالع وبيعلن ترشيح نفسه عن فترة رئاسية جديدة !!

حد فيكوا يقدر يقولي التعديل الدستوري اتعمل ليه ؟ .. اكيد طبعا عشان انتخابات 2011

دكتور البرادعي فيه سلبيات وعيوب وفي نفس الوقت فيه مميزات

العيوب :

1- راجل مقضي نص حياته بره مصر .. ومش عايش فيها ولا شارب من نيلها

2- فكر غربى الى حد كبير .. ودا كان واضح في اللقاء اللي عمله مع منى الشاذلى في العاشرة مساءاً

3- داخل مصر وايده فاضيه .. بمعنى ان مافيش كوادر هوا معتمد عليها في حالة تنصيبه رئيس لمصر

المميزات :

1- راجل ليه علاقاته الدبلوماسية مع العالم كله بحكم رئاسته لهيئة الطاقة الذرية

2- درايته بمجريات الشئون السياسية في العالم (يعني فاهم وواعى كويس للي بيحصل)

لكن لو جيبت واحد زي جمال مبارك .. انا شايف ان دا اصلا لسه شاب

وماوصلش لدرجة النضج اللي تخليه يمسك رئيس لمصر

غير كدا مش عشان هوا تربى في بيت الرئاسة يبقى دا معناه انه يطلع رئيس جمهورية

طب مانا ابويا مدرس .. هل دا شرط كافى عشان اطلع انا كمان مدرس ؟!

واديني دخلت تجارة مع ان كان قدامي كلية الاداب

وفي الاول والآخر هارجع واقول حسنى مبارك هوا اللي هايكمل لغاية مايلقى وجه الكريم

وكعادة كل انتخابات بتحصل .. العملية هاتتظبط والاربع او الخمس ايام بتوع الانتخابات هايجروا زي الصاروخ

والمشرف ع الانتخابات يطلع ويقول الفائز بالانتخابات محمد حسنى مبارك وييجيب شوية ارقام وتخلص الليلة على كدا

وكل سنة وانتوا طيبين !

[الشفق الباكي]

رأيى
لا دا ولا دا
مجرد رأى
الاتنين ماينفعووووووووووووووووش

[شمس بياض]

بسم الله الرحمن الرحيم
اهلا بحضرتك استاذى الفاضل
واتمنى ان تكون فى اسعد حال
وكل عام وحضرتك والمسلمين بالف خير

ثانيا
انا لا انتخب ايا منهم فلا احد منهم يصلح
لاجمال ولا ابو ه ولا البرادعى اللى مانعرفشى اى شئ عنه غير انه واحد من اصحاب
العلم فى القانون ونال جائزة نوبل
المهم

ياريت نجتمع على حد احنا اللى نرشحه بنفسينا ونقوله تعال تحمل المسئوليه
وارشح بشدة

عمرو موسى
مين معى ؟؟؟فى ذلك
تحياتى لشخصكم الكريم

[ahmedkuwit]

انا نفسي أعرف اللي بيقول الرادعي هو يعرف ايه عنه غير العلم ده عايش طول عمره بره

مفيش غير في بطاقته او باسبوره بس الجنسيه مصري غير كده مفيش

هو شكله فلس فقالك لما أجي اسرق من مصر شويه هي جات عليي يعني خصوصا بعد ما ساب الوكاله

احذروا ولا تغركم الشعارات الكذاااااااااااااااابه والمنظره

[kalefam]

ماذا فعل جمال لمصر ؟
ماذا فعل البرادعى لمصر ؟

[الاستاذ على الدين يحيى]

فى أمريكا وفى أحد الانتخابات
أنتخب الشعب الأمريكى ممثل !! ليكون رئيساً
رونالد ريجان .... وأصبحت أمريكا فى عهده أقوى مما كانت فى كل شيئ
ونحن مازلنا نقول اللى نعرفه أحسن من اللى منعرفوش !!!!!
الانتخابات معناها أن نأتى برئيس فإذا لم يعالج مشكلاتنا ننتخب غيره وهكذا
كل مرشح بيكون له برنامج بيقدمه وننتخبه على أساسه
مثل الرئيس مبارك نفسه كان له برنامج انتخابى ... فهل تحقق هذا البرنامج أم لا ؟
إذا كان قد تحقق فلنا أن ننتخبه لفترة ثانية ( وأؤكد هنا على كلمة ثانية ) وليس مدى الحياة
وإذا لم يكن قد حقق البرنامج فليذهب معززاً مكرماً وليأتى غيره ممن يستطيعون القضاء على الفقر والفساد والديكتاتورية وغيره
بذلك فقط نتقدم
ــــــــــــــــــــــــــــــــ
تقبلوا تحياتى

[سمير الجابرى]

اين الاختيار الثالث؟؟؟؟؟؟؟؟؟

[ASHASH666]

و الله كل اللى هيصوت
و لا يعرف ده و لا يعرف ده
كله على السمع بس الله أعلم