اختبارات "الكادر" تتحول لمظاهرة للمعلمين

[مدرسة رسم]

ياجماعة دي مناقشة مش خناقة واذا كنا مش بنحترم بعض الوزارة هاتحترمنا؟! ياريت اسلوب كلامنا يكون احسن من كده دا احنا صناع الاجيال مش كده ولا ايييييييييييييييييييه؟؟؟؟؟؟؟؟؟؟؟؟؟؟؟

[mahmood1888]

الحمد لله
انا سعيد جدا لمستوى الحوار وعرض اسلبيات والايجابيات وتوضيح الامور والله انا بقراء كل المشاركات وشايف رقى وزوق واحترام من اعضاء المنتدى العظيم
والى الامام دوما وربنا يهدى بعض القله من المعلمين الذين يتكلمون ويتهجمون بدون اى سند وبدون اى منطق وارى فى كلامهم انه كلام خاوى من الهدف خاوى من الجدية والمنطق
وارى بعض المعلمون يتكلمون وهم فعلا على قدر كلمه معلم يتكلمون بالحجه والمنطق والصدق
وفقكم الله وسدد على طريق الخير خطاكم
وتمنياتى للجميع بالتوفيق

[أحمد حسني خالد يونس]

أولا كل سنة و المدرسين بخير و الكادر في رأيي غسول للصدأ الذي تراكم على أمخاخنا و مش عيب نمتحن و نتعرض لتجربة النجاح و الرسوب فلسنا آلهة أو معصومين و يجب أن نرتقي بمستوى الحوار بيننا و أن تكون العربية محور الحديث بيننا و مش ح يكبرنا إن كل واحد منا يقول للتاني يا مستر خلوا دي للطلبة انت معلم و مربي و الفرنجة مش ح تزودنا بالعكس و كل امتحان نمتحنه و احنا في خير و عافية

[Rahalah]

ألم تنشر اليوم السابع من قبل خبر ال 300 سؤال ؟ و طلع الخبر زى ما إحنا كلنا عارفين !!

[als3eedy]

انا امتحنت فى جامعة جنوب الوادى بقنا وكانت اللجان منظمة وكل واحد عرف مكانه بسهولة ويسر ولم يكن فيه غش باللجنة التى أديت فيها الامتحان والله العظيم كانت لجنة صعبة جدا والدكتور عاملنا كما لو كنا طلبة صغيرين المعاملة سيئة شخط ونطر وزعيق واستفزاز بطريقة غريبةرغم انه دكتور كبير فى السن المفروض يكون ذوق لكن الدكاترة الشباب هما اللى ذوق بصراحة

[ayadooo]

المشاركة الأصلية كتبت بواسطة aborim

ألم تنشر اليوم السابع من قبل خبر ال 300 سؤال ؟ و طلع الخبر زى ما إحنا كلنا عارفين !!

السلام عليكم
فعلا كانت جليطة وكذب فاضح من صحفي جاهل في اليوم السابع
كله بامر الله
جزاكم الله كل خير
عياد محمد
مدرس اول لغة انجليزية

[يورانيوم236]

المهم عايزين نعرف النتيجة امتى

[حسن شرايف]

يا أساتذة كل واحد بيعرض وجهة نظره من خلال تجربة عاشها شخصيا المهم أننا نحترم كلامه واسلوب الرد عليه كده لازم يكون بإحترام هو ليه التعصب ده فيه ناس خايفة على سمعتها بين الناس وناس محتاجة لفلوس الكادر ظروفها صعبة وناس موش فارقة معاها أعصابها مرتاحه المهم لازم نتكلم فى مواضيع أحسن من كده وطريقة أحسن من

[نبض بلا روح]

نرجو للجميع الخير و الاختلاف فى الرأى لايفسد للود قضية
و أن نكون ذوا صدور رحبة
لتقبل الرأى و الرأى الآخر
دونما إخلال أو تدنى فى أسلوب الحوار تقبل سلامى

[Mr.Hani]

امر طبيعى جداً

طالما المعلمين جلسوا فى مقاعد الطلبة

وليس في ذلك اى وجه للإستغراب

[محمد مفضل]

في الاسكندرية سارت الامور طبيعية وكل واحد دخل اللجنة بسهولة وكان الغش علي عينك يا تاجر والامتحانات بالاجابات معانا وكان الحل بين المدرسين يعتمد علي الحل التعاوني
فقد جلس خلفي الموجة الاول وكان يطلب من المدرسين يغشششوه . ده كلام
واخيرا اقدم كل الشكر للمنتدي الذي اتاح لنا التعرف علي الاسئلة وخاصة الاستاذ جمال الذي حل التربوي علي الموقع وجزاكم الله خيرا علي هذا المجهود