خبر خطير جدا ( مكالمة الموت ) .. أرجو الدخول

[EL-leader]

ياجماعة خلوا عندنا شوية عقل ونفكر فى الموضوع بشوية منطقيه
اولا شكرا لاخى بندق 2007 على تحذيره لنا وانا مش بقول ان حضرتك بتالف ولاحاجه
لكن حضرتك سمعت الخبر زى كل الناس الى سمعته
وانا عاوزه اقولكم رائى دا لو سمحتم
ان الشخص الى بيوصله المكالمات دى بيتوفى بعد عشرة ايام
انا عاوزة اعرف مين بقى الى شخص الحالة وقال انه اشعه ضاره ومميته جت له من رقم موبايل وازاى عرفنا السبب بالسرعه دى
التقدم فى مصر للدرجه دى ولاالشخص الى وصلت المكالمه لما راح للدكتور وساله عن سبب الى حصله المريض قاله اصلى يادكتور رديت ع التليفون النهارده الصبح
ولا الى مات ده بعد مامات جه لحد فى المنام وقاله

انا عن نفسى بقول انا الموضوع ده مش ليه اى اصل من الصحه
وهو مجرد افتكاسه من الشعب المصرى

[Golden Eagle]

هو كتير من الناس اللي ردت سخنت ع الراجل ليه أولا ً الحكايه دي ممكنه ولا لأ ؟؟؟؟؟ الموجات اللي ليها طاقه و خصوصا ً لو كانت فوق سمعيه ( مش هاتسمعها ) هاترد مش هاتسمع حاجه بس ليها تأثير مدمر العقل بيقول إن الحكايه دي ما لهاش لازمه فعلا ً ماهو لو واحد عايز يدمر مصر ( زياده عن كده يعني ) مش هايتصل بالشعب واحد واحد بس هيا كل جريمه بيعملها واحد عاقل ؟؟؟؟ يمكن واحد مختل عقليا ً و العدد القليل بيأكد أنه واحد مش مجموعه يعني ممكن يكون من غير دافع ( مرض عقلي ) حتي لو كان الكلام ده مش داخل دماغك يا أخي الموضوع مش عاجبك سيبه و إمشي " من كان يؤمن بالله و اليوم الآخر فليقل خيرا ً أو ليصمت " أما موضوع الخبر هو من إمتي شعب مصر بيعرف الحقيقه كامله ؟؟؟؟؟ و من إمتي المصادر الأمنيه علي درجه عاليه من " الشفافيه " بحيث إنها تقول كده ؟؟؟؟ يا ريت نتقي الله شكرا ً ع التحذير يا أستاذ بندق

[مستر حاتم فتحي]

اخوتي في الله السلام عليكم اولا وان كان الاساس العلمي لهذه المعلومه غير ممكن الحدوث الا انننا وثقه في صلاح نيه الاخ صاحب التنبيه يرجي المرور بالموضوع كراما من استحسن فليشكر ومن امتعض فلا اقل من توجيه طيب او سكوت لطيف ادام الله حبكم في الله

[BaNZeR]

المشاركة الأصلية كتبت بواسطة Golden Eagle

هو كتير من الناس اللي ردت سخنت ع الراجل ليه أولا ً الحكايه دي ممكنه ولا لأ ؟؟؟؟؟ الموجات اللي ليها طاقه و خصوصا ً لو كانت فوق سمعيه ( مش هاتسمعها ) هاترد مش هاتسمع حاجه بس ليها تأثير مدمر العقل بيقول إن الحكايه دي ما لهاش لازمه فعلا ً ماهو لو واحد عايز يدمر مصر ( زياده عن كده يعني ) مش هايتصل بالشعب واحد واحد بس هيا كل جريمه بيعملها واحد عاقل ؟؟؟؟ يمكن واحد مختل عقليا ً و العدد القليل بيأكد أنه واحد مش مجموعه يعني ممكن يكون من غير دافع ( مرض عقلي ) حتي لو كان الكلام ده مش داخل دماغك يا أخي الموضوع مش عاجبك سيبه و إمشي " من كان يؤمن بالله و اليوم الآخر فليقل خيرا ً أو ليصمت " أما موضوع الخبر هو من إمتي شعب مصر بيعرف الحقيقه كامله ؟؟؟؟؟ و من إمتي المصادر الأمنيه علي درجه عاليه من " الشفافيه " بحيث إنها تقول كده ؟؟؟؟ يا ريت نتقي الله شكرا ً ع التحذير يا أستاذ بندق

كلام مقنع تماما

[the black rose]

انا فعلا سمعت عن الموضوع ده
و اكتر من حد قالى
بس متفرقش صح ولا لاء
انا مش مصدقة ولا مكدبة
بس اهى معلومة لو حد جاله المكالمة دى يبقى عارف
شكرا يا استاذ بندق

[بندق__2007]

ميرسى للناس اللى مرت

حابب بس أقول شوية حاجات

ميرسى جدا لـGolden Eagle على الكلام اللى بجد عاقل و مؤدب و مقنع

ميرسى برده للسيد درويش و حسام تراب على الأسلوب الكويس اللى اتكلموا بيه

و ميرسى لايمان سمير على المرور و ده كلام العقل

و ميرسى لأشرف اللى جابلنا من مصراوى نفى وزارة الداخلية



و الموضوع مش فبركة يعنى و لا انا حلمت بيه و لا حد جالى فى المنام و لا حاجة يعنى يا بشرية

و لا اتهبلت و بنشر إشاعات و لا تفكيرى من عصر الديناصورات و لا حاجة برده

الداخلية اعترفت بإصابات دماغية فى قنا و القاهرة فى عمال شركة إنبى

بسبب تانى أى نعم و الحمد لله انها بسبب تانى

و لكن فيه حاجة .................... كان فيه شك و كلام و حاجات

مش فبركة

و انا قولت ناخد حذرنا بس

لا الموضوع صح و لا غلط

و لكن الناس اللى فى دمها الفذلكة

و الناس اللى غاوية تتكلم و تثبت أنها المتقدمة فكريا و إن الناس التانية ( اللى هى انا يعنى ) متخلفين

الناس دى عندها هواية اسمها تعيب على الناس و تفتى فى كل حاجة و تتكلم و تنقد على الفاضى و المليان

عموما ميرسى ليكى كلكم

و أنا تانى و تالت و رابع كنت بحذر مش بنشر خبر

[محمود حسن عبدالعال]

انا مش مصدق
بس على الاقل ادينا عرفنا ولازم ناخد حذرنا
بضه الاحتياط واجب

[محمود حسن عبدالعال]

انا مش مصدق
بس على الاقل ادينا عرفنا ولازم ناخد حذرنا
برضه الاحتياط واجب

[مستر احمد يحيى]

جزاك الله كل خير
على خوفك على الاخرين
ولكن لى طلب عندكم
التاكد اولا من صحه الخبر
وهذا ما طلبته من مجلس الاداره
عند نشر مثل هذه الاخبار
لابد من توثيقها بالمصدر والادله
حتى لا نتعرض للقيل والقال
شكرا لك
وتقبل مرورى

[mr Ibrahim eid]

شكرررررررررررررا بندق على نقلك للمعلومة انا لسة حالا اعرفها فى جنوب سيناء

سؤالى اليك ماهو مصدرك لهذة المعلومة؟

و ما أكد لى أكثر أن 4 أشخاص أعرفهم طالتهم مكالمة الموت هذه

2- انت قلت فى كلاماتك هذا الكلام

هل فعلا تعرف 4 اشخاص ادركهم مكالمة الموت ؟ ممكن نعرف من هم ومن اى بلد؟

ارجو الرد على سؤالى ولك الشكر................................... هكذ ا نحدد المشكلة / مصادرها / حتى نتحقق من الامر

[عماد مصطفى]

شكرا يا أخ بندق على التحذير لكن أود أن أوضح نقطة وهى أن التليفون المحمول وغيره من الاجهزة السمعية اللاسلكية تعمل بالأمواج الكهرومغناطيسية فعلاً وأنها لها تأثير على المخ وغيره من أحهزة الجسم على المدى الطويل وكذلك فالموجات الفوق سمعية موجودة حولنا ولكن الأذن لا تتاثر بها يعنى كدا الضرر واقع واقع لا محالة وخاصة لما تكون ساكن فى عمارة فوقها برج تقوية ارسال الشبكة الخاصة بأحد الشركات وفى اعتقادى الشخصى أن الأولى فى الضرر يكون للبنى آدمين القيمين بجوار هذه الشبكات والمعرضين لها ليل نهار مش من مكالمة تليفون ومرة تانية شكراً على التحذير ونصيحة اللى تجيله مكالمة زى دى يفتح الاسبيكر ويسمع من بعيد ( مش تريقة والله )

[بندق__2007]

المشاركة الأصلية كتبت بواسطة sina son2

شكرررررررررررررا بندق على نقلك للمعلومة انا لسة حالا اعرفها فى جنوب سيناء

سؤالى اليك ماهو مصدرك لهذة المعلومة؟

و ما أكد لى أكثر أن 4 أشخاص أعرفهم طالتهم مكالمة الموت هذه

2- انت قلت فى كلاماتك هذا الكلام

هل فعلا تعرف 4 اشخاص ادركهم مكالمة الموت ؟ ممكن نعرف من هم ومن اى بلد؟

هم أصدقاء أحد أقربائى فى العمل و قريبى هذا هو من أبلغنى فورا بهذه المعلومة

و هم فى العناية المركزة بالقاهرة

و بعد فحصهم بالأشعة المقطعية

تبين أن هناك تأثير بالغ و قوى على خلايا المخ

و بسؤال الطبيب لهم

قالوا انهم الأربعة تناقلوا مكالمة محمول

و من هنا قمت بالتحذير

ارجو الرد على سؤالى ولك الشكر................................... هكذ ا نحدد المشكلة / مصادرها / حتى نتحقق من الامر

شكرا على المرور و ما أردت إلا التحذير بعيدا عن صحة أو بطلان الخبر

لن نخسر شئيا

[saiedepied]

معلش يا اخ بندق انا مش با أكذبك انت ولكن با اكذب كل مثل هذه الاشاعات وانا فعلا قرأت عن هذا الأمر وكذبه موقع مصراوى وكذلك كذبه الكثيرون من عقلاء وعلماء الأمه دا يبقى أخطر من القنبلة النوييه وبعدين هذا الأمر ظهر فى شركة انبى وانا لى صديق يعمل هناك ونفى صدق هذا الخبر تماما

[بندق__2007]

يبقى العملية كدة وضحت

و ميرسى يا استاذنا استاذ سيد

و انا غرضى و الله كان التحذير مش اكتر

الاحتياط واجب

[عاشقة الموج]

شكرً الموضوع يستحق البحث و الفحص و التمحيص ...


العلم ليس له كبير, ممكن نعم للموضوع ,ممكن لأ.


المهم شكراً للتحذير .. و جزاك الله خير...