|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
13-03-2009, 01:15 AM
|
||||
|
||||
ههههههههه والله ياجماعة بكلامكم ده افتكرت مشهد
العظيم نجيب الريحانى لما الموظف كان بيقول له روح يانوفمبر تعالى ياديسمبر . يعنى واضح اصلا ان الروتين ده من زمن الأبيض والأسود . مش عارف يقى هل ده عوامل وراثية ولا كسل وخمول ولا نقص رقابة ولا نقص ضمير ولا كل الأسباب . المهم ماتهتميش اوى بالموضوع ده لأنه هيحصلك كتير وكل روتين وانتى طيبة . وعلى رأى الشاعر اللى بيقول لايأس مع الحياة ولاحياة لمن تنادى |
|
#2
29-03-2009, 02:29 PM
|
||||
|
||||
اقتباس:
شكراً على الكلام الحكيم ده
 نورت الموضوع
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#3
13-03-2009, 02:31 AM
|
||||
|
||||
|
.. احم .. احم ..
.. الرد الثاني على التوازي في هذا الموضوع .. .. كان فيه مسلسل عربي ( غير مصري) كان فيه واحد رايح مصلحة حكومية .. .. وبعدين كل ما يروح مكتب يلاقيه فاضي .. .. ومتعلق ورقة مكتوب عليها .. " احتمال أكون في الدور الثالث واحتمال أكون في الدور السادس " .. الراجل يا عيني يطلع الدور اللي كان مكتوب يدور يلاقي ورقة تانية .. "احتمال أكون بالدور الخامس .. واحتمال أكون بالسابع .. وهكذا .. .. يروح يدور تاني .. .. و النتيجة .. " احتمال أكون موجود .. واحتمال ما أكون موجود " .. لحد بعد ما الراجل ده قعد يلف في هيئة الاحتمالات دي .. تعب ورجع البيت .. .. ابنه : أبوي (سوري أصله مسلسل خليجي).. .. الوالد : أبوي !! .. احتمال أكون أبوك .. واحتمال أكون أمك .. .. حاسة إني كتبتها لخبطيشن .. 
__________________
 أَسْتَوْدِعُكُمُ اللهَ الْذِي لا تَضِيعُ وَدَائِعَهُ ،، و دُمْتُمْ بِحِفْظِ اللهِ ،، |
|
#4
13-03-2009, 03:00 AM
|
|||
|
|||
|
ف اول السنة
كانت الفصول عندنا لسة بتتظبط وبنات بتتنقل وحاجات كدة وكان كل ما حد يحب يوصل حاجة للوكيلة يبعتنى  جيت ف مرة روحتلها عشان الانقسام عندنا فيه بنات مش لاقية فصول تحضر فيها نزلتنى للمستر اللى بينظم الجدول قام مطلعنى ليها تانى وهكذا حوالى 5 او 6 مرات ( طالعة نازلة والجو حر لوحده اصلا ) وكل حد يقولى انا ماليش دعوة .. انا مظبط شغلى على كدة روحى قوليله المفروض يعمل كذا كذا كذا اللى يغيظ بقى انها لو نقلت البنتين فصل تانى الموضوع هايتحل واللى يغيظ اكتر ان انا ماليش علاقة بالموضوع اصلا  ومن كام يوم روحت اغير المواد الاختيارية ف الاستمارة قالتلى انتى لسة فاكرة .. مع انها قبل كدة قالتلى تعالى ف الترم التانى !! طبعا مارديتش عشان دى تعتبر قلة ادب وبجاحة لو قولتلها حاجة زى كدة  ف اتكتمت وباسألها المفروض اعمل ايه ؟ بتقولى انتى جاية تسألينى اومال اسأل مين يعنى وفضلت تتريق على كل كلمة اقولهالها كانت ف المود اليوم ده ومازع***يش كالعادة يعنى  بس على فكرة فيه ناس كويسة برضو |
|
#5
25-03-2009, 05:58 PM
|
||||
|
||||
حديث المدينة
الأسبوع السادس علشان ختم البطاقة بعد شراء ورقة بطاقة جديدة وتغيير العنوان
الطالبة : لو سمحتى عايزة أختم ورقة البطاقة الموظفة : ورينى الورقة الطالبة : إتفضلى الموظفة ( بعد طول إنتظار ) : طيب تعالى خديها يوم الحد الجاى الطالبة : ماينفعش دلوقتى ؟؟ الموظفة : لا طبعاً الطالبة : طيب شكراً :::::::::::::: الأسبوع السابع الطالبة : عايزة ورق البطاقة الموظفة : اسمك الطالبة : مها ..... الموظفة : امسكى الطالبة : طيب لو سمحتى فين السجل المدنى فى الجامعة الموظفة : عند حاسبات الطالبة : فين بالظبط ؟؟ الموظفة ( عاملة نفسها مش سامعة ) ومشيت إفتكرت إن فى مبنى صغير جمب حاسبات من عند باب الجامعة قلت يمكن هو رحت ولقيت امة لا إله إلا الله و أنا داخلة مع صحبتى لقيت راجل كبير خارج بيلعن اليوم اللى إتولد فيه و صوت واحدة مفترية جوا بترمى جزم من لسانها ( سورى على التعبير بس دا مايجيش حاجة جمب اللى سمعته ) بصراحة أنا إترعبت من قبل ما أدخل بس قلت هخلص البطاقة يعنى هخلصها دخلت و لقيت ست كده بسم الله ما شاء الله طول بعرض قاعدة على مكتب وادامها ست كبيرة عمالة تكلمها اكنها بتحاكمها على جريمة *** أتاريها نسيت وصل نور المهم لقيت بنت بتديها ورق البطاقة مختوم طبعاً و الحوار تم هكذا الموظفة : فين شهادة الميلاد الكمبيوتر ؟؟ الطالبة : ماجبتهاش الموظفة : ولا وصل نور ولا ميه؟؟ الطالبة : لا الموظفة : ولا صورة كارنيه الجامعة ؟؟ الطالبة : لا الموظفة ( وهى زى الفحمة المولعة ) : امال ايه اللى يثبت انك فى الجامعة الطالبة : هى مش الورقة مختومة من الشئون يعنى عارفين إنى فى الكلية يبقى لازمتها ايه كل الطلبات دى ( الفاتحة على روح البنت يا جماعة ) طبعاً الموظفة مسحت بيها بلاط المكتب المهم بعد معركة طويلة دخلوا مجموعة بنات عليها علشان واحدة بس فيهم تتصور مش عايزة أقولكم إنها مرمطتهم المهم كلمت واحدة من البنات سألتها هى عايزة ايه غير ورق البطاقة فا قالتلى شوية طلبات وبعدين ببص على الباب لقيت الورقة هى مش ورقة دى لستة طلبات مليون طلب وطلب وكلهم من وجهة نظرى ولا ليهم أى لازمة و خرجت مخنوقة ومضايقة من اللى بيحصل فينا ده ماكنتش بطاقة اللى تخلى اللى يسوا واللى مايسواش يتحكم فينا كده فكرت أطلع لمكتب دكتور فتحى الشرقاوى والبطاقة تتعملى على طول بس أخدت بعضى ومشيت وتوتا توتا مافرغتش الحدوتة وحشة ولا ملتوتا ؟؟
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#6
25-03-2009, 06:25 PM
|
||||
|
||||
|
ههههههههههههههه
موضوع جميل والله يا مها وفعلا دا الى بيحصل الروتين بتاع الحكومه دا عقيم ومتخلف جدا مش عارف هتفضل لحد امتى كدا انا حصلت معاايا الحكايات دى وانا بعمل الكارنيه وعملته خلاص وجيت بعد اسبوعين استلموا مش راضيين مع ان الكارنيه عالمكتب وشايفه بس مش راضيين يسلموا كارنيهات لحد عشان مشغولين فى الحكاوي واللب فانا ريحت دماغى وجبت الفراش بتاع الشاى اديته خمسه جنيه جابلى الكارنيه وفوقيه كوباية شاى كمان بلا وجع دماغ  ً
__________________
 تعبان بجد لو فيه حد لسه بيحبنى ياريت يدعيلى ان ربنا يهدينى |
|
#7
26-03-2009, 08:11 AM
|
|||
|
|||
|
ما شاء الله فيلم هندي بقصة مصرية
ايه ده ؟ ده كتير اوي اي الهدوء والاستكانة اللي انتوا فيها دي يعني لو انتوا لسه في المدرسة كانت المعاملة احتمال هتكون اشيك من كده بس في الجامعة الوضع مختلف لان لكي حقوق ،ده متهيالي خلوكي تلفي الكلية كعب داير ايه اللي بيحصل ده ؟لامتى هنفضل كده لامتى؟بجد حاجة تحزن،ونقول هتنقدم امتى،احنا للاسف بنرجع لورا، و كما قال الشاعر: نعيب على زماننا والعيب فينا وما لزماننا عيب سوانا و عجبي!!!!!!!!!!!!!!!!!!!!!!!!!!!!!! بصي يا اسيل لو انتي اللي كاتبة النص ده بالفعل فبجد لكي مستقبل باهر ،افيهاتك جميله وظريفة،دوري على منتج ومخرج وياما تعملي فيلم قصير بس من نوع الكوميديا السوداء ،او مسلسل سيت كوم وسيبك من علم النفس، ولا اقولك كملي عشان احتمال احتاجك تعالجيني ،هههههههههههههههه ربنا يقويكوا عليهم تحياتي |
|
#8
29-03-2009, 02:16 PM
|
||||
|
||||
|
اقتباس:
منتج ومخرج إيه بس .. مش للدرجة دى
أشكرك على تعليقك على الموضوع وسعيدة إن إسلوبى عجبك
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#10
14-04-2009, 09:45 PM
|
|||
|
|||
|
هو دا للاسف اللى جايبنا ورا
امثال هؤلاء الموظفين العالة على كادر العمل اصلا اللى ميقدوروش يدخلوا مالباب من كتر التخن!!!!!!!!!!!!!!! والكسل والاكل اللى مش عاوزين يتعلموا حاجة اسمها ذوق او يمشوا مع روح العصر ويتعلموا ويطورا نفسهم ويريحوا نفسهم من الطرق التقليدية امبارح فى برنامج تليفزيونى صرح الاستاذ الدكتور وزير الصحة ان كتير من الموظفين يحتاج لتدريب وان كتير من اللى بيدرب اصلا يحتاج اصلا لتدريب يا ريت كل واد كدا يراعى ربنا فى شغله ويادى عمله بضمير عشان ربنا يبارك لنا فى القليل والله ويسيبه من الكلام الفارغ زى على قد فلوسهم - او هو انا يعنى هيدونى كام او ايه او الحاجات دى ياريت كل واحد يعرف ان فيه ربنا هيحاسبنا على الصغيرة والكبيرة هيحاسبنا على شغلنا وطريقة معاملتنا لغيرنا يا ريييييييييييييييييييييييييييييييييييييت!!!!!!!!!!! !!!!!! تقبلى تحياتى اسيل وشكرا لمواضيعك الهايلة انت بتجيبى المواضيع الشياكة دى منين تتش ووووووووووووووووووووود ربنا يبارك فيكى وبالتوفيق دايما
__________________
معلم نفسه ومؤدبها أحق بالإجلال من معلم الناس ومؤدبهم من أقوال أمير المؤمنين عمر بن الخطاب
رضى الله تعالى عنه |
|
#11
17-09-2009, 05:01 AM
|
|||
|
|||
|
فكرتينى يا مها باللى حصلى فى جامعة القاهره
انا بعتلك مسج سالتك عن التحويل لاداب علم نفس وبعد ما ردتى عليا رحت تانى يوم الجامعه عشان اشوف التحويا رحت اول حاجه شئون الطلبه الموظفين كل مااروح لشباك يقولوا شباك 4 وبعدين بعد شباك 4 روحى شباك 5 وبعد خمسه روحى شباك واحد1 وواحد يقولى روحى 5 اقولوا لسه جايه يقولى اعملك ايه يعنى مش عندى وفضلت على الحال ده كتير و بعدين بقى قررت ادخل لمدير شئون الطلبه لانى مكنتش فاهمه حاجه خالص لاقيت شاويش واقف على الباب بيقولى ممنووووووووووووووووووووووووووووووووع محدش بيدخل هنا روح على الشباك وفى الاخر طلعت لمبنى اداب ولاقيت دكتوره هناك سالتها قالتلى روحى مكتب التحويل المركزى ورحت مكتب التحويل قالولى التحويل الورقى بدا بس لسه ماجلناش قرار وزارى اننا نستلم اورق من حد ولما سالتها القرار هيجى امتى قالت الله اعلم اسالى يوم الاحد الاسبوع الجاى بس روحى اسالى فى مكتب التنسيق قولتلها طب ايه الاقسام المتاحه قالتلى اسالى فى شئون الطلبه فى الكليه وبعدين رحت مكتب التنسيق قالى الموظف التحويل ده هيفتح يوم الخميسواسالى فى الاقسام شئون الطلبه وبعدين رحت شئون الطلبه ولقيت موظفه حنت عليا وردت وقالتلى معرقش ايه الاقسام المتاحه اسالى فى مكتب التحويل وديه كانت مسئوله عن شئون الطلبه المستجدين المهم رحت بعد كده يوم الاحد لاقيتهم علقوا الاوراق المطلوبه وكنت واخده معايا كل حاجه عشان عرفه رخامة الروتين كنت واخده وصل نور معايا اخر واحد قالتلى ايه ده شهر 8 لا انا عايزه قديم يعنى شهر 3 وانتى نازله وبعد نصف ساعه جبتهولها قالت ايه ده مش باسم باباكى لا مينفعش قولتلها بابا مش فى مصر ومفيش وصل نور ولا ميه هنا باسمه قالتلى هاتى اثبات انه مسافر بره مصر ووصل جدك طالما عنوانك عليه وبعد ما سمعت كلامها وخليت بابا يبعت صورة الباسبور والتاشيره قالتلى ده مش اثبات سفر والله كنت هصرخ فى وشها طلعت للمديره بتاعتها وعملت موافقه عليه وبعدين سالتها على الاقسام قالت مش عارفه ارحعى شئون الطلبه ورجعت تااااااااااااااااااانى وسالت فى الاقسام لانى قررت ماقفش على شبابيك قالولى اسالى شئون الطلبه نزلت سالت وبعد كل كده وتعب 4 ايام رايح جاى فى الشمس والعطش فى اول رمضان تقولى الاقسام المتاحه ليكى هى اقسام انتساب بس هتدخليها انتظام لو كانت قالت من 4 ايام مكنتش روحت 4 ايان واجهز اوراق حسبى الله ونعم الوكيل والحمد لله عرفت اخيرا ليه حطين على شبابيك حديد معلش رغيت كتييييييييييييييييييييييييييييييييييييييييييييير |
|
#12
17-09-2009, 10:05 PM
|
||||
|
||||
اقتباس:
بجد صعبتى عليا .. ليه كل اللف ده أنا الغلطانة إنى قلتلك إلحلقى حولى  ماله تقشير البصل ؟؟ زى الفل والله بلا تعليم بلا وجع دماغ  يلا الحمد لله إنها عدت على خير و طلعتى منها سليمة ربنا يوفقك و يرحمنا و يرحمك من الروتين اللعين نورتى يا قمر
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#14
02-09-2009, 09:33 PM
|
||||
|
||||
|
موقف من عدة مواقف بتحصل انت : و الله أنا عايز أختم الورقة دىالواسطة .. تدخل على الموظف فى السجل المدنى الموظف : لا معلش لازم تجيب طابع بوسطة من المكان الفولانى و تجيب ورقة معتمدة من المصلحة الفلانية و معاهم حلة محشى من بتاعة الست ام سيد .. طبعاً انت تتعقد و تلعن اليوم اللى فكرت فيه إنك تمسك الورقة اللى عايز تختمها .. بعد أسبوع .. انت : أهلاً أهلاً إزيك يا برنس؟؟ قابلت فى الشارع واحد صاحبك من زمان حماده : الحمد لله و انت اخبارك إيه يا راجل مش بنشوفك ليه ؟؟ انت : و الله أنا دايخ بقالى شهر علشان أختم ورقة كذا كذا و كل ما روح يطلبوا منى حاجات ياما و أتخنق و أمشى حماده : يا راجل .. طب مش تقولى دا أنا عمى موظف فى السجل المدنى هناك انت : إيه ده بجد؟؟ حماده : أه و ربنا .. روح هناك و اسأل على أستاذ عبد الصمد و قوله أنا من طرف حماده ابن أخوك و هو هيعمل معاك أحلى واجب انت : طب كويس أنا من بكره هروحله .. تروح تلاقى نفس الراجل فى وشك ( اصطبحنا و اصطبح الملك لله ) انت : لو سمحت عايز أختم الورقة دى الموظف : اها لا دا انت هتروح قسم العجوزة تجيب سندوتشين طعمة و اتوصا بالجرجير .... و يرص القايمة بتاعته اللى مش بتخلص انت : طب لو سمحت عايز أستاذ عبد الصمد الموظف : أنا عبد الصمد .. أى خدمة يا سيدى انت : حضرتك عبد الصمد !!  الموظف : مالك مُندهش كده .. هو أنا طلعت فى السيما و أنا معرفش !! انت : لالا يا أستاذنا .. أنا من طرف حماده إبن أخو حضرتك الموظف : حماده .. يبقى انت أكيد حسنى صاحبه .. أمرنى  انت : الأمر لله وحده .. كنت عايز أختم الورقة دى الموظف : بس كده من عنيا دا أنا أخلصلك الورق كله .. كرسى لأستاذ يا مخيمر بسرعة و واحد شاى بفتلة و سكر الأسرة أوااااام انت : لالا مالهوش لزوم .. ربنا يخليك الموظف : إزاى بقى دا انت من طرف الغالى إبن الغالى و حسنى ختم الورقة و شرب شاى ليبتون فتلة و حط 3 معالق سكر الأسرة و خلص من الهم الأذلى بتاعه  يجرى إيه لو كل الناس يبقوا من طرف حماده ؟؟!!!
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#15
02-09-2009, 10:02 PM
|
|||
|
|||
|
هههههههههههههههههههه
انت جبارة يابنتي هههههههههههههه حكاوي زي العسل والله رغم ان روحك طلعت بس بجد بتحكيهم بطريقة لذيذة يابنتي دا حصلي لما رحت الكلية برده بس كنت بقدم بقي ودوخوني لحد لما كرهت نفسي واليوم اللي قدمت فيه للكامحة ان شاء الله المواضيع دي مش تتكررر معاكي
__________________
والحب له قوانين آخري..!
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 11:24 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
