|
|
|
#1
08-09-2013, 04:49 AM
|
||||
|
||||
اقتباس:
 وربنا يوفقك اجيب سؤال لغتين ازاي دنا كاتب دول  من مذكره المستر وكتاب الامتحان اساسا بس علشان هو طلب اسئلة فيها فكر ممكن تدور في جوجل او تدور هنا علي المنتدي هتلاقي ان شاء الله
__________________
ولعل ما تخشاه ليس بكائن , ولعل ما ترجوه سوف يكون ولعل ما هونت ليس بهين , ولعل ما شدّدت سوف يهون (وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا) 
|
|
#2
08-09-2013, 01:24 AM
|
||||
|
||||
|
اولا ربنا معاكم يارب و تجيبه اعلى الدرجات
انا راحة 2 ثانوى و متابعاكم علشان اعرف هيجرالى اية السنه الجاية هههههههههههههههههههه يارب تبقى الامتحانات تكون سهلة فعلا و فى مستوى الطالب المتوسط فعلا و يكون نظام السنه الواحدة دة كويس انا علمى برضه و ناوية ان شاء الله على علمى علوم فعايزاكم تنصحونى بخصوص 2 يعنى اية النصايح اللى اعملها و اية معملوش و اية الى ندمته عليه و اخبار مواد علمى اية ؟؟؟؟؟؟ سواء تانية او تالتة ؟؟؟؟ و فعلا زى ما بيقوله كدة صعبة ؟؟؟ انا خلاص قررت على علمى و اشتريت الكتب الخارجية كمان بس حبيت اطمن يمكن ارجعها هههههههههههههههه
|
|
#3
08-09-2013, 01:42 AM
|
||||
|
||||
|
اقتباس:
فلتي انت من التعديلات الجديده منهج اولي ثانوي السنادي الناس بتقول دمار وهيغير تانيه لما انتي تبقي في تالتة وهكذا وده التعليم في مصر متقلقيش خالص المواد سهله جدا ... الكمياء اسهلهم الفزياء امتعهم .. بغض النظر عن ارشيميدس xD الاحياء .. اتفهم بس عايزه مجهود الميكانيكا .. متقلقيش منها مذكرتهاش خالص وجبت 16/16 في ورقه الامتحان و 19.3/20 علشان اعمال السنة فمتقلقيش خالص وربنا يوفقك وبالنسبة بقا تعملي ايه في تانية والله بقا مش هفيدك كتير في تانية انا كنت مقضيها :D بس يعني ذاكري والانطباعه الاولي تدوم ان شاء الله
|
|
#4
08-09-2013, 01:50 AM
|
||||
|
||||
|
اقتباس:
حتى الاحياء حاسه انى فيها رغى كثير بس رغى ممتع طيب هى ارشيميدس فى تانية صح ؟؟؟؟؟؟؟ طيب هى الميكانيكا اجيب المعاصر ولا الماهر طيب هى بتكون محتاجة حل كثيييييييير و لالا ؟ اصل انا فكرت اجيب كتاب الماهر امتحانات بس و مش مهم شرح ولا الشرح هحتاجه للعلم انى هاخد درس فيها اكييييييد
|
|
#5
08-09-2013, 04:47 AM
|
||||
|
||||
|
اقتباس:
الميكانيكا انا كان معايا المعاصر اقسم بالله محليت فيه ولا مسأله من اول السنة .. غير في الاخر حليت 10 امتحانات الي في الاخر تقريبا مش 10 كلهم وجبت 16/16 زي مقولتللك بس المعاصر كويس مش محتاجه حل كتير بس لو المدرس بتاعك بيفهمك الحدوته صح .... بالنسبة بقا لموضوع علمي رياضه وكده انا بختلف معاكي في المبدء هو اني اختار علوم ولا رياضه علي اساس ان رياضه اسهل او علوم اسهل لا مش كده خالص .. انتي عايزه تطلعي ؟ ايه ؟ لو مهندسة يبقي رياضه .. ولو طب او صيدلة او .... الخ يبقي علوم مش موضوع سهله وصعبه خالص معلومة بس .. انا جايب في الجبر 8/8 ترم اول /8/8 ترم تاني والتفاضل 7/8 ترم اول علشان كان جايب اثبات في الامتحان وانا مكنتش مذاكر اساسا و8/8 الترم التاني والميكانيكا زي مقولت فوق 16/16 وع ذلك دخلت علوم .. علشان مش بحب الرياضة اساسا فمتفكريش كده وان شاء الله ربنا هيكرمك وتحقيي حلمك واهم حاجه تتعلميها السنادي من وجة نظرك .. هي ازاي تنظمي وقتك ومتأخريش حاجه بس دي الي هتنفع في تالتة بالسبة للعربي الي انت قولتي بتنقصي فيه كتير فكري بتنقصي ليه ؟ في ايه ؟ وحاولي تعالجيه في تانية .. علشان تبقي مرتاحه لتالتة يعني لو بتغلطي في النحو .. سيبك من نحو السنه خالص شوفي مدرس كده بيجيب النحو من الاول ( اكيد هتلاقي ) الي بيسأل مبيتوهش وافمي من الاول .. لو في البلاغه يبقي بسيطه يعتبر تانية هي بداية البلاغه اساسا لو في الادب يبقي ابسط .. اتكي علي نفسك شوية في الحفظ بس النصوص لازم يكون في مدرس كويس يعلمك ازاي تطلع انت كل حاجه من النص هيوفر عليك كتير في الحفظ القرأه حفظ بردو فسهلة . الخلاصة ركزي بس انك تعالجي نقاط ضعفك في كل المواد في تانية وازاي تنظمي وقتك
|
|
#6
08-09-2013, 06:19 AM
|
||||
|
||||
|
اقتباس:
بس انا كانت بقول يعنى انى الاحياء اسهل بالنسبالى يعنى فى النهاية مش حكاية اسهل ولا اصعب انا برضه جايبه درجة كويسة فى اولى فى الرياضة و الاستاذ قالى خشى علمى رياضة بصراحة كل مدرس نفسه الطلبه كلها تاخد مادته و يحاول يقنع الطلبه بيها بس انا حابه الاحياء اكثر بكثييييييير انا العربى بصراحة بغلط فى النحو و البلاغة و مش بكون مدربة على مواضيع تعبير فمش بكتب فيه كثير فقررت انى السنة دى ان شاء الله احل قطع نحو و بلاغة كثير و انا كويسة فى باقة الفروع و بصراحة انا باخد عند مدرس بيهتم جدا بالنحو و بيحل معانا قطع نحو كثير بس هو بصراحة اهمال منى بقى انى مش بحل مع نفسى بالذات الاعراب
|
|
#7
08-09-2013, 01:45 AM
|
|||
|
|||
|
اقتباس:
و إنشاء الله نشوفك زيينا كده طالع عنينا كل يوم ، المهم .. مش هقولك ذاكرى كل يوم و كده، بس إهتمى، حرام تهملى المذاكره و خصوصاً الكيميا و العربى مترتب عليهم جزء كبير أوى من 2 ثانوى ل 3 ثانوى، الأحياء أصعب فصول هتاخديها ف حياتك بس خير علشان منهج 3 ثانوى بتاعنا تافه أوى، ركزى فيها و هتلاقيها سهله حبى الماده بس، الفيزيا سهله بس عايزه حل كتير علشان أفكارها كتير و مش بتخلص، الكيميا سهله برضو بس عايزه مذاكره، العربى كنت بذاكرو كل يوم و طالع مفقل الإمتحانين و نفصت 11 درجه معرفش ليه .. بس طلع علشان ماسطرتش الورقه ولا سطر علشان كان دراعى مكسور أياميها، ندمان بقى علشان مذاكرتش طبعاً و جبت أوحش نمره أجبها فى حياتى جبت 88%  بالنسبه لتانيه معلش مش هكدب هى صعبه شويه، بس زى ما قلت خير، علشان هتخلصى من الصعب كلو و 3 فيها مناهج تافها والله
|
|
#8
08-09-2013, 01:58 AM
|
||||
|
||||
|
اقتباس:
انا برضه بنقص كثير فى العربى و الانجليزى جبت فى اولى 82 % لا انا بحب الاحياء جداااااااااا هى فيها رغى كثير اها بس رغى حلووووو احسن من التاريخ مليييييييون مرة انا فى امتحان اولى ثانوى لاقيت نفسى ناسية كللللللللللل التواريخ هى 2 ثانوى بتنزل كتب للمراجعة النهائية ؟؟؟؟؟؟؟ اصل فى اولى منزلشى اى حاجة
|
|
#9
08-09-2013, 02:07 AM
|
|||
|
|||
|
اقتباس:
غداره، أنا أخر إمتحان رياضه 2 ثانوى إمتحنتو وأنا أقدك كده محلتش غير سؤال الأكمل، باقى الإمتحان سبتو ، الأحياء جبت فيها الدرجه النهائيه مع إنى مكنتش مذاكر غير 5 فصول، بس عرفت أرغى حلو  ، على أيامينا منزلش أى حاجه، كانت بتنزل الكتب الخارجيه بالعافيه أصلاً، بس معرفش إنتو إيه نظامكو أكيد هيهتمو بيكو شويه علشان إنتو تانى سنه نظام جديد
|
|
#10
08-09-2013, 06:30 AM
|
||||
|
||||
|
اقتباس:
يلا ربنا معاكم و تكون سنه سعيدة ان شاء الله خير  و ربنا يسترررررررر عليكو و علينا
|
|
#11
08-09-2013, 11:09 AM
|
||||
|
||||
|
اقتباس:
__________________
If you have a dream ..
You should work for it .. try to achieve it by all possible means .. even die for it !!.
|
|
#12
08-09-2013, 08:02 AM
|
||||
|
||||
|
دكتورة lally adel جزاك الله خير يارب
بجد كل االكلام اللى بتكتبيه مفيد ما شاء الله ونصايحك جميله جداااااااا انا قريت المشاركات كلها  معلش كنت عندى كام سؤال كده هو فى الانجليزى المستر مش بيعلم الكتب يعنى هو بيقولنا هاتو الكتاب وقولولى هجيب اجابتو من الناشر فهو فى اول السنه قالنا ذا بيست وسيربريز معاه الاجابات قال سنيور كويس بس اجابات الناشر فيها غلطات فهتلغبطنا لو جبناه واخدنا الاجابات بتاعتو من المستر وسالتو على جيم قال كويس اوى بس الناشر مش بينزلوا اجابات يعنى كأنوا من الاخر بيقول هتجيبيه مع نفسك واسالينى بس فى اللى مش تعرفيه  وهيكلمنا عن باقى الكتب المره الجايه هو المستر كويس جدااااااااا ما شاء الله تقريبا احسن مدرس فى المكان اللى احنا فيه يعنى فى الشرح ومذكراتوا نفسها فيها اسئله كتير وبيمشى معانا فى كلو ع عكس مدرسين تانين بيخلوا المهارات اخر السنه فنحتاس لكن هو كل حصه فيه واجبات ع اسئله اليونيت والمهارات ده بالنسبه للانجليزى بالنسبه لموضوع كتاب المدرسه فمدرس الاحياء كتابه بالنص زى كتاب المدرسه الفرق انه بس معنون جزئيات ومرتبها والكميا بصراحه ما شفتش لسه بس هو كان فى تانيه بيقولنا لازم نلتزم بكل كلمه فى نص الكتاب بتاع المدرسه لان احيانا فيه الفاظ معينه لو كتبناها باسلوبنا بيغير المعنى العلمى الفزيا المدرس الللى باخد معاه هو اول سنه اجربو هو كويس ما شاء الله جداااااا وبيشرح كل حاجه يعنى حتى لو عندنا حاجه مرتبطه بجزئيه فى الكميا وفزيا السنه اللى فاتت بيشرح الجزئيه دى وبعدين يشرحلنا اللى عندنا هو ممل فى الشرح بس دى حاجه كويسه بصراحه بنبقى فاهمين كل فتفوته فى الدرس فيه بقى مشكله ان هو بطىء جدا جدا جداااااااااااااا اصحابى بيقولوا كويس بس قلقانين لا يتاخر فى المنهج ويكروت فى الاخر بس بقولهم ان احنا عندنا نص منهج الفزيا فباذن الله مهما بقى بطىء ان شاء الله يخلص بدرى ونلحق نراجع طمنينى يا دكتوره انا كده بتكلم صح ولا هو فعلا ممكن يبطء لدرجه اننا نكروت فى الاخر
__________________
إَرسـمــ أَحـلـامـك علـى جـدران الـأَمـل ثـمــ إمـضـي لـ تـحقـيقهـا بــ تــفــاؤلツ  الصـبــرِ :: ڪالـدوِاء الـمـر مـذاقــة سـئ ،، وِ لڪن نتــائجـة جميلـة ツ
|
|
#13
08-09-2013, 09:28 AM
|
|||
|
|||
|
اقتباس:
بصى يا ستى .. بالنسبة للانجلش ف حتى لو المدرس جابلوكو الاجابات يبقى خلاص مفيش مشكلة .. انتى هتراجعي الاجابات بعد ما تحلى و اللى يقف معاكى او ماتبقيش فاهمة هى جت كدة ازاى تسالى فيها المدرس عادى .. بس خدى بالك من نقطة .. الاجابات دى بتبقى لاسئلة ال choose و find the mistake بس .. فانتى لازم تخلى المدرس يتابعك ف باقىالاسئلة زى translation و speakers و situations وكل الاسئلة اللى بتعتمد على اللغة اكتر .. حلىالكلام دة و اديهوله يعلم .. كدة حسب كلامك الكتب المتوفرة باجابات هى " ذا بست - سيربرايز - سينيور اخدتو اجاباته من المستر " تمام كدة كوووويس اوووى مفيش مشكلة ان شاء الله ..فى برضه على فكرة كتاب اسمه توب ستيودنت بينزله اجابات .. اساليه عليه لو يقدر يجيبلك اجاباته .. و بيت باى بيت برضه تقريبا ليه اجابات .. دة لو انتى حابة تزودى ف الكتب يعنى بالنسبة للاحياء ف خلاص خليكى مع كتاب المدرس مدام مطابق لكتاب المدرسة زى ما بتقولى .. بس برضه ابقى قارنى الاتنين ببعض من باب حرص و لا تخون .. لان ساعات بيبقى فى حاجات اتضافت او اتشالت من كتاب المدرسة و المدرسين مايعرفوش .. زى مثلا كان عندنا ف الفصل الاول اللى اخدتوه السنةاللى فاتت الافيتامينات اللى تذوب ف الدهون كانت مكتوبة ف طبعة 2012 k,d,a .. خلوها ف طبعه 2013 k,d,a,h ..ف انتو خلو بالكو من الكلام دة لان ساعات فى حاجات صغيرة اوووى بيغيروها و لا بيبعتو نشرة للمدرسه و لا بيعرفو المدرسين و لااا اى حاجة .. كلام مدرس الكيميا بتاعك صح جداااا .. بس برضه لما تشوفى ملزمته اول حاجة تعمليها تتاكدى انها مطابقة لكتاب المدرسه .. مدرس الفيزيا بقى .. شوفى ياستى .. الحاجة الكويسة انكو بتبقو فاهمين كل فتفوتة ف الدرس .. و عشان يعمل كدة لاااازم طبعا ياخد وقت ف عشان كدة انتو بتحسو انه بطئ .. انتى وجهة نظرك صح ف ان مناهجكو انصاص ف بالتالى مش هتاخد وقت طويل مهما كان بطئ .. اساسا الحديثة عندكو صغيررررة جدا .. هى الفصل 12 و 15 هم اطول فصلين فيها .. اما 13 و 14 ف انا اخدت كل واحد منهم ف حصة .. و عموما الحديثة اساسا كلهااا دش و كلام نظرى و حفظ و حاجات ملهاش لزمة .. ف ماتقلقيش منها خاااالص .. انتى بس اللى هتقدرى تحددى هو بطئ ف حدود المعقول و لا بطئ بشكل اووفر و بيضيع وقت ف كلام فاضي .. يعنى مثلا فصل زى الفصل 8 دة اللى هو بتاع التبريد .. دة مثلا ماياخدش اكتر من حصتين .. لو هو شرحه ف 3 مفيش مشكلة .. لكن لو شرحه ف 4 و لا 5 لا يبقى كدة بيستعبط .. فاهمة ازاى .. انتى هتقدرى تحددى درجة بطأه ادايه .. معقولة و لا بيأفور ربنا يوفقك يا رب و يعينك
|
|
#14
08-09-2013, 12:44 PM
|
||||
|
||||
|
اقتباس:
بس فيه مشكله رخمه جدا فى ذا بيست انه مافيهوش اسئله المهارات (translation - speakers -situations) عكس سيربريز فيه جزء خاص بالحاجات دى غير انه بينزل منها اسئله فى اليونتيت المستر قال ان اجابات سنيور فيها غلطات كتير اوى فهيلغبطنا فما اشتريتهوش . ان شاء الله اساله ع بيت باى بيت وتوب ستيودنت اما عن مدرس الفزيا هو احنا لسه مش هناخد التبريد دلوقتى لان بدنا بالكهربيه بس المستر قال ان هناخده باذن الله بعد الكهربيه فهبقى ان شاء الله اتابع مع زمايلى اللى بياخدو عند مدرسين تانين اشوف وصلو لفين وكده عشان اقدر احدد هو متأخر زياده عن اللزوم ولا عادى والحق نفسى بدرى بدرى ربنا يكرمك يا دكتوره ويجازيكى خير تاعبينك معانا
__________________
إَرسـمــ أَحـلـامـك علـى جـدران الـأَمـل ثـمــ إمـضـي لـ تـحقـيقهـا بــ تــفــاؤلツ الصـبــرِ :: ڪالـدوِاء الـمـر مـذاقــة سـئ ،، وِ لڪن نتــائجـة جميلـة ツ
|
|
#15
08-09-2013, 01:14 PM
|
|||
|
|||
|
اقتباس:
بصي هو تقريبا كدة نظام الكتب اتغير عندكو عن نظامنا احنا .. لا كتبنا احنا كانت كلها على بعض .. اليونيت الواحد بيغطى كل الاسئلة بكل انواعها .. و سيربريز مكنش فيه اجزاء .. على العموم انتى شوفى انتى محتاجة ايه و هاتيه .. بصي فكرة مقارنة مدرسك بمدرسين تانيين دى مش عمليه اووى .. لان كل مدرس و ليه طريقه شغله .. و على حسب طريقه الشغل دى هو بيستهلك الوقت .. يعنى مثلا فى مدرس بيعمل امتحان ف اول الحصه و يقعد يعلمه فيستهلك ساعه مثلا من الحصه ف يشرح حتة صغيرة .. دة هياخد وقت اكبر من اللى بيعمل الامتحان ف يوم منفصل و يقعد وقت الحصه كله يشرح .. فبالتالى التانى هيسبق الاولانى .. و هكذا .. انا كنت بتكلم على اساس ان انتى شايفه الفصل و بتشوفى الحصه بتمشي ازاى .. هل بياخد وقت كبير فى حاجات ملهاش لزمة و بالتالى شغل الفصل نفسه بياخد منه اكتر من حصة .. و لا بتلاقى ان فعلا الفصل دة كبير و كان محتاج شغل كتير و مكنش ينفع يقول كل اللى قاله ده ف عدد اقل من الحصص .. فاهمة ازاى .. انتى قيمى عدد الحصص بالمقارنة مع شغل المدرس نفسه .. لو لقيتيه بيستهلك وقت فى زيادات و حاجات ملهاش لزمة و رغى ع الفاضي يبقى سيبيه .. لكن لو لقيتيه بيركز على مضمون الفصل و يقضي الحصة كلها ف شغل متعلق بالمنهج يبقى تمام اتكلى على الله و كملى معاه .. ربنا معااكى .. و اوعى تقولى تاعبينك دى تانى .. انتو اخواتى و واجب عليا اساعدكو .. يلا ربنا يقويكو
|
 |
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 03:35 PM.
