أخر أخبار مدرسين الحصة بأسيوط

[hon_hon]

ربنا يبارك فيك ياستاذ
دى فرصة سعيدة انى اتعرفت على ناس محترمة زي حضرتك وابو منه

ايهاب حضرتك منين

[abu_ menna_13]

مهو في كل الحالات لازم يكون فيه ظلم

يعني لو أبقى الحال كما هو عليه هو أقرب الى العدالة لكن الظلم هيجي منين؟

هيجي من الجماعة اللي كانو شغالين بالحصة لمدة أيام من زماان في التمانينات والتسعينات
وجايين بيطالبو بالتعاقد والناس اللي مشتغلتش أصلا والمدارس بمضيلها بالفلوس أو بالمعرفة

طيب مش اللي اشتعل هياخد حقو؟؟؟ واللي مشتغلش هيبقى زياده كمان في العمالة بس الفلوس بتاعتو موجودة
فين المشكلة بقى؟

المشكلة ان الناس الجديدة اللي مشتغلتش والي لسة بتتخرج فرصتها في الوظيفة هتقل جدا لان عدد العمالة
هيزيد بنسبة كبيرة جدا مممكن تخلي الوزارة تستكفي مدرسين لمدة 5 سنين لقدام ودول مش هيسكتو

ولو عملو مسابقة هيظلمو الدبولمات والغير تربويين أصلا ( لو شايفين انو ظلم ) لانهم مش هتنطبق عليهم شروط التقدم للوظيفة علشان الوظيفة للمدرسين مش الدولة كلها

أعتقد ان فيه حل وسط وهو انهم يبقو الحال كما هو عليه مع غربلة التعاقدات لمن يستحق ولمن لا يستحق

بمعنى انهم يفرزو العقود كالآتي ::

1 - تعاقدات المستمرين على العمل :
يتم الغاء جميع التعاقدات التي صدرت بناءا على جواب عمل بالحصة تم الحصول عليه منذ بداية شهر 2 وحتى الآن
حيث أن الجوابات تم اصتصدارها للعدين من الأشخاص الذين لم يسبق لهم العمل ولكن بمجرد علم التوجيهات بأنه يوجد معلومات بخصوص تعيين كل من يعمل بالحصة تمت الكوسة

2- تعاقدات المنقطعين عن العمل :
يتم الغاء جميع التعاقدات التي تمت بناءا على تأشيرة من المدرسة بالعمل ليديها في مدة كانت قبل 5 أعوام من العام الحالي ( كأن يكون المتعاقد عمل سنة 1995 مثلا وانقطع الى الآن )
ومن عمل في فترة ال 5 أعوام القريبة يتم طلب الحصول على مستخرج من الماليات في الادارة بحصوله على مرتب حصل عليه مقابل عمله بالحصة ( علشام ميكونش خد جواب راح بيه المدرسة ومعجبوش الحال ومشي مكملش )

ايه رأيكم في الفكرة دي؟؟؟

=====================

[abu_ menna_13]

شكرا ليك يا أستاذ هاني الشرف لينا

[hon_hon]

والله فكرة يابو منه بس مين ينفذ احنا خلاص القيادات عقولها وقفت مبتعرفش تفكر اصلا وكل حاجه روتين

[hon_hon]

الاستاذ ايهاب راح فين

[abu_ menna_13]

طيب خدو عندكم اخر خبر طازة وحصري

[abu_ menna_13]

فيه فاكس وصل الادارات بخصوص التعاقدات ووضع ضوابط ليها

بس لما اعرف المعلومات كلها وبدقة هكتبها مرة واحدة أو اجيب الفاكس نفسو وارفعو

علشان مقولش حاجة مغلوطة

[hon_hon]

على فكر ة انا بطنى وجعتنى يابو منه
ياريت تدينا فكرة طيب

[hon_hon]

اوعى تسيبنا كده غير لما تطمنا يابو منه

[abu_ menna_13]

لا اتطمن .... الفاكس بيتكلم عن المنقطعين فقط ومجبش سيرة المستمرين على رأس العمل

[hon_hon]

يابو منه فينك طمنى

[abu_ menna_13]

منا رديت اها

[hon_hon]

يعنى ايه كل الحكاية كانت على المنقطعين بس

[hon_hon]

والمرتبات فى عنها اخبار

[ahmedamean]

لو سمحت يا أبومنه ممكن نفهم اكتر قصدك ايه من المنقطعين بس