محتاجة رايك

[ellama]

تعمل اية لو كان حد بيحبك اوى اوى ومستعديعمل اي حاجة عشانك ويرتبط بيك كمان وانت حاس بحبة بس مش بتحبة قد ماهو بيحبك؟؟؟؟حب اخوة يعنى
ارجوكم قولولي حل عشان الموضوع دة مضايقنى

[مس رانيا حسن]

اظن من المنطق المصارحه
لان المشاعر مش فيها مجاملات
الصراحههى السبيل الوحيد
فى امان الله

[mmdwalid]

المصارحة بهدوء حتى لا تفقديه كصديق مخلص
لكن تذكري
لا تسعدي الآخرين على حساب قلبك ومشاعرك

[Dr.memo]

والله حصلي الموقف ده انا كمان
وتبعت منه
لاني صارحت الشخص ده وللايف برضه هو مش قادر يفهمني
انا بحترمه كأخ مش اكتر
وهو مش عايز يفهم كده
بيقول اني بحبه ومكسوفه منه وبيترجم اي تهرب مني على انه خجل وحب
ومش عارفه بجد اعمل ايه
تعبت بجد
ياريت تلاقولي حل انا كمان

[ellama]

المشاركة الأصلية كتبت بواسطة mmdwalid

المصارحة بهدوء حتى لا تفقديه كصديق مخلص

لكن تذكري

لا تسعدي الآخرين على حساب قلبك ومشاعرك

h
ماينفعش اصارحة

[the black rose]

المشاركة الأصلية كتبت بواسطة ellama

h
ماينفعش اصارحة

ليه مينفعش
هو ده السبيل الواحد
هو ممكن يتعب شوية فى الاول
بس احسن ما يكتشف فى الاخر انك عمرك ما حبتيه
احسنلك بجد الصراحة هى دى الحل

[shorook]

المشاركة الأصلية كتبت بواسطة ellama

h
ماينفعش اصارحة

ماهي ملهاش حل تاني
يا تصرحيه
يا تضحكي عليه و بيتهيألي انك مش هترضيله كدة
يبقى تصرحيه دلوقتي احسن عشان كل ما الوقت بيعدي كل ما حبه ليكي بيزيد كل ما الصدمة هتكون اكبر و اصعب عليه
وحاولي بقدر الامكان تكوني حنينة معاه في كلامك عشان تخففي الصدمة عليه
اسفة طولت عليكي
تقبلي مروري لو مش هيضايقك

[ellama]

شكرا على مرورك المشكلة فيا انا انا مش هعرف اشرحلكم بس عموما هحاول

[كريسبو]

المشاركة الأصلية كتبت بواسطة ellama

شكرا على مرورك المشكلة فيا انا انا مش هعرف اشرحلكم بس عموما هحاول

على فكره انا فهمك لان نفس المشكلة انا بمر بها فعلا
انتى خايفة من المواجهه او بمعنى اصح خايفة على كرامتك او مشاعرك انها تنجرح
على العموم لو مش هو ده الى انت حاسه بيه
يبقى شكرا انك خلتنينى اطلع الى فى قلبــــــــــى لان ده هو الى بحس بيه

[stoneKane]

انا عارف ان المشكله دى صعبه وصعب برضو المواجهه بس لازم تصرحى اللى بيحبك عشان متظلميهوش معاكى

[its about satisfaction]

بصى انتى ابتدى عوديه على انك صديقة او اخت ومش تصارحي جامد يعنى مهدى الاول ولمحى وعرفيه ان ده عشان مينفعش هو يحبك اوى ويسعدك وانتى مش تديه نفس الحب وبالتالى مش هتحققيله السعادة وانك صارحتيه عشان ما تظلمهوش

[pureheart]

بصى انا شايفة ان انتى لازم تقوليلوه انك رافضة
اصل الجواز مفهوش حاجة اسمها مكسوفة
انتى قولى انك رافضة بدون ابداء الاسباب و خلاص

[ellama]

علي فكرة انا عملت زى ماانتم قلتولى بالضبط وبصراحة انا ارتحت جدا جدا جدا وحسيت انى ارتحت بس دلوقتى كل ما بشوفة بيصعب ع ليا جدا وهو شكلة زعلان ومجروح اوى وكل ماببصلة قلبي بيتقطع وانا مش عارفة اعمل اية

[ellama]

المشاركة الأصلية كتبت بواسطة pureheart

بصى انا شايفة ان انتى لازم تقوليلوه انك رافضة
اصل الجواز مفهوش حاجة اسمها مكسوفة
انتى قولى انك رافضة بدون ابداء الاسباب و خلاص

اة انا قلتلة ان انت زميلي زى ماكل اللى في الجامعه دول زاميلي مش اكتر ولا اقل وياريت كل واحد فينا يكون فحالةبس دة اللى قلتهولو

[ellama]

المشاركة الأصلية كتبت بواسطة كريسبو

على فكره انا فهمك لان نفس المشكلة انا بمر بها فعلا

انتى خايفة من المواجهه او بمعنى اصح خايفة على كرامتك او مشاعرك انها تنجرح
على العموم لو مش هو ده الى انت حاسه بيه

يبقى شكرا انك خلتنينى اطلع الى فى قلبــــــــــى لان ده هو الى بحس بيه

العفو علي اية احنا هنا كلنا اصحاب وكل واحد بيطلع اللى عندة عشان نفيد ونساعد بعض