كرسى الاعتراف

[the black rose]

بما ان الناس بدات فى الاسئلة
فلازم نكرمك معانا
1- احنا عرفنا انك عندك 19 سنة و لسة فى سنة اولى كلية
ممكن توضحلنا ايه السبب فى ده اللى عندهم 19 سنة المفروض يبقوا فى تالتة
2- بما انك بتروح الاقصر ممكن تحكيلنا عليها شوية
3- ايه العيوب و المميزات اللى شايفها فى نفسك؟
4- ايه رايك فى الادارة حاليا ؟
5- بما انك مشرف ادارى شايف ان الادارة مسؤلية كبيرة
و هل هى شغلتك عن المشاركة او عن جامعتك؟
6- من وجهة نظرك مين الاعضاء المميزين فى المنتدى؟
7- و مين اللى عدمهم احسن من وجودهم؟
8- ايه اللى خلاك تختار هندسة ؟
9- مين من المنتدى بتشيل معاه سرك و مين من برة المنتدى برده؟
10- لو بقيت مدير الموقع ايه التجديدات اللى هتعملها؟
11- ايه اكتر حاجة تضايقك؟
12- و ايه اكتر حاجة تفرحك؟
13- قولنا امنية حققتها و امنية لسة متححقتش
14- اكتر موقف احرجك؟ متقولش مش فاكر
15- يا ترى ايه السلبيات و الاجابيات فى المنتدى ؟
16- قولنا موقف مضحك
17- ايه هى فلسفتك فى الحياة؟
18- يا ترى حاسس انك استفدت بنسبة اد ايه من القسم التعليمى؟
19- بتدخل المنتدى متوسط كام ساعة فى اليوم ؟
20- ايه شعورك و هى ترافل مش معانا ؟
21- ايه رايك فى وضع مصر الحالى؟
22- شخصيتك عالنت بتختلف عن الواقع
رأيك فى كل من
عبقرينومان
صوت الحق
fares elnet
همس
اسلام
ELLORD
محمد السادات
مصطفى فتحى
عادل
ترافل
اسدات
بنوتة اهلاوية
اسيل رزق
بلاك روز

كفاية كدة دلوقتى

[** ضي القمر **]

ازيكم يا شباب عاملين ايه؟؟ انا داخلة بس اقولكم ان ترافل عرفت ان الاسئلة اتحطت وقالتلى ابلغكم انها لو جت ولقت محمود خلص الكرسى حلفت لتوقف اللعبة وتعيدوها من الاول

[..Just Stop]

المشاركة الأصلية كتبت بواسطة the black rose

بما ان الناس بدات فى الاسئلة

فلازم نكرمك معانا
ربنا ينتقم منكو
1- احنا عرفنا انك عندك 19 سنة و لسة فى سنة اولى كلية
ممكن توضحلنا ايه السبب فى ده اللى عندهم 19 سنة المفروض يبقوا فى تالتة
احم ابتدينا فى الاسئلة المحرجة اهى
اولا يا ستى انا فى ازهر ثانيا اخدت سنة خمسة لوحدها وكذلك ستة انما انتو خدتوها اتنين فى واحد
ثالثا بقا ودا الاهم انى حسنت فى الثانوية لانى كنت ضعت بسبب انشغالى بالنت
هى دى كل الحكاية
هتتظبطى واللا لا
2- بما انك بتروح الاقصر ممكن تحكيلنا عليها شوية
دنتى فاضية بقا
اوكى يا ستى
بصى هيا بلد نضيفة جدا ناسها اللى اعرفهم كويسين
تحسى ونتى فيها ان فى فعلا حضارة فى مصر
وبعيدا ع نفنادقها المشهورة منظرها جميل
ومش هحكيلك بقا عن الفسح والكلام دا بالليل ( بذل فيكى طبعا )
من الاخر بلد فوق الوصف
عيبها الوحيد انها فى الصيف نار
وفى الشتا بردو نار بالنسبالى
3- ايه العيوب و المميزات اللى شايفها فى نفسك؟
مقدرش احكم على نفسى الى ادامى هو اللى يقدر يحكم عليا لانه بيبقا شايف عيوبا ومميذاتى افضل منى
بس اكتر عيب شايفه فى نفسى ان مقصر جدا فى حقها
4- ايه رايك فى الادارة حاليا ؟
يعنى كويسة الى حد ما
واكيد انا مش كويس اوى لانى مش بدخل كتير بسبب الدراسة
بس فى ناس شغالة كويس
مع انى كنت متحفظ على تعيينهم فى الادارة
يعنى بدأ يبقا فى نشاط فى الادارة بنحاول نجمع مشاكل المنتدى وبنحاول نحلها ويارب الحلول دى تتنفذ
5- بما انك مشرف ادارى شايف ان الادارة مسؤلية كبيرة
اكيد طبعا
انتى المفروض متسأليش
انتى كنتى مشرفة واكيد كنتى حاسة بمدى المسؤولية اللى عليكى مع انه كان قسم واحد فما بالك مسؤلية منتدى كامل
و هل هى شغلتك عن المشاركة او عن جامعتك؟
والله انا مشغول عن كله مقصر فى حق الجامعة وفى حق الادارة وفى حق مشاركاتى
يعنى المسألة مش مسألة شغلانى
انا بردو بتابع وبرد فى الاقسام اللى كنت برد فيها قبل كدا بس مش زى الاول
6- من وجهة نظرك مين الاعضاء المميزين فى المنتدى؟
كتير جدا ومش هذكر اسامى علشان منساش حد بس اكيد انتى واحدة منهم
7- و مين اللى عدمهم احسن من وجودهم؟
الاعضاء السلبيين
اللى ملهمش لازمة فى المنتدى وبردو بدون ذكر اسامى علشان مجرحش حد
8- ايه اللى خلاك تختار هندسة ؟
ههههههههههه
قدرى ونصيبى
الصيدلة كانت طموحى الاول وبعدها الهندسة
بس ربنا كاتبلى انى ادخل هندسة
والخيرة فيما اختاره الله
9- مين من المنتدى بتشيل معاه سرك و مين من برة المنتدى برده؟
اولا مفيش اسرار بتستخبى فى المنتدى دا السر بيتقال قبل ما يتقال باسبوع اساسا
ممكن السادات و بنوتة مسلمة ( قبل كدا يعنى )
بس حاليا مفيش اسرار ولو فى اسرار بحتفظ بيها لنفسى
10- لو بقيت مدير الموقع ايه التجديدات اللى هتعملها؟
هحذف المنتدى

لالالالا هحاول اعمل اعادة هيكلة للمنتدى وهشوف مين يستحق ياخد لقب عضو فى منتدى الثانوية ومين ميستحقش
مين يستحق يبقا ادارى ومين ميستحقش
المنتدى كبير اكبر مما تتخيلى بس هحاول اعدل فيه للافضل وهو دا اللى انا بحاول اعمله ونا مشرف ادارى
11- ايه اكتر حاجة تضايقك؟
ان يكون ليا حق ومعرفش اخده ولو باصعب الطرق
يعنى من الاخر مبحبش حقى يضيع
12- و ايه اكتر حاجة تفرحك؟
لما احس ان الناس بتحبنى وخايفة على مصلحتى
واكيد لما هما يحبونى يبقا اكيد انا بحبهم وبخاف على مصلحتهم بردو ودا بينعكس بصورة ايجابية على شخصيتى
وبردو لما احس انى قضيت مصلحة حد
ربنا يهدينى ويهديكو
13- قولنا امنية حققتها و امنية لسة متححقتش
امنية اتحققت انى دخلت احدى كليات القمة
وامنية هتتحقق باذن الله انى اخلص جامعة واستقر
وقبل كل دا اسمى امنية عندى ان ربنا يكون راضى عنى
14- اكتر موقف احرجك؟ متقولش مش فاكر
مش فاكر
كان موقف مع واحدة زميلتى ومينفعش اقوله
ربنا امر بالستر
ربنا يستر علينا :D

15- يا ترى ايه السلبيات و الاجابيات فى المنتدى ؟
بعض الاعضاء بيحاولو يغيرو جو الملل اللى النتدى فيه حاليا
وتقريبا القلة المندسة كانت اكتر مجموعة ايجابية
ومش بقول كدا علشان انا كنت واحد من اعضائها لا الكل يشهد لها بكدا
السلبيات
هيا السلبية نفسها من الاعضاء
الادارة مش بتنفذ كل حاجة فى وقتها دايما بيأخرو ( بس هما حاليا فى نشاط عن الاول يارب دايما )





16- قولنا موقف مضحك
موقف مضحك
17- ايه هى فلسفتك فى الحياة؟
مش فاهم تقصدى ايه
18- يا ترى حاسس انك استفدت بنسبة اد ايه من القسم التعليمى؟
0.05% ( رقم خطير طبعا )
19- بتدخل المنتدى متوسط كام ساعة فى اليوم ؟
ساعة ونص وفى ايام مش بدخل
20- ايه شعورك و هى ترافل مش معانا ؟
ياه قمة الهدوء خاصة فى الموضوع دا
مريحانى على الاخر هو انا تايه عن اسألتها دنا وافقت علشان هيا مش موجودة ( ربنا يجعل كلامنا خفيف عليها )
بس بصراحة حاسس ان المنتدى ناقصه حاجة
21- ايه رايك فى وضع مصر الحالى؟
ولا مؤاخذة ( ذبالة )
22- شخصيتك عالنت بتختلف عن الواقع
حاجات بسيطة لان منهجى فى الحياة واحد ومش هتفرق اذا كان واقع واللا نت
رأيك فى كل من
عبقرينومان
سلبى الى حد ما ( بس انا شايف ان ربنا هداه وبدأ يغير من شخصيته كتير للافضل ربنا يهديه )
صوت الحق
بصراحة الراجل دا بيتعب اوى فى المنتدى ربنا يجازيه كل خير
انسان متعاون مساعد اب روحى لناس كتير ربنا يديله طولة العمر
fares elnet
رجل بمعنى الكلمة قمة فى الاحترام
همس
حالها متغير من وقت للتانى
بس فى المجمل انسانة كويسة
بتحب الخير
اسلام
شخص ايجابى جدا مبيسكتش عن الحق لو ايه اللى هيحصل
عصبى زيادة عن اللزوم
بس بجد انسان محترم ربنا يهدينا ويهديه
ELLORD
انا مش عارفه كويس بس هو انسان محترم
لما كنت معترض على تعيينه 0 كان اعتراضى على مخالفة القوانين ) وليس اعتراض على شخصه
بس هو ايجابى دلوقتى وكويس
وشايف شغله بعكس ما كنت متوقع
ربنا يهديه
محمد السادات
دا بقا حبيب قلبى
اخويا فى المنتدى كان من احسن الناس فى المنتدى ومازال
شخصية محترمة جدا والله
بس هو مش مهتم بنفسه شوية ودا اللى بيزعلنى منه
مصطفى فتحى
انسان هادى جدا بيخدم من بعيد لبعيد من غير ما حد يحس
شخصية محترمة ربنا يهديه
عادل
عادل دا مشكلة لما بيصدر دماغه بيبقا .......
بس هو انسان كويس اى نعم دخلت معاه فى خناقة قبل كدا
بس احنا دلوقتى زى الاخوات
انسان ايجابى هادى فى بعض الاوقات عصبى شوية
ربنا يهديه
ترافل
ههههههههه
اختى الصغيرة ( بس مش صغيرة اوى )
انسانة محترمة ومندفعة فى نفس الوقت
ايجابية
ومن ايجابيتها انها بتحب المشاكل زى عنيها
طيبة جدا بس بتغير نظرتها فى الناس شوية
ودا لاسبابها الخاصة
مش بتحب تقول سرها لحد
بس هى كويسة جدا
ربنا يهديها وتخلى بالها من دراستها
اسدات
ولاء معرفهاش كويس
بس كل اللى اعرفه عنها انها ايجابية
محترمة ملهاش فى جو المشاكل الى حد ما
ربنا يكرمها يارب
بنوتة اهلاوية
ياه دى مفتقدها جدا اختى بردو
ايجابية ومبتسكتش على الحق جريئة شوية
وفوق دا كله محترمة
ربنا يوفقها فى دراستها ونسمع عنها اخبار كويسة
اسيل رزق
كويسة ومحترمة
مخنوقة منى دايما مش عارف ليه
ربنا يهديها
بلاك روز
قصدك شيرين سيبك منها
بردو زى اختى طيبة ومش مندفعة
ملهاش فى المشاكل محترمة
مش بتذاكر كويس ودا اللى مزعلنى منها
ربنا يوفقها يارب ونشوفها مهندسة ونفتح مكتب همدسة انا وهيا
ربنا يكرمها لانها انسانة محترمة وبتحب الخير

كفاية كدة دلوقتى

روحى منك لله
دنتى طلعتى عينى
ليكى يوم يا مفترية
منورة طبعا يا شيرين
متدخليش هنا تانى