المستر خالد بقا تاجر يا جدعان الدخول للأهميه !!!

[Thanwya Soldier 2009]

السلام عليكم

يا جماعه انا مش عارف تضحكوا ولا تزعلوا من اللي بقا بيحصل دلوقتي...و مش عايز الأساتذه الأفاضل المحترمين يزعلوا مني لأني مش بهاجم المدرس كوظيفه أو مكانه...لكن أنا بهاجم شخص معين و ياريت يكون بيدخل المنتدى ده عشان يحس على ضميره...هابدأ الحكايه

بتبدأ الحكايه من مدرسة السيده عائشه الأعداديه بنات الذكيه بالمنصوره (طبعاً الذكيه ده لا ينطبق على صاحبنا مستر خالد) و هتعرفوا ليه بعدين..أولاً انا اختي في سنه اولى اعداي في المدرسة دي..و حكت ليا القصه و ده اللي خلاني اقولها و اشاركم بيها.
في يوم عادي من الأيام طلب المستر خالد بتاع الانجليزي من طالبات الفصل انهم يعملوا لوحة كمبيوتر..و وافقت الطالبات..لكنه اصر و بشده انه اللي يجيبلهم اللوحه بس يدفعوا 50 جنيييييييييييييه و يستغل سذاجة الطالبات اللي لسه ما يعرفوش ان فيه نوع من الناس بالشكل ده...و دفعت الطالبات الفلوس و مستنيين لوحه مافيش زيها و يتفاجؤا بالمصيبه دي.
اللوحه مساحتها 50 في 70 و مش كمبيوتر و ياريت جلد ده معموله بورق بلاستيك ربنا يعلم بيه و الكلام مكتوب بقلم سبوره من اللي بيتمسح و الجمل مرسوم بألوان الطيف و في معلومه طريييييييفه اوي حاططها المستر الجدع المحترم في اللوحه, و هي بنص الانجليزي كالآتي
The age of camel is 40 kilogram
و الله ما عارف اساتذة الانجليزي بالمنتدى لو شافوا المعلومه الخطيره دي هيعملوا ايه أكيد هيقطعووووووووه

المهم انا عملت اللي عليا و قولت اللي حصل و ياريت يكون الرد من غير تطاول او اتهام باني باحتقر المدرسين و العياذ بالله

:07811 1rg3:

[ميراج]

مش عارفه اقول ايه بجد

لاتعليق

ربنا يهدى

[EnG.BeLaL]

لا حول و لا قوة إلا بالله
انا مش عارف الناس ملها الايام دي الضمير خلاص مفيش

[Thanwya Soldier 2009]

المشاركة الأصلية كتبت بواسطة ميراج

مش عارفه اقول ايه بجد

لاتعليق

ربنا يهدى

شكراً يا ميراج على مرورك...حقيقه الظاهره بتاعت انعدام الضمير موجوده في كل مكان حتى جوه حياة الناس

[!DreAmeR!]

no comment

[vampire1188]

40 كيلو جرام ؟!

ربنا ينتقم منه ومن أمثاله

[سعيد نجم]

العناصر السلبية الفاسدة موجودة فى جميع طوائف المجتمع وفى اى مجتمع فى الدنيا

تزداد السلبية كلما انخفض المستوى الاقتصادى و الثقافى و الدينى حتى نظن ان كل المجتمع فاسد

لماذا يفعل هذا المدرس أو غيره ما ذكرته

ادخل هذا الموضوع و حاول تفهمه لانه أحد أسباب انتشار الفساد فى المجتمع

http://thanwya.com/vb/showthread.php?t=87484

[marwa.m]

بجد مش عارفة اقول اية

مفيش ضمير

فعلا لا تعليق

[Thanwya Soldier 2009]

المشاركة الأصلية كتبت بواسطة eng.belal

لا حول و لا قوة إلا بالله
انا مش عارف الناس ملها الايام دي الضمير خلاص مفيش

و الله ماحدش عارف هنعمل ايه مع قلة الضمير دي...شكراً على المرور يا بشمهندس جلال

[Thanwya Soldier 2009]

المشاركة الأصلية كتبت بواسطة vampire1188

40 كيلو جرام ؟!

ربنا ينتقم منه ومن أمثاله

نعمل ايه...مدرس انجليزي بس فاشل في الرياضه كمان

[Thanwya Soldier 2009]

المشاركة الأصلية كتبت بواسطة سعيد نجم

العناصر السلبية الفاسدة موجودة فى جميع طوائف المجتمع وفى اى مجتمع فى الدنيا

تزداد السلبية كلما انخفض المستوى الاقتصادى و الثقافى و الدينى حتى نظن ان كل المجتمع فاسد

لماذا يفعل هذا المدرس أو غيره ما ذكرته

ادخل هذا الموضوع و حاول تفهمه لانه أحد أسباب انتشار الفساد فى المجتمع

http://thanwya.com/vb/showthread.php?t=87484

شكراً يا سعيد على مرورك الكريم...و أتمنى انك تشارك في مواضيعي الأخرى...لأن الواحد يفخر بذلك
و بالنسبه للموضوع بتاعك اللي طلبت مني ادخله انا بحاول اترجمه اهو

[ีundertaker_2000]

والله انا ماعارف فى ايه فى مدرسين مش عارف ايه الى جارلها اكيد مش كلهم لكن البعض ودى مصيبه كبيره

هنقول ايه غير حسبى الله ونعم الوكيل

[MohammeD el_SadaT]

بجد مش هقول غير
لا تعليق


بجد ربنا يتولانا برحمته الواحد بجد هيطق أنا مش هرد عشان مقولش كلام مش ظريف لأن ده أصلاً حرام يتقال عليه مدرس

[اشرف المصرى]

ببساطة يا جماعه
اللى بيحصل ده
ناتج من مفهوم سائد فى المجتمع
وسواء المدرس كان مخطئ ام مصيب
فى موضوع اللوحة دى
لابد اننا ننظر بمفهوم اوسع شويه
هل المدرس ده هو لوحده اللى بيعمل كده

طيب هل الطبيب اللى تذهب ليه للعلاج فلا يكتب لك الا الاصناف التى يأخذ منها هدايا ويحضر مؤتمراتها

طيب هل المكانيكى الذى يصلح السياره لا يطلب قطع الغيار الا من محل معين له تعامل معاه
هل
هل
اليس هذا موجودا فى المجتمع
واليس هذا حال الكثير من طوائف المجتمع

الفكرة هى ان كل السلوكيات الخاطئة مرجعها فى الاساس الى المجتمع
وعلينا النهوض بالمجتمع وبنائه ان اردنا اناسا متحضرين

شكراجزيلا

[Thanwya Soldier 2009]

المشاركة الأصلية كتبت بواسطة ีundertaker_2000

والله انا ماعارف فى ايه فى مدرسين مش عارف ايه الى جارلها اكيد مش كلهم لكن البعض ودى مصيبه كبيره

هنقول ايه غير حسبى الله ونعم الوكيل

و الله يا باشا المدرسين زي الفل...بس في فئة في الشعب من كل المهن و الطبقات معدومة الضمير لأنهم عمرهم ما عرفوه