اه فعلا هو ده"الحرم الجامعى"؟؟؟؟؟

[MohammeD el_SadaT]

ما هو ده الحال المطلوب لو صليت وعرفت طريق الإيمان تبقى جاسوس وملكش أمان وبتهدد أمن البلاد ودمك حلال حلال
لكن لو رقصت على وحده ونص ومشيت ورى هيفا ودينا تبقى إنت الراجل التمام إنت المطلوب

إحنا يوم عن يوم بنبعد ويوم بعد يوم الشيطان بيتحكم فينا أكتر وبيلعب بينا الـ 48 ساعه فى الـ 24 ساعه
وده إن رجع لشىء فبيرجع فى الأساس لينا إحنا
لا تلومن إلا أنفسكم
إوعوا تقولوا الزمن والحكومه
عمر الزمن والحكومه ما يقدرو يأثرو على عقل بشر اللى لو كان بمزاجه والدليل على كده الناس اللى لسه قلوبها لله صافيه ليه متأثروش

أكيد العيب فينا إحنا
إحنا اللى شوفنا الغلط وغمضنا عنه أو للأسف غوصنا فيه وبعنا نفسنا للشيطان طب ليه عشان أصلاً من البدايه إحنا منعرفش أى حاجه عن دينا دا الواحد مننا ممكن يوصل سنه ل 15 سنه وهو لسه مبيعرفش يصلى ومش حافظ من القرآن غير الفاتحه

لجد والله أنا بشوف الحاجه دى بعينى
والله العيب فينا إحنا ما فى حد تانى

عارف إنى ممكن أكون بعده عن الموضوع بس بجد هى دى الحقيقه محدش غلط غيرنا إحنا
يبقى الحل
إبدأ بنفسك صلح نفسك بنفسك ولا تلومن إلا نفسك لأن فى النهايه محدش بيمسحه دمعتك غيرك

[شموخ مسلمة]

المشاركة الأصلية كتبت بواسطة * dr.sara*

بصى يا ارق يا حبيبتى احنا بقى كليتنا فى السكشن بيبقى ولد او ولدين بس و يعنى نادرا ما بيحصل احتكاك مع البنات يعنى السكشن بيكون محترم جدا بالنسبة للمدرج فى اختلاط بس قليل مش اختلاط بالطريقة الللى بتقولى عنها لا الحمد لله تعتبر كليتنا محترمة الى حد كبير والحمد لله اننا خارج الحرم الجامعى لان الكليات اللى فى الحرم ربنا ما يوريكى زى ما قالت ماجدولين مطربين بيجوا فى تجارة ودى جى وعايشين حياتهم على الاخر
ربنا يهدينا جميعا

اللهم امين
نورتى الموضوع يا سااااااااارة

المشاركة الأصلية كتبت بواسطة osho6a1

المفروض يسمه الحرام الجامعي الجملة دي م الاخر احلي جملة في التوبيك كلوا

اكيد لازم تكون احلى حاجة فى الموضوع
دى كلمة الشيخ محمود المصرى ع فكرة مش كلمتى
نورت الموضوع

المشاركة الأصلية كتبت بواسطة ** ضي القمر **

انا شوفت الموضوع لارق ملاك
قلت انوره ليكى؟؟


اكيد طبعا انتى عارفة انى لسة مشفتش حاجة من دى
بص بصراحة خوفتينى
شكلى هقعد فى بتنا بعد الثانوية
البيت سترة بردو يا ختى

ههههههههه
لا يابنتى انتى هتبقى ليكى الجروب بتاعك كده باذن الله مالهوش فى الحاجات دى
نورتى الموضوع والله يا ضى

المشاركة الأصلية كتبت بواسطة asdat

احم احم

ايه يا جماعه
قلبتوها ضلمه كده ليه

هو انا صراحه بشوف بس مش بالطريقه دى يعنى
احنا كلنا فى حالنا بجد
يعنى نااااااااادر لما تلاقى بنت و ولد بيتكلموا

مره شوفت واحده اعرفها واقفه مع واحد
المهم بقى انا بصتلها كده
راحت جايه بعديها تضحكلى و تقولى مش عارف ايه و ده ابن عمى و مش تفهمى غلط
احلى حاجه انى كنت عارفه انه مش ابن عمها و لا حاجه

بس انا بتكلم يعنى على حته الكسوف و كده
لسه موصلوش للبجاحه

البجاحه فى الكليات التانيه
بتلاقى العجب العجاب

بس برده اقول
المحترم محترم
مهما حصل قدامه او اتحط فى مكان غلط
و لو اتغير
يبقى مش كان محترم من البدايه

مش عارف كنت عايزه اتكلم اكتر
بس مش ليا نفس حاليا
ممكن بعد شويه

استحملى بقى

فى رعايه الله

بعد شوية امتى بقى ؟
انا بقالى اسبوع تقريبا
نورتى الموضوع يا قمرى و اكيد عندك حق المحترم لازم يبقى محترم فى اى مكان

المشاركة الأصلية كتبت بواسطة د/ ماجدولين

أنا جييت بس انبارح مش كان ليا نفس أكمل رد والا كنت هحسسكوا بالملل

المهم نكمل رد

بصى يا بنتى أنا مش هقعد أحكيلك ع مواقف سخيفة وتشل عندنا فى الجامعة لأنك أكييييد بتشوفيها فى الجامعة
بس هحكيلك ان نسبة الزواج العرفى كترت أوووى فى الجامعة
وبعدين الأهل اللى شايفين بناتهم وولادهم نازلين الجامعة باللبس المقرف دة
وتلاقيهم يقولوا لبنتهم مش تتكسفى دة زميلك
العيب مش ع الشباب بس يا ملاك
لأ الخطأ دة بيشترك فية الجميع
الشباب والأهل والمجتمع
دمتى فى رعاية الله
فائق احترامى,,,,,,,,

اكيد يا ماجدولين الغلط مش كله ع الشباب
بس برده جزء كبير منه عليهم
نورتى الموضوع يا قلبى

المشاركة الأصلية كتبت بواسطة ZerOo_CodE

والله كل اللى بيحصل عندكم ميجيش ربع اللى عندنا

اساسا الواحد مش بيروح الكليه علشان يتعلم بل بالعكس كل يوم يروح يكلم واحده من شكل

والمشكله التليفونات الصينى كمان مبتخليش حد يعرف يركز تلاقى واحد ماسك ودن التانى سمعت أغنية تامر حسنى الجديد تطلع واحده من النصف "الله جميله سمعنا" والله انا بقيت بكره الاغانى منهم

وتلاقيهم فاتحين البلوتوث وعمالين يبعتو لبعض

المحترمين بقا اللى بيجو ينامو فى المدرج

كتير اللى بيحصل المهم اللى يصلح الغلط مش اللى يحكيه

موضوع جميل جدااا تسلم إيديك

الاجمل مرورك
بس جميل اوى انك كرهت الاغانى منهماهى فايدة برده
نورت الموضوع

المشاركة الأصلية كتبت بواسطة MohammeD.el_SadaT

ما هو ده الحال المطلوب لو صليت وعرفت طريق الإيمان تبقى جاسوس وملكش أمان وبتهدد أمن البلاد ودمك حلال حلال

لكن لو رقصت على وحده ونص ومشيت ورى هيفا ودينا تبقى إنت الراجل التمام إنت المطلوب

إحنا يوم عن يوم بنبعد ويوم بعد يوم الشيطان بيتحكم فينا أكتر وبيلعب بينا الـ 48 ساعه فى الـ 24 ساعه
وده إن رجع لشىء فبيرجع فى الأساس لينا إحنا
لا تلومن إلا أنفسكم
إوعوا تقولوا الزمن والحكومه
عمر الزمن والحكومه ما يقدرو يأثرو على عقل بشر اللى لو كان بمزاجه والدليل على كده الناس اللى لسه قلوبها لله صافيه ليه متأثروش

أكيد العيب فينا إحنا
إحنا اللى شوفنا الغلط وغمضنا عنه أو للأسف غوصنا فيه وبعنا نفسنا للشيطان طب ليه عشان أصلاً من البدايه إحنا منعرفش أى حاجه عن دينا دا الواحد مننا ممكن يوصل سنه ل 15 سنه وهو لسه مبيعرفش يصلى ومش حافظ من القرآن غير الفاتحه

لجد والله أنا بشوف الحاجه دى بعينى
والله العيب فينا إحنا ما فى حد تانى

عارف إنى ممكن أكون بعده عن الموضوع بس بجد هى دى الحقيقه محدش غلط غيرنا إحنا
يبقى الحل
إبدأ بنفسك صلح نفسك بنفسك ولا تلومن إلا نفسك لأن فى النهايه محدش بيمسحه دمعتك غيرك

صح و الله المفروض كل حد فينا يبدا بنفسه
بس المشكلة ان بجد احنا كلنا فى سفينة واحدة مش ينفع نصلح نفسنا و نقف ساكتين
نورت الموضوع يا محمد

************************************
سورى يا جماعة اتاخرت فى الرد
بس برده احنا لحد دلوقتى ماقلناش هو احنا ممكن نعمل حاجة عشان نصلح اى حاجة من الحاجات دى؟