اه فعلا هو ده"الحرم الجامعى"؟؟؟؟؟

[طـفـلـة الامـس]

المشاركة الأصلية كتبت بواسطة أرق ملاك

السلام عليكم و رحمة الله

ازيكم يا جماعة ؟اخباركم ايه
يارب يكون الجميع بخير
و الكليات تكون تمام و ياعينى الناس اللى عندها ميد تيرم زيى كده شدو حيلكم
اه والله
ياعينى بس
المهم بقى ادخل فى الموضوع ع طول
عايزة اتكلم عن الحرم الجامعى
واخدين بالكم من الكلمة
الحرم الجامعى
ياللا ماعلينا من الكلمة دلوقتى
اصلى بشوف حاجات كده غريبة اوى فى الجامعة

زى ايه يعنى؟
اقولكم انا.......
فى يوم كنت فى سيكشن و سامعة صوت اغانى جامد اوى و كل شوية مجموعة شباب يسقفو جامد اوى

فبقول للبنت اللى جنبى ايه ده
قالتلى انتى ماتعرفيش
قلتلها لا
قالتلى اصل تجارة جايبين دى جى
طبعا نو كومنت نهائى خالص
نفس اليوم تقرببا لاقيت اختى بتقولى و الله الحكومة دى مفترية كانت مانعة النهاردة شباب الاخوان من انهم يخرجو من الجامع هيا قالتلى عاملينلهم حصار بس مش عارفة حاسة ان كلمة حصار دى كبيرة شوية
ما علينا
عايزين نعمل مقارنة بقى بين الحالتين اوك
تانى حاجة
طبعا انا اصلا من المناظر الغريبة اللى بشوفها بحس ان الكلية دى مش مكان دراسة ممكن اى حاجة تانى
قليل اوى لما تشوف بنت او ولد واقفين لوحدهم
و شفت المنظر ده بيلفت نظرك بتحسه شاذ مع ان المفروض العكس

و بعدين المشكلة ان الشباب و البنات بقى عادى خالص
مافيش اى خجل نهائى نهائى نهائى
كانهم بيعملو حاجة عادية اوى

ايمان صاحبتى لما جاتلى الكلية قلنا نروح نقعد فى الجنينة شوية
و ياريتنا مااقترحنا الاقتراح ده
شفنا حاجات ربنا العالم بيها
و طبعا عاملين زى اسرائيل بالضبط محتلين الجنينة كلها
مافيش مكان كده تقدرو تقعدو فيه من غير ما يحصلكم اشمئزاز

اللى عايزة افهمه هنا بقى
هو حرم جامعى من اى زاوية بالضبط؟؟؟؟؟؟؟؟؟!!!!!!!!!!!
نيجى بقى للوجه التانى للعملة
ناس فاكرة ان الالتزام هو التكشير اوى
مع عدم الابتسام
+
معلقتين خناقات مع اى حد مش ملتزم
+ان اى حد مش متبعهم يبقى مش مسلم
دول بقى بيكرهو الناس فى الالتزام
بيخلو غيرهم يفتكر انه لو التزم مصيره التكشير اوى

نيجى بقى للجانب الكويس عشان مش اكون ظلمت الجامعة
الجامعة بقى زى ماالمفروض ان فيها البلاوى دى كلها
بس و الله ممكن نقدر نستفيد منها
اكيد الحمد لله كلنا بنروح نصلى فى الجامع بتاع كليتنا طبعا
هناك بقى نقدر نتعرف ع صحبة صالحة يفيدونا و نفيدهم
و نرتقى ببعض
حتى لو مش بقينا اصدقاء اوى
بس هنكون استفدنا جامد جدا
بدل مانضيع وقتنا
و نرجع نندم
ياريت كل حد فينا يناقش نفسه تانى
اه و ياريت صح
اعرف هما ليه بيقولو ع الجامعة الحرم الجامعى؟؟؟؟؟؟؟؟
اللى هختم بيه بقى
كلمة سمعتها من الشيخ محمود المصرى قبل كده
"المفروض يسموها الحرام الجامعى مش الحرم الجامعى"

اقولك انا بقى
احنا عندنا فى مناظر والله ماعارفة اوصفها ازاى وبايه
لانها حقا لاتوصف ابداااا مهما قلت مش هاتتوصف ولا هاتعبر عن اى حاجة

عندنا فى السكشن بتاعى كله سارات واكام بنت كده بحرف السين غير سارة يعنى
والسكشن كله فيه ولدين اسمهم سامح
فى تقسيمات الفيزياء فى السكشن المفروض ان كل جروب عبارة عن اربعة
كان فيه بنتين لوحدهم راحوا قايلين للولدين انتم معاكم حد قالولهم لاة فالمعيدة قالت للبنتين تعالوا مع البنتين دول قالولها لا خلاص
كانوا ضبطوا حالهم مش عايزة اقولك نفس البنتين يدخلوا السكشن يفضلوا يدوروا على الولدين ويقولوا احنا نقلق عليهم كده
انا ببقى هاموت من اللى بسمعه

فى محاضرة من المحاضرات قعدت وجت ادامى تلات بنات ومعاهم ولد فالمهم ايه التلات بنات قعدوا والولد قعد جنب اخر واحدة فيهم من على الحرف ( لا محترم)
المهم قاعدين ادامى علطول
وعمالين يقدموا لبعض الهوهوز والكانز وعيشة
اخر بنت كانت قاعدة من هناك حطة برفان وعايزة تشممهم ريحته
شممت البنت اللى قاعدين جنبها وعايزة تشمم الولد كمان وهو قاعد بعيد عنها يعنى بينه وبينها البنتين التانيين
ودى مصرة وهما البنتين قعدوا يشدوا فى ايدها عشان توصله وايدها مش جايبة
لا واهم حاجة لازم يشمه من على ايدها
فاهمة انتى ؟
انا كنت هايحصلى حاجة ساعتها من اللى شايفاه ادام عينى
ومروة صحبتى عمالة تقولى ركزى ياسارة وسيبك منهم
طلعت من المحاضرة مافهمتش ولا كلمة
لا وفى نفس المحاضرة كانوا فى ولدين قاعدين ورايا فضلوا يشتموا فى الدكتورة شتايم والله اخجل انى اكتبها مش اقولها
وبيهزروا مع بعض هزار ياريته عادى كده
هزار بقلة ادب فعلا كنت هاعيط يومها

وللرد بقية طويلة

[شموخ مسلمة]

المشاركة الأصلية كتبت بواسطة dr.saeed

زى ما قلتى
نوكمنت

الاخوان صراحة بعملوا حاجات غريبة
اى نعم مش اغرب من الى بيتعمل
بس عن نفسى فى كليتى كل يوم مظاهرات وقلق وصور وحاجات عجيبة
وسمة العصر دة
ان الفساد بيكون الفئة الغالبة على المجتمع

الحكومة
مش يهمها غير نفسها
وانها تفضل متأمنة
الى عاوز الفساد ماشى
انما الى عاوز يصلح لازم يوقفوه
عشان مش يأثر عليهم

الحمد لله عندنا تجمع الاولاد مع بعض وتجمع البنات مع بعض بيكون اكتر من التجمعات المختلطة دى
بس انا بتكلم عن الى بيكون ادام مدرجنا
اما العادى فالعملية بايزة خالص
يكفى
ان كل سنة وحاجة معروفة فى كليات الطب
السكاشن منفصلة
السنادى لاول مرة فى تاريخها عندنا تبقى مختلطة
غير البنات الى بلاقيهم فى معمل الكيميا قاعدين يصرخوا مع كل تجربة
ومناظر هبلة كتير

ماعدشى فيه حياء

اسم وخلاص

دول كتير اوى
وفى اى بيئة مش فى الجامعة بس

الله أعلم

وفى نفس الحلقة للشيخ
قال تخيلوا ان النبى صلى الله عليه وسلم وقف بس على بوابة من بوابات الجامعة
هايقول ايه؟
وهايكون مدى حزنه ايه؟
ساعتها على طول
افتكرت موقف الحوض
لما ناس كتير تروح للرسول عشان يشربوا من ايده
الملائكة تردهم
وتقول للنبى
انك لا تدرى ما احدثوا من بعدك
فيقول لهم
سحقا سحقا لمن غير او بدل من بعدى
ودة الى هايتقال
لاى واحد
النبى صلى الله عليه وسلم
لا تسره حالته
جزاكى الله خيرا على الموضوع المتميز
فى امان الله

ردك حقيقى فعلا يا دكتور
و ان كنت بختلف معاك فى موضوع الاخوان
هما كانو عاديين جدا و بيصلو فى الجامع بدون مايعملو اى حاجة
نورت الموضوع يا دكتور سعيد

المشاركة الأصلية كتبت بواسطة طـفـلـة الامـس

اقولك انا بقى

احنا عندنا فى مناظر والله ماعارفة اوصفها ازاى وبايه
لانها حقا لاتوصف ابداااا مهما قلت مش هاتتوصف ولا هاتعبر عن اى حاجة

عندنا فى السكشن بتاعى كله سارات واكام بنت كده بحرف السين غير سارة يعنى
والسكشن كله فيه ولدين اسمهم سامح
فى تقسيمات الفيزياء فى السكشن المفروض ان كل جروب عبارة عن اربعة
كان فيه بنتين لوحدهم راحوا قايلين للولدين انتم معاكم حد قالولهم لاة فالمعيدة قالت للبنتين تعالوا مع البنتين دول قالولها لا خلاص
كانوا ضبطوا حالهم مش عايزة اقولك نفس البنتين يدخلوا السكشن يفضلوا يدوروا على الولدين ويقولوا احنا نقلق عليهم كده
انا ببقى هاموت من اللى بسمعه

فى محاضرة من المحاضرات قعدت وجت ادامى تلات بنات ومعاهم ولد فالمهم ايه التلات بنات قعدوا والولد قعد جنب اخر واحدة فيهم من على الحرف ( لا محترم)
المهم قاعدين ادامى علطول
وعمالين يقدموا لبعض الهوهوز والكانز وعيشة
اخر بنت كانت قاعدة من هناك حطة برفان وعايزة تشممهم ريحته
شممت البنت اللى قاعدين جنبها وعايزة تشمم الولد كمان وهو قاعد بعيد عنها يعنى بينه وبينها البنتين التانيين
ودى مصرة وهما البنتين قعدوا يشدوا فى ايدها عشان توصله وايدها مش جايبة
لا واهم حاجة لازم يشمه من على ايدها
فاهمة انتى ؟
انا كنت هايحصلى حاجة ساعتها من اللى شايفاه ادام عينى
ومروة صحبتى عمالة تقولى ركزى ياسارة وسيبك منهم
طلعت من المحاضرة مافهمتش ولا كلمة
لا وفى نفس المحاضرة كانوا فى ولدين قاعدين ورايا فضلوا يشتموا فى الدكتورة شتايم والله اخجل انى اكتبها مش اقولها
وبيهزروا مع بعض هزار ياريته عادى كده
هزار بقلة ادب فعلا كنت هاعيط يومها

وللرد بقية طويلة

هههههههههه
سارة بجد ع الرغم من ان المواقف اللى قلتيها تحرق الدم بس مش عارفة ليه خلتنى اضحك
فكرتنى بواحدة عندنا سابت تجربة الفيزيا و طلعت وقفت مع واحد
ياللا ربنا يهدى الجميع
مستنية بقية ردك يا روح قلبى
نورتى الموضوع