كرسى الاعتراف

[* dr.sara*]

:abdoog8:بما ان قمرى نسمة على الكرسى يبقى لازم اسئلة من العيار الثقيل
استعدى
1- بطاقتك الشخصية
1-اسمك
2-سنك
3-تاريخ ميلادك
4-الكلية
2-مين قدوتك فى المنتدى ؟
3- مين اقرب الاصدقاء ليكى هنا ؟
4- مين العضوة اللى بتفتقديها بشدة
5- الحياة الجامعية ام الزواج ايهما تختارى ولماذا ؟
6- يا ترى الدراسة بتمثل لك ايه فى حياتك؟
7- النت بيمثل اد ايه من حياتك اليومية؟
8- من امتى بدات علاقتك بالنت ؟
9- عرفتى المنتدى منين
10- ايه رايك فى الاعضاء التالى ذكرهم:
1- سندريلا
2- طمعانة فى رضاك يا رحمن
3-اية من الله
4- ترافل
5- دكتور سعيد
6-اسدات
7- انا ....
11-قوليلى انتى لما دخلتى ادبى كان ده هدفك من الاول ولا ليه دخلتيه ومكانش نفسك فى علمى؟
12- انا بشوف دايما ان السن افضل الكليات الادبية وبحيكى على اختيارها
يا ترى اختيارك ليها كان من زمان ولا ساعة التنسيق
13- مشتركة فى كام منتدى ؟
14-ايه رايك فى المدرس اللى ضرب الطفل لحد ما ما مات لو كنتى وزيرة التعليم كنتى عاقبتيه ازاى
15-يا ترى اللى عجبك اكتر الدراسة فى الثانوى ولا الكليةوليييييييه؟
16- ليكى كام صديقة
17- ايه رايك فى الشات ؟
18- ايه اكتر قسم بتدخليه
19- ايه اكتر قسم حاسةانه مش واخد حقه
20- مين اكتر شيخ بتسمعيله ؟
21-ايه رايك فى عمرو خالد؟
22-ايه الحاجات اللى نفسك تتغير فى المنتدى؟
دول اول دفعة والبقية فى الطريق
عايزة اجابات صريحة ومفصلة

[Sharp Nails]

المشاركة الأصلية كتبت بواسطة * dr.sara*

:abdoog8:بما ان قمرى نسمة على الكرسى يبقى لازم اسئلة من العيار الثقيل
استعدى
1- بطاقتك الشخصية
1-اسمك
نسمة
2-سنك
17 سنة وخمس شهور
3-تاريخ ميلادك
8\5\1991
4-الكلية
السن عين شمس قسم انجلش\ايطالى
2-مين قدوتك فى المنتدى ؟
ناس كتيرمنهم ميس رانيا ,عمو عصام
والى بحب رأيهم سعيد واحمد رضا وساعات السادات

3- مين اقرب الاصدقاء ليكى هنا ؟
اسماء ,ارق ملاك,بنوتة اهلاوية,منه
4- مين العضوة اللى بتفتقديها بشدة
اسماء (طمعانة)
5- الحياة الجامعية ام الزواج ايهما تختارى ولماذا ؟
بعد ما دخلت الكلية الزواج طبعااااااااااااااااااااا
اصل لقيت الكلية صعبة اوى
بروح الساعة 6 الصبح وارجع 8 بالليل
بيتهيقلى الجواز ارحم
6- يا ترى الدراسة بتمثل لك ايه فى حياتك؟
كل حياتى عليه مستقبلى كله
بحبها بصراحة
7- النت بيمثل اد ايه من حياتك اليومية؟
40%
بقعد عليه ساعة على بعضها الصبح
وبعد كدة بيبقى خطف يعنى معدية كدة اقعد اتفرج
القط كلمتين فالسريع دة بيبقى طول النهار
وبالليل بقى ساعتين تقريبا

8- من امتى بدات علاقتك بالنت ؟
ممممممممم
من اجازة تانية ثانوى
9- عرفتى المنتدى منين
والله مش فاكرة جيت برضه من يومين وحاولت افتكر مقدرتش
10- ايه رايك فى الاعضاء التالى ذكرهم:
1- سندريلا:نادلة ولا بتسأل بس يلا للما اشوفها
بس هى طيبة وانا عارفة ان الكلية وخداها
2- طمعانة فى رضاك يا رحمن:طيبة ولذيذة بس زربونة
هدبح
3-اية من الله:محترمة جداا ولذيذة برضه بس برضه نادلة مش بتسأل
4- ترافل:ييييييييييية لية بس السيرة دية
زوزو طيوبة ولذيذة ولما ببقى معاها مش بنبطل ضحك
اتنين مجانين ولقوا بعض
بس هى عصبية ورغاية
هضرب
5- دكتور سعيد:طيب وزكى وخدوم بس عصبى
6-اسدات:عسولة بس مش بنتكلم مع بعض كتير مش عارفة لية
7- انا .... :انتى مين ؟؟
سارة عسولة واختى وبعد اخر موقف احترمتك جداا
انتى عارفة بقى قصدى
11-قوليلى انتى لما دخلتى ادبى كان ده هدفك من الاول ولا ليه دخلتيه ومكانش نفسك فى علمى؟
بصى انا طول عمرى بقول هدخل علمى
بس والله جيت وانا بكتب الاستمارة
قولت لنفسى وانا اوجع دماغى لية فيزيا بقى واحياء او رياضة
مع العلم انى بحب المواد العلمية جداااا
بس اشتريت دماغى
12- انا بشوف دايما ان السن افضل الكليات الادبية وبحيكى على اختيارها
يا ترى اختيارك ليها كان من زمان ولا ساعة التنسيق
لا من اول ما دخلت تانية ثانوى وانا حطاها هدف ليا
بس لما كنت بقول ادخل علمى كان نفسى اكون مهندسة ديكور
13- مشتركة فى كام منتدى ؟
اتنين دة والتانى بتاع كليات بقى وكدة
14-ايه رايك فى المدرس اللى ضرب الطفل لحد ما ما مات لو كنتى وزيرة التعليم كنتى عاقبتيه ازاى
اولا المدرس دة شخصية ...........
مش قادرة اوصفلك هو اية
متوحش متخلف ؟؟؟؟؟؟؟؟؟
اما لو كنت وزير التعليم
كنت هوديه لاهل الولد وهما يتصرفوا معاه
15-يا ترى اللى عجبك اكتر الدراسة فى الثانوى ولا الكليةوليييييييه؟
الثانوى دة مكنتش دراسة اصلا كنا بنتقابل انا وصحابى عشان نضحك
لكن الكلية حاجة تانية طحن طحن يعنى
بس انا من رأيى ان الثانوية دية مرحلة لابد من ابادتها
ويتعمل بدلها مرحلة تأهيل للكلية
مش احنا نتاخد مالثانوى للكلية زى ال.....
ولا فهمين حاجة اسلوب متغير تماماااااااااااااااااااا
ان كان اسلوب الدكتور او اسلوب التعليم والمناهج

16- ليكى كام صديقة
ياااااااااااااااااه بطلت اعد
بس الى قريبين منى اوى الانتيم يعنى
8بس
17- ايه رايك فى الشات ؟
والله يابنتى السؤال دة هيخلينى ادخله مخصوص عشان ارد عليكوا
انا عمرى ما دخلت شات ولا عاوزة ادخل
18- ايه اكتر قسم بتدخليه
العام واجتماعات طالب
19- ايه اكتر قسم حاسةانه مش واخد حقه
الاقتراحات والحلول
20- مين اكتر شيخ بتسمعيله ؟
عائض القرنى ومحمد العوضى
21-ايه رايك فى عمرو خالد؟
بصراحة مش بستريحله نفسيا
لما عالم يطلع منه اخطاء يبقى ازاى هآمن اخد منه معلومة
بس انا اصلا من اول ما طلع وانا مش بسمعله حاجة
مش بحب اسلوبه بحس انه بيكلم اطفال
ومبحبش الناس الى بتصغر الى قصدها
22-ايه الحاجات اللى نفسك تتغير فى المنتدى؟
نفسى كل واحد فينا يبطل كلام عالتانى
ويبطلوا غدر شوية فى اقرب محطة وتلاقيهم باعوكى
لكن فالمنتدى نفسه عاوزة اغير المنتديات التعليميه
عوزاها تطلع برة الموقع خالص
انا عن نفسى قفلاهم
يعنى لو الموقع اتقسم نصين
نص تعليمى ونص هلس هيبقى احسن
عشان الناس الى بتزاكر تركز والناس الى بتهلس تركز برضه
دول اول دفعة والبقية فى الطريق
عايزة اجابات صريحة ومفصلة

جاوبت يافندم
وشكرا ياجميل عالاسئلة

[Dr.diamond]

بما انك متسربعه عالاسئله

خدى كام سؤال كده عالماشى


1/ ايه هو اكتر موقف محرج حصل لك ؟

2/ اكتر قرار ندمتى عليه فى حياتك ؟؟

3/اكتر موقف مفرح حصلك ؟؟

4/ اكتر تاريخ بتعتزى بيه وليه ؟؟

5/اكتر صفه بتفتقديها فى شخصيتك ؟ واكتر حاجه بتفتقديها فى حياتك ؟

6/لما بتحسى انك عايزه تفضفضى مين اول شخص بتلجأ ليه ؟

7/ايه احلى حاجه فى شخصيتك ؟؟

8/ اشمعنى دخلتى كليه الالسن ؟؟


9/ ايه امنيتك القريبه اللى بتحاولى تحققيها؟ والبعيده كمان ؟؟

10/ايه رأيك فيا منغير مجامله؟؟

11/هتتغدوا ايه انهارده ؟؟

[Sharp Nails]

المشاركة الأصلية كتبت بواسطة Dr.juliut

بما انك متسربعه عالاسئله

خدى كام سؤال كده عالماشى
بتشحتنى عادى ياجماعة


1/ ايه هو اكتر موقف محرج حصل لك ؟
يييييييييييييييييية اقولك
يوم خطوبة اختى طالعة عشان اسلم عالعريس الصبح
وانا كنت ساعتها مشفتوش غير يوم ما كنا بنشترى الشبكة
فطالعة بقى بقلب جامد بقى
وسلمات بقى ومبروك واخبارك وبتاع وعمالة اسلم عليه وهو ساكت وانا من جوايا عمالة اقول مبيردش لية دة
فقوللته اية يامحمد مش فكرنى ولا اية
لقتوه بيقولى اصل انا مش محمد انا اخوه
كان شكلى .............
كان نفسى اقوله لما انت اخوه سيبنى عمالة ارغى مالصبح لية

2/ اكتر قرار ندمتى عليه فى حياتك ؟؟
قررت فمرة انصح واحدة كنت بحبها اوى
وكنت شيفاها فى خطر وبعد ما نصحتها
شردتنى وقالت كلام بقى
يلا الله...............يسمحها

3/اكتر موقف مفرح حصلك ؟؟
كل موقفى مفرحة بصراحة
اللهم لا حسد يعنى
بس هقولك على واحد
ممممممممم
اخر موقف كنت واقفة قصاد المترو مرة وكنت مستنية واحدة صحبتى
فالمترو جة فطبعا مش هركب يعنى
واول ما وقف لقيت واحدة شدانى من ايدى
وعمالة تقول يلا ياهدير يلا
ودخلتنى المترو وانا عمالة اضحك ومش قادرة اقولها انى مش هدير
والمترو قفل وبتبصلى لقتنى مش صحبتها
قولتلها فتحى يابنتى انا مش هدير
بس رجعنا تانى للمحطة الى كنا فيها

4/ اكتر تاريخ بتعتزى بيه وليه ؟؟
تاريخ مصر

اقولك اكتر تاريخ بعتز بيه
يوم ما طلعت البطاقة

5/اكتر صفه بتفتقديها فى شخصيتك ؟ واكتر حاجه بتفتقديها فى حياتك ؟
صفة :الهدوء مش بعرف اكون هادية خالص
الحاجة بقى الى مفتقداها فى حياتى الامان

6/لما بتحسى انك عايزه تفضفضى مين اول شخص بتلجأ ليه ؟
نسمة
مش بعرف افضفض لحد

7/ايه احلى حاجه فى شخصيتك ؟؟
قلبى كبير


8/ اشمعنى دخلتى كليه الالسن ؟؟
عشان كانت هدفى
كلية قمة ودراستها حلوة
ومستقبلها كويس
كانت حلمى


9/ ايه امنيتك القريبه اللى بتحاولى تحققيها؟ والبعيده كمان ؟؟
القريبة:انى اجيب تقدير كبير السنادى ان شاء الله
والبعيدة :انى اكون اسرة مثالية
وبتمنى ان ربنا يحققلى الاتنين

10/ايه رأيك فيا منغير مجامله؟؟
لا ما انا اكيد هجامل عشان مكسفكيش
لالا
انت بنوتة عسولة ولذيذة
ورزلة وجميل
بهزر يابنتى
بصى بجد انت مجتهدة ومرحة وطيبة ورأيك بيعجبنى

11/هتتغدوا ايه انهارده ؟؟

اتغدينا خلاص
واتغدينا جمبرى ورز الى هو بتاع الجمبرى دة وبطاطس وسلطات وكان فى سمك بس مش اتدتله اهتمام
وانا الى عملت الغد النهاردة
اه والله انا