هل تستطيع الاجابة على مثل هذه الاسئلة؟!!!!!!!!!!!!!

[pure_heart]

الأسئلة بجد جميلة والرد عليها بيفكرنى بحاجات تصنى لكن ما حدش حاسسها ومشاركنى فيها من الناس اللى اعرفهم
اجاوب بقى
استعنا على الشقا بالله

1- - لمن تهدى قلبك ؟
للرسول صلى الله عليه وسلم

2- من هو اعز شخص فى حياتك كلها ؟ ( شخص واحد فقط)
لسه ما جاش بس على ما ييجى اعز شخص بابا

3- شخص تشك فى معاملته معك وتريد اجراء اختبار له لتعرف حقيقته؟
صاحبتى

4- وضعت فى موقف محرج فما هو رد فعلك؟

- يحمر وجهك وتخجل بشدة ولا تتكلم

5- فى حياتك اليومية ماذا يغلب عليك الحزن ام الفرح ؟
الحزن وبحب اكون لوحدى وانا مضايقة أو انام او اشغل نفسى باى حاجة تانية

6- هل تفكر فى المستقبل دائما وتخطط له باستمرار ام ان تفكيرك محصور فى واقعك الذى تعيشه ولا يخطر ببالك ماذا سيحدث بعد ذلك؟
بفكر فى المستقبل بحدود الدراسة او مشوار ضرور هيبقى فى وقت قريب وبحلم باللى انا نفسى فيه يحصل

7- لديك وردة حمراء واخرى بيضاء لمن تهدى كلا منهما؟
اهدى الاتنين لشخص واحد هو ....لسه مش عرفاه

8- اذا اردت معرفة معانى الود والاخلاق السامية والصفاء ونقاء
السريرة وطهارة النفس فلمن تنظر؟
للاطفال النونو

9- بكاؤكما يشفى وان كان لايجدى ......... فجودا فقد اودى نظيركما عندى
لمن تريد تقديم هذا البيت؟
ليا انا
انى لاشعر ان عمرى بعد فرقتكم هباء ....... ولستم ماء الحياة وانت هذا الهواء
ااخية اقضى غربتى اهذى باحلام اللقاء........ هذى السنون تمر سودا مابها الا الشقاء
وهذا ايضا لمن؟
للناس اللى ناسيين ان فى اخرة وحساب

10- اثناء تقليبك فى قنوات التلفاز مررت باربع قنوات الاولى يذاع فيها نشيد او ابتهال والثانية درس او خطبة والثالثة قران كريم والرابعة اغنية او مسلسل فاى منهم تفضل؟
الدرس احسن

11- هل تحب تغيير نظام غرفتك من حين لاخر ام تحب الثبات على نظام معين؟
لازم اغير انا بمل بسرعة وان كان ما بيحصلش

12- اى نوع من الكتب تفضل القراءة الدينية ام العلمية ام الادبية؟
طب ليه الحيرة انا بحب الدينية والعلمية

13- كيف تتعامل مع الاطفال الصغار وماذا يمثلون بالنسبة اليك؟
مفيش اطفال صغيرين فى حياتى كتير بس بحاول اتودد لهم

14- اثناء مرورك بالطريق قابلت شخصا تعرفت عليه من فترة طويلة وانتهت علاقتكما بانتهاء مرحلة دراسية معينة مثلا وكانت علاقتكما شبه متينة اثناء تلك المرحلة والسؤال هو هل ستوقفه لتسلم عليه وتذكره بنفسك ام ستتجاهل الامر وتمر بجواره كانك لا تعرفه؟
طبعا اوقفها واسلم عليها بس هى اللى بتتجاهلنى للاسف

15- ماهو اكثر مايلفت انتباهك عند مرورك فى الطريق؟
بحاول ادور على اى منظر حلوغيرادخان والعربيات بس لو جنب النيل يبقى ابص عليه
16- هل تجد متعة فى التعرف على اشخاص جدد ام تحصر تعاملاتك على من تعرفهم فقط ولا تتطلع الى معرفة ماهو جديد؟
مش بيحصل بس ممكن اتعرف

17- اذا ركبت احد المواصلات ورايت رجلا عجوزا او امراة هل ستجعله يجلس مكانك اذا لم يكن مايكفى من الاماكن لهما ؟ ام تلقى اللوم عليهما لانهما ركبا ولم يكن هناك متسع من الاماكن ليجلسا فيه ؟لو لوحدى ومش معايا حد من اهلى هقعدهم بس هم ليه يركبوا وهم عارفين انهم مش هيقعدوا على فكره فى ناس بتتعمد تعمل كده بحجة ان اللى قاعد هيصعب عليه

18- هل تتخيل انقطاع صلتك باصدقائك وكل من تحب فى المستقبل؟اه بتخيلها لانها بدات فعلا

19- مع من تحب التنزه والى اين؟
لسه ما جاش

20- اذا احببت تقديم هدية لاحد اصدقائك فماذا تحب ان تكون؟
ورود وزهور

اصلها رمز الرقة والوفاء

21- هل بمرور السنين تود زيارة احد مدرسيك فى اى مرحلة لتسلم عليه وتساله عن احواله ام تنتهى علاقتك به بانتهاء دراستك معه؟
يا ريت والله بحب اعمل كده

22- اذا انشغلت عن اصدقائك باخرين وبقيت لفترة ليست بطويلة لا تسال عنهم ووجدتهم يبحثون ويسالون عنك.،،،
هل ستشعر بالخجل من نفسك فى هذا الموقف وتعتذر لهم لانك كنت مقصرا فى حقهم ام ستحاول تبرير موقفك باى مبرر حتى لاتبدو متخليا عنهم؟
اعتذر لانى انا اللى قصرت واحاول اجدد الصلة تانى

23-ماهو احب الحيوانات اليك؟ والام يرمز؟
الحمام والعصافيروساعات القطط الحمام سلام وراحة
القطط مش عارفة مش كلهم حلوين

24- صفة تتمنى ان لو كانت بك واخرى تتمنى زوالها فى اسرع وقت؟
اتمنى صفة قراءة افكار الغير بس مش كل الناس ومش كل الاوقات
اتمنى زوال صفة الغضب

25- اذا امسكت القلم واحضرت لك ورقة فماذا تود ان تكتب فى هذه اللحظة؟
انا خايفة